Genesis 3
3
De haisala o Adam ma Eve
1Gai de labodo se manu e heiangi ange i denga manu lodo henua alodahi a Tagi Maolunga de Maadua ne hai, gai ia ga hai ange gi de hine, “Ni muna abodonu de Maadua ne hai adu gooluu gi dee gaina hua o dahi manu somo daudahi i lo te veelenga?” #Rev 12.9; 20.2
2Gai de hine laa ga hai ange gi de labodo, “Gimaau e maua i de gai hua o denga manu ssomo i lo te veelenga; 3aagai de Maadua gu hai mai gimaau gi dee gaina hua o de manu somo i lo te ungaalodo o de veelenga, be gi poo ange aagena, gi dee maakau ai gimaau.”
4Gai de labodo ga hai ange gi de hine laa, “Gooluu e dee maakau naa donu! 5Gai de Maadua e iloo bolo de laangi naa huu ooluu e gai ai hua o de manu laa, gai ooluu mada gu maahuge; gooluu gu bei dagodo o de Maadua gu iloo tanuaa ma de baubau.”
6Gai ga gidee huu e de hine laa bolo hua o de manu laa e danuaa i de gai, gai e tilo danuaa, gai e hai ai tangada ga heiangi, gai ia ga hhagi dahi ono hua ga gai, gai ia ga gaavange hogi hanu gi dono bodu gi gaina. 7Gai gu maahuge olaau ganomada, gai gilaau gu tonu iho bolo gu deai olaau malo, gai gilaau ga dui denga lau o de manu somo go de fig ga haoli ai gilaau.
8Gai gilaau gu langona de leo o Tagi Maolunga go de Maadua i dono seesee i lo te veelenga i de maluulu o de ahiahi, gai taane laa ma dono bodu ga hulo ga mmuni i Tagi Maolunga go de Maadua i magavaa o denga manu ssomo i lo te veelenga. 9Gai Tagi Maolunga go de Maadua ga hagahi taane ga ssili ange gi de ia, “I hee iai goe?”
10Gai taane laa ga hai ange, “Au ne langona doo leo i lo te veelenga, gai au gu madagu, go hiidinga au e deai donu ogu malo, gai au ga hano ga mmuni.”
11Gai de Maadua ga ssili ange, “Gai goai ne daalaa adu bolo koe e deai donu oo malo? Koe gu gai naa hua o de manu somo aagu gu tala adu laa koe gi dee gaina?”
12Gai taane laa ga hai ange, “Go de hine aau ne gaamai nei gi noho madali au ne gaamai gi de au hua o de manu laa, gai au ga gai.”
13Gai Tagi Maolunga go de Maadua ne hai ange gi de hine, “Se hegau bee hee aau gu hai nei?”
Gai de hine laa ga hai ange, “Go de labodo ne hagasengalia au, gai au ga gai.” #2 Co 11.3; 1 Ti 2.14
14Gai Tagi Maolunga go de Maadua ga hai ange gi de labodo,
“Go hiidinga koe gu hai de hegau nei,
koe gu kii ange de hagamalaia i denga manu haangai alodahi,
ma denga manu lodo henua alodahi.
Koe e tolo naa i honga doo dinae,
ma de gai mama o de gelegele
i taulooloa oo laangi e mouli ai.
15Au e hai naa gi hai kino gooluu ma de hine,
ma au dama ma dono aamuli,
gai de aamuli o de hine naa e hagalagohia naa doo biho,
gai koe e kadi naa muli dono vae.” #Rev 12.17
16Gai ia ga hai ange gi de hine laa,
“Au e hai naa gi kona doo mmae
i doo masavaa e hai ai oo hagalangona;
koe e mmae naa i de masavaa oou e haanau ai.
Koe e lodo mmao naa i doo bodu,
ma de noho i lalo dana hainga.”
17Gai Tagi Maolunga ga hai ange gi Adam, “Go hiidinga koe ne hagallongo ange gi muna a doo bodu, ga gai ai hua o de manu somo aagu gu hai adu koe gi dee gaina, deelaa ai,
de gelegele gu hagamalaia i oo hiidinga;
gai koe e gaimee ai naa donu huu
noo koe e hagadalea ange aagena,
i taulooloa oo laangi e mouli ai.
18Gai denga manu dabeo aama manu daladala
e ssomo age naa i honga de gelegele,
gai koe e gaimee naa i hua o manu i honga de gelegele.#Heb 6.8
19Koe e hai hegau naa gi salia goe i taadaa,
gai koe ga maua i de gaimee,
ga dae ai gi doo ahe ange gi de gelegele,
go hiidinga koe ne kave mai i de gelegele;
gai koe go de mama donu o de gelegele,
deelaa ai, koe e ahe ange naa donu gi de gelegele.”
20Gai taane laa ga hagaingoo ange dono bodu go Eve,#3.20 Eve: de ingoo go Eve i muna Hebrew go Havah, e dai bei de muna go mouli. i hiidinga go ia tinana o mee alodahi e mouli.
De hai gi hulo gee mai i Eden
21Gai Tagi Maolunga go de Maadua ga hai hanu malo i gili manu, ga hakahu ange ai Adam ma dono bodu. 22Gai Tagi Maolunga go de Maadua ga hagadaba, “Tilo, tangada gu bei odaadeu dagodo, ia gu iloo ngaadahi tanuaa ma de baubau. Deenei ai, e hagamanavasaa noo ia e hhagi hogi ga gai hua o de manu o de mouli, gai ia e mouli ga hano ai e dee ngado mai.” #Rev 22.14 23Gai Tagi Maolunga go de Maadua ga alualu taane laa gi hano gee mai i de veelenga go Eden, gai ia ga hagabalabala ai ga doo de gelegele oona ne daamada mai ai laa. 24Gai dua huu dana hai taane laa gi hano gee mai i de veelenga, gai ia ga dugu hanu cherubim i de baasi gi dua o de veelenga go Eden, ma dahi gadilaasa ula e luilui saele laa, e hagaloosi ai de haiava e hano laa, gi de manu somo o de mouli.
Цяпер абрана:
Genesis 3: DBD
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022, Wycliffe Bible Translators, Inc. All rights reserved.
Genesis 3
3
De haisala o Adam ma Eve
1Gai de labodo se manu e heiangi ange i denga manu lodo henua alodahi a Tagi Maolunga de Maadua ne hai, gai ia ga hai ange gi de hine, “Ni muna abodonu de Maadua ne hai adu gooluu gi dee gaina hua o dahi manu somo daudahi i lo te veelenga?” #Rev 12.9; 20.2
2Gai de hine laa ga hai ange gi de labodo, “Gimaau e maua i de gai hua o denga manu ssomo i lo te veelenga; 3aagai de Maadua gu hai mai gimaau gi dee gaina hua o de manu somo i lo te ungaalodo o de veelenga, be gi poo ange aagena, gi dee maakau ai gimaau.”
4Gai de labodo ga hai ange gi de hine laa, “Gooluu e dee maakau naa donu! 5Gai de Maadua e iloo bolo de laangi naa huu ooluu e gai ai hua o de manu laa, gai ooluu mada gu maahuge; gooluu gu bei dagodo o de Maadua gu iloo tanuaa ma de baubau.”
6Gai ga gidee huu e de hine laa bolo hua o de manu laa e danuaa i de gai, gai e tilo danuaa, gai e hai ai tangada ga heiangi, gai ia ga hhagi dahi ono hua ga gai, gai ia ga gaavange hogi hanu gi dono bodu gi gaina. 7Gai gu maahuge olaau ganomada, gai gilaau gu tonu iho bolo gu deai olaau malo, gai gilaau ga dui denga lau o de manu somo go de fig ga haoli ai gilaau.
8Gai gilaau gu langona de leo o Tagi Maolunga go de Maadua i dono seesee i lo te veelenga i de maluulu o de ahiahi, gai taane laa ma dono bodu ga hulo ga mmuni i Tagi Maolunga go de Maadua i magavaa o denga manu ssomo i lo te veelenga. 9Gai Tagi Maolunga go de Maadua ga hagahi taane ga ssili ange gi de ia, “I hee iai goe?”
10Gai taane laa ga hai ange, “Au ne langona doo leo i lo te veelenga, gai au gu madagu, go hiidinga au e deai donu ogu malo, gai au ga hano ga mmuni.”
11Gai de Maadua ga ssili ange, “Gai goai ne daalaa adu bolo koe e deai donu oo malo? Koe gu gai naa hua o de manu somo aagu gu tala adu laa koe gi dee gaina?”
12Gai taane laa ga hai ange, “Go de hine aau ne gaamai nei gi noho madali au ne gaamai gi de au hua o de manu laa, gai au ga gai.”
13Gai Tagi Maolunga go de Maadua ne hai ange gi de hine, “Se hegau bee hee aau gu hai nei?”
Gai de hine laa ga hai ange, “Go de labodo ne hagasengalia au, gai au ga gai.” #2 Co 11.3; 1 Ti 2.14
14Gai Tagi Maolunga go de Maadua ga hai ange gi de labodo,
“Go hiidinga koe gu hai de hegau nei,
koe gu kii ange de hagamalaia i denga manu haangai alodahi,
ma denga manu lodo henua alodahi.
Koe e tolo naa i honga doo dinae,
ma de gai mama o de gelegele
i taulooloa oo laangi e mouli ai.
15Au e hai naa gi hai kino gooluu ma de hine,
ma au dama ma dono aamuli,
gai de aamuli o de hine naa e hagalagohia naa doo biho,
gai koe e kadi naa muli dono vae.” #Rev 12.17
16Gai ia ga hai ange gi de hine laa,
“Au e hai naa gi kona doo mmae
i doo masavaa e hai ai oo hagalangona;
koe e mmae naa i de masavaa oou e haanau ai.
Koe e lodo mmao naa i doo bodu,
ma de noho i lalo dana hainga.”
17Gai Tagi Maolunga ga hai ange gi Adam, “Go hiidinga koe ne hagallongo ange gi muna a doo bodu, ga gai ai hua o de manu somo aagu gu hai adu koe gi dee gaina, deelaa ai,
de gelegele gu hagamalaia i oo hiidinga;
gai koe e gaimee ai naa donu huu
noo koe e hagadalea ange aagena,
i taulooloa oo laangi e mouli ai.
18Gai denga manu dabeo aama manu daladala
e ssomo age naa i honga de gelegele,
gai koe e gaimee naa i hua o manu i honga de gelegele.#Heb 6.8
19Koe e hai hegau naa gi salia goe i taadaa,
gai koe ga maua i de gaimee,
ga dae ai gi doo ahe ange gi de gelegele,
go hiidinga koe ne kave mai i de gelegele;
gai koe go de mama donu o de gelegele,
deelaa ai, koe e ahe ange naa donu gi de gelegele.”
20Gai taane laa ga hagaingoo ange dono bodu go Eve,#3.20 Eve: de ingoo go Eve i muna Hebrew go Havah, e dai bei de muna go mouli. i hiidinga go ia tinana o mee alodahi e mouli.
De hai gi hulo gee mai i Eden
21Gai Tagi Maolunga go de Maadua ga hai hanu malo i gili manu, ga hakahu ange ai Adam ma dono bodu. 22Gai Tagi Maolunga go de Maadua ga hagadaba, “Tilo, tangada gu bei odaadeu dagodo, ia gu iloo ngaadahi tanuaa ma de baubau. Deenei ai, e hagamanavasaa noo ia e hhagi hogi ga gai hua o de manu o de mouli, gai ia e mouli ga hano ai e dee ngado mai.” #Rev 22.14 23Gai Tagi Maolunga go de Maadua ga alualu taane laa gi hano gee mai i de veelenga go Eden, gai ia ga hagabalabala ai ga doo de gelegele oona ne daamada mai ai laa. 24Gai dua huu dana hai taane laa gi hano gee mai i de veelenga, gai ia ga dugu hanu cherubim i de baasi gi dua o de veelenga go Eden, ma dahi gadilaasa ula e luilui saele laa, e hagaloosi ai de haiava e hano laa, gi de manu somo o de mouli.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022, Wycliffe Bible Translators, Inc. All rights reserved.