John 1
1
De Muna gu hai ma gu se angaanga
1De Muna gu dahi donu i taamada, gai de Muna gu noho huu madali de Maadua, gai de Muna go de Maadua donu. 2Ia gu noho donu madali de Maadua i taamada age.
3Mee alodahi go ia ne haia; gai teai donu se mee daudahi e dee go ia ne haia. 4Go ono daha iai de mouli, gai de mouli laa go de maalama o dangada. 5De maalama nei e hagamaalama lo te gohu, gai de gohu e dee maua donu i de hai gi lilo.
6De Maadua ne hai gi humai dahi daane, dono ingoo go John.#Mat 3.1; Mark 1.4; Luke 3.1-2 7Ia ne humai e hai ai tangada tala hagadonu, gai ia ga tala hagadonu ai dagodo o de maalama laa, gi hagadonusia ai e dangada alodahi i hiidinga o ana muna. 8E dee go John de maalama laa; gai ia ne humai e tala hagadonu dagodo o de maalama laa. 9De maalama abodonu e hagamaalama ina laa dangada alodahi ne humai gi henua i lalo.
10Ia ne humai gi henua i lalo, gai go ia donu ne hai henua i lalo alodahi; gai henua i lalo tee iloo e gilaadeu ia. 11Ia ne humai gi daho ono dangada donu, gai gilaadeu tee kave ia. 12Aagai gilaadeu alodahi e gaavee ma de hagadonusia ia, gai ia e gaavange naa gi gilaadeu ssauaa e hai ai gi ni dama nii de Maadua, 13gai gilaadeu e dee ni dama ne hagadili i de baasi gi de angaanga, be go lodo o de angaanga, aabe go de hagatau a dahi daane, gai go lodo o de Maadua.
14De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.
15John ne tala hagadonu ono dagodo ga hagadaba, “Deenei de ia aagu ne tala laa bolo ia e humai i ogu dua, gai e maolunga ange i de au, go hiidinga ia gu dahi huu i mua dogu haanau.” 16Gai gidaadeu alodahi gu kave de manuuia mai i dono abodonu laumalie e aheahe ange laa ma e gaamai gi gidaadeu. 17Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo. 18Tigi ai donu se dangada ne gidee de Maadua; go de Maadua e dahi laa donu huu,#1.18 de Maadua e dahi laa donu huu: hanu beebaa Greek ange laa e hai ange go Tama dagidahi donu huu. go de ia e noho i gaogao o Tamana, ia gu hagaagona mai Tamana gi gidaadeu.
De tala hagadonu a John ono dagodo
(Mat 3.1-12; Mark 1.1-8; Luke 3.1-18)
19Gai aanei muna a John ne tala hagadonu, i de masavaa a de gau Ssuu ne hai ai gi loomai gi ono daha, hanu dangada haimeedabu ma dangada de aamuli o Levi i Jerusalem gi siilia ange gi de ia, “Go koe goai?” 20Gai ia tee hagammuni donu, gai ne tala ange gi iloo e gilaadeu, ga hai ange, “E dee go au de Klisdo!”
21Gilaadeu ne ssili ange hogi gi de ia, “Gai go koe donu goai? Go koe go Elijah?”
Gai ia ga hai ange, “E deai!”
“Gai go koe de pelaabisi laa?”
Ia ne hai ange, “E deai.”
22Gilaadeu ga ssili ange hogi gi de ia, “Gai go koe donu goai? Daalaa mai gi iloo e gimaadeu, gi maua ai e gimaadeu i de tala ange gi dangada ne haia gimaadeu gi loomai. Dee hee dau hai e tala ai oo dagodo?”
23Gai ia ne hai ange,
“Au go de leo o dahi e oo laa i de vao ma e hagadaba,
‘Hagasoea de haiava o Tagi Maolunga,’ #Isa 40.3
bei de hai a de pelaabisi go Isaiah gu tala ai laa.”
24Gai dangada a denga Pharisee ne hai laa gi loomai 25ne ssili ange gi de ia, “Noo e dee go koe de Klisdo, be go Elijah, aabe go de pelaabisi laa, gai gu aha goe gu babudaisi ai naa dangada?”
26John ne basa ange, ga hai ange, “Au e babudaisi i vai, gai e dahi dangada e duu i oodou magavaa gai goodou tigi iloo. 27Ia e humai i ogu dua, gai au e dee bau ange i de tala mee e noonoa ai ono mee vae.”
28Mee nei alodahi ne hai i Bethany i de baasi dua o Jordan, go de mommee a John e babudaisi ai dangada.
Iesu Ssiibi Gauligi a de Maadua
29De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo! 30Deenei taane aagu gu tala laa ma e hagadaba, ‘Taane e humai i ogu dua e maolunga ange i de au, go hiidinga ia gu nnoho donu i mua.’ 31Au donu tee madea ia; aagai aanei donu hiidinga oogu ne humai ai nei e babudaisi i vai, gi maua i de hagaago ange ia gi de gau Israel.”
32John ne tala hagadonu ga hagadaba, “Au ne gidee de Hagasaalunga ⌊Dabu⌋ e hano iho i de langi gi ono elunga, bei dagodo o de manu kono. 33Gai au tee madea ia i de masavaa laa, gai de Maadua ne haia nei au gi humai gi babudaisi ina dangada i vai ne hai mai gi de au, ‘Tangada aau e gidee de hano iho o de Hagasaalunga ga noho i ono elunga, deenei de ia e babudaisi ina dangada i de Hagasaalunga Dabu.’ 34Gai au ne gidee de hai mee nei, ma de tala hagadonu bolo go ia donu Tama Daane a de Maadua.”
De hagahi a Iesu hanu ana dangada agoago
35De laangi i ono dua, gai a John e duu hogi madali e dogolua ana dangada agoago; 36gai ia ne gidee Iesu e seesee mai laa kilaa, gai ia ne hai ange gi gilaau, “Tilo, Ssiibi Gauligi a de Maadua!”
37Gai luaana dangada agoago ne langona e gilaau ana muna, gai gilaau ga daudali ange i Iesu. 38Gai Iesu ga huli dua gu gidee e ia gilaau e daudali ange i de ia, gai ia ga ssili ange, “Se aha ooluu e ssala?”
Gilaau ne hai ange gi de ia, “Rabbi (e bei Tangada Agoago), go hee oou e noho ai naa?”
39Iesu ne hai ange gi gilaau, “Gooluu loomai diiloo.”
Gai gilaau ne hulo ga gidee de mommee oona e noho ai, gai gilaau ne nnoho i ono daha i de laangi laa, go hiidinga gu daa de haa i muli de hualaangi.#1.39 de haa i muli de hualaangi: de Beebaa Greek e hai ange go de madaangahulu aoaa.
40Gai dahi luu daane ne langona laa muna a John ga daudali ange i Iesu go Andrew, taina daane o Simon Peter. 41Ia ne hano i mua ga ssala dono daina daane go Simon, ga hai ange gi de ia, “Gimaau gu gidee de Messiah” (e bei, go de Klisdo). 42Gai ia ne dagi mai ia gi daho Iesu.
Gai Iesu ne galo ange ga tilo Peter, ga hai ange, “Doo ingoo go Simon tama daane a John? Koe e hagaingoo ange naa go Cephas” (e bei go Peter).#1.42 Cephas i muna Aramaic, ma Peter i muna Greek, e bei se hadu.
De hagahi a Iesu a Philip ma Nathanael
43De laangi i ono dua, gai Iesu ne lodo e hano gi Galilee, gai ia gu hedae ange gi Philip, gai ia ga hai ange gi de ia, “Daudali mai i de au.”
44(Philip se daane Bethsaida, go de aduhale hogi o Andrew ma Peter ne loomai ai.) 45Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”
46Aagai Nathanael ga ssili ange gi de ia, “E maua gi sula age dahi mee danuaa daudahi i Nazareth?”
Philip ne hai ange gi de ia, “Humai diiloo.”
47Gai ga gidee huu e Iesu Nathanael i dono masavaa ne dae mai ai, gai ia ga tala ono dagodo ga hagadaba, “Taane nei se daane Israel abodonu, gai e deai donu se muna hhadu i ono daha!”
48Nathanael ne ssili ange gi de ia, “Dee hee donu dau hai ne iloo ai au?”
Iesu ne hai ange, “I mua de hagahi a Philip goe, gai au ne gidee goe, i doo masavaa nogo noho ai i lalo de fig.”
49Gai Nathanael ga hai ange gi de ia, “Tangada Agoago, go koe donu Tama Daane a de Maadua! Gai go koe de hodooligi o Israel!”
50Iesu ne hai ange gi de ia, “Koe gu hagadonusia i hiidinga au ne tala adu bolo au ne gidee goe i doo noho i lalo de manu somo go de fig? Gai koe e gidee naa mee e kii ange de hagalele mouli i mee nei.” 51Iesu ne hai ange hogi, “Ni muna abodonu, ni muna abodonu aagu e hai adu nei gi goodou, goodou e gidee naa de langi e hhuge, gai dangada de langi o de Maadua e loage aama de loiho gi honga o Tama a Tangada.” #Gen 28.12
Цяпер абрана:
John 1: DBD
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022, Wycliffe Bible Translators, Inc. All rights reserved.
John 1
1
De Muna gu hai ma gu se angaanga
1De Muna gu dahi donu i taamada, gai de Muna gu noho huu madali de Maadua, gai de Muna go de Maadua donu. 2Ia gu noho donu madali de Maadua i taamada age.
3Mee alodahi go ia ne haia; gai teai donu se mee daudahi e dee go ia ne haia. 4Go ono daha iai de mouli, gai de mouli laa go de maalama o dangada. 5De maalama nei e hagamaalama lo te gohu, gai de gohu e dee maua donu i de hai gi lilo.
6De Maadua ne hai gi humai dahi daane, dono ingoo go John.#Mat 3.1; Mark 1.4; Luke 3.1-2 7Ia ne humai e hai ai tangada tala hagadonu, gai ia ga tala hagadonu ai dagodo o de maalama laa, gi hagadonusia ai e dangada alodahi i hiidinga o ana muna. 8E dee go John de maalama laa; gai ia ne humai e tala hagadonu dagodo o de maalama laa. 9De maalama abodonu e hagamaalama ina laa dangada alodahi ne humai gi henua i lalo.
10Ia ne humai gi henua i lalo, gai go ia donu ne hai henua i lalo alodahi; gai henua i lalo tee iloo e gilaadeu ia. 11Ia ne humai gi daho ono dangada donu, gai gilaadeu tee kave ia. 12Aagai gilaadeu alodahi e gaavee ma de hagadonusia ia, gai ia e gaavange naa gi gilaadeu ssauaa e hai ai gi ni dama nii de Maadua, 13gai gilaadeu e dee ni dama ne hagadili i de baasi gi de angaanga, be go lodo o de angaanga, aabe go de hagatau a dahi daane, gai go lodo o de Maadua.
14De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.
15John ne tala hagadonu ono dagodo ga hagadaba, “Deenei de ia aagu ne tala laa bolo ia e humai i ogu dua, gai e maolunga ange i de au, go hiidinga ia gu dahi huu i mua dogu haanau.” 16Gai gidaadeu alodahi gu kave de manuuia mai i dono abodonu laumalie e aheahe ange laa ma e gaamai gi gidaadeu. 17Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo. 18Tigi ai donu se dangada ne gidee de Maadua; go de Maadua e dahi laa donu huu,#1.18 de Maadua e dahi laa donu huu: hanu beebaa Greek ange laa e hai ange go Tama dagidahi donu huu. go de ia e noho i gaogao o Tamana, ia gu hagaagona mai Tamana gi gidaadeu.
De tala hagadonu a John ono dagodo
(Mat 3.1-12; Mark 1.1-8; Luke 3.1-18)
19Gai aanei muna a John ne tala hagadonu, i de masavaa a de gau Ssuu ne hai ai gi loomai gi ono daha, hanu dangada haimeedabu ma dangada de aamuli o Levi i Jerusalem gi siilia ange gi de ia, “Go koe goai?” 20Gai ia tee hagammuni donu, gai ne tala ange gi iloo e gilaadeu, ga hai ange, “E dee go au de Klisdo!”
21Gilaadeu ne ssili ange hogi gi de ia, “Gai go koe donu goai? Go koe go Elijah?”
Gai ia ga hai ange, “E deai!”
“Gai go koe de pelaabisi laa?”
Ia ne hai ange, “E deai.”
22Gilaadeu ga ssili ange hogi gi de ia, “Gai go koe donu goai? Daalaa mai gi iloo e gimaadeu, gi maua ai e gimaadeu i de tala ange gi dangada ne haia gimaadeu gi loomai. Dee hee dau hai e tala ai oo dagodo?”
23Gai ia ne hai ange,
“Au go de leo o dahi e oo laa i de vao ma e hagadaba,
‘Hagasoea de haiava o Tagi Maolunga,’ #Isa 40.3
bei de hai a de pelaabisi go Isaiah gu tala ai laa.”
24Gai dangada a denga Pharisee ne hai laa gi loomai 25ne ssili ange gi de ia, “Noo e dee go koe de Klisdo, be go Elijah, aabe go de pelaabisi laa, gai gu aha goe gu babudaisi ai naa dangada?”
26John ne basa ange, ga hai ange, “Au e babudaisi i vai, gai e dahi dangada e duu i oodou magavaa gai goodou tigi iloo. 27Ia e humai i ogu dua, gai au e dee bau ange i de tala mee e noonoa ai ono mee vae.”
28Mee nei alodahi ne hai i Bethany i de baasi dua o Jordan, go de mommee a John e babudaisi ai dangada.
Iesu Ssiibi Gauligi a de Maadua
29De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo! 30Deenei taane aagu gu tala laa ma e hagadaba, ‘Taane e humai i ogu dua e maolunga ange i de au, go hiidinga ia gu nnoho donu i mua.’ 31Au donu tee madea ia; aagai aanei donu hiidinga oogu ne humai ai nei e babudaisi i vai, gi maua i de hagaago ange ia gi de gau Israel.”
32John ne tala hagadonu ga hagadaba, “Au ne gidee de Hagasaalunga ⌊Dabu⌋ e hano iho i de langi gi ono elunga, bei dagodo o de manu kono. 33Gai au tee madea ia i de masavaa laa, gai de Maadua ne haia nei au gi humai gi babudaisi ina dangada i vai ne hai mai gi de au, ‘Tangada aau e gidee de hano iho o de Hagasaalunga ga noho i ono elunga, deenei de ia e babudaisi ina dangada i de Hagasaalunga Dabu.’ 34Gai au ne gidee de hai mee nei, ma de tala hagadonu bolo go ia donu Tama Daane a de Maadua.”
De hagahi a Iesu hanu ana dangada agoago
35De laangi i ono dua, gai a John e duu hogi madali e dogolua ana dangada agoago; 36gai ia ne gidee Iesu e seesee mai laa kilaa, gai ia ne hai ange gi gilaau, “Tilo, Ssiibi Gauligi a de Maadua!”
37Gai luaana dangada agoago ne langona e gilaau ana muna, gai gilaau ga daudali ange i Iesu. 38Gai Iesu ga huli dua gu gidee e ia gilaau e daudali ange i de ia, gai ia ga ssili ange, “Se aha ooluu e ssala?”
Gilaau ne hai ange gi de ia, “Rabbi (e bei Tangada Agoago), go hee oou e noho ai naa?”
39Iesu ne hai ange gi gilaau, “Gooluu loomai diiloo.”
Gai gilaau ne hulo ga gidee de mommee oona e noho ai, gai gilaau ne nnoho i ono daha i de laangi laa, go hiidinga gu daa de haa i muli de hualaangi.#1.39 de haa i muli de hualaangi: de Beebaa Greek e hai ange go de madaangahulu aoaa.
40Gai dahi luu daane ne langona laa muna a John ga daudali ange i Iesu go Andrew, taina daane o Simon Peter. 41Ia ne hano i mua ga ssala dono daina daane go Simon, ga hai ange gi de ia, “Gimaau gu gidee de Messiah” (e bei, go de Klisdo). 42Gai ia ne dagi mai ia gi daho Iesu.
Gai Iesu ne galo ange ga tilo Peter, ga hai ange, “Doo ingoo go Simon tama daane a John? Koe e hagaingoo ange naa go Cephas” (e bei go Peter).#1.42 Cephas i muna Aramaic, ma Peter i muna Greek, e bei se hadu.
De hagahi a Iesu a Philip ma Nathanael
43De laangi i ono dua, gai Iesu ne lodo e hano gi Galilee, gai ia gu hedae ange gi Philip, gai ia ga hai ange gi de ia, “Daudali mai i de au.”
44(Philip se daane Bethsaida, go de aduhale hogi o Andrew ma Peter ne loomai ai.) 45Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”
46Aagai Nathanael ga ssili ange gi de ia, “E maua gi sula age dahi mee danuaa daudahi i Nazareth?”
Philip ne hai ange gi de ia, “Humai diiloo.”
47Gai ga gidee huu e Iesu Nathanael i dono masavaa ne dae mai ai, gai ia ga tala ono dagodo ga hagadaba, “Taane nei se daane Israel abodonu, gai e deai donu se muna hhadu i ono daha!”
48Nathanael ne ssili ange gi de ia, “Dee hee donu dau hai ne iloo ai au?”
Iesu ne hai ange, “I mua de hagahi a Philip goe, gai au ne gidee goe, i doo masavaa nogo noho ai i lalo de fig.”
49Gai Nathanael ga hai ange gi de ia, “Tangada Agoago, go koe donu Tama Daane a de Maadua! Gai go koe de hodooligi o Israel!”
50Iesu ne hai ange gi de ia, “Koe gu hagadonusia i hiidinga au ne tala adu bolo au ne gidee goe i doo noho i lalo de manu somo go de fig? Gai koe e gidee naa mee e kii ange de hagalele mouli i mee nei.” 51Iesu ne hai ange hogi, “Ni muna abodonu, ni muna abodonu aagu e hai adu nei gi goodou, goodou e gidee naa de langi e hhuge, gai dangada de langi o de Maadua e loage aama de loiho gi honga o Tama a Tangada.” #Gen 28.12
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022, Wycliffe Bible Translators, Inc. All rights reserved.