Luke 24
24
De mouli age
(Mat 28.1-10; Mark 16.1-8; John 20.1-10)
1Aagai taiao o tahi laangi o de uvigi,#24.1 tahi laangi o de uvigi e bei go de laangi dabu. i boo taiao donu huu, gai denga haahine laa ne ahe e hulo gi taanunga e kave alaadeu mee hagamanongi gu hagadabena. 2Gai gilaadeu gu gidee bolo de hadu e pono ai laa de haitoga o taanunga laa gu lava i de hagadige gee, 3aagai ga ulu huu gilaadeu gi lodo, gai gilaadeu tee gidee de angaanga o Tagi Maolunga go Iesu i kilaa. 4De masavaa alaadeu e maanadu manavasaa ai i de mee gu hai laa, gai tilo, e dogolua dangada de langi gu tuu i olaadeu gaogao ma olaau malo malamalama mmao. 5Gai denga haahine laa gu maatagu mmao ga ino gi honga de gelegele, gai luu dangada de langi laa ga hai ange gi gilaadeu, “Gu aha gu ssala ai naa goodou tangada mouli i magavaa o de gau maakau? 6Ia gu dee maleva i kinei, ia gu mouli age. Goodou manadua ana muna gu tala adu gi goodou i de masavaa oodou e nnoho ai i Galilee,#Mat 16.21; 17.22-23; 20.18-19; Mark 8.31; 9.31; 10.33-34; Luke 9.22; 18.31-33 7bolo Tama a Tangada e gaavange naa gi de gau haisala ma de daudau i de laagau lui, gai ia e mouli age naa i de hagadolu laangi.” 8Gai gilaadeu gu manadua ana muna.
9Gai gilaadeu ne aahe mai i taanunga ga tala ange mee alodahi alaadeu ne gidee gi tinoangahulu ma dogodahi, aama dangada ange laa alodahi. 10Gai go Mary Magdalene, ma Joanna, ma Mary tinana o James, aama hanu haahine madali gilaadeu ne daalaa ange mee nei gi de gau tala. 11Aagai gilaadeu tee hagadonusia muna a denga haahine laa, i hiidinga gilaadeu ne maanadu bolo ni ngadi muna donu huu. 12Aagai Peter ne hidi age ga savini ga hano gi taanunga, ga hagatugu iho ga tilo lo te daanunga, gai ia ne gidee donu huu de linen i kilaa; gai ia ga ahe ga hano gi de hale ga hagasaele dagodo mee gu hai laa.
De seesee e hulo gi Emmaus
(Mark 16.12-13)
13De laangi laa gai e dogolua daane i olaadeu magavaa ne seesee e hulo gi de aduhale go Emmaus, agu made e hidu maele#24.13 e hidu maele: de Beebaa Greek e hai ange e madaono stadia. mai i Jerusalem. 14Gai gilaau ne madaangudu i mee alodahi gu hai laa i delaau seesee e hulo. 15De masavaa olaau e madaangudu ai i mee nei, gai Iesu ga humai ga seesee madali gilaau. 16Aagai tee dugu ange gilaau gi madea ia.
17Gai Iesu ne ssili ange gi gilaau, “Ni aha ooluu e madaangudu ai naa i de masavaa ooluu e seesee ai e hulo?”
Gai gilaau ga tuu donu huu, gu daemaha olaau lodo. 18Gai taane e hagaingoo ange laa go Cleopas, ne ssili ange gi de ia, “Go koe donu huu tangada gu humai naa gi Jerusalem e dee iloo mee gu hai i laangi nei?”
19Ia ne ssili ange gi gilaau, “Ni aha gu hai?”
Gilaau ne hai ange gi de ia, “Go mee gu hai ange laa gi Iesu taane Nazareth; ia se pelaabisi e sauaa ana muna ma ana hegau i mada luu mada o de Maadua aama dangada alodahi. 20Gai omaadeu dangada haimeedabu maolunga ma omaadeu dagi ne gaavange ia ga hagaduasala e daa gi magau, ma de daudau ia i de laagau lui. 21Gai gimaadeu ne tali hagalodolodo bolo go ia e hagaola ina Israel! Gai e dee deenei donu huu, gai anailaa nei go tolu laangi i dua de hai mee nei. 22Gai hanu haahine i omaadeu daha ne hai ga llele omaadeu mouli. Gilaadeu ne hulo gi taanunga i boo taiao gohugohu, 23gai gilaadeu tee gidee dono angaanga, gai gilaadeu ga aahe mai ga tala, bolo gilaadeu ne gidee hogi e dogolua dangada de langi, gai gilaau ne tala ange bolo Iesu gu mouli age. 24Hanu gimaadeu ne hulo hogi gi taanunga ga gidee bolo ni muna abodonu a denga haahine gu tala mai laa, aagai gimaadeu tee gidee hogi ia.”
25Gai Iesu ga hai ange gi gilaau, “Goodou ni dangada llodo ssenga, aama de mmule doodou hagadonusia mee alodahi a denga pelaabisi gu tala! 26E aha, de Klisdo e dee hagaduasala naa i mee nei alodahi, i mua dana kave dono mahamaha?” 27Gai Iesu ga daamada de hagadonu ange gi gilaau mee alodahi gu tala ai ono dagodo, mai i Moses ma denga pelaabisi alodahi i lo te Beebaa Dabu alodahi.
28Gai de masavaa huu olaadeu ne paa ange ai gi de aduhale olaadeu e hulo laa aagena, gai Iesu ga hagasoe e hano. 29Gai luu daane laa ga usuusu ange ia ga hai ange, “Noho i omaau daha, go hiidinga gu ahiahi de mee, gai gu dai gohu hogi de mee.” Deelaa ai, ia ne noho i olaau daha.
30De masavaa oona ne nnoho ange ai e gaimee madali gilaau, gai Iesu ga poo mai dahi pelaoaa, ga hagaahe ange de abodonu, gai ia ga dohidohi ga gaavange gi gilaau. 31Gai olaau mada gu maahuge; gilaau gu madea ia. De masavaa laa donu huu, gai Iesu gu hagalilo, gai gilaau gu dee gidee ia. 32Gai gilaau ga hagadau ssili ga hagataba, “Tee langona iho e gidaau i odaau lodo, i de masavaa oona e basa mai ai gi gidaau i honga de haiava, ga hagadonu mai de Beebaa Dabu gi gidaau?”
33Gai gilaau ne hagamoolau ga aahe gi Jerusalem. Gai gilaau gu gidee tinoangahulu ma dogodahi laa, ma dangada madali gilaadeu gu hagabuni, 34gilaadeu ne hai ange, “Ni muna abodonu, Tagi Maolunga gu mouli age, gai ia gu hakide ange hogi gi Simon!” 35Gai luu daane laa ne tala ange hogi mee ne hai i honga de haiava, ma dagodo delaau madea Iesu i de masavaa aana ne dohidohi ai de pelaoaa.
De hakide ange o Iesu gi ana dangada agoago
36De masavaa alaau e tala ai muna nei, gai Iesu gu duu i olaadeu magavaa, ga hai ange gi gilaadeu, “De baba gi dagodo i oodou daha.”
37Aagai gilaadeu gu llele mouli ma de maatagu, go hiidinga gilaadeu ne maanadu bolo gilaadeu gu gidee dahi eidu. 38Gai Iesu ga hai ange gi gilaadeu, “Gu aha gu maatagu ai naa goodou? Aagai gu aha gu lodo lagolago ai naa goodou? 39Goodou kalo ange diiloo luoogu lima ma luoogu vae, go au donu deenei. Goodou boogia mai au ma gi diiloo. De hagasaalunga e deai ono kano be ni ivi bei doodou hai e gide ai naa mee nei i dogu angaanga.”
40Gai ga lava huu i dana tala ange de mee nei, gai ia ga hagaago ange luoono lima ma luoono vae gi gilaadeu. 41De masavaa alaadeu tigi maua ai i de hagadonu mee laa i hiidinga delaadeu malangilangi ma de llele mouli, aagai Iesu ga ssili ange gi gilaadeu, “E hanu nei oodou gai i kinei?” 42Gai gilaadeu ga gaavange dahi dibaa mamu dunu gi de ia, 43gai ia ga kave ga gai i olaadeu mada i mua.
44Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”
45Gai ia ga hhuge alaadeu maanadu gi tonu ange ai gilaadeu gi muna a de Beebaa Dabu. 46Gai ia ga hai ange gi gilaadeu, “Gu sisi e hai ange: Klisdo e hagaduasala donu, gai ia e mouli age naa i de hagadolu laangi, 47gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem. 48Gai go goodou de gau tala hagadonu o mee nei. 49Gai tilo, au e hai naa gi hano iho gi oodou elunga, de ia a dogu Damana gu hagatoo donu laa. Aagai goodou nnoho i de aduhale nei, ga dae ai gi doodou kave ssauaa mai i de mommee maolunga.” #Acts 1.4
De gaavage o Iesu gi de langi
(Mark 16.19-20; Acts 1.9-11)
50Aagai Iesu ne dagi ana dangada agoago ga hulo ai gilaadeu gi Bethany, gai ga tae huu gilaadeu gi kilaa, gai Iesu ga haalo luoono lima ga hagamanuuia gilaadeu. 51Gai de masavaa aana e hagamanuuia ai gilaadeu, gai ia gu kave gee mai i olaadeu daha ga gaavage gi de langi. 52Gai gilaadeu ga daumaha ange gi de ia, ga lava ga aahe gi Jerusalem gu malangilangi mmao. 53Gai gilaadeu ne duudagi de nnoho i de temple ga tuhi ai de Maadua.
Цяпер абрана:
Luke 24: DBD
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022, Wycliffe Bible Translators, Inc. All rights reserved.
Luke 24
24
De mouli age
(Mat 28.1-10; Mark 16.1-8; John 20.1-10)
1Aagai taiao o tahi laangi o de uvigi,#24.1 tahi laangi o de uvigi e bei go de laangi dabu. i boo taiao donu huu, gai denga haahine laa ne ahe e hulo gi taanunga e kave alaadeu mee hagamanongi gu hagadabena. 2Gai gilaadeu gu gidee bolo de hadu e pono ai laa de haitoga o taanunga laa gu lava i de hagadige gee, 3aagai ga ulu huu gilaadeu gi lodo, gai gilaadeu tee gidee de angaanga o Tagi Maolunga go Iesu i kilaa. 4De masavaa alaadeu e maanadu manavasaa ai i de mee gu hai laa, gai tilo, e dogolua dangada de langi gu tuu i olaadeu gaogao ma olaau malo malamalama mmao. 5Gai denga haahine laa gu maatagu mmao ga ino gi honga de gelegele, gai luu dangada de langi laa ga hai ange gi gilaadeu, “Gu aha gu ssala ai naa goodou tangada mouli i magavaa o de gau maakau? 6Ia gu dee maleva i kinei, ia gu mouli age. Goodou manadua ana muna gu tala adu gi goodou i de masavaa oodou e nnoho ai i Galilee,#Mat 16.21; 17.22-23; 20.18-19; Mark 8.31; 9.31; 10.33-34; Luke 9.22; 18.31-33 7bolo Tama a Tangada e gaavange naa gi de gau haisala ma de daudau i de laagau lui, gai ia e mouli age naa i de hagadolu laangi.” 8Gai gilaadeu gu manadua ana muna.
9Gai gilaadeu ne aahe mai i taanunga ga tala ange mee alodahi alaadeu ne gidee gi tinoangahulu ma dogodahi, aama dangada ange laa alodahi. 10Gai go Mary Magdalene, ma Joanna, ma Mary tinana o James, aama hanu haahine madali gilaadeu ne daalaa ange mee nei gi de gau tala. 11Aagai gilaadeu tee hagadonusia muna a denga haahine laa, i hiidinga gilaadeu ne maanadu bolo ni ngadi muna donu huu. 12Aagai Peter ne hidi age ga savini ga hano gi taanunga, ga hagatugu iho ga tilo lo te daanunga, gai ia ne gidee donu huu de linen i kilaa; gai ia ga ahe ga hano gi de hale ga hagasaele dagodo mee gu hai laa.
De seesee e hulo gi Emmaus
(Mark 16.12-13)
13De laangi laa gai e dogolua daane i olaadeu magavaa ne seesee e hulo gi de aduhale go Emmaus, agu made e hidu maele#24.13 e hidu maele: de Beebaa Greek e hai ange e madaono stadia. mai i Jerusalem. 14Gai gilaau ne madaangudu i mee alodahi gu hai laa i delaau seesee e hulo. 15De masavaa olaau e madaangudu ai i mee nei, gai Iesu ga humai ga seesee madali gilaau. 16Aagai tee dugu ange gilaau gi madea ia.
17Gai Iesu ne ssili ange gi gilaau, “Ni aha ooluu e madaangudu ai naa i de masavaa ooluu e seesee ai e hulo?”
Gai gilaau ga tuu donu huu, gu daemaha olaau lodo. 18Gai taane e hagaingoo ange laa go Cleopas, ne ssili ange gi de ia, “Go koe donu huu tangada gu humai naa gi Jerusalem e dee iloo mee gu hai i laangi nei?”
19Ia ne ssili ange gi gilaau, “Ni aha gu hai?”
Gilaau ne hai ange gi de ia, “Go mee gu hai ange laa gi Iesu taane Nazareth; ia se pelaabisi e sauaa ana muna ma ana hegau i mada luu mada o de Maadua aama dangada alodahi. 20Gai omaadeu dangada haimeedabu maolunga ma omaadeu dagi ne gaavange ia ga hagaduasala e daa gi magau, ma de daudau ia i de laagau lui. 21Gai gimaadeu ne tali hagalodolodo bolo go ia e hagaola ina Israel! Gai e dee deenei donu huu, gai anailaa nei go tolu laangi i dua de hai mee nei. 22Gai hanu haahine i omaadeu daha ne hai ga llele omaadeu mouli. Gilaadeu ne hulo gi taanunga i boo taiao gohugohu, 23gai gilaadeu tee gidee dono angaanga, gai gilaadeu ga aahe mai ga tala, bolo gilaadeu ne gidee hogi e dogolua dangada de langi, gai gilaau ne tala ange bolo Iesu gu mouli age. 24Hanu gimaadeu ne hulo hogi gi taanunga ga gidee bolo ni muna abodonu a denga haahine gu tala mai laa, aagai gimaadeu tee gidee hogi ia.”
25Gai Iesu ga hai ange gi gilaau, “Goodou ni dangada llodo ssenga, aama de mmule doodou hagadonusia mee alodahi a denga pelaabisi gu tala! 26E aha, de Klisdo e dee hagaduasala naa i mee nei alodahi, i mua dana kave dono mahamaha?” 27Gai Iesu ga daamada de hagadonu ange gi gilaau mee alodahi gu tala ai ono dagodo, mai i Moses ma denga pelaabisi alodahi i lo te Beebaa Dabu alodahi.
28Gai de masavaa huu olaadeu ne paa ange ai gi de aduhale olaadeu e hulo laa aagena, gai Iesu ga hagasoe e hano. 29Gai luu daane laa ga usuusu ange ia ga hai ange, “Noho i omaau daha, go hiidinga gu ahiahi de mee, gai gu dai gohu hogi de mee.” Deelaa ai, ia ne noho i olaau daha.
30De masavaa oona ne nnoho ange ai e gaimee madali gilaau, gai Iesu ga poo mai dahi pelaoaa, ga hagaahe ange de abodonu, gai ia ga dohidohi ga gaavange gi gilaau. 31Gai olaau mada gu maahuge; gilaau gu madea ia. De masavaa laa donu huu, gai Iesu gu hagalilo, gai gilaau gu dee gidee ia. 32Gai gilaau ga hagadau ssili ga hagataba, “Tee langona iho e gidaau i odaau lodo, i de masavaa oona e basa mai ai gi gidaau i honga de haiava, ga hagadonu mai de Beebaa Dabu gi gidaau?”
33Gai gilaau ne hagamoolau ga aahe gi Jerusalem. Gai gilaau gu gidee tinoangahulu ma dogodahi laa, ma dangada madali gilaadeu gu hagabuni, 34gilaadeu ne hai ange, “Ni muna abodonu, Tagi Maolunga gu mouli age, gai ia gu hakide ange hogi gi Simon!” 35Gai luu daane laa ne tala ange hogi mee ne hai i honga de haiava, ma dagodo delaau madea Iesu i de masavaa aana ne dohidohi ai de pelaoaa.
De hakide ange o Iesu gi ana dangada agoago
36De masavaa alaau e tala ai muna nei, gai Iesu gu duu i olaadeu magavaa, ga hai ange gi gilaadeu, “De baba gi dagodo i oodou daha.”
37Aagai gilaadeu gu llele mouli ma de maatagu, go hiidinga gilaadeu ne maanadu bolo gilaadeu gu gidee dahi eidu. 38Gai Iesu ga hai ange gi gilaadeu, “Gu aha gu maatagu ai naa goodou? Aagai gu aha gu lodo lagolago ai naa goodou? 39Goodou kalo ange diiloo luoogu lima ma luoogu vae, go au donu deenei. Goodou boogia mai au ma gi diiloo. De hagasaalunga e deai ono kano be ni ivi bei doodou hai e gide ai naa mee nei i dogu angaanga.”
40Gai ga lava huu i dana tala ange de mee nei, gai ia ga hagaago ange luoono lima ma luoono vae gi gilaadeu. 41De masavaa alaadeu tigi maua ai i de hagadonu mee laa i hiidinga delaadeu malangilangi ma de llele mouli, aagai Iesu ga ssili ange gi gilaadeu, “E hanu nei oodou gai i kinei?” 42Gai gilaadeu ga gaavange dahi dibaa mamu dunu gi de ia, 43gai ia ga kave ga gai i olaadeu mada i mua.
44Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”
45Gai ia ga hhuge alaadeu maanadu gi tonu ange ai gilaadeu gi muna a de Beebaa Dabu. 46Gai ia ga hai ange gi gilaadeu, “Gu sisi e hai ange: Klisdo e hagaduasala donu, gai ia e mouli age naa i de hagadolu laangi, 47gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem. 48Gai go goodou de gau tala hagadonu o mee nei. 49Gai tilo, au e hai naa gi hano iho gi oodou elunga, de ia a dogu Damana gu hagatoo donu laa. Aagai goodou nnoho i de aduhale nei, ga dae ai gi doodou kave ssauaa mai i de mommee maolunga.” #Acts 1.4
De gaavage o Iesu gi de langi
(Mark 16.19-20; Acts 1.9-11)
50Aagai Iesu ne dagi ana dangada agoago ga hulo ai gilaadeu gi Bethany, gai ga tae huu gilaadeu gi kilaa, gai Iesu ga haalo luoono lima ga hagamanuuia gilaadeu. 51Gai de masavaa aana e hagamanuuia ai gilaadeu, gai ia gu kave gee mai i olaadeu daha ga gaavage gi de langi. 52Gai gilaadeu ga daumaha ange gi de ia, ga lava ga aahe gi Jerusalem gu malangilangi mmao. 53Gai gilaadeu ne duudagi de nnoho i de temple ga tuhi ai de Maadua.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022, Wycliffe Bible Translators, Inc. All rights reserved.