Евангелле паводле Лукі Раздзел 1
Раздзел 1
1 #
Ян. 15:27; Дзеі 1:2; 1Пёт. 5:1; 2Пёт. 1:16; 1Ян. 1:1; Геб. 2:3 Паколькі многія ўжо спрабавалі скласці аповед пра падзеі, якія ў нас адбыліся,
2як пераказалі нам тыя, што ад пачатку самі бачылі і былі паслугачамі Слова,
3 #
Дзеі 1:1
таксама і я, старанна разгледзеўшы ўсё ад пачатку, рашыўся па парадку апісаць табе, годны Тэафіле,
4 #
Ян. 20:31; Дзеі 10:36 каб ты ўсведаміў непарушнасць слоў, у якіх ты быў навучаны.
5 #
1Пар. 24:10; Мц. 2:1 У дні Ірада, цара Юдэі, жыў адзін святар на імя Захарыя, з Абіявай чаргі. Ён меў жонку, з дачок Ааронавых, імя яе Лізавета.
6 #
Гал. 3:1
Яны абое былі справядлівымі перад Богам, беззаганна спаўняючы ўсе пастановы і прыказанні Госпадавы.
7Ды не мелі дзіця, бо Лізавета была няплоднай, а абое былі ўжо на схіле дзён сваіх.
8І сталася, калі ён адбываў службу святарскую перад Богам у сваёй чарзе,
9па жэрабі, як была традыцыя ў святароў, выпала яму ўвайсці ў святыню Госпадаву для каджэння,
10а ўсё мноства народа ў час каджэння малілася звонку.
11І з’явіўся перад ім Анёл Госпадаў, стоячы па правым баку ахвярніка каджэння,
12 #
Дзеі 10:4
дык Захарыя стрывожыўся, бачачы [гэта], ды [вялікі] страх ахапіў яго.
13 #
Дзеі 10:31
Тады Анёл прамовіў да яго: «Не бойся, Захарыя, бо пачута маленне тваё, вось жа, жонка твая Лізавета народзіць табе сына, і назавеш яго Янам.
14 #
Ян. 5:35
Ды будзе табе радасць і пацеха, ды многія будуць радавацца з яго нараджэння.
15 #
Ліч. 6:3; Мц. 11:18; Гал. 1:15 Ён будзе вялікім на віду Госпада, і не будзе піць віна і сіцэры, ды яшчэ ад улоння маці сваёй будзе напоўнены Духам Святым,
16і многіх сыноў Ізраэля наверне да Госпада, Бога іх.
17 #
Мал. 4:5, 6; Мц. 3:2; Мк. 1:3; Ян. 1:23; 1Пёт. 2:9 І пройдзе перад Ім у духу і магутнасці Іллі, каб звярнуць сэрцы бацькоў да дзяцей, а непаслухмяных – да мудрасці справядлівых, каб падгатаваць Госпаду народ падрыхтаваны».
18І сказаў Захарыя Анёлу: «З чаго я магу гэта ведаць? Бо я стары, і жонка мая на схіле дзён сваіх».
19 #
Дан. 8:16; 9:21; Мц. 18:10 І, адказваючы, сказаў яму Анёл: «Я – Габрыэль, што стаю перад Богам, і пасланы гаварыць з табою і абвясціць табе гэтую радасную вестку.
20І вось, ты будзеш нямым ды не будзеш магчы гаварыць аж да дня, у які гэта здзейсніцца, таму што ты не паверыў словам маім, якія збудуцца ў свой час».
21І народ чакаў Захарыю, і дзівіліся, што ён так доўга марудзіць у святыні.
22Выйшаўшы, ён не мог да іх прамаўляць, дык пазналі, што ён бачыў з’яву ў святыні. А ён падаваў ім знакі і заставаўся нямым.
23І сталася, калі скончыліся дні службы яго, ён вярнуўся ў дом свой.
24А праз некалькі дзён жонка яго, Лізавета, пачала дзіця; і пяць месяцаў хавалася, кажучы:
25«Гэта ўчыніў мне Госпад у дні, у якія зірнуў на мяне, каб зняць ганьбу маю сярод людзей».
26А ў шосты месяц быў пасланы Богам Анёл Габрыэль у горад у Галілеі, званы Назарэт,
27 #
Мц. 1:8
да Дзевы, заручанай мужу, які меў імя Язэп, з дому Давіда, а імя Дзевы – Марыя.
28Увайшоўшы да Яе, Анёл прывітаў: «Радуйся, ласкі поўная, дабраславёная Ты між жанчынамі, Госпад з Табою».
29А Яна стрывожылася словам яго і думала, што гэта за прывітанне такое?
30 #
Дзеі 7:46
І гаворыць Ёй Анёл: «Не бойся, Марыя, бо знайшла Ты ласку ў Бога.
31 #
Мц. 1:21; Гал. 4:4; Плп. 2:9 І вось, пачнеш ва ўлонні і народзіш Сына, і дасі Яму імя Ісус.
32 #
2Сам. 7:12, 13, 16; Іс. 9:7 #
Мц. 1:1; Плп. 2:9 Ён будзе вялікім і Сынам Узвышняга будзе названы, і дасць Яму Госпад Бог пасад Давіда, бацькі Яго;
33 #
Адкр. 11:15
і будзе Ён валадарыць над домам Якуба вечна, і валадарству Яго не будзе канца».
34Марыя ж сказала Анёлу: «Як гэта можа стацца, калі Я мужа не спазнала?»
35 #
Мц. 1:18; Ян. 1:34 І, адказваючы, Анёл сказаў Ёй: «Дух Святы сыдзе на Цябе, і моц Узвышняга агарне Цябе. Таму, што з Цябе народзіцца, Святое, назавецца Сынам Божым.
36І вось сваячка Твая, Лізавета, і яна пачала дзіця ў старасці сваёй, і ўжо шосты месяц у той, якую завуць няплоднай,
37 #
Род. 18:14; Мц. 19:26; Рым. 4:21 бо ў Бога не бывае немагчымым ніводнае слова».
38Марыя ж сказала: «Вось жа, Я – служка Госпадава, хай Мне станецца паводле твайго слова». І Анёл адышоў ад Яе.
39У тыя дні Марыя, устаўшы, пайшла паспешліва ў горы, у горад Юды.
40І ўвайшла ў дом Захарыі, і прывітала Лізавету.
41 #
Дзеі 6:3
І, калі Лізавета пачула прывітанне Марыі, зварухнулася дзіцятка ва ўлонні яе, і Дух Святы напоўніў Лізавету,
42і ўсклікнула яна моцным голасам, кажучы: «Дабраславёная Ты між жанчынамі, і дабраславёны Плод улоння Твайго.
43 #
Ян. 13:13
А скуль жа мне гэта, што Маці Госпада майго прыйшла да мяне?
44Вось, як толькі загучаў голас прывітання Твайго ў вушах маіх, зварухнулася з радасцю дзіцятка ў маім улонні.
45 #
Ян. 20:29
І шчасная Тая, што ўверыла, бо споўніцца сказанае Ёй ад Госпада».
46 #
1Сам. 2:1-10
І сказала Марыя: «Узвялічвае душа Мая Госпада,
47 #
Юды 25; 1Цім. 1:1 і ўзрадаваўся дух Мой у Богу, Збаўцы Маім,
48 #
1Сам. 1:11
бо зірнуў Ён на пакорлівасць служкі Сваёй. Вось, адгэтуль шчаснай называць Мяне будуць усе роды,
49 #
Адкр. 4:8
бо зрабіў Мне вялікае Магутны, і святое імя Яго,
50 #
Пс. 103:17
і міласэрнасць Яго з пакалення ў пакаленне тым, што баяцца Яго.
51Выявіў магутнасць рукі Сваёй, разагнаў пыхлівых у намеры сэрца свайго,
52 #
Ёў 5:11; 12:19; 1Пёт. 5:5 спіхнуў моцных з пасадаў і ўзвысіў пакорлівых;
53 #
Мц. 5:6; Адкр. 3:17 галодных насыціў даброццем, а багацеяў адправіў ні з чым.
54Прытуліў Ізраэля, слугу Свайго, памятаючы на міласэрнасць,
55 #
Род. 17:7
як прадказаў бацькам нашым, Абрагаму і нашчадкам яго навечна».
56Ды заставалася з ёю Марыя каля трох месяцаў, і вярнулася ў Свой дом.
57А Лізавеце настаў час нарадзіць, і яна нарадзіла сына.
58 #
Рым. 12:15
Яе суседзі і сваякі, пачуўшы, што ўзвялічыў Госпад у ёй Сваю міласэрнасць, радаваліся разам з ёю.
59 #
Святар. 12:3; Плп. 3:5 І сталася: у восьмы дзень сабраліся яны абрэзаць хлопчыка ды назваць яго імем бацькі яго, Захарыем.
60І, адказваючы, маці яго сказала: «Ніякім чынам, але будзе названы Ян».
61І сказалі ёй: «У родзе тваім няма нікога, хто б называўся гэтым імем».
62Дык пыталі на мігі ў бацькі яго, як ён хацеў бы назваць яго.
63А той запатрабаваў дошчачку і напісаў словамі: «Ян імя яго». Дык здзівіліся ўсе.
64А ў гэты момант раскрыліся вусны яго ды развязаўся язык яго і стаў гаварыць, дабраслаўляючы Бога.
65Дык ахапіў страх усіх іх суседзяў, і па ўсіх гарах Юдэі разнесліся словы пра ўсё гэта.
66 #
Дзеі 11:21
А ўсе, што пра гэта пачулі, разважалі ў сэрцы сваім, кажучы: «Кім жа будзе гэта дзіця?» Бо рука Госпадава была з ім.
67І Захарыя, бацька яго, напоўнены Духам Святым, праракаваў кажучы:
68 #
Пс. 111:9; Мц. 1:21 «Дабраславёны Госпад, Бог Ізраэля, бо наведаў і адкупіў народ Свой,
69 #
Мц. 1:1
і падняў рог збаўлення нашага ў доме Давіда, паслугача Свайго,
70 #
Рым. 1:2; Дзеі 3:21 як прадказаў вуснамі святых прарокаў Сваіх, якія жылі ад пачатку вякоў,
71збаўленне ад ворагаў нашых ды з рук тых, што ненавідзяць нас;
72каб учыніць міласэрнасць бацькам нашым і ўспомніць святы запавет Свой,
73 #
Геб. 6:13
і прысягу, якую даў Абрагаму, бацьку нашаму, даць нам,
74 #
Геб. 2:15
каб без страху, свабодныя ад рук ворагаў нашых, служылі Яму
75 #
1Пёт. 1:15; Рым. 6:18; Эф. 4:24; Геб. 9:14 ў святасці і справядлівасці перад Ім ва ўсе дні жыцця нашага.
76 #
Мал. 3:1; Мц. 3:3; Ян. 1:23 І ты, дзіця, названы будзеш прарокам Узвышняга, бо пойдзеш перад абліччам Госпада, рыхтаваць дарогі Яму,
77 #
Рым. 3:23
каб даць народу Яго навуку збаўлення ў адпушчэнні грахоў іх
78праз міласэрнасць бязмежную Бога нашага, у якой Усход наведаў нас, сыходзячы з вышыняў,
79 #
Іс. 9:2; Мц. 4:16; 2Кар. 4:6; Эф. 5:14 каб асвяціць тых, што сядзяць у поцемках і ў засені смерці, каб накіраваць ногі нашы на шлях супакою».
80 #
Мц. 3:1
А дзіця расло і ўзмацоўвалася духам, і заставалася ў пустыні аж да дня свайго з’яўлення перад Ізраэлем.
Цяпер абрана:
Евангелле паводле Лукі Раздзел 1: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017