Евангелле паводле Лукі Раздзел 5
Раздзел 5
1 #
Мц. 4:18; Мк. 1:16; Ян. 1:40 І сталася, калі натоўп ціснуўся да Яго слухаць слова Божае, а Ён стаяў каля возера Генезарэт,
2убачыў дзве лодкі, што стаялі пры беразе возера; рыбакі з іх выйшлі і паласкалі сеткі.
3 #
Мц. 13:2; Ян. 8:2 Дык, увайшоўшы ў адну лодку, што была Сімонава, папрасіў, каб адплылі крыху ад берага. І, седзячы, навучаў людзей з лодкі.
4 #
Ян. 21:6
А як скончыў прамаўляць, сказаў Сімону: «Паплыві на глыбіню ды закіньце сеткі вашы на лоўлю».
5А Сімон, адказваючы Яму, сказаў: «Настаўнік, мы, усю ноч працуючы, нічога не злавілі. Аднак на Тваё слова закіну сетку».
6А калі гэта зрабілі, злавілі так многа рыбы, што іх сетка рвалася.
7Дык далі знак таварышам, якія былі ў другой лодцы, каб яны прыйшлі і дапамаглі ім. Дык прыйшлі і запоўнілі абедзве лодкі так, што ледзь не танулі.
8 #
Рым. 3:23
Калі ўбачыў гэта Сімон Пётра, паў да кален Ісуса, кажучы: «Адыдзі ад мяне, бо я – чалавек грэшны, Госпадзе».
9 #
Мк. 5:42
Бо ад такога налову рыбы, што яны злавілі, яго ды ўсіх, што з ім былі, ахапіў жах.
10 #
Мц. 4:19; Мк. 1:17 Таксама і Якуба, і Яна, сыноў Зебядзеевых, таварышаў Сімона. І гаворыць Ісус Сімону: «Не бойся, адгэтуль ужо людзей лавіць будзеш».
11 #
Мц. 4:20; Мк. 1:18; Ян. 12:26 І, выцягнуўшы лодкі на бераг, пакінулі ўсё, і пайшлі за Ім.
12 #
Мц. 8:2; Мк. 1:40 І здарылася, калі Ісус быў у адным горадзе, і вось, прыйшоў адзін чалавек цалкам пракажоны; ён, убачыўшы Ісуса, упаў на твар і прасіў Яго, кажучы: «Госпадзе, калі хочаш, можаш мяне ачысціць».
13 #
Мц. 20:34; Ян. 5:8 І Ісус, працягнуўшы руку, дакрануўся да яго і сказаў: «Хачу, будзь ачышчаны». І зараз жа праказа сышла з яго.
14 #
Святар. 14:1-32; Мц. 8:4; Мк. 1:44 І загадаў яму, каб нікому пра гэта не гаварыў, але сказаў: «Ідзі, пакажыся святару і ахвяруй за сваё ачышчэнне, як загадаў Майсей на сведчанне ім».
15 #
Мц. 4:25; Мк. 1:45 Але разыходзіліся весткі аб Ім тым больш, і збіраліся вялікія натоўпы людзей, каб паслухаць Яго ды быць аздароўленымі ў Яго ад сваіх немачаў.
16 #
Мц. 14:23; Мк. 1:35 Але Ён аддаляўся ў пустыні і маліўся.
17І сталася: аднаго дня Ён навучаў; і сядзелі фарысеі і заканазнаўцы, што прыйшлі з усіх пасяленняў Галілеі, і Юдэі, і Ерузаліма. І магутнасць Госпадава была ў Яго на аздараўленне.
18 #
Мц. 9:2; Мк. 2:3 І вось, мужчыны прынеслі чалавека, які быў спаралізаваны, на ложку і стараліся ўнесці яго і пакласці перад Ісусам.
19 #
Мц. 15:30
І, не знайшоўшы, з якога боку паднесці яго з-за натоўпу, узышлі на дах і праз сталяванне спусцілі яго на ложку на сярэдзіну перад Ісусам.
20 #
Лк. 7:48
І Ён, бачачы іх веру, сказаў яму: «Чалавеча, даруюцца табе грахі твае».
21 #
Мц. 9:3; Мк. 2:6; Ян. 10:33 І пачалі разважаць кніжнікі і фарысеі, кажучы: «Хто Ён, што блюзніць? Хто можа грахі дараваць, апрача аднаго Бога?»
22А Ісус пранік іх разважанні і сказаў, адказваючы ім: «Што вы думаеце ў сэрцах вашых?
23Што лягчэй сказаць: “Даруюцца табе грахі твае”, або: “Устань і хадзі?”
24 #
Мц. 28:18; Мк. 2:11 Але, каб вы ведалі, што Сын Чалавечы мае ўладу на зямлі дараваць грахі, – гаворыць спаралізаванаму: “Кажу табе, падыміся, вазьмі ложак свой ды ідзі да дому свайго”».
25 #
Дзеі 3:8
І ён, зараз падняўшыся на віду ўсіх, узяў, на чым ляжаў, і пайшоў да дому свайго, славячы Бога.
26Дык усіх ахапіў жах, і славілі Бога, і былі поўныя страху, кажучы: «Бачылі мы сёння дзівосы».
27 #
Мц. 9:9; Мк. 2:14; Ян. 12:26 І пасля гэтага выйшаў Ён, і ўбачыў мытніка на імя Леві, які сядзеў пры мыце, і гаворыць яму: «Ідзі за Мною!»
28 #
Мц. 4:22; Мк. 10:28 І ён, пакінуўшы ўсё, падняўшыся, пайшоў за Ім.
29 #
Мц. 9:10; Мк. 2:15 Затым справіў Яму Леві вялікі банкет у доме сваім, і было вялікае мноства мытнікаў і іншых, якія ўзлягалі з імі.
30 #
Мц. 11:19
Дык наракалі фарысеі і кніжнікі на вучняў Яго, кажучы: «Чаму гэта вы з мытнікамі і грэшнікамі ясце і п’яце?»
31І, адказваючы, сказаў ім Ісус: «Не здаровыя патрабуюць лекара, але немачныя.
32 #
Мц. 3:2; Мк. 2:17; Рым. 5:6 Не прыйшоў Я клікаць справядлівых, але грэшнікаў да навяртання».
33 #
Мц. 9:14; Мк. 2:18 Але яны сказалі Яму: «Янавы вучні часта посцяць і моляцца, падобна і фарысейскія, а Твае ядуць і п’юць».
34 #
Ян. 3:29
І Ісус гаворыць ім: «Ці ж можаце змушаць посціць вясельнікаў, пакуль жаніх з імі?
35 #
Ян. 16:6
Прыйдуць, аднак, дні, калі забраны будзе ад іх жаніх, тады посціць яны будуць у тыя дні».
36 #
Мц. 9:16; Мк. 2:21 Казаў ім яшчэ прыпавесць: «Ніхто латы з адзення новага не прышывае да старога адзення, бо і новае раздзярэ, ды лата з новага не надаецца да старога.
37Ніхто таксама новага віна не лье ў старыя мяхі, бо новае віно разрывае мяхі, і само разальецца, і мяхі прападуць.
38Але віно новае трэба ўліваць у новыя мяхі, тады адно і другое зберагаецца.
39Ды ніхто, п’ючы старое, не хоча адразу новага, бо кажа: “Старое лепшае”».
Цяпер абрана:
Евангелле паводле Лукі Раздзел 5: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017