Luka 13
13
1Leka wakayili baha pa lukumbi ulu wangi wakumpindila yombe ndumi sya waGalilaya wala, Pilato akahasangini mwasi wawe ni nyambiko syawe. 2Na akahigiti, nakajowiti kwa wombe, Muhola ati kukita waGalilaya awa wakayili wene sambi kulutila waGalilaya woha, ndawa wayufwini mahumbuso aga? 3Niwajowela mwenga, Lepa: koma, wona mulemiti kupela, yamutagike kimonga‐monga mwawoha. 4Pangi wawala kumi na nane, wala kilindo kya pa Siloam kikawagwilili, ni kuwakoma, muhola ati kukita wala wakayili ni misigilo kulutila woha wakutama mu Yerusalem? 5Niwajowela mwenga, Lepa: koma, wona mulemiti kupela, mwawoha yamutagike kimongamonga.
6Leka akajowiti ngongo iyi; Mundu nunuyu akayili ni nkuyu upandiki pa ngunda wake wa mbelesa; na akachiti kulondalonda fipambiko pa wula, na akafikolili lepa. 7Leka akajowiti kwa wa kuhengalela mbelesa, Lola, miaka iyi yidatu niyicha kulondalonda fipambiko pa nkuyu uwu, na kufiwona lepa: udumulile ngani; wuli usiwalisa waka nyimu? 8Leka akahigiti kunjowela yombe, Bambo, uuleke mwaka uwu kawili, mpaka apa yaniulimalile, ni kuulekalela mbolela: 9na wona yaukite fipambiko kitumbulile bahalapala, kinofu; leka wona nukuya wila, yaudumule ngani.
10Leka akayili mu kuyigalisa pa limonga lya masunagoge pa sabato. 11Na lola, ndala yula akayili ni roho ya kulegaleka miaka kumi na nane; na akayili wa kubindama pamonga, na akahotwili lepa kugoloka, haka pachokope. 12Leka Yesu pakambweni, akankemili, nakajowiti kwa yombe, Ndala, uwopoleke pa kulegaleka kwako. 13Na akambikili mawoko: na hino apa akagolosiki, na akankwisiti Mulungu. 14Leka nkulungu wa sungagoge, pakawiniti mwoyo ndawa Yesu akalwasiti pa sabato, akahigiti nakalijowili lipuga, Gayii magono sita umu wandu ngawahengili mahengo: mumu pa aga muyichaye kulamasika, nukuya pa ligono lya sabato. 15Leka Bambo akamhigiti, nakajowiti, Mwenga wakwikangalakisa, si ayi yoha wa mwenga awopola ng’ombe yake pangi lipunda lyake pa kiwaya pa sabato, ni kwilongolela pa kunywa? 16Leka uyu, pakuya mwana ndala wa Ibrahimu, yula Shetani akankungiti, lola, miaka iyi kumi na nane, ngawopoliki migoyi yila pa ligono lya sabato? 17Ni pa kujowa aga, woha wa kumpindika wakayili mu kulekaleka lihamu: ni lipuga lyoha likahekalili pa fyoha fya kukwisika fikakitiki nuyombe.
18Mumu akajowiti, Ni kiki uhwanangana utwa wa Mulungu? yanihwanakise ni kiki? 19Uyii wa kuhwanangana nu lungele lwa karadali, lula akapinditi mundu, nakalutagiti mu ngunda wake mwene; ni lukakuliti, ni lukapatiti kuya nkongo; ni fidege fya kunani fikajengiti fisakasa fiyawe mu ndafi syake. 20Na kawili akajowiti, Ni kiki yanihwanakise utwa wa Mulungu? 21Uhwanangana ni kimela, kila akatoliti ndala na akakifihiti mu malingilo gadatu ga usembe, mpaka pala kikakweliti kya mfilimila.
22Ni akagenditi mwanja pagati pa makaya ni mihali, kuyigalisa, kigendile mwanja ku Yerusalem. 23Leka yumonga akajowiti kwa yombe, Bambo, wachoko wakuyokoleka ati? 24Leka akajowiti kwa wombe, Mukikise kuyingila pa ndyango nfinyi: pakuya wingi, niwajowela mwenga, yagese kuyingila, na yawahotole lepa. 25Pala mwene nyumba ayimwiki, ni adinditi litanga, ni mutumbula kuyima kunja, ni kukinga ku litanga, kujowa, Bambo utidindulile; na yahige, yatawile kwa mwenga, Niwamanya lepa mwenga muhumila kuliku; 26Bahalapala yamutumbule kujowa, Tikalili pa miho pako ni tikanywili, ni ukayigalisi pa ndila situ; 27ni yatawile, Niwajowela, niwamanya lepa mwenga muhumila kuliku; mutaluke pa nenga, mwenga mwawoha wakuhenga fiwifu. 28Bahalapala yakuye kuselesa masoli ni kugogodola mino, pala yamuwawone Ibrahim, ni Isaak, ni Yakobo, ni wakulweta woha, pa utwa wa Mulungu, leka mwenga mwawene wakutagika kunja. 29Na yawafike kuhumila ku mpungu ni ku chombe, ni ku lulinga ni ku nkachi, na yawatame pasi pa utwa wa Mulungu. 30Na lola, wayili wakunyuma wala yawaye wa kutumbula, na wa kutumbula wala yawaye wa munyuma.
31Pa saa yiyilayila wakachiti wangi wa waFarisayo, kunjowela yombe, Pita, genda mwanja kuhuma apa: pakuya Herode alonda kukukoma. 32Ni akajowiti kwa wombe, Mubite, na mujowe kwa linkewe lila, Lola, nitaga kunja madaimon ni niwalamisa watamu lilino ni kilau, ni ligono lya kadatu nimalakasika. 33Koma nganigenditi lilino ni kilau na pa malau: pakuya nakulinganila lepa kukita wakulweta atagike lema pa Yerusalem. 34Yerusalem, Yerusalem, wakukoma wa kulweta, na kuwatumalila maganga wala watumiki kwake! palinga nikalonditi kuwawunganisa wanawo, ngati umu nguku iwunganisa kakuku kake pasi pa mapapatilo gake, na mukalonditi lepa! 35Lola, nyumba yinu yilekiki kwinu ya mahame: leka niwajowela mwenga, Yamuniwone lepa, mpaka yamujowe, Wakuhikalika yombe yuahicha pa lihina lya Bambo.
Цяпер абрана:
Luka 13: MGS1937
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
First published by the British and Foreign Bible Society in 1937.
Luka 13
13
1Leka wakayili baha pa lukumbi ulu wangi wakumpindila yombe ndumi sya waGalilaya wala, Pilato akahasangini mwasi wawe ni nyambiko syawe. 2Na akahigiti, nakajowiti kwa wombe, Muhola ati kukita waGalilaya awa wakayili wene sambi kulutila waGalilaya woha, ndawa wayufwini mahumbuso aga? 3Niwajowela mwenga, Lepa: koma, wona mulemiti kupela, yamutagike kimonga‐monga mwawoha. 4Pangi wawala kumi na nane, wala kilindo kya pa Siloam kikawagwilili, ni kuwakoma, muhola ati kukita wala wakayili ni misigilo kulutila woha wakutama mu Yerusalem? 5Niwajowela mwenga, Lepa: koma, wona mulemiti kupela, mwawoha yamutagike kimongamonga.
6Leka akajowiti ngongo iyi; Mundu nunuyu akayili ni nkuyu upandiki pa ngunda wake wa mbelesa; na akachiti kulondalonda fipambiko pa wula, na akafikolili lepa. 7Leka akajowiti kwa wa kuhengalela mbelesa, Lola, miaka iyi yidatu niyicha kulondalonda fipambiko pa nkuyu uwu, na kufiwona lepa: udumulile ngani; wuli usiwalisa waka nyimu? 8Leka akahigiti kunjowela yombe, Bambo, uuleke mwaka uwu kawili, mpaka apa yaniulimalile, ni kuulekalela mbolela: 9na wona yaukite fipambiko kitumbulile bahalapala, kinofu; leka wona nukuya wila, yaudumule ngani.
10Leka akayili mu kuyigalisa pa limonga lya masunagoge pa sabato. 11Na lola, ndala yula akayili ni roho ya kulegaleka miaka kumi na nane; na akayili wa kubindama pamonga, na akahotwili lepa kugoloka, haka pachokope. 12Leka Yesu pakambweni, akankemili, nakajowiti kwa yombe, Ndala, uwopoleke pa kulegaleka kwako. 13Na akambikili mawoko: na hino apa akagolosiki, na akankwisiti Mulungu. 14Leka nkulungu wa sungagoge, pakawiniti mwoyo ndawa Yesu akalwasiti pa sabato, akahigiti nakalijowili lipuga, Gayii magono sita umu wandu ngawahengili mahengo: mumu pa aga muyichaye kulamasika, nukuya pa ligono lya sabato. 15Leka Bambo akamhigiti, nakajowiti, Mwenga wakwikangalakisa, si ayi yoha wa mwenga awopola ng’ombe yake pangi lipunda lyake pa kiwaya pa sabato, ni kwilongolela pa kunywa? 16Leka uyu, pakuya mwana ndala wa Ibrahimu, yula Shetani akankungiti, lola, miaka iyi kumi na nane, ngawopoliki migoyi yila pa ligono lya sabato? 17Ni pa kujowa aga, woha wa kumpindika wakayili mu kulekaleka lihamu: ni lipuga lyoha likahekalili pa fyoha fya kukwisika fikakitiki nuyombe.
18Mumu akajowiti, Ni kiki uhwanangana utwa wa Mulungu? yanihwanakise ni kiki? 19Uyii wa kuhwanangana nu lungele lwa karadali, lula akapinditi mundu, nakalutagiti mu ngunda wake mwene; ni lukakuliti, ni lukapatiti kuya nkongo; ni fidege fya kunani fikajengiti fisakasa fiyawe mu ndafi syake. 20Na kawili akajowiti, Ni kiki yanihwanakise utwa wa Mulungu? 21Uhwanangana ni kimela, kila akatoliti ndala na akakifihiti mu malingilo gadatu ga usembe, mpaka pala kikakweliti kya mfilimila.
22Ni akagenditi mwanja pagati pa makaya ni mihali, kuyigalisa, kigendile mwanja ku Yerusalem. 23Leka yumonga akajowiti kwa yombe, Bambo, wachoko wakuyokoleka ati? 24Leka akajowiti kwa wombe, Mukikise kuyingila pa ndyango nfinyi: pakuya wingi, niwajowela mwenga, yagese kuyingila, na yawahotole lepa. 25Pala mwene nyumba ayimwiki, ni adinditi litanga, ni mutumbula kuyima kunja, ni kukinga ku litanga, kujowa, Bambo utidindulile; na yahige, yatawile kwa mwenga, Niwamanya lepa mwenga muhumila kuliku; 26Bahalapala yamutumbule kujowa, Tikalili pa miho pako ni tikanywili, ni ukayigalisi pa ndila situ; 27ni yatawile, Niwajowela, niwamanya lepa mwenga muhumila kuliku; mutaluke pa nenga, mwenga mwawoha wakuhenga fiwifu. 28Bahalapala yakuye kuselesa masoli ni kugogodola mino, pala yamuwawone Ibrahim, ni Isaak, ni Yakobo, ni wakulweta woha, pa utwa wa Mulungu, leka mwenga mwawene wakutagika kunja. 29Na yawafike kuhumila ku mpungu ni ku chombe, ni ku lulinga ni ku nkachi, na yawatame pasi pa utwa wa Mulungu. 30Na lola, wayili wakunyuma wala yawaye wa kutumbula, na wa kutumbula wala yawaye wa munyuma.
31Pa saa yiyilayila wakachiti wangi wa waFarisayo, kunjowela yombe, Pita, genda mwanja kuhuma apa: pakuya Herode alonda kukukoma. 32Ni akajowiti kwa wombe, Mubite, na mujowe kwa linkewe lila, Lola, nitaga kunja madaimon ni niwalamisa watamu lilino ni kilau, ni ligono lya kadatu nimalakasika. 33Koma nganigenditi lilino ni kilau na pa malau: pakuya nakulinganila lepa kukita wakulweta atagike lema pa Yerusalem. 34Yerusalem, Yerusalem, wakukoma wa kulweta, na kuwatumalila maganga wala watumiki kwake! palinga nikalonditi kuwawunganisa wanawo, ngati umu nguku iwunganisa kakuku kake pasi pa mapapatilo gake, na mukalonditi lepa! 35Lola, nyumba yinu yilekiki kwinu ya mahame: leka niwajowela mwenga, Yamuniwone lepa, mpaka yamujowe, Wakuhikalika yombe yuahicha pa lihina lya Bambo.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
First published by the British and Foreign Bible Society in 1937.