Ja̰ 9
9
Jesu nen wo ji nina
Mrk 8.22-25, 10.46-52
1Gorne Jesu wo saal gɨna, ər ləg wo paa ne wag tɨ na̰ hul na ji nina. 2Ər bi tɨ wa̰y edɨ ɓiri ər: «Rabbi, ɓər ne na ji nina ɓagcagri na ər twila, ja jo ka ɓijim ta ər ji nina a? Tɨ yḭrmar ɓee tɨ ər bi tɨ twila a?» 3Jesu duga gɨ a: «Tuna ər ɓijim sul lo la, tuna ər bi twila sul lo la, lɛ ər ji nina ka bi una na Ndɨla na dwari. 4Ka i ka wo ne toon ən na cida gorne ɗang un ɗoy lo. Kəysul jo un ɗoy gɨna, wo ɓə lɛm cida kar lo. 5Gorne ən wo tɨ dunya̰ hul, yin tɨ bi tɨ dunya̰ na un ndeeri.»
6Gorne Jesu ja jaa kuna paa ne teni gɨna, ər tɨb hirgɨ tɨ nəgri sul la ər ka na lɔbri ər lɔr tɨ wo ji nina ji 7la ər ja gɨ ər: «Əm si əm hum tɨ Silohe.» Silohe ji ɓə «Tomni.» Ɓər si la ər ugu ər ji tɨ ndu ne la. Gorne ər duga ər hina gɨna ər ji ləg un. 8Ər peer tɨ li taal la bi ton ləg ər toni na wa̰y ndɔri tɨ bi daa, a ja ɓə: «Tɨ wo ne ti tɨ ul taal wo wa̰y ndɔri tɨ bi daa jo le lo a?» 9Bi tapeer ja: «Tɨ yḭr.» Lɛ tapeer paa ja ɓə: «M, m, tɨ yḭr lo, tɨ wo paa ne wag ər.» Lɛ ɓər ja gɨ a ɓə: «Tɨ yin maan.» 10A ɓiri ər: «Ka waa ta əm ji təng a?» 11Ər duga gɨ a: «Ɓər ne ndil ɓə Jesu jo ka lɔbri ɓa̰ ndḛni, ər kay tɨ ən ji la ər ja gɨ ən ɓə: “Əm si əm ugu əm ji tɨ Silohe.” Ən si la ən ugu ən ji. Ndogle ən ləg un ɓari.» 12A ɓiri ər: «Ɓər əm wo ɓay a?» Ər duga gɨ a: «Ən una lo.»
Parisyḛ-a ɓiri wo ji nina ne Jesu nen ər jaa.
13Bi hina na ɓər ne Jesu nen ər tɨ Parisyḛ-a ndɔ. 14Ɗa̰y ne Jesu ka na lɔbri la təng na ɓər ne ji la tɨ ɗa̰y tɨ saaw bɛ. 15Nejo, Parisyḛ-a ɓiri ɓə: ka wata ər ji ləg un? Ər duga gɨ a: «Ər lɔr lɔbri tɨ ən ji la, ən si ən hum gɨna, ən ləg un.» 16Parisyḛ-a tapeer ja ɓə: «Ɓər ne ka wa̰y ne o̰ tɨ Ndɨla ndɔ lo, kəysul ər oy ɗa̰y tɨ saaw bɛ lo.» Lɛ tapeer paa ja ɓə: «Wo tɨ ɓijim kar ɓə wa̰y ne ɓɔrji kuna paa ne kar lo bad.» Gɨna a laa paa mu lo. 17Parisyḛ-a ɓiri wo ji nina ne cam: «Kəyjo əm ilgɨ tɨ ɓər ne tən ji sul a?» Ər duga gɨ a: «Yḭr tɨ nebi.»
18Juyb-a ko hul ɓə yḭr tɨ wo ji nina toni ta ndogle ər ləg un lo. Nejo, a toon a soon ər bi tɨ twila. 19Tɨ a jaa ɓiri. A ɓiri a: «Pay ɓər ne tɨ i ɓa̰ a? Yḭ ja jaa kuri ɓə ər tɨ wo ji nina ɓagcagri na ər twila. Ka waa ta ər ləg un ndogle a?» 20Bi tɨ ər twila duga gɨ a: «Yini una ɓari, yḭr tɨ i ɓa̰, ər tɨ wo ji nina ɓagcagri na ər twila. 21Lɛ tuna ər ji na un ləg gɨna, yini una lo. La yini una wo ne təng ər ji lo la. Yḭ ɓiri may kəysul ər tɨ wo ɗəng, ər lɛm gɨ i jaa duga!» 22Ər bi tɨ twila ja jaa ne in kəysul a oy gɨ Juyb-a woom. Juyb-a ɓəw a mu ɓə: wo ne ja ɓə Jesu tɨ Krist gɨna, a ɓə ər kun tɨ li tɨ paa tina hul. 23Nejo ər bi tɨ twila ja na ɓə: «Yḭr tɨ wo ɗəng teni, yḭ may ɓiri ər jaa!»
24Parisyḛ-a duga a soon wo ji nina lahul tɨ ndidi mani cam la a ja gɨ ər: «Əm ja jaa kuri tɨ Ndɨla kwi, kəysul yini una ɓə ɓər ne tɨ wo tɨ ɓijim kar.» 25Ər duga gɨ a: «Jo yḭr tɨ wo tɨ ɓijim kar kaw, ən una lo, lɛ ən una wa̰y ɓudu ne tuna ər sul: Toni yin tɨ wo ji nina, lɛ ndogle, ən ləg un ɓari.» 26A ja gɨ ər: «Kəy jo ər ka gɨ əm a? Ər təng əm ji waa waa a?» 27Ər duga gɨ a: «Ən jaa gɨ i toni lɛ yḭ taam ən jaa laa lo. Kəyjaa yḭ taam jaa ne laa cam lahul tɨ ndidi mani a? Pay yḭ taam duga tɨm ər bi tɨ wa̰y edɨ a?» 28A ɓurum ər la a ja gɨ ər ɓə: «Yim jo əm tɨ ər wo, yini tɨ Moys na bi. 29Yini una ɓə Ndɨla ja jaa gɨ Moys, lɛ ɓər ne yini una un ne ər o̰ tɨ nin lo.» 30Lɛ ɓər ne duga gɨ a: «Wa̰y ne ndinimani jo le: Yḭ una un ne ər o̰ tɨ nin lo, lɛ ər təng ən ji! 31Yini una ɓari ɓə, Ndɨla laa bi tɨ ɓijim kar jaa lo. Lɛ jo wo oy gɨ ər la, ka wa̰y ne ər hul taam la gɨna, ər laa ər jaa. 32Yini laa ɓə wo təng wo ne a toy ər na ji nina ji ɗa̰y ɓudu lo. 33Jo ɓər ne o̰ tɨ Ndɨla ndɔ lo a, ər ɓə lɛm wa̰y ɓudu in kar lo.» 34A duga gɨ ər: «A toy əm na əm ndula gun tɨ ɓijim hul, la tɨ yim jo əm taam gɨ i wa̰y ɓla a?» Gɨna, a kun ər tɨ bayri.
35Jesu una ɓə Parisyḛ-a kun ɓər ne tɨ li tɨ paa tina hul gɨna, ər si, ər ten ər la ər ɓiri ər: «Pay əm ko Wo Ɓa̰ hul a?» 36Ɓər duga gɨ ər: «Wo tɨ wa̰y ɓla, Yḭr tɨ kəy wo ta ən ɓə ər hul kula a?» 37Jesu duga gɨ ər: «Əm ləg ər teni, tɨ yḭr jo ər wo gɨ əm jaa ja.» 38Gɨna ɓər duga gɨ ər: «Baali, ən ko əm hul.» La ər yabu ər.
39La Jesu jaa: «Ən hina tɨ dunya̰ tɨ jaa tungni tɨ bi sul, ka bi ton ləg un lo ləg un, la ka bi tɨ un ləg duga bi ji nina la.» 40Gorne Parisyḛ-a tapeer ton ti na ər laa jaa ne gɨna, a ɓiri ər: «Pay yini kaw i tɨ bi ji nina a?» 41Jesu duga gɨ a: «Jo hiina toni yḭ tɨ bi ji nina gɨna, yḭ ɓə tɨm bi tɨ ɓijim kar lo. Lɛ ndog le, yḭ ja ɓə: “Yini ləg un ɓari.” Nejo yḭ ti tɨ ɓijim hul.»
Цяпер абрана:
Ja̰ 9: nie
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023, ATALTRAB
Ja̰ 9
9
Jesu nen wo ji nina
Mrk 8.22-25, 10.46-52
1Gorne Jesu wo saal gɨna, ər ləg wo paa ne wag tɨ na̰ hul na ji nina. 2Ər bi tɨ wa̰y edɨ ɓiri ər: «Rabbi, ɓər ne na ji nina ɓagcagri na ər twila, ja jo ka ɓijim ta ər ji nina a? Tɨ yḭrmar ɓee tɨ ər bi tɨ twila a?» 3Jesu duga gɨ a: «Tuna ər ɓijim sul lo la, tuna ər bi twila sul lo la, lɛ ər ji nina ka bi una na Ndɨla na dwari. 4Ka i ka wo ne toon ən na cida gorne ɗang un ɗoy lo. Kəysul jo un ɗoy gɨna, wo ɓə lɛm cida kar lo. 5Gorne ən wo tɨ dunya̰ hul, yin tɨ bi tɨ dunya̰ na un ndeeri.»
6Gorne Jesu ja jaa kuna paa ne teni gɨna, ər tɨb hirgɨ tɨ nəgri sul la ər ka na lɔbri ər lɔr tɨ wo ji nina ji 7la ər ja gɨ ər: «Əm si əm hum tɨ Silohe.» Silohe ji ɓə «Tomni.» Ɓər si la ər ugu ər ji tɨ ndu ne la. Gorne ər duga ər hina gɨna ər ji ləg un. 8Ər peer tɨ li taal la bi ton ləg ər toni na wa̰y ndɔri tɨ bi daa, a ja ɓə: «Tɨ wo ne ti tɨ ul taal wo wa̰y ndɔri tɨ bi daa jo le lo a?» 9Bi tapeer ja: «Tɨ yḭr.» Lɛ tapeer paa ja ɓə: «M, m, tɨ yḭr lo, tɨ wo paa ne wag ər.» Lɛ ɓər ja gɨ a ɓə: «Tɨ yin maan.» 10A ɓiri ər: «Ka waa ta əm ji təng a?» 11Ər duga gɨ a: «Ɓər ne ndil ɓə Jesu jo ka lɔbri ɓa̰ ndḛni, ər kay tɨ ən ji la ər ja gɨ ən ɓə: “Əm si əm ugu əm ji tɨ Silohe.” Ən si la ən ugu ən ji. Ndogle ən ləg un ɓari.» 12A ɓiri ər: «Ɓər əm wo ɓay a?» Ər duga gɨ a: «Ən una lo.»
Parisyḛ-a ɓiri wo ji nina ne Jesu nen ər jaa.
13Bi hina na ɓər ne Jesu nen ər tɨ Parisyḛ-a ndɔ. 14Ɗa̰y ne Jesu ka na lɔbri la təng na ɓər ne ji la tɨ ɗa̰y tɨ saaw bɛ. 15Nejo, Parisyḛ-a ɓiri ɓə: ka wata ər ji ləg un? Ər duga gɨ a: «Ər lɔr lɔbri tɨ ən ji la, ən si ən hum gɨna, ən ləg un.» 16Parisyḛ-a tapeer ja ɓə: «Ɓər ne ka wa̰y ne o̰ tɨ Ndɨla ndɔ lo, kəysul ər oy ɗa̰y tɨ saaw bɛ lo.» Lɛ tapeer paa ja ɓə: «Wo tɨ ɓijim kar ɓə wa̰y ne ɓɔrji kuna paa ne kar lo bad.» Gɨna a laa paa mu lo. 17Parisyḛ-a ɓiri wo ji nina ne cam: «Kəyjo əm ilgɨ tɨ ɓər ne tən ji sul a?» Ər duga gɨ a: «Yḭr tɨ nebi.»
18Juyb-a ko hul ɓə yḭr tɨ wo ji nina toni ta ndogle ər ləg un lo. Nejo, a toon a soon ər bi tɨ twila. 19Tɨ a jaa ɓiri. A ɓiri a: «Pay ɓər ne tɨ i ɓa̰ a? Yḭ ja jaa kuri ɓə ər tɨ wo ji nina ɓagcagri na ər twila. Ka waa ta ər ləg un ndogle a?» 20Bi tɨ ər twila duga gɨ a: «Yini una ɓari, yḭr tɨ i ɓa̰, ər tɨ wo ji nina ɓagcagri na ər twila. 21Lɛ tuna ər ji na un ləg gɨna, yini una lo. La yini una wo ne təng ər ji lo la. Yḭ ɓiri may kəysul ər tɨ wo ɗəng, ər lɛm gɨ i jaa duga!» 22Ər bi tɨ twila ja jaa ne in kəysul a oy gɨ Juyb-a woom. Juyb-a ɓəw a mu ɓə: wo ne ja ɓə Jesu tɨ Krist gɨna, a ɓə ər kun tɨ li tɨ paa tina hul. 23Nejo ər bi tɨ twila ja na ɓə: «Yḭr tɨ wo ɗəng teni, yḭ may ɓiri ər jaa!»
24Parisyḛ-a duga a soon wo ji nina lahul tɨ ndidi mani cam la a ja gɨ ər: «Əm ja jaa kuri tɨ Ndɨla kwi, kəysul yini una ɓə ɓər ne tɨ wo tɨ ɓijim kar.» 25Ər duga gɨ a: «Jo yḭr tɨ wo tɨ ɓijim kar kaw, ən una lo, lɛ ən una wa̰y ɓudu ne tuna ər sul: Toni yin tɨ wo ji nina, lɛ ndogle, ən ləg un ɓari.» 26A ja gɨ ər: «Kəy jo ər ka gɨ əm a? Ər təng əm ji waa waa a?» 27Ər duga gɨ a: «Ən jaa gɨ i toni lɛ yḭ taam ən jaa laa lo. Kəyjaa yḭ taam jaa ne laa cam lahul tɨ ndidi mani a? Pay yḭ taam duga tɨm ər bi tɨ wa̰y edɨ a?» 28A ɓurum ər la a ja gɨ ər ɓə: «Yim jo əm tɨ ər wo, yini tɨ Moys na bi. 29Yini una ɓə Ndɨla ja jaa gɨ Moys, lɛ ɓər ne yini una un ne ər o̰ tɨ nin lo.» 30Lɛ ɓər ne duga gɨ a: «Wa̰y ne ndinimani jo le: Yḭ una un ne ər o̰ tɨ nin lo, lɛ ər təng ən ji! 31Yini una ɓari ɓə, Ndɨla laa bi tɨ ɓijim kar jaa lo. Lɛ jo wo oy gɨ ər la, ka wa̰y ne ər hul taam la gɨna, ər laa ər jaa. 32Yini laa ɓə wo təng wo ne a toy ər na ji nina ji ɗa̰y ɓudu lo. 33Jo ɓər ne o̰ tɨ Ndɨla ndɔ lo a, ər ɓə lɛm wa̰y ɓudu in kar lo.» 34A duga gɨ ər: «A toy əm na əm ndula gun tɨ ɓijim hul, la tɨ yim jo əm taam gɨ i wa̰y ɓla a?» Gɨna, a kun ər tɨ bayri.
35Jesu una ɓə Parisyḛ-a kun ɓər ne tɨ li tɨ paa tina hul gɨna, ər si, ər ten ər la ər ɓiri ər: «Pay əm ko Wo Ɓa̰ hul a?» 36Ɓər duga gɨ ər: «Wo tɨ wa̰y ɓla, Yḭr tɨ kəy wo ta ən ɓə ər hul kula a?» 37Jesu duga gɨ ər: «Əm ləg ər teni, tɨ yḭr jo ər wo gɨ əm jaa ja.» 38Gɨna ɓər duga gɨ ər: «Baali, ən ko əm hul.» La ər yabu ər.
39La Jesu jaa: «Ən hina tɨ dunya̰ tɨ jaa tungni tɨ bi sul, ka bi ton ləg un lo ləg un, la ka bi tɨ un ləg duga bi ji nina la.» 40Gorne Parisyḛ-a tapeer ton ti na ər laa jaa ne gɨna, a ɓiri ər: «Pay yini kaw i tɨ bi ji nina a?» 41Jesu duga gɨ a: «Jo hiina toni yḭ tɨ bi ji nina gɨna, yḭ ɓə tɨm bi tɨ ɓijim kar lo. Lɛ ndog le, yḭ ja ɓə: “Yini ləg un ɓari.” Nejo yḭ ti tɨ ɓijim hul.»
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023, ATALTRAB