Luk 23
23
Jesu o tɨ Pilat kwi
Mat 27.1-2,11-14; Mrk 15.1-5; Ja̰ 18.28-38
1Bi gun o̰ la a si na Jesu tɨ Pilat guberno̰ tɨ Rom kwi la. 2Tɨ un ne, a ɗolɔ tɨ jaa ɗula tɨ ər sul. A jaa: «Yini ten ɓər ne wo i bi tan: Ər ja gɨ bi ɓə a ka gɨ Sesar wa̰ay ɗəng tɨ Rom lambo naa lo la, ər ja yḭr jo tɨ Krist, wo ne Ndɨla ɛr, ne ji ɓə wa̰ay la.» 3Gɨna Pilat ɓiri ər jaa: «Yim tɨ wa̰ay tɨ juyb-a maan a?» Jesu duga gɨ ər: «Yim mam ja tɨ əm mu ɗay.» 4La Pilat duga ja gɨ bi tɨ hima ɓina na woom la bi gun la, ər ja ɓə: «Ən ten wa̰y ɓudu ne lɛm ne jaa ɓə na ɓər ne sul par lo.» 5Lɛ bi ja tɨ ndal na dwari ɓə: «Ər sobɨn bi gun na ər wa̰y tɨ ɓla tɨ un gun tɨ lɔr nəgri sul tɨ Jude, ər ɗolɔ tɨ lɔr nəgri sul tɨ Galile, ndog le, ər wo le.»
Jesu o tɨ goberno̰ Erod kwi
6Gorne Pilat wa̰y ɗəng tɨ Rom laa jaa ne gɨna, ər taam una ɓə pay ɓər ne tɨ wo tɨ lɔr nəgri sul tɨ Galile a? 7La gorne ər una teni ɓə Jesu o̰ tɨ Erod na lɔr nəgri sul gɨna, ər toon gɨ ər na Jesu, kəysul na lula sul ɗay Erod wo tɨ lɔr ɗəng tɨ Jerusalɛm hul la. 8Gorne Erod ləg Jesu gɨna, ər ka ndula laar ɗəng, kəysul ər laa jaa tuna Jesu sul toni ɓagcagri, la ər taam ul mu tɨ ər ləg la, ər taam ka ər ka wa̰y ne ɓɔrji ɓudu, ka ər ləg. 9Erod ɓiri Jesu jaa dɨbla lɛ Jesu duga gɨ ər lo. 10Bi tɨ hima ɓina na woom la bi tɨ gṵ hul ɓla la a ti wo nin. A kay jaa dɨbla tɨ Jesu sul. 11Erod a na ər eli-a ka Jesu ɓəji la a ləg ər a ka na wa̰y lo la, a toon ər gɨ Pilat cam la. 12Toni, Erod a na Pilat a tɨ peer tɨ pɛni, lɛ na ɗa̰y ne a duga a ti paa korgɨ.
13Pilat soon bi tɨ hima ɓina na woom la, bi nii tɨ lɔr hul la bi gun la, 14la ər ja gɨ a: «Yḭ hina gɨ ən na ɓər ne la yḭ ja gɨ ən ɓə ər tan bi tɨ ul tugla sul, ən ɓiri ər jaa tɨ i kwi lɛ ən ten wa̰y ɓudu in tɨ mum gun ne yḭ jaa gɨ ən daan ne lɛm ne jaa ɓə ər sul par lo, 15Erod kaw ten jaa ɓudu tɨ ər ndɔ lo la, kəysul ɓər ne ka ɓijim ɓudu ne lɛm ər humna lo. 16Ən ɓə ər ɗɨb na ngar la ən ɓə ər nɨm tɨ ndal la.» 17Pilat ɓə dangay ɓudu nɨm na ɗa̰y tɨ Pak hul na an sul#23.17 Un tɨ ɓra ne teni o maktub peer daan.. 18Lɛ bi gun ka gwar na dwari: «Hun ɓər ne! Nɨm gɨ yi Barabas!» 19A ɗo Barabas tɨ dangay kəysul ər sobɨn bi tɨ bi nii sul la ta wo paa ne ər hun la. 20Kuna Pilat taam Jesu nɨm tɨ ndal ər ja gɨ a jaa cam. 21Lɛ ya̰ a ka ngɔr tɨ ndal: «Ɗɨb ər tɨ tɨla tɨ tərgɨ sul! Ɗɨb ər tɨ tɨla tɨ tərgɨ sul!» 22Lahul tɨ tedi mani, Pilat so jaa la ər ja: «Kəy ɓijim jo ər ka a? Ən ten ɓijim ɓudu ne ər ka ne lɛm ər ulu lo. Ən ɓə ən gṵ naa ka a ɗɨb ər la ən ɓə ər nɨm tɨ ndal la.» 23Lɛ a lor gar gar tɨ gor ka Pilat ɗɨb Jesu tɨ tɨla tərgɨ sul, a jo̰y ngɔr tɨ ndal na dwari. 24Gɨna Pilat so ər gṵ tɨ gɨ a wa̰y ne a hul taam naa. 25Ər nɨm gɨ a wo ne a ɗo ər tɨ dangay kəysul ər sobɨn bi la ər hun wo paa la ne a ɓiri, la ər naa gɨ a Jesu ka a ka gɨ ər wa̰y ne a hul taam la.
A ɗɨb Jesu tɨ tɨla tərgɨ sul
Mat 27.32-44; Mrk 15.21-32; Ja̰ 19.17-27
26Gorne eli-a wo saal na Jesu a, a ten ɓər paa ndil ɓə Simo̰#23.26 Simo̰ tɨ juyb lo., yḭr tɨ wo tɨ lɔr ɗəng tɨ Siren. Ər o̰ tɨ waal hul. A par ər na dwari, ka ər yəg tɨla tɨ tərgɨ tɨ Jesu lɔ. 27Bi dɨbla si tɨ Jesu lɔ, la aa ne wo a tən ɗɨb la, ne wo a ndula cḛy la Jesu jaa. 28Jesu yiga ji tɨ aa ndɔ la ər ja gɨ a: «Ɓimi aa tɨ Jerusalɛm, yḭ ka cḛy ən jaa lo! Lɛ yḭmay yḭ cḛy i ndɔ la i ɓimi ja la. 29Kəysul lula sul ɓə an ne a ɓə gɨ i ja: “Ndula laar gɨ aa sawru, ya̰ ne a toy ɓimi lo la ne naa gɨ ɓimi huma lo la.” 30Gɨna bi ɓə o̰ tɨ gɨ nan ja: “Yḭ tɨbɨn tɨ yi sul”! La gɨ ɗingni ja “Yḭ wal yi sul!” 31Kəysul jo wo ka tɨla wori#23.31 Tɨla wori ti tuna Jesu na ka ɓijim lo. kuna ne gɨna, tɨla ngemni#23.31 Tɨla ngəmni ja jaa tuna bi tɨ ɓijim kar ne jaa ɓə a sul par. maan ɓə tɨm waa a?» 32A si na bi tɨ ndidi, ya̰ tɨ bi tɨ ɓijim kar, tɨ a humna na Jesu la.
A ɗɨb Jesu tɨ tɨla tɨ tərgɨ sul
33Gorne a an tɨ un ne a soon ər ɓə «sul kṵuna.» Gɨna, Eli-a ɗɨb Jesu tɨ tɨla tɨ tərgɨ sul tɨ un ne. A ɗɨb bi tɨ ɓijim kar tɨ ndidi tɨla tɨ tərgɨ sul la, ɓudu tɨ ər taal tɨ lɨma sul la paa tɨ ər taal tɨ gɨlay sul la. 34Gɨna Jesu ja: «Ən ba, ka əm hul ɗina əm tɨ a sul, kəysul a una wa̰y ne a wo kar i ji lo.» A ɓaan gɨ peer ər ngɔmi a ka na mbara#23.34 Psa 22.19. 35Bi ti un ne ləg a. Woom tɨ juyb-a maan ka ər siri la a ja: «Ər nen bi, ka may nen ər ndula, jo ər tɨ Krist, Wo ne Ndɨla ɛr ər kuri gɨna kar nen ər ndɔ!» 36Eli-a kaw ka ər siri la: A kori tɨ ər ndɔ tɨ gɨ ər ham bḛ man naa, a ja: 37«Jo əm tɨ wa̰ay tɨ Juyb-a maan a, yimaam nen əm ndula.» 38A kya̰ wa̰y tɨ sul tɨ ndal ɓə: «Tɨ Juyb-a na wa̰ay.» 39Wo tɨ ɓijim kar paa ne a ɗɨb ər tɨ tɨla tɨ tərgɨ sul ɓurum Jesu. Ər ja: «Yim tɨ Krist, wo ne Ndɨla ɛr ər lo a? Nen əm ndula la, əm nen i la!» 40Lɛ paa ɓudu ja gɨ ər: «Əm oy gɨ Ndɨla lo a, yim ne əm ten pɛw kuna yḭr no̰! 41Yḭ par maan tɨ ul, a ɗɨb i tɨ tɨla tɨ tərgɨ sul kəysul yi mum tɨ kar jaa lɛ ɓər ne ka wa̰y ɓijim lo.» 42La ər ja: «Jesu, kay əm ho̰ni tɨ ən sul gorne əm ɓə hina kuna wa̰ay.» 43Jesu duga gɨ ər: «Kuri, ən ja gɨ əm, kakamle, əm ɓə na ən tɨm tɨ Jana.»
Jesu na ulu
Mat 27.45-56; Mrk 15.33-41; Ja̰ 19.28-30
44Lula sul ti ndog na tili, la lɔr nəgri sul#23.44 Ɓə lɔr nəgri sul tɨ Palestin. gun duga tɨ syɛl marway lula sul tɨ tedi. 45Gorne lula hɔn ji gɨna. Sər ɗəng ne a tung na Ndɨla li hul da̰r tɨ paa daan. 46Jesu ka ngɔr tɨ ndal, ər ja: «Ən ba, ən nɨm ən lal tɨ əm daa.» Tɨ jaa ne bəgri a ər par ər mu. 47Eli-a na woom ləg wa̰y ne ka paa, gɨna a teen Ndɨla. a ja ɓə: «Kuri, ɓər ne tɨ wo tugla.» 48Bi gun ne hina tɨ wa̰y ne ləg, gorne a ləg wa̰y ne ka paa gɨna, a duga, la a ɗɨb a tən na ngɨnɨm. 49Jesu na peer korgɨ gun la aa ne o̰ na ər tɨ Galile pi a ti ɓag tɨ wa̰y ne ka paa ləg.
A ɗo Jesu tɨ ngalɨm hul
Mat 27.57-61; Mrk 15.42-47; Ja̰ 19.38-42
50-51Ɓər paa ndil ɓə Josep. Yḭr tɨ wo tugla la wo ɓari la, ər a̰y Ndɨla waan. Yḭr tɨ wo tɨ Juyb-a na lɔr hul tɨ Arimate. Yḭr tɨ wo paa tɨ Juyb-a na bi nii tɨ jaa tṵgni daan. 52Ɓər ne si tɨ Pilat ndɔ ɓiri ər Jesu ulu. 53Ər jir ər ulu tɨ tɨla tɨ tərgɨ sul, ər bini ər na sər la ər ɗo ər tɨ ngalɨm ne a el tɨ kura daan ne ɗang a bili wo tɨ nin lo. 54Ɗolɔ na jima la ɗa̰y tɨ sawbɛ ti ndog teni. 55Aa ton an Jesu lɔ, tɨ Galile pi si tɨ Josep lɔ. A ləg ngalɨm la, a ləg gorne a ɗo na Jesu tɨ ngalɨm hul. 56Gɨna a duga, a si a ka dukan la, itɨr la a par a ndɔ na ɗa̰y tɨ saaw bɛ. Kəysul gṵ hul kway gɨ a un tɨ cida kar.
Цяпер абрана:
Luk 23: nie
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023, ATALTRAB
Luk 23
23
Jesu o tɨ Pilat kwi
Mat 27.1-2,11-14; Mrk 15.1-5; Ja̰ 18.28-38
1Bi gun o̰ la a si na Jesu tɨ Pilat guberno̰ tɨ Rom kwi la. 2Tɨ un ne, a ɗolɔ tɨ jaa ɗula tɨ ər sul. A jaa: «Yini ten ɓər ne wo i bi tan: Ər ja gɨ bi ɓə a ka gɨ Sesar wa̰ay ɗəng tɨ Rom lambo naa lo la, ər ja yḭr jo tɨ Krist, wo ne Ndɨla ɛr, ne ji ɓə wa̰ay la.» 3Gɨna Pilat ɓiri ər jaa: «Yim tɨ wa̰ay tɨ juyb-a maan a?» Jesu duga gɨ ər: «Yim mam ja tɨ əm mu ɗay.» 4La Pilat duga ja gɨ bi tɨ hima ɓina na woom la bi gun la, ər ja ɓə: «Ən ten wa̰y ɓudu ne lɛm ne jaa ɓə na ɓər ne sul par lo.» 5Lɛ bi ja tɨ ndal na dwari ɓə: «Ər sobɨn bi gun na ər wa̰y tɨ ɓla tɨ un gun tɨ lɔr nəgri sul tɨ Jude, ər ɗolɔ tɨ lɔr nəgri sul tɨ Galile, ndog le, ər wo le.»
Jesu o tɨ goberno̰ Erod kwi
6Gorne Pilat wa̰y ɗəng tɨ Rom laa jaa ne gɨna, ər taam una ɓə pay ɓər ne tɨ wo tɨ lɔr nəgri sul tɨ Galile a? 7La gorne ər una teni ɓə Jesu o̰ tɨ Erod na lɔr nəgri sul gɨna, ər toon gɨ ər na Jesu, kəysul na lula sul ɗay Erod wo tɨ lɔr ɗəng tɨ Jerusalɛm hul la. 8Gorne Erod ləg Jesu gɨna, ər ka ndula laar ɗəng, kəysul ər laa jaa tuna Jesu sul toni ɓagcagri, la ər taam ul mu tɨ ər ləg la, ər taam ka ər ka wa̰y ne ɓɔrji ɓudu, ka ər ləg. 9Erod ɓiri Jesu jaa dɨbla lɛ Jesu duga gɨ ər lo. 10Bi tɨ hima ɓina na woom la bi tɨ gṵ hul ɓla la a ti wo nin. A kay jaa dɨbla tɨ Jesu sul. 11Erod a na ər eli-a ka Jesu ɓəji la a ləg ər a ka na wa̰y lo la, a toon ər gɨ Pilat cam la. 12Toni, Erod a na Pilat a tɨ peer tɨ pɛni, lɛ na ɗa̰y ne a duga a ti paa korgɨ.
13Pilat soon bi tɨ hima ɓina na woom la, bi nii tɨ lɔr hul la bi gun la, 14la ər ja gɨ a: «Yḭ hina gɨ ən na ɓər ne la yḭ ja gɨ ən ɓə ər tan bi tɨ ul tugla sul, ən ɓiri ər jaa tɨ i kwi lɛ ən ten wa̰y ɓudu in tɨ mum gun ne yḭ jaa gɨ ən daan ne lɛm ne jaa ɓə ər sul par lo, 15Erod kaw ten jaa ɓudu tɨ ər ndɔ lo la, kəysul ɓər ne ka ɓijim ɓudu ne lɛm ər humna lo. 16Ən ɓə ər ɗɨb na ngar la ən ɓə ər nɨm tɨ ndal la.» 17Pilat ɓə dangay ɓudu nɨm na ɗa̰y tɨ Pak hul na an sul#23.17 Un tɨ ɓra ne teni o maktub peer daan.. 18Lɛ bi gun ka gwar na dwari: «Hun ɓər ne! Nɨm gɨ yi Barabas!» 19A ɗo Barabas tɨ dangay kəysul ər sobɨn bi tɨ bi nii sul la ta wo paa ne ər hun la. 20Kuna Pilat taam Jesu nɨm tɨ ndal ər ja gɨ a jaa cam. 21Lɛ ya̰ a ka ngɔr tɨ ndal: «Ɗɨb ər tɨ tɨla tɨ tərgɨ sul! Ɗɨb ər tɨ tɨla tɨ tərgɨ sul!» 22Lahul tɨ tedi mani, Pilat so jaa la ər ja: «Kəy ɓijim jo ər ka a? Ən ten ɓijim ɓudu ne ər ka ne lɛm ər ulu lo. Ən ɓə ən gṵ naa ka a ɗɨb ər la ən ɓə ər nɨm tɨ ndal la.» 23Lɛ a lor gar gar tɨ gor ka Pilat ɗɨb Jesu tɨ tɨla tərgɨ sul, a jo̰y ngɔr tɨ ndal na dwari. 24Gɨna Pilat so ər gṵ tɨ gɨ a wa̰y ne a hul taam naa. 25Ər nɨm gɨ a wo ne a ɗo ər tɨ dangay kəysul ər sobɨn bi la ər hun wo paa la ne a ɓiri, la ər naa gɨ a Jesu ka a ka gɨ ər wa̰y ne a hul taam la.
A ɗɨb Jesu tɨ tɨla tərgɨ sul
Mat 27.32-44; Mrk 15.21-32; Ja̰ 19.17-27
26Gorne eli-a wo saal na Jesu a, a ten ɓər paa ndil ɓə Simo̰#23.26 Simo̰ tɨ juyb lo., yḭr tɨ wo tɨ lɔr ɗəng tɨ Siren. Ər o̰ tɨ waal hul. A par ər na dwari, ka ər yəg tɨla tɨ tərgɨ tɨ Jesu lɔ. 27Bi dɨbla si tɨ Jesu lɔ, la aa ne wo a tən ɗɨb la, ne wo a ndula cḛy la Jesu jaa. 28Jesu yiga ji tɨ aa ndɔ la ər ja gɨ a: «Ɓimi aa tɨ Jerusalɛm, yḭ ka cḛy ən jaa lo! Lɛ yḭmay yḭ cḛy i ndɔ la i ɓimi ja la. 29Kəysul lula sul ɓə an ne a ɓə gɨ i ja: “Ndula laar gɨ aa sawru, ya̰ ne a toy ɓimi lo la ne naa gɨ ɓimi huma lo la.” 30Gɨna bi ɓə o̰ tɨ gɨ nan ja: “Yḭ tɨbɨn tɨ yi sul”! La gɨ ɗingni ja “Yḭ wal yi sul!” 31Kəysul jo wo ka tɨla wori#23.31 Tɨla wori ti tuna Jesu na ka ɓijim lo. kuna ne gɨna, tɨla ngemni#23.31 Tɨla ngəmni ja jaa tuna bi tɨ ɓijim kar ne jaa ɓə a sul par. maan ɓə tɨm waa a?» 32A si na bi tɨ ndidi, ya̰ tɨ bi tɨ ɓijim kar, tɨ a humna na Jesu la.
A ɗɨb Jesu tɨ tɨla tɨ tərgɨ sul
33Gorne a an tɨ un ne a soon ər ɓə «sul kṵuna.» Gɨna, Eli-a ɗɨb Jesu tɨ tɨla tɨ tərgɨ sul tɨ un ne. A ɗɨb bi tɨ ɓijim kar tɨ ndidi tɨla tɨ tərgɨ sul la, ɓudu tɨ ər taal tɨ lɨma sul la paa tɨ ər taal tɨ gɨlay sul la. 34Gɨna Jesu ja: «Ən ba, ka əm hul ɗina əm tɨ a sul, kəysul a una wa̰y ne a wo kar i ji lo.» A ɓaan gɨ peer ər ngɔmi a ka na mbara#23.34 Psa 22.19. 35Bi ti un ne ləg a. Woom tɨ juyb-a maan ka ər siri la a ja: «Ər nen bi, ka may nen ər ndula, jo ər tɨ Krist, Wo ne Ndɨla ɛr ər kuri gɨna kar nen ər ndɔ!» 36Eli-a kaw ka ər siri la: A kori tɨ ər ndɔ tɨ gɨ ər ham bḛ man naa, a ja: 37«Jo əm tɨ wa̰ay tɨ Juyb-a maan a, yimaam nen əm ndula.» 38A kya̰ wa̰y tɨ sul tɨ ndal ɓə: «Tɨ Juyb-a na wa̰ay.» 39Wo tɨ ɓijim kar paa ne a ɗɨb ər tɨ tɨla tɨ tərgɨ sul ɓurum Jesu. Ər ja: «Yim tɨ Krist, wo ne Ndɨla ɛr ər lo a? Nen əm ndula la, əm nen i la!» 40Lɛ paa ɓudu ja gɨ ər: «Əm oy gɨ Ndɨla lo a, yim ne əm ten pɛw kuna yḭr no̰! 41Yḭ par maan tɨ ul, a ɗɨb i tɨ tɨla tɨ tərgɨ sul kəysul yi mum tɨ kar jaa lɛ ɓər ne ka wa̰y ɓijim lo.» 42La ər ja: «Jesu, kay əm ho̰ni tɨ ən sul gorne əm ɓə hina kuna wa̰ay.» 43Jesu duga gɨ ər: «Kuri, ən ja gɨ əm, kakamle, əm ɓə na ən tɨm tɨ Jana.»
Jesu na ulu
Mat 27.45-56; Mrk 15.33-41; Ja̰ 19.28-30
44Lula sul ti ndog na tili, la lɔr nəgri sul#23.44 Ɓə lɔr nəgri sul tɨ Palestin. gun duga tɨ syɛl marway lula sul tɨ tedi. 45Gorne lula hɔn ji gɨna. Sər ɗəng ne a tung na Ndɨla li hul da̰r tɨ paa daan. 46Jesu ka ngɔr tɨ ndal, ər ja: «Ən ba, ən nɨm ən lal tɨ əm daa.» Tɨ jaa ne bəgri a ər par ər mu. 47Eli-a na woom ləg wa̰y ne ka paa, gɨna a teen Ndɨla. a ja ɓə: «Kuri, ɓər ne tɨ wo tugla.» 48Bi gun ne hina tɨ wa̰y ne ləg, gorne a ləg wa̰y ne ka paa gɨna, a duga, la a ɗɨb a tən na ngɨnɨm. 49Jesu na peer korgɨ gun la aa ne o̰ na ər tɨ Galile pi a ti ɓag tɨ wa̰y ne ka paa ləg.
A ɗo Jesu tɨ ngalɨm hul
Mat 27.57-61; Mrk 15.42-47; Ja̰ 19.38-42
50-51Ɓər paa ndil ɓə Josep. Yḭr tɨ wo tugla la wo ɓari la, ər a̰y Ndɨla waan. Yḭr tɨ wo tɨ Juyb-a na lɔr hul tɨ Arimate. Yḭr tɨ wo paa tɨ Juyb-a na bi nii tɨ jaa tṵgni daan. 52Ɓər ne si tɨ Pilat ndɔ ɓiri ər Jesu ulu. 53Ər jir ər ulu tɨ tɨla tɨ tərgɨ sul, ər bini ər na sər la ər ɗo ər tɨ ngalɨm ne a el tɨ kura daan ne ɗang a bili wo tɨ nin lo. 54Ɗolɔ na jima la ɗa̰y tɨ sawbɛ ti ndog teni. 55Aa ton an Jesu lɔ, tɨ Galile pi si tɨ Josep lɔ. A ləg ngalɨm la, a ləg gorne a ɗo na Jesu tɨ ngalɨm hul. 56Gɨna a duga, a si a ka dukan la, itɨr la a par a ndɔ na ɗa̰y tɨ saaw bɛ. Kəysul gṵ hul kway gɨ a un tɨ cida kar.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023, ATALTRAB