Lukas 7
7
Yesus arye, uk kwetebuk yupu
(Matius 8:5-13)
1Yesus arye ninye weik kekenmekak, ayupu nirya akunum nyabukopura, anyasik arye banmoka ani, Kapernaum mutuku biyuk. 2Biyukopura, yin nang sik deiyoknye, el pil donanye, pia telebnye anya arye, ‘Anye bira na kwit koprop,’ tenelamuknye ulamuk bukni, uk pia weik dilamuk anye dipmanto kibuk. 3Ayin talin nang sik deiyoknye birye, Yesus winilamuk ning akunum kekelamuka ati, ‘Yesus arye na pil melinanye kwetepnute’ tenen, nyapdeibukura, Yahudi yala deiyok nang wisi nang arye, Yesus dam yanuka morobik. Yanuka morobikce nyabik, “Nun kwit el melinanye uk dilula ati, dipmanto upmal anya arye, kwetelyanute, nyabuka moropkile,” nyabuka morobik.
4-5Sik morobik talak ara, ayupu ton nyabik. “Anye bira, Yahudi yalanye kum bukni, nun Israel ninye ati bico tenelamsukce, nun Allah yupu peterena aik weik arye dolamsuk ati, el moropmakil touk, an kwetelbitume. Nun kanye ara winipminyopura, aning ara pia telebe,” nyabuka morobik. 6Nyabuka morobikopura, Yesus, ‘Anye el aik binun’ tenen, banmoka ani, el aik dam akunum yayukopura, ayin talin deiyoknye birye nyapdeibuk ati, el kayapu nang arye Yesus dam nyalyayik.
Ayin deiyoknye birye nyapkile. “Naio, nati yanganmalam ara, bataklyame. Nara, weiknye kumanya arye, na aik pum yanuka kum weknamnilyame. 7Nara, talinye unune ara, adeiyok ati narye an mening dam yanuka, kum moropmakine. Bukni, ance atikmalamak anyuk, an yupu nyapminyeura, na pil donanye bira, uk kum dalirye, teleb upnamale.
8Na deiyok nang arye nyapniceura, sik nyapnice touk pil donune. Tonda, na babye, na amu tam yin talin nang ati, yupu nyapnyeura, apiluk donyake. Tonda na amu tam yin talin nang ati, yupu nyapnyeura, apil donyake. Tonoknye biti, ‘Bilyame,’ nyapnyeura, balule, tonoknye biti, ‘Yalyame,’ nyapnyeura, yangalule. Aning atonun, na pil donanye#7:8 pil donanye – Yo bok deice deklamik ninye ara, bona weik talin nang arye, bona utotoa talina kum ninye ati, yo bok deice arye deklamik. Deklamikba, abona talina kum ninye arye, sik bona weik talininye ati, sik pil talya urdemuk dolamik. Tonda, lak len yupu ara, nomor 36 dipdelulume. ati, ‘Apil dopnilyame,’ nyapnyeura, apiluk donulule. Aning ati ara, ‘Ance yupu nyaptumura, na pil donanye teleb uptue,’ nyabuk,” el kayapu nang arye, Yesus ati nyalyayik.
9Ayin deiyoknye birye nyabuk yupu laka nyalyayikopura, Yesus kekebukce, se tenebukce ngalukuk. Ngalukuka, el melibuka yanganmek nang ati ayupu nyabuk. “Na dipkoprop nyapsine, Israel mutuku noutam balamse talak nirya ara, anye bira Yahudi yalanye kum bukni, weik arye diba tenepmanil atonun, yuk nang ton kum eipse,” Yesus arye nyabuk. 10Nyabukopura, ayin deiyoknye birye dopkwetebuk nang tamubuka, el aik biyikopura, el pil melinanye akunum teleb upmokak, eibik.
Youwak kil el mi tonok dipmok bukni, Yesus arye kam bukeibuk yupu
(Markus 5:21-24, 35; Yohanes 11:1-44-43)
11Sik daulamika ani, yuk talak ara, Yesus arye tonok asik dolamik asik si ara, Nain mutuku biyuk. El yupu kekebuka dobolbalamik nang ap, yuk talye nang weik ap, bulubuka neika banmek. 12Sik banmeka ani, anyasik dolamik asik dana-dana poka antanabuka denepdongamikce, wiyamik buplan dam banmek talak ara, youwak kil tonok, el mi tonok deiamuk bukni, dipmok ati, ‘Weipnuyap’ tenen, akil ap, amutuku ninye weik ap, kitibuka dobuka bobayikak, Yesus arye eibuk. 13Eibukce, ayouwak kil ati pia bico tenebukce, “Se, nongo engena bataklyame,” nyabuk. 14Nyabukce, ami el baya yo deice taruk deibukura, ami baya yo bobanmek nang ara, tunim abuka tikik. Tunimabuka tikikopura, Yesus arye adipmok mi ati nyabuk. “Amio, anda kam bukuka tikdeo,” nyabuk.
15Nyabukopura, adiparyuk adipmok mi ara, baya yo pum arye bukukabukce, yupu nyanmok. Winibukura, Yesus arye ami tamubuka dobukce, el lin bak aribuk. 16Yesus arye ami kwetebukopura, abulubuka wekmek nang nirya mambul nyanmekce, Allah si erenmek. Allah si erenmekce, ayupu tonap nyabik. “Se, Allah yupu laka nyananye nabi atonye, nun kan-kan noutamak kunum kutukuka unmale. ‘Allah arye wibuka deibuk ninye ati, melipnun’ tenen, Allah arye dopkwetebukura, akunum yanmasile,” nyanmek. 17Nyanmeka anya arye, Yesus ami kwetebuk ning ara, eibikce laka nyapra balamikura, Yudea tam ulamik ninye ap, amutuku dana-dana tam ulamik ninye ap, weik kekelamik.
“Yohanes Pembaptis mek dongonanye ara, elda mambulnye,” nyabuk yupu
(Matius 11:1-2-9)
18Yohanes arye diba akunum tenyamik ninye, mek dongolamuknye wenena aik pum dongamikura, daulamuka anya arye, el mapu arye Yesus peterelamuk ning ap, winilamuk ning ap, laka nyabikura, Yohanes kekebukce, el melin nang bitinye ati ayupu nyabuk. 19“Anggunda, Yesus dam birumunce, ayupu ara asipdeturume. ‘Ninye mutuku-mutuku nirya lyeplirye, talinamlanye, yanamle,’ nyalamiknye bira, an akunum do? Yuknye ton aminyan yanamle do? nyabuka, asipdenamrurume,” Yohanes arye nyabuk.
20Nyabukura, anang arye Yesus dam binuka asipderik. “Ninye mutuku-mutuku nirya lyeplirye, talinamlanye yanamle nyalamiknye bira, an akunum do? Yuknye ton aminyan yanamle do?” nyabuka asipderik. 21Akaren noutam aryuk, Yesus arye uk dilamuk ninye ap, ninye isa talilamuk ning ap, yakal kwetelamukce kwetelamuk. Tonda, asing kuamuk ninye weik asing lalilamukura, teleb ulamuk. 22Atalak arye winilamuk ati, Yesus arye asilyanmarik nang ati, tamubuka nyabuk.
“Anggun amul arye kekelulum ning ap, asing arye elilulum ning ap, Yohanes dam lake nyalbirurume. Ara, asing kuamlye ninye lalilyeura, elinyake; aik bulamice ninye kweteiplyeura, banyake; barye suse atonun suse dilamlye ninye kweteiplyeura, mikilule; amul kunukamlye ninye pakeiplyeura, kekenyake; akunum dipmace ninye kam bulilule; tonda ninye lyena ati, Allah el lak teleb yupu talye bona utotoa talina kumnye kekena ati peterelyeura, kekenyake. 23Yatanye do nirya, na wininye ning deice arye kanye kum boktoplirye, teniltona kum aryuk kum bataklinye bira, telebuk unamle,” Yesus arye, Yohanes el melin nang ati nyabuk.
24Nyabukura, Yohanes el melin nang kekeprikce birikopura, Yesus arye el dam wekmek nang ati, ayupu nyabuk.
Yohanes ati yupu nyapnusine. Yohanes ninye kum noutam, Yohanes peterelamukura, kekelbalulum ara, yata ning ‘Eipnamap’ tenen, balalum do? ‘Kumanya balirye, maning lulukunmalyeak eipnuyap’ tenen, dilbalalum do? 25Akumopura, yata ning, ‘Eipnuyap’ tenen, dilbalalum do? ‘Tonoknye pia teleb baju ongoplibuk eipnuyap’ tenen, dilbalalum do? Kume, weik teleb baju ongonyak nang ara, ‘Talya kanye bopnuyap’ tenen, pia teleb ning talipra, talyeuk unyak anya arye, weik ninye deiyok nang, sik aik unyake. Yohanes winilamuka atonun ara, kum wininyake.
26Akumopura, ‘Allah el yupu lak nyananye nabi eipnuyap’ tenen, dilbalalum do? Winira, dipkorop Allah yupu lak nyananye, nabi elilamlume. Bukni, anye bira, yuk Allah yupu laka nyan nang atouk kum ulule. Sikda mitikto mambul bukni, Yohanes ara, pia weik mambulnye ulule. 27Minop arye, ‘Anye bira yanamle’ tenen, Allah arye nyapdeibukura, Maleaki arye ayupu sekamuk. Maleaki arye Yohanes ati, ‘Na yupu laka nyalinanye yanamle’ tenen, sekamuk yupu ara ani.
‘Allah arye nyabuk. Na yupu laka nyalinanye minop dopkweteplyeura, binamlya ani, an aminyan benalyame. Na yupu laka nyalinanye birye, an binalam bisik ara, kintinipdeipnamkile.’ (Maleaki 3:1)
Yesus arye Maleaki sekamuk yupu dobuka, el mapu ati nyabuk.
28Yesus arye nyabukopura, ayupu ton dukdongobuka nyabuk. “Aning ati ara, na dipkoprop nyapsine. Minop dorapce dipdongobuka wini talak nirya, kilapu nirya arye delilamik nang nirya ara, mitikto mambul winilamik bukni, Yohanes eluk ara, pia weik tonye ulule. Ara, minop talak ulamik nang ara, Musa sekamuk yupu uk kekebuka, aninguk talibuka ulamika atia. Bukni, ninye mek dongolamuknye Yohanes ati ara, Allah el kanye ara, ‘Elda, mitik mambul,’ tenelule. Ara, nara Ninye Lyena Deiyoknye, tukwak mutuku min kum yanamse talak ara, na yangana ati, Yohanes arye na laka nyalinanye ulula ati, elda mitik mambule.
Wini talak arye, dipdongobuka dotalak nirya ara, Allah ninye nirya lyeplirye, talinamle talak weknamak nang noutamak ati, yuk nang arye aninye nirya ara, ‘Weik mambul,’ pia kum tenenyake. Kum tenenyak bukni, na dipkoprop nyapsine. Allah el kanye ara, ‘Im deice welepnamak ninye nirya ara, weik mambul unyake,’ tenelule, ‘Yohanes ara, teleb pil dolul bukni, elda mitik mambuluk ulule,’ tenelule.#7:28 Yohanes mitikto mambule – Wini talak ara, Yesus yupu ap, Yesus winilamuk ning ap deice arye, diba tenebicopura, Allah arye lyepsilirye, nun kanye talima talinamsile. Allah ap pia unamak ninye nirya ara, weik mambule. Allah el piluk bukni, tukwak mutuku pil donyak ninye ara, nabi nang ababye, mitikto mambule. Bukni, im deice binamak ninye ara, weik mambule. Deiyok ara, tukwak pil donyak nang ara, mitik mambul bukni, im deice welebana ara, weik mambul ati nyapsine,” Yesus arye nyabuk.
29Yesus arye ayupu nirya akunum nyabukopura, el yupu kekenmek nang nirya babye, talye nang babye, amutuku talyamik nang ati, yo bok dololamik nang ara, malye nang ulamik bukni, sik babye, “Yesus nyanmasil yupu ara, pia telebe. Allah el bisik ara, diksukum bisikuka,” tenebuka nyanmek. Ayupu nyanmek nang ara, sik malye winin ning batakamikce, Yohanes arye, mek akunum dongolamuk. Anang arye, ayupu nyanmek. “Yesus nyanmasil yupu ara, pia telebe,” nyanmek.
30Anang arye, ‘Allah el bisik ara telebe,’ nyanmek bukni, sik Farisi nang ap, Musa sekamuk yupu peterena deiyok nang ap ara,#7:30 Musa sekamuk yupu peterena deiyok nang, weik tam nang ara, Farisi nang ulamik. Sikce, Musa sekamuk yupu, mem yupu ati ning ara, “Deiyok ani-ani,” nyabuka peterelamik. Sikce, Yesus ati, ‘Anye bira nun like,’ tenelamik. Allah arye, ‘Aninye babye, lyeptinye,’ tenyamuk bukni, sikce, ‘Aning ara, nun like,’ tenebuka batakik. Utenebuka batakik ati ara, sik malye winin ning kum batakikura, Yohanes arye anang mek kum dongamuk.
31Winilamik anya arye, Yesus arye anang ati ayupu nyabuk.
Anggun teneipdelulume. Atalak umunye nang ara, anggun umunye ning atonun ning ati, winipmanto yupu nyapnusine. 32Anggunda, kota nang arye din ning bulubuka deibikirye deklamakak ara, mapu asik deice bulubikirye, arikal dolamak touk winilalume. Ton mapu arye yuk mapu ati, nyanyake.
“Kanye deibuka, ‘Mot senamap’ tenen, bingkong nyana atonun ning nyabipyeura, anggun lik ati batakmasulumura, nun ap mot kum sepmabe. Atonun ton, talya ati, ‘Ninye dipmaceura, mot nyabuka engelamak atonun engepnamabe’ tenen, mot nyabuka engenmapu ara, anggun lik ati, batakmasulumura, nun ap kum engepmabe. Nunce ‘Winipnuyabe,’ tenepmabye ning nirya ara, anggun lik ati, bataksulume.” Amapu arye nyanyake.
33Amapu lik uplibuk, bataklamak touk, anggun babye, atonun ulalume. Ara, Yohanes arye, dina teleb ning roti ap, anggur mek ap, kum dilamukura, elti, diba tenena kum nang arye, “Anye bira, isa arye el kanye talima talibuka ulule,” nyanyake. 34Bukni, Yohanes aning winilamuk touk, na kum wininune. Nara, Ninye Mi Koprop Atonunye birye dina teleb ning ap, anggur mek ap, dibuka ununbuk, nati diba kum teneninyak nang arye, “Anye bira din tulanye ulule. Elda, kanye wangalamak mek pia ton dilulnye ulule.” Tonda, nyaninyake, “ ‘Amutuku talina deiyok nang dopropnamak’ tenen, tuku dekne yo bok bulubuka delilamak nang ap, malye-malye wininyak nang ap arye, Yesus ara neika ansinibuka, amalye wininyak nang ap neikak ulule. Anye bira pia malye winilule,” nyaninyake.
35“Na dipkoprop nyapsine. Weik kel nang arye teleb unyak ning ati, yuk walwal nang arye, ‘Aning ara malye,’ nyanyak bukni, aminyan talak ara, sik weik kel nang arye wininyak ning nong akunum uplyopura lakak oplyopura, ninye nirya arye, ‘E, sikce teleb winilamika’ tenen, bikilinyake. Aning atouk, nati diba tenena kum nang arye ayupu nyaninyak bukni, na ap, amalye winin ninye ap, neika upmapya ani, aminyan ara, na yupu dib tenebikirye, sik malye winin ning batakuka diksukumuk ubikibuk, eipmunyopura, kel kipnamlume. Na pil donye ning nong uplye talak aryuk kel kipnamlume. Narye aninye ap neika unmana ara, telebuka,” Yesus arye nyabuk.
Pia malye winilamuk kil arye, nintong teleb mek, Yesus el yan deice dikdeibuk yupu
(Matius 26:6-13; Markus 14:3-9; Yohanes 12:1-8; Matius 18:23-24)
36Tonok sum ara, Farisinye tonok, el si Simon, elce Yesus ati, “Na aik din dilyalyame,” nyabuka yupu nyapdeibuk. Yukubukopura, Yesus arye Simon el aik yanuka din dinmek. 37Sik tuba dinmek talak ara, amutuku pia malye winilamuk kil tonok kekebukce, nintong teleb mek dekna weik makau bukni, bol kat-kat makau arye kwebuka deiyamuk ara, dobuka yayuk.
38Dobuka yayukce, Yesus wirikdeibuka bukmokce, yan donokmok damak tikilyayukce, engenmokura, el asing maka ara, Yesus el yan deice sakanmok. Sakanmokura, akil potong ara, pia cang potong kil anya arye, el potong arye dobuka, Yesus yan deice asing maka sakmoka ara kilibukce, Yesus el yan deice mutubuk. Mutubukce, atong teleb mek dekna weik mek ara, Yesus el yan deice dikeibuk.
39Dikeibukopura, aFarisinye Simon arye, Yesus yukupmoknye eibukce, el talima noutamakuk tenebuk. ‘Anye bira Allah yupu lak nyananye, nabi ulamtuopura, el yan talipmal kil, ara pia malye kil teneptue,’ tenebuk. 40Utenebuk ati, Yesus arye Simon tenepmok ning kel kipmoka anya arye, Simon ati ayupu nyabuk. “Simono, na tenipman yupu ton nyapnukine,” nyabuk. Nyabukura, Simon arye, “Telebe naio, danyapnio,” nyabuk. 41Nyabukura, Yesus adomon yupu deice arye nyabuk.
“Tonok sum ara, pajak yo bok arilamuknye, deiyoknye birye ninye bitinye nang ati, yo bok tia aribuk. Tonye biti, like 500 sum#7:41 500 sum pil dona – Minop talak sekamik buku noutamak ara, sik Yunani yupu deice arye, sik keil uang si, ‘Denari’ sekik. ‘Denari’ deiyok ara, sik atalak uamuk keil uang bukni, tonok sum deice arye pil donmana ani, inipnopura, asum nirya pil donman ning dekna ati ara, tonok denari arilamik. Ati, 500 denari ara, 500 sum pil dobibyopura, dekna yo bok arepnamsitinga atonun uwamuka atia. deice pil dobikceura, dengna arilamaka atonun, tia aribuk. Tonye bira, like 50 sum deice pil dobikceura, dengna arilamaka atouk tia aribuk. 42Yo bok areamukura, daulamrika ani, ayo bok tamubuka yuk talak akunum ubukaopura, sik yo bok pia kum ubuka ati, adeiyoknye birye, sik dopromrik yo bok sik ak, ‘Dawaplye. Na tamubuka arena kum’ tenen, bataklobuk. Winibuk ati, yatanye bak yo bok weik el deiyoknye biti, kanye weik deibuk do?” Yesus arye Simon biti asipdeyuk.
43Asipdeyukura, Simon arye tamubuka nyabuk. “Na tenepman ning ara, yo bok pia weik diplobuk bukni, deiyoknye birye yo bok si weik diplobuknye biti, anye birye el deiyoknye ati kanye weik delinamle tenepne,” Simon arye nyabuk. Nyabukopura, Yesus arye Simon ati nyabuk. “An tenepmalam ning ara, dipkoprop nyapnilame,” nyabuk. 44Nyabukopura, Yesus akil dipdeyukce, Simon ati nyabuk.
“Simono, akil dipdelyame. Nara, an aik yanmanu talak ara, na yan sung-sunga palepmanuura, mek ilikna ati, ance mek kum arepmanume. Bukni akil arye engenmorye, el asing maka na yan deice sakmanu ura, el potong cang arye kilipmanile. 45An aik yanmanu talak ara, na kina ati, taruk kum arepmanumu bukni, na yanmanu talak arye dipdongobuka wini talak ap, akil arye tuba na yan deice mutupmanile.
46Tonda, na kina ati, nintong teleb minyak, na gisok deice kum dikmanumubuk, akil aryuk na yan deice nintong teleb mek dekna weik ning, weika arye dikdeipmanile. 47Aning ati ara, na nyapnukine. Akil arye nati weika arye bico tenebuka, kanye talima arepmanila anya arye, el malye winin ning pia weika arye winilul bukni, narye akil malye winilul ning nirya ara, narye akunum namin kibuka, lyepnarye kum daneipne.
Bukni, malye winin ning mitik winilamice nang ara, sik malye winin ning namin kibuka kum kipdeipnyopura, bico tenebuka kanye delina ara mitik tonunuk kanye delinyake.” Yesus arye Simon ati nyabuk. 48Nyabukopura, Yesus arye akil ati nyabuk. “An pia malye winilaminye ning nirya ara, akunum namin kipdeipkinarye kum daneipkine” nyabuk. 49Yesus arye nyabukopura, abukuka dinmek nang nirya arye, sik anang mamunuk asipdayikce nyabik. “Anye bira, yatanye do? Elce, ‘Ninye malye wininyak ning namin kibuka kum daneiptenya,’ nyalye atia,” nyabuka asildanmek. Asildanmekce, Yesus ati yu ubuk. Ara, Yesus arye, ‘Ninye malye winin ning ati namin kilinanye na unune. Aning ababye, unune,’ nyapmok ning ara, sikce elti, ‘Elda pia malye. Allah elcuk apil dolul’ tenen, Yesus ati derebik. 50Sikce Yesus ati derebik bukni, Yesus arye akil ati nyabuk, “Ance nati diba tenepmanilama deice arye, akunum lyepmakina ati, kanye deibuka dabilyame” nyabuk.
Цяпер абрана:
Lukas 7: EIPA
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023, Wycliffe Bible Translators, Inc. All rights reserved.
Lukas 7
7
Yesus arye, uk kwetebuk yupu
(Matius 8:5-13)
1Yesus arye ninye weik kekenmekak, ayupu nirya akunum nyabukopura, anyasik arye banmoka ani, Kapernaum mutuku biyuk. 2Biyukopura, yin nang sik deiyoknye, el pil donanye, pia telebnye anya arye, ‘Anye bira na kwit koprop,’ tenelamuknye ulamuk bukni, uk pia weik dilamuk anye dipmanto kibuk. 3Ayin talin nang sik deiyoknye birye, Yesus winilamuk ning akunum kekelamuka ati, ‘Yesus arye na pil melinanye kwetepnute’ tenen, nyapdeibukura, Yahudi yala deiyok nang wisi nang arye, Yesus dam yanuka morobik. Yanuka morobikce nyabik, “Nun kwit el melinanye uk dilula ati, dipmanto upmal anya arye, kwetelyanute, nyabuka moropkile,” nyabuka morobik.
4-5Sik morobik talak ara, ayupu ton nyabik. “Anye bira, Yahudi yalanye kum bukni, nun Israel ninye ati bico tenelamsukce, nun Allah yupu peterena aik weik arye dolamsuk ati, el moropmakil touk, an kwetelbitume. Nun kanye ara winipminyopura, aning ara pia telebe,” nyabuka morobik. 6Nyabuka morobikopura, Yesus, ‘Anye el aik binun’ tenen, banmoka ani, el aik dam akunum yayukopura, ayin talin deiyoknye birye nyapdeibuk ati, el kayapu nang arye Yesus dam nyalyayik.
Ayin deiyoknye birye nyapkile. “Naio, nati yanganmalam ara, bataklyame. Nara, weiknye kumanya arye, na aik pum yanuka kum weknamnilyame. 7Nara, talinye unune ara, adeiyok ati narye an mening dam yanuka, kum moropmakine. Bukni, ance atikmalamak anyuk, an yupu nyapminyeura, na pil donanye bira, uk kum dalirye, teleb upnamale.
8Na deiyok nang arye nyapniceura, sik nyapnice touk pil donune. Tonda, na babye, na amu tam yin talin nang ati, yupu nyapnyeura, apiluk donyake. Tonda na amu tam yin talin nang ati, yupu nyapnyeura, apil donyake. Tonoknye biti, ‘Bilyame,’ nyapnyeura, balule, tonoknye biti, ‘Yalyame,’ nyapnyeura, yangalule. Aning atonun, na pil donanye#7:8 pil donanye – Yo bok deice deklamik ninye ara, bona weik talin nang arye, bona utotoa talina kum ninye ati, yo bok deice arye deklamik. Deklamikba, abona talina kum ninye arye, sik bona weik talininye ati, sik pil talya urdemuk dolamik. Tonda, lak len yupu ara, nomor 36 dipdelulume. ati, ‘Apil dopnilyame,’ nyapnyeura, apiluk donulule. Aning ati ara, ‘Ance yupu nyaptumura, na pil donanye teleb uptue,’ nyabuk,” el kayapu nang arye, Yesus ati nyalyayik.
9Ayin deiyoknye birye nyabuk yupu laka nyalyayikopura, Yesus kekebukce, se tenebukce ngalukuk. Ngalukuka, el melibuka yanganmek nang ati ayupu nyabuk. “Na dipkoprop nyapsine, Israel mutuku noutam balamse talak nirya ara, anye bira Yahudi yalanye kum bukni, weik arye diba tenepmanil atonun, yuk nang ton kum eipse,” Yesus arye nyabuk. 10Nyabukopura, ayin deiyoknye birye dopkwetebuk nang tamubuka, el aik biyikopura, el pil melinanye akunum teleb upmokak, eibik.
Youwak kil el mi tonok dipmok bukni, Yesus arye kam bukeibuk yupu
(Markus 5:21-24, 35; Yohanes 11:1-44-43)
11Sik daulamika ani, yuk talak ara, Yesus arye tonok asik dolamik asik si ara, Nain mutuku biyuk. El yupu kekebuka dobolbalamik nang ap, yuk talye nang weik ap, bulubuka neika banmek. 12Sik banmeka ani, anyasik dolamik asik dana-dana poka antanabuka denepdongamikce, wiyamik buplan dam banmek talak ara, youwak kil tonok, el mi tonok deiamuk bukni, dipmok ati, ‘Weipnuyap’ tenen, akil ap, amutuku ninye weik ap, kitibuka dobuka bobayikak, Yesus arye eibuk. 13Eibukce, ayouwak kil ati pia bico tenebukce, “Se, nongo engena bataklyame,” nyabuk. 14Nyabukce, ami el baya yo deice taruk deibukura, ami baya yo bobanmek nang ara, tunim abuka tikik. Tunimabuka tikikopura, Yesus arye adipmok mi ati nyabuk. “Amio, anda kam bukuka tikdeo,” nyabuk.
15Nyabukopura, adiparyuk adipmok mi ara, baya yo pum arye bukukabukce, yupu nyanmok. Winibukura, Yesus arye ami tamubuka dobukce, el lin bak aribuk. 16Yesus arye ami kwetebukopura, abulubuka wekmek nang nirya mambul nyanmekce, Allah si erenmek. Allah si erenmekce, ayupu tonap nyabik. “Se, Allah yupu laka nyananye nabi atonye, nun kan-kan noutamak kunum kutukuka unmale. ‘Allah arye wibuka deibuk ninye ati, melipnun’ tenen, Allah arye dopkwetebukura, akunum yanmasile,” nyanmek. 17Nyanmeka anya arye, Yesus ami kwetebuk ning ara, eibikce laka nyapra balamikura, Yudea tam ulamik ninye ap, amutuku dana-dana tam ulamik ninye ap, weik kekelamik.
“Yohanes Pembaptis mek dongonanye ara, elda mambulnye,” nyabuk yupu
(Matius 11:1-2-9)
18Yohanes arye diba akunum tenyamik ninye, mek dongolamuknye wenena aik pum dongamikura, daulamuka anya arye, el mapu arye Yesus peterelamuk ning ap, winilamuk ning ap, laka nyabikura, Yohanes kekebukce, el melin nang bitinye ati ayupu nyabuk. 19“Anggunda, Yesus dam birumunce, ayupu ara asipdeturume. ‘Ninye mutuku-mutuku nirya lyeplirye, talinamlanye, yanamle,’ nyalamiknye bira, an akunum do? Yuknye ton aminyan yanamle do? nyabuka, asipdenamrurume,” Yohanes arye nyabuk.
20Nyabukura, anang arye Yesus dam binuka asipderik. “Ninye mutuku-mutuku nirya lyeplirye, talinamlanye yanamle nyalamiknye bira, an akunum do? Yuknye ton aminyan yanamle do?” nyabuka asipderik. 21Akaren noutam aryuk, Yesus arye uk dilamuk ninye ap, ninye isa talilamuk ning ap, yakal kwetelamukce kwetelamuk. Tonda, asing kuamuk ninye weik asing lalilamukura, teleb ulamuk. 22Atalak arye winilamuk ati, Yesus arye asilyanmarik nang ati, tamubuka nyabuk.
“Anggun amul arye kekelulum ning ap, asing arye elilulum ning ap, Yohanes dam lake nyalbirurume. Ara, asing kuamlye ninye lalilyeura, elinyake; aik bulamice ninye kweteiplyeura, banyake; barye suse atonun suse dilamlye ninye kweteiplyeura, mikilule; amul kunukamlye ninye pakeiplyeura, kekenyake; akunum dipmace ninye kam bulilule; tonda ninye lyena ati, Allah el lak teleb yupu talye bona utotoa talina kumnye kekena ati peterelyeura, kekenyake. 23Yatanye do nirya, na wininye ning deice arye kanye kum boktoplirye, teniltona kum aryuk kum bataklinye bira, telebuk unamle,” Yesus arye, Yohanes el melin nang ati nyabuk.
24Nyabukura, Yohanes el melin nang kekeprikce birikopura, Yesus arye el dam wekmek nang ati, ayupu nyabuk.
Yohanes ati yupu nyapnusine. Yohanes ninye kum noutam, Yohanes peterelamukura, kekelbalulum ara, yata ning ‘Eipnamap’ tenen, balalum do? ‘Kumanya balirye, maning lulukunmalyeak eipnuyap’ tenen, dilbalalum do? 25Akumopura, yata ning, ‘Eipnuyap’ tenen, dilbalalum do? ‘Tonoknye pia teleb baju ongoplibuk eipnuyap’ tenen, dilbalalum do? Kume, weik teleb baju ongonyak nang ara, ‘Talya kanye bopnuyap’ tenen, pia teleb ning talipra, talyeuk unyak anya arye, weik ninye deiyok nang, sik aik unyake. Yohanes winilamuka atonun ara, kum wininyake.
26Akumopura, ‘Allah el yupu lak nyananye nabi eipnuyap’ tenen, dilbalalum do? Winira, dipkorop Allah yupu lak nyananye, nabi elilamlume. Bukni, anye bira, yuk Allah yupu laka nyan nang atouk kum ulule. Sikda mitikto mambul bukni, Yohanes ara, pia weik mambulnye ulule. 27Minop arye, ‘Anye bira yanamle’ tenen, Allah arye nyapdeibukura, Maleaki arye ayupu sekamuk. Maleaki arye Yohanes ati, ‘Na yupu laka nyalinanye yanamle’ tenen, sekamuk yupu ara ani.
‘Allah arye nyabuk. Na yupu laka nyalinanye minop dopkweteplyeura, binamlya ani, an aminyan benalyame. Na yupu laka nyalinanye birye, an binalam bisik ara, kintinipdeipnamkile.’ (Maleaki 3:1)
Yesus arye Maleaki sekamuk yupu dobuka, el mapu ati nyabuk.
28Yesus arye nyabukopura, ayupu ton dukdongobuka nyabuk. “Aning ati ara, na dipkoprop nyapsine. Minop dorapce dipdongobuka wini talak nirya, kilapu nirya arye delilamik nang nirya ara, mitikto mambul winilamik bukni, Yohanes eluk ara, pia weik tonye ulule. Ara, minop talak ulamik nang ara, Musa sekamuk yupu uk kekebuka, aninguk talibuka ulamika atia. Bukni, ninye mek dongolamuknye Yohanes ati ara, Allah el kanye ara, ‘Elda, mitik mambul,’ tenelule. Ara, nara Ninye Lyena Deiyoknye, tukwak mutuku min kum yanamse talak ara, na yangana ati, Yohanes arye na laka nyalinanye ulula ati, elda mitik mambule.
Wini talak arye, dipdongobuka dotalak nirya ara, Allah ninye nirya lyeplirye, talinamle talak weknamak nang noutamak ati, yuk nang arye aninye nirya ara, ‘Weik mambul,’ pia kum tenenyake. Kum tenenyak bukni, na dipkoprop nyapsine. Allah el kanye ara, ‘Im deice welepnamak ninye nirya ara, weik mambul unyake,’ tenelule, ‘Yohanes ara, teleb pil dolul bukni, elda mitik mambuluk ulule,’ tenelule.#7:28 Yohanes mitikto mambule – Wini talak ara, Yesus yupu ap, Yesus winilamuk ning ap deice arye, diba tenebicopura, Allah arye lyepsilirye, nun kanye talima talinamsile. Allah ap pia unamak ninye nirya ara, weik mambule. Allah el piluk bukni, tukwak mutuku pil donyak ninye ara, nabi nang ababye, mitikto mambule. Bukni, im deice binamak ninye ara, weik mambule. Deiyok ara, tukwak pil donyak nang ara, mitik mambul bukni, im deice welebana ara, weik mambul ati nyapsine,” Yesus arye nyabuk.
29Yesus arye ayupu nirya akunum nyabukopura, el yupu kekenmek nang nirya babye, talye nang babye, amutuku talyamik nang ati, yo bok dololamik nang ara, malye nang ulamik bukni, sik babye, “Yesus nyanmasil yupu ara, pia telebe. Allah el bisik ara, diksukum bisikuka,” tenebuka nyanmek. Ayupu nyanmek nang ara, sik malye winin ning batakamikce, Yohanes arye, mek akunum dongolamuk. Anang arye, ayupu nyanmek. “Yesus nyanmasil yupu ara, pia telebe,” nyanmek.
30Anang arye, ‘Allah el bisik ara telebe,’ nyanmek bukni, sik Farisi nang ap, Musa sekamuk yupu peterena deiyok nang ap ara,#7:30 Musa sekamuk yupu peterena deiyok nang, weik tam nang ara, Farisi nang ulamik. Sikce, Musa sekamuk yupu, mem yupu ati ning ara, “Deiyok ani-ani,” nyabuka peterelamik. Sikce, Yesus ati, ‘Anye bira nun like,’ tenelamik. Allah arye, ‘Aninye babye, lyeptinye,’ tenyamuk bukni, sikce, ‘Aning ara, nun like,’ tenebuka batakik. Utenebuka batakik ati ara, sik malye winin ning kum batakikura, Yohanes arye anang mek kum dongamuk.
31Winilamik anya arye, Yesus arye anang ati ayupu nyabuk.
Anggun teneipdelulume. Atalak umunye nang ara, anggun umunye ning atonun ning ati, winipmanto yupu nyapnusine. 32Anggunda, kota nang arye din ning bulubuka deibikirye deklamakak ara, mapu asik deice bulubikirye, arikal dolamak touk winilalume. Ton mapu arye yuk mapu ati, nyanyake.
“Kanye deibuka, ‘Mot senamap’ tenen, bingkong nyana atonun ning nyabipyeura, anggun lik ati batakmasulumura, nun ap mot kum sepmabe. Atonun ton, talya ati, ‘Ninye dipmaceura, mot nyabuka engelamak atonun engepnamabe’ tenen, mot nyabuka engenmapu ara, anggun lik ati, batakmasulumura, nun ap kum engepmabe. Nunce ‘Winipnuyabe,’ tenepmabye ning nirya ara, anggun lik ati, bataksulume.” Amapu arye nyanyake.
33Amapu lik uplibuk, bataklamak touk, anggun babye, atonun ulalume. Ara, Yohanes arye, dina teleb ning roti ap, anggur mek ap, kum dilamukura, elti, diba tenena kum nang arye, “Anye bira, isa arye el kanye talima talibuka ulule,” nyanyake. 34Bukni, Yohanes aning winilamuk touk, na kum wininune. Nara, Ninye Mi Koprop Atonunye birye dina teleb ning ap, anggur mek ap, dibuka ununbuk, nati diba kum teneninyak nang arye, “Anye bira din tulanye ulule. Elda, kanye wangalamak mek pia ton dilulnye ulule.” Tonda, nyaninyake, “ ‘Amutuku talina deiyok nang dopropnamak’ tenen, tuku dekne yo bok bulubuka delilamak nang ap, malye-malye wininyak nang ap arye, Yesus ara neika ansinibuka, amalye wininyak nang ap neikak ulule. Anye bira pia malye winilule,” nyaninyake.
35“Na dipkoprop nyapsine. Weik kel nang arye teleb unyak ning ati, yuk walwal nang arye, ‘Aning ara malye,’ nyanyak bukni, aminyan talak ara, sik weik kel nang arye wininyak ning nong akunum uplyopura lakak oplyopura, ninye nirya arye, ‘E, sikce teleb winilamika’ tenen, bikilinyake. Aning atouk, nati diba tenena kum nang arye ayupu nyaninyak bukni, na ap, amalye winin ninye ap, neika upmapya ani, aminyan ara, na yupu dib tenebikirye, sik malye winin ning batakuka diksukumuk ubikibuk, eipmunyopura, kel kipnamlume. Na pil donye ning nong uplye talak aryuk kel kipnamlume. Narye aninye ap neika unmana ara, telebuka,” Yesus arye nyabuk.
Pia malye winilamuk kil arye, nintong teleb mek, Yesus el yan deice dikdeibuk yupu
(Matius 26:6-13; Markus 14:3-9; Yohanes 12:1-8; Matius 18:23-24)
36Tonok sum ara, Farisinye tonok, el si Simon, elce Yesus ati, “Na aik din dilyalyame,” nyabuka yupu nyapdeibuk. Yukubukopura, Yesus arye Simon el aik yanuka din dinmek. 37Sik tuba dinmek talak ara, amutuku pia malye winilamuk kil tonok kekebukce, nintong teleb mek dekna weik makau bukni, bol kat-kat makau arye kwebuka deiyamuk ara, dobuka yayuk.
38Dobuka yayukce, Yesus wirikdeibuka bukmokce, yan donokmok damak tikilyayukce, engenmokura, el asing maka ara, Yesus el yan deice sakanmok. Sakanmokura, akil potong ara, pia cang potong kil anya arye, el potong arye dobuka, Yesus yan deice asing maka sakmoka ara kilibukce, Yesus el yan deice mutubuk. Mutubukce, atong teleb mek dekna weik mek ara, Yesus el yan deice dikeibuk.
39Dikeibukopura, aFarisinye Simon arye, Yesus yukupmoknye eibukce, el talima noutamakuk tenebuk. ‘Anye bira Allah yupu lak nyananye, nabi ulamtuopura, el yan talipmal kil, ara pia malye kil teneptue,’ tenebuk. 40Utenebuk ati, Yesus arye Simon tenepmok ning kel kipmoka anya arye, Simon ati ayupu nyabuk. “Simono, na tenipman yupu ton nyapnukine,” nyabuk. Nyabukura, Simon arye, “Telebe naio, danyapnio,” nyabuk. 41Nyabukura, Yesus adomon yupu deice arye nyabuk.
“Tonok sum ara, pajak yo bok arilamuknye, deiyoknye birye ninye bitinye nang ati, yo bok tia aribuk. Tonye biti, like 500 sum#7:41 500 sum pil dona – Minop talak sekamik buku noutamak ara, sik Yunani yupu deice arye, sik keil uang si, ‘Denari’ sekik. ‘Denari’ deiyok ara, sik atalak uamuk keil uang bukni, tonok sum deice arye pil donmana ani, inipnopura, asum nirya pil donman ning dekna ati ara, tonok denari arilamik. Ati, 500 denari ara, 500 sum pil dobibyopura, dekna yo bok arepnamsitinga atonun uwamuka atia. deice pil dobikceura, dengna arilamaka atonun, tia aribuk. Tonye bira, like 50 sum deice pil dobikceura, dengna arilamaka atouk tia aribuk. 42Yo bok areamukura, daulamrika ani, ayo bok tamubuka yuk talak akunum ubukaopura, sik yo bok pia kum ubuka ati, adeiyoknye birye, sik dopromrik yo bok sik ak, ‘Dawaplye. Na tamubuka arena kum’ tenen, bataklobuk. Winibuk ati, yatanye bak yo bok weik el deiyoknye biti, kanye weik deibuk do?” Yesus arye Simon biti asipdeyuk.
43Asipdeyukura, Simon arye tamubuka nyabuk. “Na tenepman ning ara, yo bok pia weik diplobuk bukni, deiyoknye birye yo bok si weik diplobuknye biti, anye birye el deiyoknye ati kanye weik delinamle tenepne,” Simon arye nyabuk. Nyabukopura, Yesus arye Simon ati nyabuk. “An tenepmalam ning ara, dipkoprop nyapnilame,” nyabuk. 44Nyabukopura, Yesus akil dipdeyukce, Simon ati nyabuk.
“Simono, akil dipdelyame. Nara, an aik yanmanu talak ara, na yan sung-sunga palepmanuura, mek ilikna ati, ance mek kum arepmanume. Bukni akil arye engenmorye, el asing maka na yan deice sakmanu ura, el potong cang arye kilipmanile. 45An aik yanmanu talak ara, na kina ati, taruk kum arepmanumu bukni, na yanmanu talak arye dipdongobuka wini talak ap, akil arye tuba na yan deice mutupmanile.
46Tonda, na kina ati, nintong teleb minyak, na gisok deice kum dikmanumubuk, akil aryuk na yan deice nintong teleb mek dekna weik ning, weika arye dikdeipmanile. 47Aning ati ara, na nyapnukine. Akil arye nati weika arye bico tenebuka, kanye talima arepmanila anya arye, el malye winin ning pia weika arye winilul bukni, narye akil malye winilul ning nirya ara, narye akunum namin kibuka, lyepnarye kum daneipne.
Bukni, malye winin ning mitik winilamice nang ara, sik malye winin ning namin kibuka kum kipdeipnyopura, bico tenebuka kanye delina ara mitik tonunuk kanye delinyake.” Yesus arye Simon ati nyabuk. 48Nyabukopura, Yesus arye akil ati nyabuk. “An pia malye winilaminye ning nirya ara, akunum namin kipdeipkinarye kum daneipkine” nyabuk. 49Yesus arye nyabukopura, abukuka dinmek nang nirya arye, sik anang mamunuk asipdayikce nyabik. “Anye bira, yatanye do? Elce, ‘Ninye malye wininyak ning namin kibuka kum daneiptenya,’ nyalye atia,” nyabuka asildanmek. Asildanmekce, Yesus ati yu ubuk. Ara, Yesus arye, ‘Ninye malye winin ning ati namin kilinanye na unune. Aning ababye, unune,’ nyapmok ning ara, sikce elti, ‘Elda pia malye. Allah elcuk apil dolul’ tenen, Yesus ati derebik. 50Sikce Yesus ati derebik bukni, Yesus arye akil ati nyabuk, “Ance nati diba tenepmanilama deice arye, akunum lyepmakina ati, kanye deibuka dabilyame” nyabuk.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023, Wycliffe Bible Translators, Inc. All rights reserved.