Yɔanɨ 21
21
Yeso ɔchwɛanɨɔ ɓakpata ngʉɓangɔ mɛɗɨanɛka
1Ambise ɔ mikpekpe yɔ makwaa, Yeso ɔ꞉tɔchwɛanɨa ɓata ɓakpata ngʉɓangɔ, amutii wɔ ipuu yɔ Tɨbɛlɨa. A꞉ɓʉchwɛanɨa ɓɔ: 2Atɨ Simoni Pɛtɛlɔ, nɔ Tɔma (ngɨakɛ ɓa꞉tɨmisoko kʉ ɓɔ Ipiyo), nɔ Natanaɛlɨ ɨyakɛ ndaɓʉ a꞉ɓio anɔ Kana amati ɔ ɨkʉmbʉ yɔ Galilaya, nɔ ɓana ɓɔ Jɛbɛdayɔ, nɔ ɓata kʉ nɔ ɓapɨnɨ ati ɔ ɓakpata ngʉɓangɔ, ɨɓɔ ɓaɓomu ɓa꞉ɓio ɨhɔ. 3Ga Simoni Pɛtɛlɔ naɓɔ ɓɔ: «Nɔmanɔ-sɨ ɨmɨ anɨfanana sipe.» Ɨɓɔ, ɓɔ꞉mutosio ɓɔ: «Isu, tabi kʉ ɨhɔ nenu.» Kʉdɔ, ɓa꞉ngwɨa kyɛnda, nɔ ɓɔ꞉kumonio amati ɔ ɨngbɔɔ. Yakamɛngana, naɓutu ngɨananɨ muɓomu, sɔkɔmʉ ɓɨ꞉fa ɨkyɛmʉ pɔ mɛngana. 4Tɨa nɛkʉɓa yɔngɔ, nɔ igbandindi ɓɔ cha, Yeso ɛ꞉ka anɨmaa ta amutii wɔ lisini ga gba. Yakamɛngana, sɔkɔmʉ ɓakpata ɓɨ꞉mbɨa ɓɔ ya Yeso. 5Kʉdɔ, ga Yeso naɓɔ ɓɔ: «Ha inu ɓanɛgbama ɓɔsɛmɨ, nɔ́꞉fɔ ndɨ sipe fanɨ?» Ga ɨɓɔ nayɔ ɓɔ: «Haa.» 6Ga Yeso ɓata naɓɔ ɓɔ: «Giseni mayia nɔ ʉgbaa ngʉwɔ ɨkɔndɔ yɔ guwɔngɔ, ngɨyɔ ɨngbɔɔ, nɛ́na sipe ngɨyɛ náɨfa.» Kʉdɔ, ɓɔ꞉giso ta ɓanɨ, nɔ yɔɓʉkyaka aɗuɗuo mayɨa tɨta kyaka, tɨa akɔ ɓʉja ɓɔ sipe. 7Kʉdɔ, mʉkpata ngʉwa, Yeso a꞉tɨmʉkʉnda nɔgbɛ a꞉sigio Pɛtɛlɔ ɓɔ: «Ha gue, Makwɔɓɨɨ, ɨyananɨ!»
Ɨyɛ Simoni Pɛtɛlɔ ɔ꞉ka nayɔ ɓɔ ya Makwɔɓɨɨ, ɔ꞉sɨka ɨpʉkʉ ngɨangɔ yɔ ɨkʉʉ, nɔ ɔ꞉ɨpɛnɨa, dɔ a꞉ɓio ɓɔ ɔ꞉ɨɗuweni ɗuwoni. 8Ɓakpata ngʉɓɔmɔ, ɓɛ꞉ka nɔ ɨngbɔɔ akʉnda ɗuɗuo mayia ngʉwa wa꞉huo nɔ sipe ɓɔ kyɛɛ. Ya꞉ɓiomʉ ɗu nɔ mutii, ta tinetine ndʉ ɓamɛtɛlɛ mɨa mʉngana. 9Ɨyɛ ndʉ ɓa꞉ɓɔya amutii, ɓɔ꞉tɛna tɨa sipe, nɔ mɨkatɨ akʉʉ ɔ makɔka kɔ dyaa. 10Ga Yeso naɓɔ ɓɔ: «Ikeni nɔ mikpekpe yɔ sipe akɔ ɨyɛ nɔ́꞉ɨfɔ.»
11Mbise ɔngɔ, Simoni Pɛtɛlɔ ɔ꞉ɗeto aɨngbɔɔ, ɔ꞉ɗuɗuo mayia akɔ ɓɔya akɔ ɨtaka. Uhue nɔ sipe yɛta ɨkpɔkpɔ mɨya mʉngana nɔ ɓatɛkɛɓɛ ɓɔkʉ nɔ ɓaatʉ (153). Gʉtʉ ta ndʉ sipe ya꞉ɓio ɨja ɓanɨ, sɔkɔmʉ mayia wɨtinyoo pɔ bele. 12Kʉdɔ, Yeso a꞉ɓio naɓɔ ɓɔ: «Ikeni tɨa adyakaka.» Mombi pɔ mʉngana ati ɔ ɓakpata ɔ꞉muɓokuomʉ ɓɔ: «Ʉwɛ, wa anɨ?» Dɔ, ɓa꞉ɓio anɨmbɨa iɗo ɓɔ, ya Makwɔɓɨɨ. 13Kʉdɔ, Yeso ɔ꞉tɔɓɨsɨnganɨa, nɔ ɔ꞉sɨka mʉkatɨ, nɔ ɔ꞉pʉnga naɓɔ anʉpakɨa, ɨhɔ nɔ sipe kʉtaa. 14Anɨngwa aka Yeso a꞉jʉkana-ɔɔ akɔ ingwo, chwɛanɨa ngɨangɔ akɔ ɓakpata machaa kaatʉ, ɨyɔ tɨa ɨyɛnɛnɨ.
Atɨ Yeso nɔ Pɛtɛlɔ
15Ndʉ ɓa꞉pipo dyakaka ɓɔ gba, ga Yeso nɔ Simoni Pɛtɛlɔ ɓɔ: «Simoni, mwana ɔ Yɔanɨ, wanakʉnda ndɨ ɨmɨ nɔgbɛ akɔnagaaka ɓombi ngʉɓaɓɛ?» Ɔ꞉mutosio ɓɔ: «Iii Makwɔɓɨɨ, wanɨmbɨa iɗo ɓɔ nanakʉnda kʉndanɨ.» Ga Yeso nayɔ ɓɔ: «Pɛmakɨa ɓana ɓɔ ɓakɔndɔlɔ ngʉɓɔsɛmɨ.» 16Kʉdɔ, ɔ꞉tɔmuɓokuo ɓata ɓɔ: «Ha Simoni, mwana ɔ Yɔanɨ, wanakʉnda ndɨ kʉndanɨ?» «Iii Makwɔɓɨɨ, wanɨmbɨa iɗo ɓɔ, nanakʉnda kʉndanɨ.» Ga Yeso nayɔ ɓɔ: «Ɓio mʉpɛmakɨa wɔ ɓakɔndɔlɔ ngʉɓɔsɛmɨ.» 17Ɔ꞉tɔmuɓokuo ɓata akɔ machaa kaatʉ ɓɔ: «Simoni, mwana ɔ Yɔanɨ, wanakʉnda ndɨ kʉndanɨ?» Pɛtɛlɔ ɔ꞉dya ikoko amʉtɨma nɔgbɛ, dɔ, Yeso ɔ꞉muɓokuo akɔ machaa kaatʉ ɓɔ «wanakʉnda ndɨ kʉndanɨ?» Kʉdɔ, ɔ꞉mutosio ɓɔ: «Iii Makwɔɓɨɨ, wanɨmbɨa yaka ta iɓomu, wa kʉ anɨmbɨa ɓɔ nanakʉnda kʉndanɨ.» Ga Yeso nayɔ ɓɔ: «Pɛmakɨa ɓakɔndɔlɔ ngʉɓɔsɛmɨ.» 18Ingono, ɨmɨ, nanɔwɛ anʉngɨa ɓɔ: «Angbinga ngɨa wa꞉ɓio-ɔɔ mwana, wa꞉ɓio anamangana mʉkaɓa ta ʉwɛ makwɔngɔ, nɔ wɔ꞉sa kʉ aki wabaya-ɛɛ. Yakamɛngana, angbinga ngɨa wa꞊ɓio sina-ɔɔ tɨa ikweikwei, wa꞊ɓiyomo tɨta ɨkɔndɔ, tɨa mombi ngakɔmɔ ɔ꞊namangana mʉkaɓa, nɔ, ɔ꞊sa nɔwɛ aki wa꞊ngɔbayamʉ-ɛɛ.» 19Yeso a꞉sugo yaka ngɨyɛnɛnɨ, akɔpananiso ɨngbaa ngɨyɛ Pɛtɛlɔ a꞊wo sina nayɔ, akɔninjiso Asɔɓɨɨ ʉbɨba. Mbise ɔngɔ, ga Yeso nɔ Pɛtɛlɔ ɓɔ: «Anakpata!»
Atɨ Yeso nɔ mʉkpata ngʉwangɔ wɔ ɓʉkʉnda
20Pɛtɛlɔ ɔ꞉natana ga pɛɨ, ɛ꞉na mʉkpata ngʉwa Yeso a꞉tɨmʉkʉnda nɔgbɛ. Angbinga ngɨa ɓa꞉ɓio jɛnɛ-ɔɔ adyakaka, ɨyɔ, akɛ a꞉ɓio jɛnɛ ɓɔ ɔnakambanieni Yeso, nɔ ɔ꞉muɓokuo ɓɔ: «Makwɔɓɨɨ, anɨ akɛ anɔwɛ akɔgaba?» 21Ɨyɛ ndʉ Pɛtɛlɔ amɨna, ɔ꞉ɓokuo Yeso ɓɔ: «Makwɔɓɨɨ, andɔ ɨyɔ, yaka ngayangɔ ya꞊ɓio sina tanɨ?» 22Yeso ɔ꞉mutosio ɓɔ: «Nɔbayeni ɓɔ iɓio akɔ uɓei akɔɓɔya aka na꞊tɔwa sina-ɔɔ, ɨyɛsɔɔ ya amati ɔngɔ ɨmanɨ? Ʉwɛ, anakpata-pɨ ɨmɨ ta kpata.» 23Kʉdɔ, ɨsaʉ yɔ yaka ngɨyɛnɛnɨ ya꞉kyɛnda ati ɔ ɓakpata, asugo ga mʉkpata ngʉwɔnanɨ, angɔwomʉ sina. Ɨnadɔ, mangɛ a꞉ɓio ɔsugeni ɓɔ: «Nɔbayeni ɓɔ iɓio akɔ uɓei akɔɓɔya aka na꞊tɔwa sina-ɔɔ, ɨyɛsɔɔ ya amati ɔngɔ ɨmanɨ.» 24Mʉkpata mʉngana ngɨa a꞉chwɛa ɓʉdɛmʉ ɓɔngɔ, kʉ ɨyɔ akɛ a꞉tɛndakɨa Mabii ngʉka. Tanɨmbɨa ɓɔ ɓʉdɛmʉ ɓɔ yaka ngɨangɔ ya ingono.
Yaka yɔ mupipio
25Yeso a꞉kɨa ɓata yaka ngayɛmɔ ɨja. Ɓɔɨtɛndakɨeni jɛnɛ iɓomu nganangana, ambɔ lɨtaɓʉ lɔngɔ, langɔmʉ adaa ngɨa ɓalɨnapɨa-ɔɔ gʉtʉ ta amati ɔ dɔdɔ muɓomu.
Цяпер абрана:
Yɔanɨ 21: buuN
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2021, Wycliffe Bible Translators, Inc.
Yɔanɨ 21
21
Yeso ɔchwɛanɨɔ ɓakpata ngʉɓangɔ mɛɗɨanɛka
1Ambise ɔ mikpekpe yɔ makwaa, Yeso ɔ꞉tɔchwɛanɨa ɓata ɓakpata ngʉɓangɔ, amutii wɔ ipuu yɔ Tɨbɛlɨa. A꞉ɓʉchwɛanɨa ɓɔ: 2Atɨ Simoni Pɛtɛlɔ, nɔ Tɔma (ngɨakɛ ɓa꞉tɨmisoko kʉ ɓɔ Ipiyo), nɔ Natanaɛlɨ ɨyakɛ ndaɓʉ a꞉ɓio anɔ Kana amati ɔ ɨkʉmbʉ yɔ Galilaya, nɔ ɓana ɓɔ Jɛbɛdayɔ, nɔ ɓata kʉ nɔ ɓapɨnɨ ati ɔ ɓakpata ngʉɓangɔ, ɨɓɔ ɓaɓomu ɓa꞉ɓio ɨhɔ. 3Ga Simoni Pɛtɛlɔ naɓɔ ɓɔ: «Nɔmanɔ-sɨ ɨmɨ anɨfanana sipe.» Ɨɓɔ, ɓɔ꞉mutosio ɓɔ: «Isu, tabi kʉ ɨhɔ nenu.» Kʉdɔ, ɓa꞉ngwɨa kyɛnda, nɔ ɓɔ꞉kumonio amati ɔ ɨngbɔɔ. Yakamɛngana, naɓutu ngɨananɨ muɓomu, sɔkɔmʉ ɓɨ꞉fa ɨkyɛmʉ pɔ mɛngana. 4Tɨa nɛkʉɓa yɔngɔ, nɔ igbandindi ɓɔ cha, Yeso ɛ꞉ka anɨmaa ta amutii wɔ lisini ga gba. Yakamɛngana, sɔkɔmʉ ɓakpata ɓɨ꞉mbɨa ɓɔ ya Yeso. 5Kʉdɔ, ga Yeso naɓɔ ɓɔ: «Ha inu ɓanɛgbama ɓɔsɛmɨ, nɔ́꞉fɔ ndɨ sipe fanɨ?» Ga ɨɓɔ nayɔ ɓɔ: «Haa.» 6Ga Yeso ɓata naɓɔ ɓɔ: «Giseni mayia nɔ ʉgbaa ngʉwɔ ɨkɔndɔ yɔ guwɔngɔ, ngɨyɔ ɨngbɔɔ, nɛ́na sipe ngɨyɛ náɨfa.» Kʉdɔ, ɓɔ꞉giso ta ɓanɨ, nɔ yɔɓʉkyaka aɗuɗuo mayɨa tɨta kyaka, tɨa akɔ ɓʉja ɓɔ sipe. 7Kʉdɔ, mʉkpata ngʉwa, Yeso a꞉tɨmʉkʉnda nɔgbɛ a꞉sigio Pɛtɛlɔ ɓɔ: «Ha gue, Makwɔɓɨɨ, ɨyananɨ!»
Ɨyɛ Simoni Pɛtɛlɔ ɔ꞉ka nayɔ ɓɔ ya Makwɔɓɨɨ, ɔ꞉sɨka ɨpʉkʉ ngɨangɔ yɔ ɨkʉʉ, nɔ ɔ꞉ɨpɛnɨa, dɔ a꞉ɓio ɓɔ ɔ꞉ɨɗuweni ɗuwoni. 8Ɓakpata ngʉɓɔmɔ, ɓɛ꞉ka nɔ ɨngbɔɔ akʉnda ɗuɗuo mayia ngʉwa wa꞉huo nɔ sipe ɓɔ kyɛɛ. Ya꞉ɓiomʉ ɗu nɔ mutii, ta tinetine ndʉ ɓamɛtɛlɛ mɨa mʉngana. 9Ɨyɛ ndʉ ɓa꞉ɓɔya amutii, ɓɔ꞉tɛna tɨa sipe, nɔ mɨkatɨ akʉʉ ɔ makɔka kɔ dyaa. 10Ga Yeso naɓɔ ɓɔ: «Ikeni nɔ mikpekpe yɔ sipe akɔ ɨyɛ nɔ́꞉ɨfɔ.»
11Mbise ɔngɔ, Simoni Pɛtɛlɔ ɔ꞉ɗeto aɨngbɔɔ, ɔ꞉ɗuɗuo mayia akɔ ɓɔya akɔ ɨtaka. Uhue nɔ sipe yɛta ɨkpɔkpɔ mɨya mʉngana nɔ ɓatɛkɛɓɛ ɓɔkʉ nɔ ɓaatʉ (153). Gʉtʉ ta ndʉ sipe ya꞉ɓio ɨja ɓanɨ, sɔkɔmʉ mayia wɨtinyoo pɔ bele. 12Kʉdɔ, Yeso a꞉ɓio naɓɔ ɓɔ: «Ikeni tɨa adyakaka.» Mombi pɔ mʉngana ati ɔ ɓakpata ɔ꞉muɓokuomʉ ɓɔ: «Ʉwɛ, wa anɨ?» Dɔ, ɓa꞉ɓio anɨmbɨa iɗo ɓɔ, ya Makwɔɓɨɨ. 13Kʉdɔ, Yeso ɔ꞉tɔɓɨsɨnganɨa, nɔ ɔ꞉sɨka mʉkatɨ, nɔ ɔ꞉pʉnga naɓɔ anʉpakɨa, ɨhɔ nɔ sipe kʉtaa. 14Anɨngwa aka Yeso a꞉jʉkana-ɔɔ akɔ ingwo, chwɛanɨa ngɨangɔ akɔ ɓakpata machaa kaatʉ, ɨyɔ tɨa ɨyɛnɛnɨ.
Atɨ Yeso nɔ Pɛtɛlɔ
15Ndʉ ɓa꞉pipo dyakaka ɓɔ gba, ga Yeso nɔ Simoni Pɛtɛlɔ ɓɔ: «Simoni, mwana ɔ Yɔanɨ, wanakʉnda ndɨ ɨmɨ nɔgbɛ akɔnagaaka ɓombi ngʉɓaɓɛ?» Ɔ꞉mutosio ɓɔ: «Iii Makwɔɓɨɨ, wanɨmbɨa iɗo ɓɔ nanakʉnda kʉndanɨ.» Ga Yeso nayɔ ɓɔ: «Pɛmakɨa ɓana ɓɔ ɓakɔndɔlɔ ngʉɓɔsɛmɨ.» 16Kʉdɔ, ɔ꞉tɔmuɓokuo ɓata ɓɔ: «Ha Simoni, mwana ɔ Yɔanɨ, wanakʉnda ndɨ kʉndanɨ?» «Iii Makwɔɓɨɨ, wanɨmbɨa iɗo ɓɔ, nanakʉnda kʉndanɨ.» Ga Yeso nayɔ ɓɔ: «Ɓio mʉpɛmakɨa wɔ ɓakɔndɔlɔ ngʉɓɔsɛmɨ.» 17Ɔ꞉tɔmuɓokuo ɓata akɔ machaa kaatʉ ɓɔ: «Simoni, mwana ɔ Yɔanɨ, wanakʉnda ndɨ kʉndanɨ?» Pɛtɛlɔ ɔ꞉dya ikoko amʉtɨma nɔgbɛ, dɔ, Yeso ɔ꞉muɓokuo akɔ machaa kaatʉ ɓɔ «wanakʉnda ndɨ kʉndanɨ?» Kʉdɔ, ɔ꞉mutosio ɓɔ: «Iii Makwɔɓɨɨ, wanɨmbɨa yaka ta iɓomu, wa kʉ anɨmbɨa ɓɔ nanakʉnda kʉndanɨ.» Ga Yeso nayɔ ɓɔ: «Pɛmakɨa ɓakɔndɔlɔ ngʉɓɔsɛmɨ.» 18Ingono, ɨmɨ, nanɔwɛ anʉngɨa ɓɔ: «Angbinga ngɨa wa꞉ɓio-ɔɔ mwana, wa꞉ɓio anamangana mʉkaɓa ta ʉwɛ makwɔngɔ, nɔ wɔ꞉sa kʉ aki wabaya-ɛɛ. Yakamɛngana, angbinga ngɨa wa꞊ɓio sina-ɔɔ tɨa ikweikwei, wa꞊ɓiyomo tɨta ɨkɔndɔ, tɨa mombi ngakɔmɔ ɔ꞊namangana mʉkaɓa, nɔ, ɔ꞊sa nɔwɛ aki wa꞊ngɔbayamʉ-ɛɛ.» 19Yeso a꞉sugo yaka ngɨyɛnɛnɨ, akɔpananiso ɨngbaa ngɨyɛ Pɛtɛlɔ a꞊wo sina nayɔ, akɔninjiso Asɔɓɨɨ ʉbɨba. Mbise ɔngɔ, ga Yeso nɔ Pɛtɛlɔ ɓɔ: «Anakpata!»
Atɨ Yeso nɔ mʉkpata ngʉwangɔ wɔ ɓʉkʉnda
20Pɛtɛlɔ ɔ꞉natana ga pɛɨ, ɛ꞉na mʉkpata ngʉwa Yeso a꞉tɨmʉkʉnda nɔgbɛ. Angbinga ngɨa ɓa꞉ɓio jɛnɛ-ɔɔ adyakaka, ɨyɔ, akɛ a꞉ɓio jɛnɛ ɓɔ ɔnakambanieni Yeso, nɔ ɔ꞉muɓokuo ɓɔ: «Makwɔɓɨɨ, anɨ akɛ anɔwɛ akɔgaba?» 21Ɨyɛ ndʉ Pɛtɛlɔ amɨna, ɔ꞉ɓokuo Yeso ɓɔ: «Makwɔɓɨɨ, andɔ ɨyɔ, yaka ngayangɔ ya꞊ɓio sina tanɨ?» 22Yeso ɔ꞉mutosio ɓɔ: «Nɔbayeni ɓɔ iɓio akɔ uɓei akɔɓɔya aka na꞊tɔwa sina-ɔɔ, ɨyɛsɔɔ ya amati ɔngɔ ɨmanɨ? Ʉwɛ, anakpata-pɨ ɨmɨ ta kpata.» 23Kʉdɔ, ɨsaʉ yɔ yaka ngɨyɛnɛnɨ ya꞉kyɛnda ati ɔ ɓakpata, asugo ga mʉkpata ngʉwɔnanɨ, angɔwomʉ sina. Ɨnadɔ, mangɛ a꞉ɓio ɔsugeni ɓɔ: «Nɔbayeni ɓɔ iɓio akɔ uɓei akɔɓɔya aka na꞊tɔwa sina-ɔɔ, ɨyɛsɔɔ ya amati ɔngɔ ɨmanɨ.» 24Mʉkpata mʉngana ngɨa a꞉chwɛa ɓʉdɛmʉ ɓɔngɔ, kʉ ɨyɔ akɛ a꞉tɛndakɨa Mabii ngʉka. Tanɨmbɨa ɓɔ ɓʉdɛmʉ ɓɔ yaka ngɨangɔ ya ingono.
Yaka yɔ mupipio
25Yeso a꞉kɨa ɓata yaka ngayɛmɔ ɨja. Ɓɔɨtɛndakɨeni jɛnɛ iɓomu nganangana, ambɔ lɨtaɓʉ lɔngɔ, langɔmʉ adaa ngɨa ɓalɨnapɨa-ɔɔ gʉtʉ ta amati ɔ dɔdɔ muɓomu.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2021, Wycliffe Bible Translators, Inc.