Luka 11
11
Yeso akɔpanɨa nɨta
(Mat 6:9-13; 7:7-11)
1Ɓisi mʉngana, Yeso a꞉ɓio anɨta akɔ ʉmʉa mʉngana ɓɔ. Ndʉ a꞉pipo nɨta, mʉkpata wangɔ mʉngana ɔ꞉musigio ɓɔ: «Makwɔɓɨɨ, atɨpanɨa-sɨ kʉɔ isu nɨta kʉndʉ Yɔanɨ a꞉panɨa ɓakpata ngʉɓangɔ.»
2Kʉdɔ, Yeso a꞉mutosio ɓɔ: «Nɔ́ɓieni akɔnɨta Asɔɓɨɨ, sugeni ɓɔ:
‹Aba,
Ino ngɨyɛsɔɔ yiɓio tu,
Ɓʉngama ngʉɓɔsɔɔ ɓɨka.
3Atinjokio maɓisi maɓomu idyo ngɨyɛ yɔsisekio nesu,
4atɨpaakɨa ɓʉɓɨɓɨ ngʉɓeso,
Kʉndʉ isu takyɛpaakɨa ɓiga ngʉɓa ɓanesu akɨa ɓʉɓɨɓɨ,
nɔ, watɨtɨsɨamʉ amati ɔ ikanio.›»
5Kʉdɔ, Yeso ɔ꞉ɓusigio ɓata ɓɔ: «Tɨsɨkeni-sɨ ɓɔ mombi mʉngana ati eno anɔ awai angɔ, ngɨa ɛ꞉kɔ andɔngɔ nɔgʉndʉ nayɔ asigio ɓɔ: ‹Awai, anenjo ɓaka uɓu wɔ mɨkatɨ ɓeetu. 6Awai asɛmɨ mʉngana ɔnejeyo, nɔ, nangɔmʉ nɔ ɨkyɛmʉ ngɨyɛ na꞊minjo.› 7Nɔ, gwa ngɨa ɔmɔ inani ambɛnɨ ɔmutosio tɨa ɓɔ: ‹Sɨa nɛmɨ adamaniso! Nɔdɨkpakɔ umongu tɨa dɨkpakanɨ, ɨmɨ nɔ ɓana ngʉɓɔsɛmɨ, tɔkwaɔ tɨa kʉ kwaanɨ. Nangɔngwa ɓata nɔwɛ aninjo mɨkatɨ.› 8Nanenu anʉngɨa ɓɔ, gʉtʉ ta gwa ngɨa ambɛnɨ ɔngwenimʉ nayɔ aninjo, dɔ, a awai angɔ ngɨa ɔ ingono, a꞊ngwa tɨta ngwanɨ nayɔ aninjo ɨkyɛmʉ ngɨyɛ anɔ taa yɔngɔ, dɔ, awai angɔ ɔmʉkpakpɔ ta ɓɔ ndi, sɔkɔmʉ nɔ mbɔmbana. 9Ɛɛ, ɨmɨ, nanenu asigio tɨa ɓɔ: ‹Ɨteni ɨkyɛmʉ ngɨyɛ nánɔ taa yɔngɔ, nɔ, Asɔɓɨɨ a꞊ninjo injoni, hateni nɔ nɛ́꞊nɨanɨa nɔ ɨkyɛmʉ, ɓendeni umongu, nɔ, ɓa꞊nɨganɨa ganɨanɨ.› 10Dɔ, mombi muɓomu ngɨa anɨta ɛnɨanɨa nɔ ɨkyɛmʉ ɨnɨanɨanɨ, nɔ ɨya akɔhata, ɛnɨanɨa nayɔ kʉ ɨnɨanɨanɨ. Nɔ mombi ngɨa akɔɓɛnda umongu, ɓa꞊mʉganɨa kʉ ganɨanɨ.
11Ɨsɛ ɔ mwana nga anɨ ɨyakɛ ati eno, mwana ɔmɨteni musipe, a꞊minjo tɨa yakpoku? 12Pɔ ɓɔ aminjo tɨa nakwaagbanɨ, ɔɓieni nayɔ anɨta mʉkɨɨ? 13Ɓombi ɓɔta ɓɨɓɨ ndʉ ná ananɨ, nɛ́mbɨeni-sɨ aninjo ɓana ɓeno ɓayaka ɓɔta manjanja, Atɔ eno ngɨa akʉʉ ɔ ɓisi, e꞊njo ɓombi ngʉɓa ɓanayɔ anɨta, Mʉtɨma wɔta Tu, tɨa nɔgbɛ anagaaka.»
Ɓɔchwɔ Yeso mʉtɨma wɔ idu
(Mat 12:22-29; Mlk 3:23-27)
14Ɓisi mʉngana, Yeso a꞉ɓio achweiso mombi mʉngana mʉtɨma wɔ idu ngʉwa wa꞉ɓio wɔmʉgbaiseni tɨta ɓɔ woo. Ndʉ idu ya꞉chwɛa, ijangi ngɨyɛnɛnɨ yɔ꞉pʉnga yaka. Kʉdɔ, yaka ngɨyɛnɛnɨ, yɔmbangɨa ambaja ɔ ɓombi ta mbangɨa. 15Yakamɛngana, nganangana ɔ ɓombi ngaɓɔmɔ ɓɔ꞉pʉnga asugo ɓɔ: «Gue ngɨa a꞉kwa pɛ badɨma ngɨyɔ Belejebuli, nɔ, achweiso mɨtɨma yɔ madu amati ɔ ɓombi, dɔ ɨyɔ ingainga, a kʉ nɔ angu ɔ ngama ɔ ɓabɨɨ.»
16Ɓɔmɔ ɓa꞉ɓio akʉnda nayɔ apendekio, nayɔ asigio ɓɔ: «Atɨpana kɔkɔ anɨngwa akʉʉ ɔ ɓisi, apananiso ɓɔ ta Asɔɓɨɨ akɛ a꞉natʉma.» 17Yakamɛngana, Yeso ɛ꞉mbɨa itungwio ngɨyeɓo ta pɛɨ, kʉdɔ, ga ɨyɔ naɓɔ ɓɔ: Ɓamɨangama ɓɔpʉngeni nagbonyonoko tɨa ati eɓo, ambɔ ɓʉngama ngʉɓeɓo ɓɔmanɔ anɨkwa, nɔ lɨkáá lɔngɔ lɛchecheyo akʉʉ ɔ ɨlɛ lɔmɔ. 18Ndʉ Sɨtanɨ apʉnga ɓɛndana nɔ ɨyɔ makwɔngɔ, ambɔ ɓʉngama ngʉɓangɔ ɓɛmaa tia tanɨ? Inu, nánɛmɨ asigio ɓɔ nachweiso mɨtɨma yɔ madu, dɔ, Belejebuli akɛ anɛmɨ aninjo angu ɔngɔ. 19Yɔɓieni ɓanɨ ɓɔ nanakɔ achweiso nɔ ɨngbaa ngɨyɛnɛnɨ, anɨ dɔ tɨa aninjo ɓakpata ngʉɓeno angu nakɔ achweiso? Ɓakpata ngʉɓeno ɨɓɔ ingainga, ɓapananiso ɓɔ ingono yangɔmʉ amati eno! 20Akɔ ingono, ɨmɨ, nachwɛiso mɨtɨma yɔ madu akɔ angu ngɨa ɔ Asɔɓɨɨ, ɨyɛnɛnɨ yapananiso ɓɔ angbinga ɔ Ɓʉngama ngʉɓa ɓɔ Asɔɓɨɨ ɓɛ꞉kɔ tɨa ati eno ɨkanɨ.
21Ndʉ ginda aɓio nɔ ɓayaka ɓɔ ɗite, aɓeyoko ɨkáá ngɨangɔ, lɨkyɛmʉ ngɨlangɔ liɓomu la amati ɔ majɨɔ. 22Yakamɛngana, mombi ɔ angu nayɔ achana ekeni nayɔ achwɛa ɗite, ɔmʉnagaaka, nɔ, ɔmʉhɨnɨa ɓayaka ɓɔ ɗite ngʉɓa a꞉napɨa jɛnɛ-ɔɔ mʉtɨma, kʉdɔ, ɔpaka lɨkyɛmʉ ngɨlɛ a꞉ɓio ɓɔ ɔmʉhɨnɨeni.
23Mombi ngɨa angɔmʉ nɔ ʉgbaa ngʉwɔsɛmɨ, a mʉyaa wɔsɛmɨ, nɔ mombi ngɨakɛ angɔmʉ nɛmɨ asalɨa amɔmaka, akɔngbengo.
Mʉtɨma wɔ idu wɔtɔeni amati ɔ mombi
24Ngbinga ngɨa mʉtɨma wɔ idu wakyɔchwɛa-ɔɔ amati ɔ mombi, wasa ambambanio kʉ gbaɨ akɔ ɨda ngɨyɛ mipo kangɔmʉ-ɛɛ, ahata ʉmʉa ngʉwa wahomuo-ɔɔ. Ndʉ wangɛna ɨda, wa꞊pʉnga tɨa ɓokuono amati angɔ ɓɔ: «Na꞊tɔa gɔ ta aɨkáá ngɨyɛsɛmɨ aki na꞉chwɛa pɔngɔ-ɛɛ.» 25Mʉtɨma wɔ idu wɔtɔeni, wagbʉka ɨkáá tɨa ɨbɨakɛ nɔ ɨtambanakɛ, 26ɨyɛ wɛ꞊na ɓanɨ, kʉdɔ, wa꞊bi anisoko mɨtɨma yɔ madu ngayɔmɔ mɛɗɨanɛka, yɛta ɓʉkaɓʉkaɨ tɨa nɔgbɛ nayɔ akɔnagaaka. Kʉdɔ, ɓɛ꞊ka tɨa ɨhɔ akɔwolo amati ɔ ɨkáá ngɨyɛnɛnɨ. Akɔ mupipio, uɓei wɔ mombi ngɨananɨ, wɛ꞊ka tɨa ɓɨɓɨ nɔgbɛ, anagaaka uɓei ngʉwangɔ wɔ pɛɨ.
Ɨgyagya yɔ ingono
27Ta akɔ angbinga ngɨa Yeso a꞉ɓio-ɔɔ anʉnga yaka ngɨyɛnɛnɨ, moi mʉngana ati ɔ ambaja ɔ꞉tʉɓɨa ɓɔ: «Ɨgyagya akɔ moi ngɨa a꞉nanɔta, nɔ ɨya, a꞉namwiso maɓɛɨ!» 28Yakamɛngana, Yeso ɔ꞉mutosio ɓɔ: «Ɨgyagya ya pɛngɛ akɔ ɓombi ngʉɓa ɓanʉka ʉpanʉ wɔ Asɔɓɨɨ, nɔ, nawɔ akyananakɨa!»
Ɓombi ɓanɨta yaka yɛta ɨmbangɛ
(Mat 12:39-42)
29Ndʉ ambaja ɔ ɓombi a꞉ɓio tɨa amɔmanɨa anɔ ambamba ɔ Yeso, kʉdɔ, ɔ꞉pʉnga naɓɔ asigio ɓɔ: «Inu ɨfananja ngɨyɔ ɓʉɓʉnʉ ná ɓɨɓɨ, nɔ, nángɔkyananakɨa mapanʉ kɔ Asɔɓɨɨ. Inu, náhata ta ɓɔ ɓɨnɨpana kɔkɔ. Yakamɛngana, ɓangɔnɨpanamʉ kɔkɔ ngakɔmɔ, yɔkɔɓienimʉ ta ɨya, ɔ Yɔna. 30Kʉɓanɨ, ngbanga kʉndʉ Yɔna a꞉ɓio ndʉ kɔkɔ ata mʉmbangɛ akɔ ɓombi ɓɔ Ninawe, Ɨmɨ, Mwana ngɨyɔ Mombi, na꞊ɓio tɨa kɔkɔ ata mʉmbangɛ akɔ ɓombi ngʉɓɔ ɓʉɓʉnʉ. 31Akɔ ɓisi ɓɔ mʉkɔmbʉ, ngama moi ɔngɔ nɔ ʉgbaa ngʉwɔ mʉdʉʉ, ɛ꞊maa sina apɛɨ ɔ ɓombi ngʉɓɔ ɓʉɓʉnʉ naɓɔ achɔngɨa, dɔ ɨyɔ, a꞉ngwa alihoi lɛta ɗu lɔ dɔdɔ, anɨka anʉka yaka yɔ nɨmbɨmbɨanaka ngɨyɔ Sɔlɔmɔnɔ. Ɨnadɔ aka, yanɔ mombi ngɨa ɔchanɔ Sɔlɔmɔnɔ! 32Akɔ ɓisi ɓɔ mʉkɔmbʉ, ɓombi ɓɔ Ninawe ɓɛ꞊maa sina apɛɨ ɔ ɓombi ngʉɓɔ ɓʉɓʉnʉ naɓɔ achɔngɨa, dɔ ɓombi ɓɔ Ninawe ɓa꞉necho mɨtɨma ngɨyeɓo, angbinga ngɨa ɓɔ꞉ka-ɔɔ mapanʉ ngʉka Yɔna a꞉ɓio apanɨa! Ɨnadɔ aka, yanɔ mombi ngɨa ɔchanɔ Yɔna!»
Ʉwanga wɔ ndʉtʉ
(Mat 6:22-23)
33«Mombi pɔ mʉngana angɔya ʉwanga nawɔ anaya asɨ, pɔ nawɔ anapɨa amati ɔ ɨkɔchɔ. Yakamɛngana, a꞊ʉnapɨa akʉʉ ɔ mʉbɨnga wɔngɔ, dɔ, ɓombi ngʉɓa ɓaɓio akumonio ambɛnɨ, ɓɨna ʉwanga ta ɨnanɨ. 34Mesu ngʉkɔsɔɔ ka ndʉ ʉwanga wɔ ndʉtʉ. Ndʉ mesu ngʉkɔsɔɔ kaɓio maɗo, ndʉtʉ ngɨyɛsɔɔ iɓomu yaɓio tɨa kʉ ajɛa. Yakamɛngana, mesu ngʉkɔsɔɔ kɔɓieni ɓɨɓɨ, ndʉtʉ ngɨyɛsɔɔ iɓomu yaɓio tɨa kʉ amati ɔ umomo. 35Kanganɨa gɔ kanganɨanɨ, ɓɔ ʉwanga ngʉwa wa amati asɔɔ watɨnatanamʉ umomo. 36Yɔɓieni ɓɔ ndʉtʉ ngɨyɛsɔɔ iɓomu yanɨnɨanɨa nɔ ʉwanga, sɔkɔmʉ nɔ ʉmʉa ngʉwa wa amati ɔ umomo, yɛ꞊nɨanɨa iɓomu aɓʉmba, ngbanga ndʉ ɨyɛ ʉwanga wakɨa-ɔɔ nɔwɛ akɔpɔya nɔ dyaa ngɨangɔ.»
Ikoko akɔ Ɓafalisayɔ nɔ ɓapananakɨa ɓɔ mapanʉ
37Ndʉ Yeso a꞉pipo ngaka yaka ngɨyɛnɛnɨ, Mʉfalisayɔ mʉngana ɔ꞉misoko adyakaka andɔngɔ. Kʉdɔ, Yeso ɔ꞉sa, nɔ, ɓɔ꞉pʉnga dyakaka. 38Yɔmʉkyaka Mʉfalisayɔ ngɨananɨ ta kyaka, anɨna ɓɔ Yeso ɔgyaɓanamʉ#11:38 Yeso a꞉gyaɓanamʉ lɨkɔndɔ akpatanakɨa nɔ mapanʉ ngʉkɔ Ɓayuda lɨkɔndɔ apɛɨ ɔ pʉnga dyakaka. 39Kʉdɔ, ga Makwɔɓɨɨ nayɔ ɓɔ: «Inu Ɓafalisayɔ, nágyaɓa kɔpɔ nɔ sanɨ ta aɓei ɔngɔ, yakamɛngana, amati eno náɓahue nɔ mʉsasa wɔ niɓo nɔ mʉtɨma wɔ ʉnganga. 40Inu ɓombi ɓɔ janga nɨmbɨmbɨanaka! Asɔɓɨɨ ngɨa a꞉kɨa ɓei ɔ ɓayaka, a꞉kɨamʉ ndɨ kʉ nɔ mati ɔngɔ? 41Injeni gɔ pɛngɛ ɓajanga ɓayaka ngʉɓa ɓa amati ɔ ɓakɔpɔ nɔ ɓasanɨ ngʉɓeno, kʉdɔ, yaka ngɨyeno iɓomu ya꞊ɓio tɨa ɨgyaɓanakɨɛ.
42Ikoko akɔ inu Ɓafalisayɔ! Dɔ, nénjo akɔ Asɔɓɨɨ mʉngana wɔ tɛkɛɓɛ wɔ ɓana ɓɔ lɨgbɛɛ lɛta mvo tɨpɨ, achangbo nɔ ɓana ɓɔ lɨgbɛɨ kʉ ɓaɓomu ngʉɓa ɓɛsɨa naɓɔ idyo, yakamɛngana, nɔ́sɨa kɨa ɓombi ɓungbingbii, nɔ, sɨa akʉnda Asɔɓɨɨ. Ɨnadɔ, ya yaka ngɨyɛ nɔ́꞉kwananɔ jɛnɛ kyananakɨa, sɔkɔmʉ nɛ́paa kɨa ɓayaka ngʉɓɔnanɨ ɓɔmɔ kʉɓanɨ.
43Ikoko akɔ inu Ɓafalisayɔ! Dɔ, nákʉnda inu, anuwolo ta amawolo kɔ pɛɨ amati ɔ lɨkáá lɔ nɨta ngɨlɔ Ɓayuda, nɔ, nákʉnda ɓɔ ɓombi ɓoniɓokuo nɔ ʉbɨba akɔ ɓamʉa ɓɔ ibamu. 44Ikoko ya akʉʉ eno! Dɔ ná ndʉ manjaʉ ngʉka kangɛmbɨanɨa tii ɓata, nɔ ʉka ɓombi ɓakyɛndaka akʉʉ ɔngɔ, sɔkɔmʉ nɔ nɨmbɨa!»#11:44 Akɔkpatanakɨa nɔ mapanʉ kɔ Ɓayuda, mombi aɓoto ɓʉnjaʉ, ya ɗaa mʉgwɛ
45Mʉngana wɔ ɓapananakɨa ɓɔ mapanʉ ɔ꞉musigio ɓɔ: «Mʉpananakɨa, yaka ngɨyɛnɛnɨ wanʉngaka, wanesu asɛaka tɨa kʉ nesu!»
46Kʉdɔ, Yeso a꞉mutosio ɓɔ: «Ikoko ya kʉ akʉʉ eno, ɓapananakɨa ɓɔ mapanʉ! Inu, nátumbiso ɓombi ɓayaka ɓɔta ɓuto ɓuto, yakamɛngana, sɔkɔmʉ inu, nɨnapɨa gʉtʉ pɔ ɨkɔndɔ naɓɔ akɔtumbiso ɓuɓuto ɓɔngɔ. 47Ikoko akɔ inu! Dɔ, nákyɔtambanaka manjaʉ kɔ magbɛ kɔ Asɔɓɨɨ maɗo, magbɛ ngʉka kʉ akɛ ɓatʉngwanʉ ɓeno ɓa꞉kʉmaa! 48Tɨa kʉ nɔ ɨngbaa ngɨyɛnɛnɨ, nápananiso ɓɔ nákɔɓɨnyɨa mʉkyananakɨa ngʉwɔ ɓatʉngwanɨ ɓeno, dɔ ɨɓɔ akɛ, ɓa꞉maa magbɛ, nɔ inu, ná tɨa atambanaka manjaʉ ngʉkeɓo! 49Kʉdɔ Asɔɓɨɨ, amati ɔ nɨmbɨmbɨanaka ngɨangɔ, a꞉ngaka akʉʉ eno ɓɔ: ‹Na꞊ɓʉtʉmɨa sina magbɛ nɔ ɓatitima, nɔ, ɓa꞊wa ɓɔmɔ ati eɓo, nɔ, ɓɔ꞊kyananaka ɓɔmɔ.› 50Kʉɓanɨ, ɓombi ngʉɓɔ ɓʉɓʉnʉ ɓa꞊dya mʉkaya wɔ ingwo ngɨyɛ ɓa꞉maa-ɔɔ magbɛ maɓomu anɨngwa ta akɔ Asɔɓɨɨ a꞉kɨa-ɔɔ dɔdɔ. 51Ɓa꞉pʉnga-sɨ anɨwa ta Abɛlɛ, yɛka ananɨ tɨa Jakalɨa, ɨya, ɓa꞉mʉwa amusungati wɔ ɨda ngɨyɔ nʉya mutebii akɔ Asɔɓɨɨ nɔ ʉmʉa wɔta tu, amati ɔ ɨkáá yɔ Asɔɓɨɨ. Ingono, Nanenu anʉngɨa ta ingono, ɓombi ngʉɓɔ ɓʉɓʉnʉ ɓa꞊dya mʉkaya wɔ lingwo liɓomu ngɨlɛnɛnɨ!
52Ikoko akɔ inu ɓapananakɨa ɓɔ mapanʉ! Dɔ, ná꞉nayɨa ɓombi mwana ɔ ɨfʉngʉla ngɨa yanɨta agana nayɔ umongu wɔ nɨmbɨmbɨanaka. Inu, ɓamakwɔngɔ nángɔkʉnda kumonio, nɔ, ná kʉ anangyo ɓombi ngaɓɔmɔ ʉɓa, ɓahata kumonio.»
53Ndʉ Yeso achwɛa amati ɔ ɨkáá ngɨyɛnɛnɨ, ɓapananakɨa ɓɔ mapanʉ nɔ Ɓafalisayɔ ɓɔ꞉mʉpananiso ʉnganga kʉ ingono. Nɔ, ɓɔ꞉pʉnga nayɔ aɓokuoko yaka di di di. 54Ɓa꞉ɓio nayɔ apendekio ta lipindi ɓɔ dɔ ɨfanɨa, angbinga ngɨa adingoniso-ɔɔ monu.
Цяпер абрана:
Luka 11: buuN
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2021, Wycliffe Bible Translators, Inc.
Luka 11
11
Yeso akɔpanɨa nɨta
(Mat 6:9-13; 7:7-11)
1Ɓisi mʉngana, Yeso a꞉ɓio anɨta akɔ ʉmʉa mʉngana ɓɔ. Ndʉ a꞉pipo nɨta, mʉkpata wangɔ mʉngana ɔ꞉musigio ɓɔ: «Makwɔɓɨɨ, atɨpanɨa-sɨ kʉɔ isu nɨta kʉndʉ Yɔanɨ a꞉panɨa ɓakpata ngʉɓangɔ.»
2Kʉdɔ, Yeso a꞉mutosio ɓɔ: «Nɔ́ɓieni akɔnɨta Asɔɓɨɨ, sugeni ɓɔ:
‹Aba,
Ino ngɨyɛsɔɔ yiɓio tu,
Ɓʉngama ngʉɓɔsɔɔ ɓɨka.
3Atinjokio maɓisi maɓomu idyo ngɨyɛ yɔsisekio nesu,
4atɨpaakɨa ɓʉɓɨɓɨ ngʉɓeso,
Kʉndʉ isu takyɛpaakɨa ɓiga ngʉɓa ɓanesu akɨa ɓʉɓɨɓɨ,
nɔ, watɨtɨsɨamʉ amati ɔ ikanio.›»
5Kʉdɔ, Yeso ɔ꞉ɓusigio ɓata ɓɔ: «Tɨsɨkeni-sɨ ɓɔ mombi mʉngana ati eno anɔ awai angɔ, ngɨa ɛ꞉kɔ andɔngɔ nɔgʉndʉ nayɔ asigio ɓɔ: ‹Awai, anenjo ɓaka uɓu wɔ mɨkatɨ ɓeetu. 6Awai asɛmɨ mʉngana ɔnejeyo, nɔ, nangɔmʉ nɔ ɨkyɛmʉ ngɨyɛ na꞊minjo.› 7Nɔ, gwa ngɨa ɔmɔ inani ambɛnɨ ɔmutosio tɨa ɓɔ: ‹Sɨa nɛmɨ adamaniso! Nɔdɨkpakɔ umongu tɨa dɨkpakanɨ, ɨmɨ nɔ ɓana ngʉɓɔsɛmɨ, tɔkwaɔ tɨa kʉ kwaanɨ. Nangɔngwa ɓata nɔwɛ aninjo mɨkatɨ.› 8Nanenu anʉngɨa ɓɔ, gʉtʉ ta gwa ngɨa ambɛnɨ ɔngwenimʉ nayɔ aninjo, dɔ, a awai angɔ ngɨa ɔ ingono, a꞊ngwa tɨta ngwanɨ nayɔ aninjo ɨkyɛmʉ ngɨyɛ anɔ taa yɔngɔ, dɔ, awai angɔ ɔmʉkpakpɔ ta ɓɔ ndi, sɔkɔmʉ nɔ mbɔmbana. 9Ɛɛ, ɨmɨ, nanenu asigio tɨa ɓɔ: ‹Ɨteni ɨkyɛmʉ ngɨyɛ nánɔ taa yɔngɔ, nɔ, Asɔɓɨɨ a꞊ninjo injoni, hateni nɔ nɛ́꞊nɨanɨa nɔ ɨkyɛmʉ, ɓendeni umongu, nɔ, ɓa꞊nɨganɨa ganɨanɨ.› 10Dɔ, mombi muɓomu ngɨa anɨta ɛnɨanɨa nɔ ɨkyɛmʉ ɨnɨanɨanɨ, nɔ ɨya akɔhata, ɛnɨanɨa nayɔ kʉ ɨnɨanɨanɨ. Nɔ mombi ngɨa akɔɓɛnda umongu, ɓa꞊mʉganɨa kʉ ganɨanɨ.
11Ɨsɛ ɔ mwana nga anɨ ɨyakɛ ati eno, mwana ɔmɨteni musipe, a꞊minjo tɨa yakpoku? 12Pɔ ɓɔ aminjo tɨa nakwaagbanɨ, ɔɓieni nayɔ anɨta mʉkɨɨ? 13Ɓombi ɓɔta ɓɨɓɨ ndʉ ná ananɨ, nɛ́mbɨeni-sɨ aninjo ɓana ɓeno ɓayaka ɓɔta manjanja, Atɔ eno ngɨa akʉʉ ɔ ɓisi, e꞊njo ɓombi ngʉɓa ɓanayɔ anɨta, Mʉtɨma wɔta Tu, tɨa nɔgbɛ anagaaka.»
Ɓɔchwɔ Yeso mʉtɨma wɔ idu
(Mat 12:22-29; Mlk 3:23-27)
14Ɓisi mʉngana, Yeso a꞉ɓio achweiso mombi mʉngana mʉtɨma wɔ idu ngʉwa wa꞉ɓio wɔmʉgbaiseni tɨta ɓɔ woo. Ndʉ idu ya꞉chwɛa, ijangi ngɨyɛnɛnɨ yɔ꞉pʉnga yaka. Kʉdɔ, yaka ngɨyɛnɛnɨ, yɔmbangɨa ambaja ɔ ɓombi ta mbangɨa. 15Yakamɛngana, nganangana ɔ ɓombi ngaɓɔmɔ ɓɔ꞉pʉnga asugo ɓɔ: «Gue ngɨa a꞉kwa pɛ badɨma ngɨyɔ Belejebuli, nɔ, achweiso mɨtɨma yɔ madu amati ɔ ɓombi, dɔ ɨyɔ ingainga, a kʉ nɔ angu ɔ ngama ɔ ɓabɨɨ.»
16Ɓɔmɔ ɓa꞉ɓio akʉnda nayɔ apendekio, nayɔ asigio ɓɔ: «Atɨpana kɔkɔ anɨngwa akʉʉ ɔ ɓisi, apananiso ɓɔ ta Asɔɓɨɨ akɛ a꞉natʉma.» 17Yakamɛngana, Yeso ɛ꞉mbɨa itungwio ngɨyeɓo ta pɛɨ, kʉdɔ, ga ɨyɔ naɓɔ ɓɔ: Ɓamɨangama ɓɔpʉngeni nagbonyonoko tɨa ati eɓo, ambɔ ɓʉngama ngʉɓeɓo ɓɔmanɔ anɨkwa, nɔ lɨkáá lɔngɔ lɛchecheyo akʉʉ ɔ ɨlɛ lɔmɔ. 18Ndʉ Sɨtanɨ apʉnga ɓɛndana nɔ ɨyɔ makwɔngɔ, ambɔ ɓʉngama ngʉɓangɔ ɓɛmaa tia tanɨ? Inu, nánɛmɨ asigio ɓɔ nachweiso mɨtɨma yɔ madu, dɔ, Belejebuli akɛ anɛmɨ aninjo angu ɔngɔ. 19Yɔɓieni ɓanɨ ɓɔ nanakɔ achweiso nɔ ɨngbaa ngɨyɛnɛnɨ, anɨ dɔ tɨa aninjo ɓakpata ngʉɓeno angu nakɔ achweiso? Ɓakpata ngʉɓeno ɨɓɔ ingainga, ɓapananiso ɓɔ ingono yangɔmʉ amati eno! 20Akɔ ingono, ɨmɨ, nachwɛiso mɨtɨma yɔ madu akɔ angu ngɨa ɔ Asɔɓɨɨ, ɨyɛnɛnɨ yapananiso ɓɔ angbinga ɔ Ɓʉngama ngʉɓa ɓɔ Asɔɓɨɨ ɓɛ꞉kɔ tɨa ati eno ɨkanɨ.
21Ndʉ ginda aɓio nɔ ɓayaka ɓɔ ɗite, aɓeyoko ɨkáá ngɨangɔ, lɨkyɛmʉ ngɨlangɔ liɓomu la amati ɔ majɨɔ. 22Yakamɛngana, mombi ɔ angu nayɔ achana ekeni nayɔ achwɛa ɗite, ɔmʉnagaaka, nɔ, ɔmʉhɨnɨa ɓayaka ɓɔ ɗite ngʉɓa a꞉napɨa jɛnɛ-ɔɔ mʉtɨma, kʉdɔ, ɔpaka lɨkyɛmʉ ngɨlɛ a꞉ɓio ɓɔ ɔmʉhɨnɨeni.
23Mombi ngɨa angɔmʉ nɔ ʉgbaa ngʉwɔsɛmɨ, a mʉyaa wɔsɛmɨ, nɔ mombi ngɨakɛ angɔmʉ nɛmɨ asalɨa amɔmaka, akɔngbengo.
Mʉtɨma wɔ idu wɔtɔeni amati ɔ mombi
24Ngbinga ngɨa mʉtɨma wɔ idu wakyɔchwɛa-ɔɔ amati ɔ mombi, wasa ambambanio kʉ gbaɨ akɔ ɨda ngɨyɛ mipo kangɔmʉ-ɛɛ, ahata ʉmʉa ngʉwa wahomuo-ɔɔ. Ndʉ wangɛna ɨda, wa꞊pʉnga tɨa ɓokuono amati angɔ ɓɔ: «Na꞊tɔa gɔ ta aɨkáá ngɨyɛsɛmɨ aki na꞉chwɛa pɔngɔ-ɛɛ.» 25Mʉtɨma wɔ idu wɔtɔeni, wagbʉka ɨkáá tɨa ɨbɨakɛ nɔ ɨtambanakɛ, 26ɨyɛ wɛ꞊na ɓanɨ, kʉdɔ, wa꞊bi anisoko mɨtɨma yɔ madu ngayɔmɔ mɛɗɨanɛka, yɛta ɓʉkaɓʉkaɨ tɨa nɔgbɛ nayɔ akɔnagaaka. Kʉdɔ, ɓɛ꞊ka tɨa ɨhɔ akɔwolo amati ɔ ɨkáá ngɨyɛnɛnɨ. Akɔ mupipio, uɓei wɔ mombi ngɨananɨ, wɛ꞊ka tɨa ɓɨɓɨ nɔgbɛ, anagaaka uɓei ngʉwangɔ wɔ pɛɨ.
Ɨgyagya yɔ ingono
27Ta akɔ angbinga ngɨa Yeso a꞉ɓio-ɔɔ anʉnga yaka ngɨyɛnɛnɨ, moi mʉngana ati ɔ ambaja ɔ꞉tʉɓɨa ɓɔ: «Ɨgyagya akɔ moi ngɨa a꞉nanɔta, nɔ ɨya, a꞉namwiso maɓɛɨ!» 28Yakamɛngana, Yeso ɔ꞉mutosio ɓɔ: «Ɨgyagya ya pɛngɛ akɔ ɓombi ngʉɓa ɓanʉka ʉpanʉ wɔ Asɔɓɨɨ, nɔ, nawɔ akyananakɨa!»
Ɓombi ɓanɨta yaka yɛta ɨmbangɛ
(Mat 12:39-42)
29Ndʉ ambaja ɔ ɓombi a꞉ɓio tɨa amɔmanɨa anɔ ambamba ɔ Yeso, kʉdɔ, ɔ꞉pʉnga naɓɔ asigio ɓɔ: «Inu ɨfananja ngɨyɔ ɓʉɓʉnʉ ná ɓɨɓɨ, nɔ, nángɔkyananakɨa mapanʉ kɔ Asɔɓɨɨ. Inu, náhata ta ɓɔ ɓɨnɨpana kɔkɔ. Yakamɛngana, ɓangɔnɨpanamʉ kɔkɔ ngakɔmɔ, yɔkɔɓienimʉ ta ɨya, ɔ Yɔna. 30Kʉɓanɨ, ngbanga kʉndʉ Yɔna a꞉ɓio ndʉ kɔkɔ ata mʉmbangɛ akɔ ɓombi ɓɔ Ninawe, Ɨmɨ, Mwana ngɨyɔ Mombi, na꞊ɓio tɨa kɔkɔ ata mʉmbangɛ akɔ ɓombi ngʉɓɔ ɓʉɓʉnʉ. 31Akɔ ɓisi ɓɔ mʉkɔmbʉ, ngama moi ɔngɔ nɔ ʉgbaa ngʉwɔ mʉdʉʉ, ɛ꞊maa sina apɛɨ ɔ ɓombi ngʉɓɔ ɓʉɓʉnʉ naɓɔ achɔngɨa, dɔ ɨyɔ, a꞉ngwa alihoi lɛta ɗu lɔ dɔdɔ, anɨka anʉka yaka yɔ nɨmbɨmbɨanaka ngɨyɔ Sɔlɔmɔnɔ. Ɨnadɔ aka, yanɔ mombi ngɨa ɔchanɔ Sɔlɔmɔnɔ! 32Akɔ ɓisi ɓɔ mʉkɔmbʉ, ɓombi ɓɔ Ninawe ɓɛ꞊maa sina apɛɨ ɔ ɓombi ngʉɓɔ ɓʉɓʉnʉ naɓɔ achɔngɨa, dɔ ɓombi ɓɔ Ninawe ɓa꞉necho mɨtɨma ngɨyeɓo, angbinga ngɨa ɓɔ꞉ka-ɔɔ mapanʉ ngʉka Yɔna a꞉ɓio apanɨa! Ɨnadɔ aka, yanɔ mombi ngɨa ɔchanɔ Yɔna!»
Ʉwanga wɔ ndʉtʉ
(Mat 6:22-23)
33«Mombi pɔ mʉngana angɔya ʉwanga nawɔ anaya asɨ, pɔ nawɔ anapɨa amati ɔ ɨkɔchɔ. Yakamɛngana, a꞊ʉnapɨa akʉʉ ɔ mʉbɨnga wɔngɔ, dɔ, ɓombi ngʉɓa ɓaɓio akumonio ambɛnɨ, ɓɨna ʉwanga ta ɨnanɨ. 34Mesu ngʉkɔsɔɔ ka ndʉ ʉwanga wɔ ndʉtʉ. Ndʉ mesu ngʉkɔsɔɔ kaɓio maɗo, ndʉtʉ ngɨyɛsɔɔ iɓomu yaɓio tɨa kʉ ajɛa. Yakamɛngana, mesu ngʉkɔsɔɔ kɔɓieni ɓɨɓɨ, ndʉtʉ ngɨyɛsɔɔ iɓomu yaɓio tɨa kʉ amati ɔ umomo. 35Kanganɨa gɔ kanganɨanɨ, ɓɔ ʉwanga ngʉwa wa amati asɔɔ watɨnatanamʉ umomo. 36Yɔɓieni ɓɔ ndʉtʉ ngɨyɛsɔɔ iɓomu yanɨnɨanɨa nɔ ʉwanga, sɔkɔmʉ nɔ ʉmʉa ngʉwa wa amati ɔ umomo, yɛ꞊nɨanɨa iɓomu aɓʉmba, ngbanga ndʉ ɨyɛ ʉwanga wakɨa-ɔɔ nɔwɛ akɔpɔya nɔ dyaa ngɨangɔ.»
Ikoko akɔ Ɓafalisayɔ nɔ ɓapananakɨa ɓɔ mapanʉ
37Ndʉ Yeso a꞉pipo ngaka yaka ngɨyɛnɛnɨ, Mʉfalisayɔ mʉngana ɔ꞉misoko adyakaka andɔngɔ. Kʉdɔ, Yeso ɔ꞉sa, nɔ, ɓɔ꞉pʉnga dyakaka. 38Yɔmʉkyaka Mʉfalisayɔ ngɨananɨ ta kyaka, anɨna ɓɔ Yeso ɔgyaɓanamʉ#11:38 Yeso a꞉gyaɓanamʉ lɨkɔndɔ akpatanakɨa nɔ mapanʉ ngʉkɔ Ɓayuda lɨkɔndɔ apɛɨ ɔ pʉnga dyakaka. 39Kʉdɔ, ga Makwɔɓɨɨ nayɔ ɓɔ: «Inu Ɓafalisayɔ, nágyaɓa kɔpɔ nɔ sanɨ ta aɓei ɔngɔ, yakamɛngana, amati eno náɓahue nɔ mʉsasa wɔ niɓo nɔ mʉtɨma wɔ ʉnganga. 40Inu ɓombi ɓɔ janga nɨmbɨmbɨanaka! Asɔɓɨɨ ngɨa a꞉kɨa ɓei ɔ ɓayaka, a꞉kɨamʉ ndɨ kʉ nɔ mati ɔngɔ? 41Injeni gɔ pɛngɛ ɓajanga ɓayaka ngʉɓa ɓa amati ɔ ɓakɔpɔ nɔ ɓasanɨ ngʉɓeno, kʉdɔ, yaka ngɨyeno iɓomu ya꞊ɓio tɨa ɨgyaɓanakɨɛ.
42Ikoko akɔ inu Ɓafalisayɔ! Dɔ, nénjo akɔ Asɔɓɨɨ mʉngana wɔ tɛkɛɓɛ wɔ ɓana ɓɔ lɨgbɛɛ lɛta mvo tɨpɨ, achangbo nɔ ɓana ɓɔ lɨgbɛɨ kʉ ɓaɓomu ngʉɓa ɓɛsɨa naɓɔ idyo, yakamɛngana, nɔ́sɨa kɨa ɓombi ɓungbingbii, nɔ, sɨa akʉnda Asɔɓɨɨ. Ɨnadɔ, ya yaka ngɨyɛ nɔ́꞉kwananɔ jɛnɛ kyananakɨa, sɔkɔmʉ nɛ́paa kɨa ɓayaka ngʉɓɔnanɨ ɓɔmɔ kʉɓanɨ.
43Ikoko akɔ inu Ɓafalisayɔ! Dɔ, nákʉnda inu, anuwolo ta amawolo kɔ pɛɨ amati ɔ lɨkáá lɔ nɨta ngɨlɔ Ɓayuda, nɔ, nákʉnda ɓɔ ɓombi ɓoniɓokuo nɔ ʉbɨba akɔ ɓamʉa ɓɔ ibamu. 44Ikoko ya akʉʉ eno! Dɔ ná ndʉ manjaʉ ngʉka kangɛmbɨanɨa tii ɓata, nɔ ʉka ɓombi ɓakyɛndaka akʉʉ ɔngɔ, sɔkɔmʉ nɔ nɨmbɨa!»#11:44 Akɔkpatanakɨa nɔ mapanʉ kɔ Ɓayuda, mombi aɓoto ɓʉnjaʉ, ya ɗaa mʉgwɛ
45Mʉngana wɔ ɓapananakɨa ɓɔ mapanʉ ɔ꞉musigio ɓɔ: «Mʉpananakɨa, yaka ngɨyɛnɛnɨ wanʉngaka, wanesu asɛaka tɨa kʉ nesu!»
46Kʉdɔ, Yeso a꞉mutosio ɓɔ: «Ikoko ya kʉ akʉʉ eno, ɓapananakɨa ɓɔ mapanʉ! Inu, nátumbiso ɓombi ɓayaka ɓɔta ɓuto ɓuto, yakamɛngana, sɔkɔmʉ inu, nɨnapɨa gʉtʉ pɔ ɨkɔndɔ naɓɔ akɔtumbiso ɓuɓuto ɓɔngɔ. 47Ikoko akɔ inu! Dɔ, nákyɔtambanaka manjaʉ kɔ magbɛ kɔ Asɔɓɨɨ maɗo, magbɛ ngʉka kʉ akɛ ɓatʉngwanʉ ɓeno ɓa꞉kʉmaa! 48Tɨa kʉ nɔ ɨngbaa ngɨyɛnɛnɨ, nápananiso ɓɔ nákɔɓɨnyɨa mʉkyananakɨa ngʉwɔ ɓatʉngwanɨ ɓeno, dɔ ɨɓɔ akɛ, ɓa꞉maa magbɛ, nɔ inu, ná tɨa atambanaka manjaʉ ngʉkeɓo! 49Kʉdɔ Asɔɓɨɨ, amati ɔ nɨmbɨmbɨanaka ngɨangɔ, a꞉ngaka akʉʉ eno ɓɔ: ‹Na꞊ɓʉtʉmɨa sina magbɛ nɔ ɓatitima, nɔ, ɓa꞊wa ɓɔmɔ ati eɓo, nɔ, ɓɔ꞊kyananaka ɓɔmɔ.› 50Kʉɓanɨ, ɓombi ngʉɓɔ ɓʉɓʉnʉ ɓa꞊dya mʉkaya wɔ ingwo ngɨyɛ ɓa꞉maa-ɔɔ magbɛ maɓomu anɨngwa ta akɔ Asɔɓɨɨ a꞉kɨa-ɔɔ dɔdɔ. 51Ɓa꞉pʉnga-sɨ anɨwa ta Abɛlɛ, yɛka ananɨ tɨa Jakalɨa, ɨya, ɓa꞉mʉwa amusungati wɔ ɨda ngɨyɔ nʉya mutebii akɔ Asɔɓɨɨ nɔ ʉmʉa wɔta tu, amati ɔ ɨkáá yɔ Asɔɓɨɨ. Ingono, Nanenu anʉngɨa ta ingono, ɓombi ngʉɓɔ ɓʉɓʉnʉ ɓa꞊dya mʉkaya wɔ lingwo liɓomu ngɨlɛnɛnɨ!
52Ikoko akɔ inu ɓapananakɨa ɓɔ mapanʉ! Dɔ, ná꞉nayɨa ɓombi mwana ɔ ɨfʉngʉla ngɨa yanɨta agana nayɔ umongu wɔ nɨmbɨmbɨanaka. Inu, ɓamakwɔngɔ nángɔkʉnda kumonio, nɔ, ná kʉ anangyo ɓombi ngaɓɔmɔ ʉɓa, ɓahata kumonio.»
53Ndʉ Yeso achwɛa amati ɔ ɨkáá ngɨyɛnɛnɨ, ɓapananakɨa ɓɔ mapanʉ nɔ Ɓafalisayɔ ɓɔ꞉mʉpananiso ʉnganga kʉ ingono. Nɔ, ɓɔ꞉pʉnga nayɔ aɓokuoko yaka di di di. 54Ɓa꞉ɓio nayɔ apendekio ta lipindi ɓɔ dɔ ɨfanɨa, angbinga ngɨa adingoniso-ɔɔ monu.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2021, Wycliffe Bible Translators, Inc.