Joha 7
7
UJesu wenyukela eJerusalema ngomkhosi wamadumba
1Emva kwalokhu uJesu wahamba eGalili, engathandi ukuhamba eJudiya, ngoba abaJuda babefuna ukumbulala. 2Wawusondele umkhosi wabaJuda, umkhosi wamadumba.#Levi 23:34; Dute 16:13 3Ngakho abafowabo bathi kuye: Suka lapha, uye eJudiya, ukuze abafundi bakho babone imisebenzi oyenzayo. 4Ngoba kakho umuntu owenza ulutho ensitha, yena efuna ukwaziwa obala. Uba uzenza lezizinto, ziveze wena emhlabeni. 5Ngoba labafowabo babengakholwa kuye. 6Ngakhoke uJesu wathi kibo: Isikhathi sami kasikafiki, kodwa esenu isikhathi sihlala sikhona. 7Ungelizonde umhlaba lina, kodwa mina uyangizonda, ngoba ngifakaza ngawo ukuba imisebenzi yawo mibi. 8Yenyukelani lina emkhosini, mina kangenyukeli kulumkhosi; ngoba isikhathi sami kasikapheleli. 9Esetshilo lokhu wahlala eGalili.
10Sebenyukele emkhosini abafowabo, laye wenyuka kungesikho obala kodwa ensitha. 11AbaJuda bamdinga emkhosini, besithi: Ungaphi na? 12Kwakukhona ukukhuluma okukhulu ngaye phakathi kwexuku. Abanye bathi: Ungumuntu olungileyo. Kodwa abanye bathi: Atshi, uyabaduhisa abantu. 13Kodwa ngokwesaba abaJuda kwakungekho muntu owakhuluma obala ngaye.
Imfundiso ngoKristu
14Kwathi umkhosi usuphakathi, uJesu wangena ethempelini, wafundisa. 15Ngakho abaJuda bamangala bathi: Lumuntu uyazi kanjani imibhalo yena engafundanga na? 16UJesu waphendula wathi: Imfundiso yami kayisiyo eyami kodwa ngeyalowo ongithumileyo. 17Uba umuntu ethanda ukwenza intando kaNkulunkulu, uzakwazi ngemfundiso ukuba ivela kuNkulunkulu ingabe ngizikhulumela ngokwami. 18Ozikhulumela ngokwakhe uzifunela udumo; kodwa ofuna udumo lwalowo omthumileyo uqinisile; kakukho ukungalungi kuye. 19Kalinikanga yini uMose umlayo? Kodwa kakho kini ogcina umlayo. Lifunelani ukungibulala na? 20Ixuku laphendula lathi: Ulomoya omubi wena; ngubani ofuna ukukubulala na? 21UJesu wabaphendula wathi: Ngenze umsebenzi waba munye, lonke liyamangala. 22UMose walinika ukusoka — kungesikho ukuthi kwavela kuMose kodwa kubokhokho — liyamsoka umuntu langeSabatha.#Gen 17:10; Levi 12:3 23Uba ngeSabatha umuntu esamukela ukusoka ukuze kungephulwa umlayo kaMose, lingithukuthelela ngoba ngasilisa umuntu ngokupheleleyo ngeSabatha na?#Joha 5:9 24Lingasoli ngokubona ngokwamehlo nje, kodwa solani ngokusola okuqondileyo.
25Abanye kwabaseJerusalema basebesithi: Lo kasuye yini abafuna ukumbulala na? 26Khangela, nangu ukhuluma obala, kabatsho lutho kuye. Kungaba yikuthi ababusi sebesazi isibili ukuthi lo unguKristu na? 27Kodwa lumuntu siyazi lapho avela khona; nxa uKristu efika, kakho ozakwazi lapho avela khona. 28Ngakho uJesu efundisa ethempelini wamemeza wathi: Liyangazi mina, liyakwazi lapho ngivela khona; kodwa kangizizelanga ngokwami, ongithumileyo uqinisile, elingamaziyo lina. 29Ngiyamazi mina, ngoba ngivela kuye, nguye ongithumileyo. 30Ngakho bafuna ukumbamba, kodwa kakubanga khona owabeka izandla phezu kwakhe, ngoba isikhathi sakhe sasingakafiki. 31Kodwa abanengi bexuku bakholwa kuye, bathi: Nxa uKristu esefikile, uzakwenza izibonakaliso ezinengi kulalezi azenzileyo lumuntu na? 32AbaFarisi bezwa ixuku lisola ngaye; abapristi abakhulu labaFarisi bathumela amanxusa ukuba ambambe. 33UJesu wasesithi: Ngiselani okwesikhatshana, besengihamba ngiye kongithumileyo. 34Lizakungifuna, lingangifumani, lalapho ngikhona, lingeze leza lina. 35Ngakho abaJuda bakhulumisana besithi: Ufuna ukuya ngaphi lumuntu lapho singayikumfumana khona na? Uzakuya kwabahlakazekileyo kumaGriki afundise amaGriki na? 36Yilizwi bani leli alitshoyo elokuthi: Lizakungifuna, lingangifumani; lelokuthi: Lapho ngikhona lingeze leza lina?
Amanzi okuphila
37Kwathi ngosuku lokucina olukhulu lomkhosi uJesu wema wamemeza, esithi: Uba ekhona owomileyo, keze kimi, anathe.#Levi 23:36 38Okholwa kimi, njengokutsho kombhalo, kuzakugobhoza esiswini sakhe imifula yamanzi aphilayo.#Hez 47:1; Zek 14:8 39Lokhu wakutsho ngoMoya ababezamamukela abakholwa kuye, ngoba uMoya wayengakanikwa, lokhu uJesu wayengakadunyiswa. 40Kwathi abanye bexuku besizwa lamazwi, bathi: Impela lo nguye umprofethi. 41Abanye bathi: Lo unguKristu. Kodwa abanye bathi: Kanti uKristu uzavela eGalili na? 42Kawutsho yini umbhalo ukuthi uKristu uzavela enzalweni kaDavida laseBetlehema, emzini lapho uDavida wayekhona na?#Mika 5:2 43Ngakho kwaba khona ukwahlukana ngaye phakathi kwexuku. 44Abanye babo bafuna ukumbamba; kodwa kakubanga khona owambeka izandla.
Amanxusa afuna ukumbamba uJesu
45Amanxusa abuyela kubapristi abakhulu lakubaFarisi. Bathi kuwo: Kungani lingamlethanga na? 46Amanxusa aphendula athi: Kakuzange kukhulume umuntu njengokuba ekhuluma lumuntu. 47Basebephendula abaFarisi bathi: Lani seliduhisiwe yini? 48Ukhona yini kubabusi ingabe kubaFarisi okholwe kuye na? 49Kodwa lelixuku elingawaziyo umlayo lithukiwe. 50UNikodima owake weza kuye, owayengomunye wabo, wasesithi kibo:#Joha 3:1–2 51Kanje umlayo wakithi uyamlahla umuntu angakamuzwa kuqala, ukwazi akwenzayo na? 52Baphendula bathi kuye: Kanti lawe ungowaseGalili na? Hlolisisa, uzakubona ukuthi kakuveli umprofethi eGalili.[
53Basebesuka, ilowo lalowo waya ekhaya.
Цяпер абрана:
Joha 7: BE1978
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Bible Society of Zimbabwe 1978
Joha 7
7
UJesu wenyukela eJerusalema ngomkhosi wamadumba
1Emva kwalokhu uJesu wahamba eGalili, engathandi ukuhamba eJudiya, ngoba abaJuda babefuna ukumbulala. 2Wawusondele umkhosi wabaJuda, umkhosi wamadumba.#Levi 23:34; Dute 16:13 3Ngakho abafowabo bathi kuye: Suka lapha, uye eJudiya, ukuze abafundi bakho babone imisebenzi oyenzayo. 4Ngoba kakho umuntu owenza ulutho ensitha, yena efuna ukwaziwa obala. Uba uzenza lezizinto, ziveze wena emhlabeni. 5Ngoba labafowabo babengakholwa kuye. 6Ngakhoke uJesu wathi kibo: Isikhathi sami kasikafiki, kodwa esenu isikhathi sihlala sikhona. 7Ungelizonde umhlaba lina, kodwa mina uyangizonda, ngoba ngifakaza ngawo ukuba imisebenzi yawo mibi. 8Yenyukelani lina emkhosini, mina kangenyukeli kulumkhosi; ngoba isikhathi sami kasikapheleli. 9Esetshilo lokhu wahlala eGalili.
10Sebenyukele emkhosini abafowabo, laye wenyuka kungesikho obala kodwa ensitha. 11AbaJuda bamdinga emkhosini, besithi: Ungaphi na? 12Kwakukhona ukukhuluma okukhulu ngaye phakathi kwexuku. Abanye bathi: Ungumuntu olungileyo. Kodwa abanye bathi: Atshi, uyabaduhisa abantu. 13Kodwa ngokwesaba abaJuda kwakungekho muntu owakhuluma obala ngaye.
Imfundiso ngoKristu
14Kwathi umkhosi usuphakathi, uJesu wangena ethempelini, wafundisa. 15Ngakho abaJuda bamangala bathi: Lumuntu uyazi kanjani imibhalo yena engafundanga na? 16UJesu waphendula wathi: Imfundiso yami kayisiyo eyami kodwa ngeyalowo ongithumileyo. 17Uba umuntu ethanda ukwenza intando kaNkulunkulu, uzakwazi ngemfundiso ukuba ivela kuNkulunkulu ingabe ngizikhulumela ngokwami. 18Ozikhulumela ngokwakhe uzifunela udumo; kodwa ofuna udumo lwalowo omthumileyo uqinisile; kakukho ukungalungi kuye. 19Kalinikanga yini uMose umlayo? Kodwa kakho kini ogcina umlayo. Lifunelani ukungibulala na? 20Ixuku laphendula lathi: Ulomoya omubi wena; ngubani ofuna ukukubulala na? 21UJesu wabaphendula wathi: Ngenze umsebenzi waba munye, lonke liyamangala. 22UMose walinika ukusoka — kungesikho ukuthi kwavela kuMose kodwa kubokhokho — liyamsoka umuntu langeSabatha.#Gen 17:10; Levi 12:3 23Uba ngeSabatha umuntu esamukela ukusoka ukuze kungephulwa umlayo kaMose, lingithukuthelela ngoba ngasilisa umuntu ngokupheleleyo ngeSabatha na?#Joha 5:9 24Lingasoli ngokubona ngokwamehlo nje, kodwa solani ngokusola okuqondileyo.
25Abanye kwabaseJerusalema basebesithi: Lo kasuye yini abafuna ukumbulala na? 26Khangela, nangu ukhuluma obala, kabatsho lutho kuye. Kungaba yikuthi ababusi sebesazi isibili ukuthi lo unguKristu na? 27Kodwa lumuntu siyazi lapho avela khona; nxa uKristu efika, kakho ozakwazi lapho avela khona. 28Ngakho uJesu efundisa ethempelini wamemeza wathi: Liyangazi mina, liyakwazi lapho ngivela khona; kodwa kangizizelanga ngokwami, ongithumileyo uqinisile, elingamaziyo lina. 29Ngiyamazi mina, ngoba ngivela kuye, nguye ongithumileyo. 30Ngakho bafuna ukumbamba, kodwa kakubanga khona owabeka izandla phezu kwakhe, ngoba isikhathi sakhe sasingakafiki. 31Kodwa abanengi bexuku bakholwa kuye, bathi: Nxa uKristu esefikile, uzakwenza izibonakaliso ezinengi kulalezi azenzileyo lumuntu na? 32AbaFarisi bezwa ixuku lisola ngaye; abapristi abakhulu labaFarisi bathumela amanxusa ukuba ambambe. 33UJesu wasesithi: Ngiselani okwesikhatshana, besengihamba ngiye kongithumileyo. 34Lizakungifuna, lingangifumani, lalapho ngikhona, lingeze leza lina. 35Ngakho abaJuda bakhulumisana besithi: Ufuna ukuya ngaphi lumuntu lapho singayikumfumana khona na? Uzakuya kwabahlakazekileyo kumaGriki afundise amaGriki na? 36Yilizwi bani leli alitshoyo elokuthi: Lizakungifuna, lingangifumani; lelokuthi: Lapho ngikhona lingeze leza lina?
Amanzi okuphila
37Kwathi ngosuku lokucina olukhulu lomkhosi uJesu wema wamemeza, esithi: Uba ekhona owomileyo, keze kimi, anathe.#Levi 23:36 38Okholwa kimi, njengokutsho kombhalo, kuzakugobhoza esiswini sakhe imifula yamanzi aphilayo.#Hez 47:1; Zek 14:8 39Lokhu wakutsho ngoMoya ababezamamukela abakholwa kuye, ngoba uMoya wayengakanikwa, lokhu uJesu wayengakadunyiswa. 40Kwathi abanye bexuku besizwa lamazwi, bathi: Impela lo nguye umprofethi. 41Abanye bathi: Lo unguKristu. Kodwa abanye bathi: Kanti uKristu uzavela eGalili na? 42Kawutsho yini umbhalo ukuthi uKristu uzavela enzalweni kaDavida laseBetlehema, emzini lapho uDavida wayekhona na?#Mika 5:2 43Ngakho kwaba khona ukwahlukana ngaye phakathi kwexuku. 44Abanye babo bafuna ukumbamba; kodwa kakubanga khona owambeka izandla.
Amanxusa afuna ukumbamba uJesu
45Amanxusa abuyela kubapristi abakhulu lakubaFarisi. Bathi kuwo: Kungani lingamlethanga na? 46Amanxusa aphendula athi: Kakuzange kukhulume umuntu njengokuba ekhuluma lumuntu. 47Basebephendula abaFarisi bathi: Lani seliduhisiwe yini? 48Ukhona yini kubabusi ingabe kubaFarisi okholwe kuye na? 49Kodwa lelixuku elingawaziyo umlayo lithukiwe. 50UNikodima owake weza kuye, owayengomunye wabo, wasesithi kibo:#Joha 3:1–2 51Kanje umlayo wakithi uyamlahla umuntu angakamuzwa kuqala, ukwazi akwenzayo na? 52Baphendula bathi kuye: Kanti lawe ungowaseGalili na? Hlolisisa, uzakubona ukuthi kakuveli umprofethi eGalili.[
53Basebesuka, ilowo lalowo waya ekhaya.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Bible Society of Zimbabwe 1978