Jn 5
5
Li Jesus kixk'irtasi jun li yaj aran Betesda
1Chirix chik a'in kiwank xninq'eheb' laj Judiiy, ut li Jesus kitaqe'k Jerusalén. 2Aran Jerusalén, chi xk'atq li Rokeb'aaleb' li Karneer, wank jun li tz'akanb'il ha', Betesda xk'ab'a' sa' aatinob'aal hebreo; oob' chi muheb'aal wankeb' chire. 3Chi sa'eb' a'an wankeb' naab'al li yaj; wankeb' mutz', yeq roqeb' ut sikatqeb', yookeb' chi royb'eninkil naq taa'eek'anq li ha'. 4Xb'aan naq jun li ánjel nakub'e chaq yalaq jo'q'ehatqil chi reek'asinkil li ha', ut li ani na'ok xb'enwa chisa' naq ak x'eek'asiik li ha', nak'iraak a' yaal k'aru li xyajel.#5,4 Wan neke'yehok re naq li raqal a'in moko tz'iib'anb'il ta xb'aan San Jwan, ut tento risinkil.
5Wank ut aran jun li winq waqxaqlaju xka'k'aal chihab' rokik li xyajel. 6Li Jesus kiril naq jiljo ut naxnaw naq ak najter rokik chi jo'ka'an; ut kixye re:
—Ma taawaj k'iraak?
7Kisumeek xb'aan li yaj:
—Qaawa', maa'ani na'oksink we sa' li ha' naq na'eek'asiik; ut naq yookin chi xik, jalan chik nakub'eek xb'enwa chiwu.
8Kixye li Jesus re:
—Waklin, xok laach'ina ch'aat ut b'een.
9Tikto kik'iraak li winq, kixxok li xch'ina ch'aat ut ki'ok chi b'eek. Ab'anan sábado naq kik'ulmank a'an. 10Jo'kan naq eb' laj Judiiy ke'ok chi xyeeb'al re li winq li toj xk'iraak:
—Sábado anaqwan; ink'a' us taak'am laach'ina ch'aat.
11Kichaq'ok a'an ut kixye:
—Li xk'irtasink we, xye we: «Xok laach'ina ch'aat ut b'een».
12Eb' a'an ke'xpatz' re:
—Ani a'an li xyehok aawe: «Xok ut b'een»?
13Li winq li xk'irtasiik ink'a' naxnaw ani ta a'an, xb'aan naq naab'aleb' li wankeb' sa' li na'ajej a'an ut li Jesus ak x'elk aran. 14Moqon chik li Jesus kixtaw li winq sa' rochoch li Yos ut kixye re:
—K'e reetal, xatk'iraak. Matmaakob'k chik re naq michalk sa' aab'een junaq rahilal q'axal ra chik chiru a'an.
15Koho li winq ut koxye reheb' laj Judiiy naq a' li Jesus xk'irtasink re. 16Jo'kan naq eb' laj Judiiy ke'xsik' li Jesus re xchapb'al, xb'aan naq naxb'aanu a'in sa' sábado. 17Ab'an li Jesus kixsumeheb' ut kixye:
—LinYuwa' toj yo chi k'anjelak anaqwan; jo'kan ajwi' laa'in nink'anjelak.#5,17 Li Qaawa' Yos kihilank sa' xwuq li kutan (Gn 2,2-3), ab'anan toj yo chi k'anjelak sa' ruuchich'och' rik'ineb' li xb'aanuhom. Ut li Jesus naxtiq ru xk'anjel li xYuwa' (Jn 5,19-20).
18Jo'kan naq eb' laj Judiiy q'axal wi' chik neke'raj raj xkamsinkil xb'aan naq moko ka'aj ta wi' naxq'et li sábado, naxye aj b'an wi' naq li Yos a'an li xYuwa' ut naxjuntaq'eeta rib' rik'in li Yos.
Li xk'anjel li K'ajolb'ej
19Kixye ut li Jesus reheb': “Relik chi yaal ninye eere: li K'ajolb'ej maak'a' naru tixb'aanu xjunes rib'; ka'ajwi' li naril chi xb'aanunkil li Yuwa'b'ej, a'an li naxb'aanu li K'ajolb'ej. Li naxb'aanu li Yuwa'b'ej, a'an ajwi' naxb'aanu li K'ajolb'ej. 20Xb'aan naq li Yuwa'b'ej naxra li K'ajolb'ej ut naxk'ut chiru chixjunil li naxb'aanu. Ut toj wank q'axal chik xninqal ru b'aanuhom chiruheb' a'in tixk'ut chiru, re naq taasachq eech'ool chi rilb'al.
21“Jo' naq li Yuwa'b'ej naxwaklesiheb' chi yo'yo li kamenaq ut naxk'e xyu'ameb', jo'kan ajwi' li K'ajolb'ej naxk'e xyu'am li ani taaraj. 22Xb'aan naq chi moko li Yuwa'b'ej naraqok aatin sa' xb'een anihaq, kixq'axtesi b'an chixjunil li raqb'a aatin sa' ruq' li K'ajolb'ej, 23re naq chixjunileb' te'roxloq'i li K'ajolb'ej jo' naq neke'roxloq'i li Yuwa'b'ej. Ani ink'a' naroxloq'i li K'ajolb'ej ink'a' ajwi' naroxloq'i li Yuwa'b'ej li kitaqlank chaq re.
24“Relik chi yaal ninye eere: li na'ab'ink re li waatin ut naxpaab' li kitaqlank chaq we, wank xyu'am chi junelik ut maak'a'aq tojb'amaak sa' xb'een; ak x'elk sa' li kamk ut xq'axonk sa' li yu'am. 25Relik chi yaal ninye eere: twulaq xq'ehil (ak xk'ulunk ajwi') naq eb' li kamenaq te'rab'i xyaab' xkux li Ralal li Yos, ut eb' li te'ab'inq re te'wanq xyu'am. 26Jo' naq li Yuwa'b'ej wank xyu'am xjunes rib', kixk'e ajwi' re li K'ajolb'ej naq wank xyu'am xjunes rib', 27ut kixk'e xwankil chi raqok aatin xb'aan naq a'an li K'ajolb'ej.
28“Misachk eech'ool rik'in a'in, xb'aan naq twulaq xq'ehil naq chixjunileb' li wanqeb' sa' muqleb'aal kamenaq te'rab'i xyaab' xkux 29ut te'elq chaq: li xe'xb'aanu li us te'wakliiq chi yo'yo re li yu'am, ut li xe'xb'aanu li ink'a' us te'wakliiq chi yo'yo re li tojb'amaak.
30“Laa'in maak'a' naru ninb'aanu injunes wib': a' yaal chanru nawab'i, ninraqok aatin, ut linraqb'a aatin a'an tiik xb'aan naq ink'a' ninsik' li wajom laa'in, a' b'an li rajom li kitaqlank chaq we. 31Wi ta laa'in ninch'olob' anihin, moko yaal ta raj li waatin. 32Jalan li nach'olob'ank chiwix, ut laa'in ninnaw naq yaal li naxye chiwix.
33“Laa'ex xetaqla eetaql rik'in laj Jwan ut a'an x'aatinak chirix li yaal. 34Laa'in ninye a'in re naq texkole'q, xb'aan naq ink'a' ninsik' li naxye junaq winq. 35Laj Jwan a'an chaq li saqenk lochlo li nakutanob'resink, ut laa'ex xeraj saho'k jun k'amokaq rik'in li xsaqenk. 36Ab'an laa'in wank k'aru na'aatinak chiwix q'axal nim xwankil chiru laj Jwan, a' li xnimal k'anjel li kixk'e chinb'aanu li Yuwa'b'ej. Xb'aan naq li k'anjel yookin chi xb'aanunkil na'aatinak chiwix ut naxye naq li Yuwa'b'ej kitaqlank chaq we. 37Ut li Yuwa'b'ej li kitaqlank chaq we, a'an ajwi' ki'aatinak chiwix. Ab'an laa'ex maajun wa eerab'ihom li xyaab' xkux, chi moko eerilom ta chanru na'ilok, 38chi moko xe'eninb'il ta li raatin sa' leech'ool, xb'aan naq ink'a' nekepaab' li kitaqlaak chaq xb'aan.
39“Laa'ex nekek'e eech'ool chi xtzolb'al chi us xsa' li Santil Hu xb'aan naq nekek'oxla xtawb'al li junelik yu'am chisa'. A' li Santil Hu na'aatinak chiwix,#5,39 Li xyi chixjunil li Santil Hu a'an li Jesus (1,45; 2,22; 20,9). Cf. Mt 1,22; Lk 24,27; 1 P 1,10-12. 40a'ut laa'ex ink'a' nekeraj chalk wik'in re taawanq eeyu'am.
41“Laa'in ink'a' ninsik' inloq'al rik'ineb' li winq; 42ab'anan ninnaw eeru, ninnaw naq maak'a' li xrahom li Yos eerik'in. 43Laa'in xinchalk sa' xk'ab'a' linYuwa', ut ink'a' nikineek'ul. Wi ani chik taachalq yal xtaql xch'ool, a'an teek'ul raj. 44Chanru naq wanq eepaab'aal laa'ex li nekek'ul eeloq'al cherib'il eerib' ut ink'a' nekesik' li loq'al nachalk rik'in li jun chi Yos?
45“Meek'oxla naq laa'in tinjitoq eere chiru li Yuwa'b'ej: a' laj Moisés taajitoq eere, li kaw wi' eech'ool chi oyb'enink. 46Wi ta nekepaab' laj Moisés, nikineepaab' raj ajwi' laa'in, xb'aan naq chiwix kitz'iib'ak chaq a'an.#5,46 Laj Moisés kixye resil li Jesus chi junxilaj (cf. 1,17; 6,32; 9,28-29). 47Ab'anan, wi ink'a' nekepaab' li kixtz'iib'a chaq a'an, chan put ru naq teepaab' li waatin laa'in?”.
Цяпер абрана:
Jn 5: QQC
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Q'eqchi DC Bible © Bible Society in Guatemala, 2005.
Jn 5
5
Li Jesus kixk'irtasi jun li yaj aran Betesda
1Chirix chik a'in kiwank xninq'eheb' laj Judiiy, ut li Jesus kitaqe'k Jerusalén. 2Aran Jerusalén, chi xk'atq li Rokeb'aaleb' li Karneer, wank jun li tz'akanb'il ha', Betesda xk'ab'a' sa' aatinob'aal hebreo; oob' chi muheb'aal wankeb' chire. 3Chi sa'eb' a'an wankeb' naab'al li yaj; wankeb' mutz', yeq roqeb' ut sikatqeb', yookeb' chi royb'eninkil naq taa'eek'anq li ha'. 4Xb'aan naq jun li ánjel nakub'e chaq yalaq jo'q'ehatqil chi reek'asinkil li ha', ut li ani na'ok xb'enwa chisa' naq ak x'eek'asiik li ha', nak'iraak a' yaal k'aru li xyajel.#5,4 Wan neke'yehok re naq li raqal a'in moko tz'iib'anb'il ta xb'aan San Jwan, ut tento risinkil.
5Wank ut aran jun li winq waqxaqlaju xka'k'aal chihab' rokik li xyajel. 6Li Jesus kiril naq jiljo ut naxnaw naq ak najter rokik chi jo'ka'an; ut kixye re:
—Ma taawaj k'iraak?
7Kisumeek xb'aan li yaj:
—Qaawa', maa'ani na'oksink we sa' li ha' naq na'eek'asiik; ut naq yookin chi xik, jalan chik nakub'eek xb'enwa chiwu.
8Kixye li Jesus re:
—Waklin, xok laach'ina ch'aat ut b'een.
9Tikto kik'iraak li winq, kixxok li xch'ina ch'aat ut ki'ok chi b'eek. Ab'anan sábado naq kik'ulmank a'an. 10Jo'kan naq eb' laj Judiiy ke'ok chi xyeeb'al re li winq li toj xk'iraak:
—Sábado anaqwan; ink'a' us taak'am laach'ina ch'aat.
11Kichaq'ok a'an ut kixye:
—Li xk'irtasink we, xye we: «Xok laach'ina ch'aat ut b'een».
12Eb' a'an ke'xpatz' re:
—Ani a'an li xyehok aawe: «Xok ut b'een»?
13Li winq li xk'irtasiik ink'a' naxnaw ani ta a'an, xb'aan naq naab'aleb' li wankeb' sa' li na'ajej a'an ut li Jesus ak x'elk aran. 14Moqon chik li Jesus kixtaw li winq sa' rochoch li Yos ut kixye re:
—K'e reetal, xatk'iraak. Matmaakob'k chik re naq michalk sa' aab'een junaq rahilal q'axal ra chik chiru a'an.
15Koho li winq ut koxye reheb' laj Judiiy naq a' li Jesus xk'irtasink re. 16Jo'kan naq eb' laj Judiiy ke'xsik' li Jesus re xchapb'al, xb'aan naq naxb'aanu a'in sa' sábado. 17Ab'an li Jesus kixsumeheb' ut kixye:
—LinYuwa' toj yo chi k'anjelak anaqwan; jo'kan ajwi' laa'in nink'anjelak.#5,17 Li Qaawa' Yos kihilank sa' xwuq li kutan (Gn 2,2-3), ab'anan toj yo chi k'anjelak sa' ruuchich'och' rik'ineb' li xb'aanuhom. Ut li Jesus naxtiq ru xk'anjel li xYuwa' (Jn 5,19-20).
18Jo'kan naq eb' laj Judiiy q'axal wi' chik neke'raj raj xkamsinkil xb'aan naq moko ka'aj ta wi' naxq'et li sábado, naxye aj b'an wi' naq li Yos a'an li xYuwa' ut naxjuntaq'eeta rib' rik'in li Yos.
Li xk'anjel li K'ajolb'ej
19Kixye ut li Jesus reheb': “Relik chi yaal ninye eere: li K'ajolb'ej maak'a' naru tixb'aanu xjunes rib'; ka'ajwi' li naril chi xb'aanunkil li Yuwa'b'ej, a'an li naxb'aanu li K'ajolb'ej. Li naxb'aanu li Yuwa'b'ej, a'an ajwi' naxb'aanu li K'ajolb'ej. 20Xb'aan naq li Yuwa'b'ej naxra li K'ajolb'ej ut naxk'ut chiru chixjunil li naxb'aanu. Ut toj wank q'axal chik xninqal ru b'aanuhom chiruheb' a'in tixk'ut chiru, re naq taasachq eech'ool chi rilb'al.
21“Jo' naq li Yuwa'b'ej naxwaklesiheb' chi yo'yo li kamenaq ut naxk'e xyu'ameb', jo'kan ajwi' li K'ajolb'ej naxk'e xyu'am li ani taaraj. 22Xb'aan naq chi moko li Yuwa'b'ej naraqok aatin sa' xb'een anihaq, kixq'axtesi b'an chixjunil li raqb'a aatin sa' ruq' li K'ajolb'ej, 23re naq chixjunileb' te'roxloq'i li K'ajolb'ej jo' naq neke'roxloq'i li Yuwa'b'ej. Ani ink'a' naroxloq'i li K'ajolb'ej ink'a' ajwi' naroxloq'i li Yuwa'b'ej li kitaqlank chaq re.
24“Relik chi yaal ninye eere: li na'ab'ink re li waatin ut naxpaab' li kitaqlank chaq we, wank xyu'am chi junelik ut maak'a'aq tojb'amaak sa' xb'een; ak x'elk sa' li kamk ut xq'axonk sa' li yu'am. 25Relik chi yaal ninye eere: twulaq xq'ehil (ak xk'ulunk ajwi') naq eb' li kamenaq te'rab'i xyaab' xkux li Ralal li Yos, ut eb' li te'ab'inq re te'wanq xyu'am. 26Jo' naq li Yuwa'b'ej wank xyu'am xjunes rib', kixk'e ajwi' re li K'ajolb'ej naq wank xyu'am xjunes rib', 27ut kixk'e xwankil chi raqok aatin xb'aan naq a'an li K'ajolb'ej.
28“Misachk eech'ool rik'in a'in, xb'aan naq twulaq xq'ehil naq chixjunileb' li wanqeb' sa' muqleb'aal kamenaq te'rab'i xyaab' xkux 29ut te'elq chaq: li xe'xb'aanu li us te'wakliiq chi yo'yo re li yu'am, ut li xe'xb'aanu li ink'a' us te'wakliiq chi yo'yo re li tojb'amaak.
30“Laa'in maak'a' naru ninb'aanu injunes wib': a' yaal chanru nawab'i, ninraqok aatin, ut linraqb'a aatin a'an tiik xb'aan naq ink'a' ninsik' li wajom laa'in, a' b'an li rajom li kitaqlank chaq we. 31Wi ta laa'in ninch'olob' anihin, moko yaal ta raj li waatin. 32Jalan li nach'olob'ank chiwix, ut laa'in ninnaw naq yaal li naxye chiwix.
33“Laa'ex xetaqla eetaql rik'in laj Jwan ut a'an x'aatinak chirix li yaal. 34Laa'in ninye a'in re naq texkole'q, xb'aan naq ink'a' ninsik' li naxye junaq winq. 35Laj Jwan a'an chaq li saqenk lochlo li nakutanob'resink, ut laa'ex xeraj saho'k jun k'amokaq rik'in li xsaqenk. 36Ab'an laa'in wank k'aru na'aatinak chiwix q'axal nim xwankil chiru laj Jwan, a' li xnimal k'anjel li kixk'e chinb'aanu li Yuwa'b'ej. Xb'aan naq li k'anjel yookin chi xb'aanunkil na'aatinak chiwix ut naxye naq li Yuwa'b'ej kitaqlank chaq we. 37Ut li Yuwa'b'ej li kitaqlank chaq we, a'an ajwi' ki'aatinak chiwix. Ab'an laa'ex maajun wa eerab'ihom li xyaab' xkux, chi moko eerilom ta chanru na'ilok, 38chi moko xe'eninb'il ta li raatin sa' leech'ool, xb'aan naq ink'a' nekepaab' li kitaqlaak chaq xb'aan.
39“Laa'ex nekek'e eech'ool chi xtzolb'al chi us xsa' li Santil Hu xb'aan naq nekek'oxla xtawb'al li junelik yu'am chisa'. A' li Santil Hu na'aatinak chiwix,#5,39 Li xyi chixjunil li Santil Hu a'an li Jesus (1,45; 2,22; 20,9). Cf. Mt 1,22; Lk 24,27; 1 P 1,10-12. 40a'ut laa'ex ink'a' nekeraj chalk wik'in re taawanq eeyu'am.
41“Laa'in ink'a' ninsik' inloq'al rik'ineb' li winq; 42ab'anan ninnaw eeru, ninnaw naq maak'a' li xrahom li Yos eerik'in. 43Laa'in xinchalk sa' xk'ab'a' linYuwa', ut ink'a' nikineek'ul. Wi ani chik taachalq yal xtaql xch'ool, a'an teek'ul raj. 44Chanru naq wanq eepaab'aal laa'ex li nekek'ul eeloq'al cherib'il eerib' ut ink'a' nekesik' li loq'al nachalk rik'in li jun chi Yos?
45“Meek'oxla naq laa'in tinjitoq eere chiru li Yuwa'b'ej: a' laj Moisés taajitoq eere, li kaw wi' eech'ool chi oyb'enink. 46Wi ta nekepaab' laj Moisés, nikineepaab' raj ajwi' laa'in, xb'aan naq chiwix kitz'iib'ak chaq a'an.#5,46 Laj Moisés kixye resil li Jesus chi junxilaj (cf. 1,17; 6,32; 9,28-29). 47Ab'anan, wi ink'a' nekepaab' li kixtz'iib'a chaq a'an, chan put ru naq teepaab' li waatin laa'in?”.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Q'eqchi DC Bible © Bible Society in Guatemala, 2005.