Lucas 14
14
Jakapäkuykaq runata Jesús aliyäsishqan
1Saypitanami juk jamay junaqcho Jesús aywarqan mandaq fariseupa wayinman mikuq. Saycho kaykaq runakunami Jesústa rikaraykäyarqan <<mä imatashi ruranqa>> niyashpan. 2Intëru cuerpun jakapäkuykaq runata Jesús rikarmi 3ley yachasiqkunata y fariseukunata tapurqan: <<Qeshyaq runata jamay junaqcho ¿aliyäsishwanku o manaku?>> nir.
4Sayno niptinmi paykunaqa imatapis parlakuyarqansu. Saymi qeshyaykaq runata Jesús yataykur aliyäsishpan nirqan: <<Kananqa wayikipana aywakuy>>.
5Nirkurmi say runakunata nirqan: <<Mayqaykipapis wamrayki o töruyki pözuman jeqaptin jamay junaq kaykaptinpis ¿manaku jinan höra jorquq aywayanki?>>#14.5 Jesús sayno nirqan runakuna wamranta o törunta jamay junaq kaykaptinpis pözupita jorquyashqanno paypis qeshyaqkunata jamay junaq kaykaptinpis aliyäsishqantami.
6Sayno niptin manami imata parlakuytapis kamäpakuyarqansu.
Punta puntaman mana jamakunansipaq Jesús yachasishqan
7Qayasishqan runakuna jamakuyänanpaq punta puntamanraq aywaykaqta rikaykurmi Jesús nirqan: 8<<Casaray fiestaman qayasiyäshuptiki punta puntamanqa ama jamakuyankisu. Capazmi qamkunapita mas respitädu runata qayasish kanman. 9Saycho jamayaptikiqa qayasiyäshuqnikimi niyäshunki: <Pay jamakunanpaq witikuy>. Sayno niyäshuptikimi penqaytukush qepaman aywar jamakuyanki. 10Saypa trukanqa fiestaman qayasiyäshuptiki qepalaman jamakuyanki. Saymi qayasishuqniki shamur niyäshunki: <Amïgu, mas puntaman päsakalämuy>. Sayno jamasiyäshuptikimi qamwan jamakuqkuna respitayäshunki. 11Runa tukuqkunaqa penqayman churashqami kayanqa. Qollmi shonqu kaqkunami isanqa aliman churash kayanqa>>.
Mikuyänanpaq pïkunata qayasinansipaq Jesús nishqan
12Nirkurmi wayinman pushaq fariseutapis Jesús nirqan: <<Mikuyänaykipaq pitapis qayasirqa ama qayasinkisu kuyanakuyashlaykita, wawqikikunalata, aylluykikunalata ni rïcu kaq vecïnulaykikunataqa. Paykunalata qayasiptikiqa tumaykita kutisiyäshunkimi. 13Saypa trukanqa qayasinki muchuqkunata, ushukunata, weqrukunata y qaprakunatapis. 14Paykuna mana kutisiyäshuptikipis ali ruraq runakuna kawariyämushqan junaqmi Tayta Dios kutisishunkipaq>>.
Mikuyänanpaq qayasishqan runakunaman Jesús tinkusishqan
Mateo 22.1-10
15Saymi mësacho Jesúswan jamaraykaq juk runa nirqan: <<¡Ima kushishqaraq kayanqa Tayta Dios mandaykashqancho mikuqkuna!>>
16Sayno niptinmi Jesús nirqan: <<Juk runashi aska runakunata qayasinaq wayincho mikuyänanpaq. 17Mikuy listuna kaptinshi ashmayninta kachanaq invitashqan runakunata kayno ninanpaq: <Lapanpis listunami. Juklashi aywaykuläshun>.
18<<Say ashmay chaptinshi lapanpis aywayta munayänaqsu. Sayshi juknin ninaq: <Rantishqä chakrata rikaqraqmi aywanä kaykan. Noqapita ama jaqayaykuläsunsu#14.18 Wakin runakunaqa qallayaykuläsunsu o resientikuykuläsunsu niyanmi.>.
19<<Jukaqnashi ninaq: <Pisqa yuntatami rantishkä. Saymi yachasiq aywaykä. Noqapita ama jaqayaykuläsunsu>.
20<<Jukaqnashi ninaq: <Sayraqmi warmita ashishkä. Saymi aywayta kamäpakushaqsu>.
21<<Sayshi kachashqan ashmay kutiykur runakuna imano niyashqantapis patronninta wilanaq. Wilaptinshi patronnin fiyupa rabyakur ashmayninta ninaq: <Pläzakunapa y cällikunapa jukla aywar muchuqkunata, ushukunata, weqrukunata y qaprakunatapis pushamuy>.
22<<Nishqanno pushaykurshi patronninta ninaq: <Nimashqaykinölami pushamushkä, taytay. Sayno kaptinpis wayikiman manaraqmi juntäyanraqsu>.
23<<Saynashi patronnin ninaq: <Nänikunapa y chakrakunapapis aywar tarishqayki kaqta wayïman juntashqanyaq imaykanöpapis pushamuy. 24Noqa kaynömi nï: Puntata qayasishqä runakuna yanukasishqä mikuyta manami yawayanqasu> >>.
Discïpulun kananpaq Jesús yachasishqan
Mateo 10.37-38
25Askaq runakuna qatiräyaptinmi Jesús nirqan: 26<<Pipis discïpulü kayta munarqa mamanta, taytanta, warminta, surinkunata, wawqinkunata, paninkunata y kikinpa vïdanta kuyashqanpitapis noqata mas kuyamäsun. Sayno mana kuyamarqa manami discïpulü kayanmansu. 27Cruzninta apaqno mana qatirämarqa#14.27 Cruzninta apaqno mana qatirämar nirqa ima nakaycho karpis Jesucristuta qatiränanpaq kashqantami nikan. manami discïpulü kayanmansu.#Mat. 10.38; Mar. 8.34; Luc. 9.23; Juan 12.25.
28<<Mayqaykipis wayita rurayänaykipaq shumaqraqmi yarpachakuyanki qellayniki aypashqanta o mana aypashqantapis. 29Cimientuykular kachaykuptikiqa lapan rikaqkunami jamurar niyäshunki: 30<¡Kay runaqa manapis puëdiykarmi wayita sharkasir qalaykasish!>
31<<Mayqan reypis juk nacionwan manaraq pelyar ¿manaku puntata shumaqraq yarpachakun kayno nir: <Ishkay chunka waranqa (20,000) soldädukunata chunka waranqa (10,000) soldäduläwan vincishaqsuraq o manasuraq>? 32Mana vincinanpaq kashqanta tantiyarqa contran rey karulachöraq kaykaptinmi manana pelyayänanpaq wilakuqkunata kachan. 33Saynölami mayqaykipis noqa rayku imaykikunatapis mana kacharirqa discïpulü kayta kamäpakuyankisu>>.
Kachiman Jesús tinkusishqan
Mateo 5.13; Marcos 9.50
34<<Kachiqa alimi kaykan. Qamyakäkurmi isanqa imapaqpis välinnasu. 35Chakrapaqpis ni iskapaqpis manana väliptinmi jitariykunsina. ¡Rinriyuq kaqkunaqa nishqäkunata wiyakuyäsun!>>
Цяпер абрана:
Lucas 14: qvhB
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2003, Wycliffe Bible Translators, Inc. All rights reserved.
Lucas 14
14
Jakapäkuykaq runata Jesús aliyäsishqan
1Saypitanami juk jamay junaqcho Jesús aywarqan mandaq fariseupa wayinman mikuq. Saycho kaykaq runakunami Jesústa rikaraykäyarqan <<mä imatashi ruranqa>> niyashpan. 2Intëru cuerpun jakapäkuykaq runata Jesús rikarmi 3ley yachasiqkunata y fariseukunata tapurqan: <<Qeshyaq runata jamay junaqcho ¿aliyäsishwanku o manaku?>> nir.
4Sayno niptinmi paykunaqa imatapis parlakuyarqansu. Saymi qeshyaykaq runata Jesús yataykur aliyäsishpan nirqan: <<Kananqa wayikipana aywakuy>>.
5Nirkurmi say runakunata nirqan: <<Mayqaykipapis wamrayki o töruyki pözuman jeqaptin jamay junaq kaykaptinpis ¿manaku jinan höra jorquq aywayanki?>>#14.5 Jesús sayno nirqan runakuna wamranta o törunta jamay junaq kaykaptinpis pözupita jorquyashqanno paypis qeshyaqkunata jamay junaq kaykaptinpis aliyäsishqantami.
6Sayno niptin manami imata parlakuytapis kamäpakuyarqansu.
Punta puntaman mana jamakunansipaq Jesús yachasishqan
7Qayasishqan runakuna jamakuyänanpaq punta puntamanraq aywaykaqta rikaykurmi Jesús nirqan: 8<<Casaray fiestaman qayasiyäshuptiki punta puntamanqa ama jamakuyankisu. Capazmi qamkunapita mas respitädu runata qayasish kanman. 9Saycho jamayaptikiqa qayasiyäshuqnikimi niyäshunki: <Pay jamakunanpaq witikuy>. Sayno niyäshuptikimi penqaytukush qepaman aywar jamakuyanki. 10Saypa trukanqa fiestaman qayasiyäshuptiki qepalaman jamakuyanki. Saymi qayasishuqniki shamur niyäshunki: <Amïgu, mas puntaman päsakalämuy>. Sayno jamasiyäshuptikimi qamwan jamakuqkuna respitayäshunki. 11Runa tukuqkunaqa penqayman churashqami kayanqa. Qollmi shonqu kaqkunami isanqa aliman churash kayanqa>>.
Mikuyänanpaq pïkunata qayasinansipaq Jesús nishqan
12Nirkurmi wayinman pushaq fariseutapis Jesús nirqan: <<Mikuyänaykipaq pitapis qayasirqa ama qayasinkisu kuyanakuyashlaykita, wawqikikunalata, aylluykikunalata ni rïcu kaq vecïnulaykikunataqa. Paykunalata qayasiptikiqa tumaykita kutisiyäshunkimi. 13Saypa trukanqa qayasinki muchuqkunata, ushukunata, weqrukunata y qaprakunatapis. 14Paykuna mana kutisiyäshuptikipis ali ruraq runakuna kawariyämushqan junaqmi Tayta Dios kutisishunkipaq>>.
Mikuyänanpaq qayasishqan runakunaman Jesús tinkusishqan
Mateo 22.1-10
15Saymi mësacho Jesúswan jamaraykaq juk runa nirqan: <<¡Ima kushishqaraq kayanqa Tayta Dios mandaykashqancho mikuqkuna!>>
16Sayno niptinmi Jesús nirqan: <<Juk runashi aska runakunata qayasinaq wayincho mikuyänanpaq. 17Mikuy listuna kaptinshi ashmayninta kachanaq invitashqan runakunata kayno ninanpaq: <Lapanpis listunami. Juklashi aywaykuläshun>.
18<<Say ashmay chaptinshi lapanpis aywayta munayänaqsu. Sayshi juknin ninaq: <Rantishqä chakrata rikaqraqmi aywanä kaykan. Noqapita ama jaqayaykuläsunsu#14.18 Wakin runakunaqa qallayaykuläsunsu o resientikuykuläsunsu niyanmi.>.
19<<Jukaqnashi ninaq: <Pisqa yuntatami rantishkä. Saymi yachasiq aywaykä. Noqapita ama jaqayaykuläsunsu>.
20<<Jukaqnashi ninaq: <Sayraqmi warmita ashishkä. Saymi aywayta kamäpakushaqsu>.
21<<Sayshi kachashqan ashmay kutiykur runakuna imano niyashqantapis patronninta wilanaq. Wilaptinshi patronnin fiyupa rabyakur ashmayninta ninaq: <Pläzakunapa y cällikunapa jukla aywar muchuqkunata, ushukunata, weqrukunata y qaprakunatapis pushamuy>.
22<<Nishqanno pushaykurshi patronninta ninaq: <Nimashqaykinölami pushamushkä, taytay. Sayno kaptinpis wayikiman manaraqmi juntäyanraqsu>.
23<<Saynashi patronnin ninaq: <Nänikunapa y chakrakunapapis aywar tarishqayki kaqta wayïman juntashqanyaq imaykanöpapis pushamuy. 24Noqa kaynömi nï: Puntata qayasishqä runakuna yanukasishqä mikuyta manami yawayanqasu> >>.
Discïpulun kananpaq Jesús yachasishqan
Mateo 10.37-38
25Askaq runakuna qatiräyaptinmi Jesús nirqan: 26<<Pipis discïpulü kayta munarqa mamanta, taytanta, warminta, surinkunata, wawqinkunata, paninkunata y kikinpa vïdanta kuyashqanpitapis noqata mas kuyamäsun. Sayno mana kuyamarqa manami discïpulü kayanmansu. 27Cruzninta apaqno mana qatirämarqa#14.27 Cruzninta apaqno mana qatirämar nirqa ima nakaycho karpis Jesucristuta qatiränanpaq kashqantami nikan. manami discïpulü kayanmansu.#Mat. 10.38; Mar. 8.34; Luc. 9.23; Juan 12.25.
28<<Mayqaykipis wayita rurayänaykipaq shumaqraqmi yarpachakuyanki qellayniki aypashqanta o mana aypashqantapis. 29Cimientuykular kachaykuptikiqa lapan rikaqkunami jamurar niyäshunki: 30<¡Kay runaqa manapis puëdiykarmi wayita sharkasir qalaykasish!>
31<<Mayqan reypis juk nacionwan manaraq pelyar ¿manaku puntata shumaqraq yarpachakun kayno nir: <Ishkay chunka waranqa (20,000) soldädukunata chunka waranqa (10,000) soldäduläwan vincishaqsuraq o manasuraq>? 32Mana vincinanpaq kashqanta tantiyarqa contran rey karulachöraq kaykaptinmi manana pelyayänanpaq wilakuqkunata kachan. 33Saynölami mayqaykipis noqa rayku imaykikunatapis mana kacharirqa discïpulü kayta kamäpakuyankisu>>.
Kachiman Jesús tinkusishqan
Mateo 5.13; Marcos 9.50
34<<Kachiqa alimi kaykan. Qamyakäkurmi isanqa imapaqpis välinnasu. 35Chakrapaqpis ni iskapaqpis manana väliptinmi jitariykunsina. ¡Rinriyuq kaqkunaqa nishqäkunata wiyakuyäsun!>>
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2003, Wycliffe Bible Translators, Inc. All rights reserved.