Sɛ́nflínmɛ 6:10-12

Mɔyízi ɖɔ: “Ée Mawu Mavɔmavɔ, Mawu mitɔn ná kplá mi byɔ́ to e ná mi wɛ é ɖe ɔ́ mɛ, lě e é ɖɔ nú tɔ́gbó mitɔn Ablaxámu, Izáki, kpó Jakɔ́bu kpó gbɔn é ɔ́, mi ná mɔ toxo ɖaxó ɖaxó, toxo ɖagbe ɖagbe; mi wɛ ka gbá yě ǎ. Mi ná mɔ xɔ lɛ́ɛ, bɔ dɔkun tɛnmɛ tɛnmɛ e mi ma kplé ǎ lɛ́ɛ gɔ́; mi ná mɔ sɛ́tɔ e mi ma kun ǎ lɛ́ɛ; mi ná mɔ vǐwungbo kpó olívugbo e mi ma dó ǎ lɛ́ɛ kpó. Mi ná mɔ nǔ bó ɖu bó gɔ́ xo ganjí. Ée mi ka ná ɖu nǔ bó gɔ́ xo ɔ́, mi ma wɔn Mawu Mavɔmavɔ e ɖe mi tɔ́n sín Ejípu fí e mi nyí kannumɔ ɖe ɔ́ ó.