<div class="version vid1006 iso6393abt" data-vid="1006" data-iso6393="abt">
   <div class="book bkMAT">
      <div class="chapter chINTRO1" data-usfm="MAT.INTRO1">
         <div class="imt"><span class="content">Taale ani kundi ma v&#233;</span></div><div class="ip"><span class="content">Du v&#233;tik v&#233;tik ny&#233;ngaa v&#233;tik v&#233;tik viyaatakandar&#233;n Jisask&#233;. Jisas ani k&#233;pmaamba yat&#233;te yand&#233;n mus&#233;k&#233; wa saap&#233;ndar&#233;n. Jisas Kraisk&#233; Matyu viyaatakan kundi taale wa kwaakwa. Matyu taale wa saap&#233;nd&#233;kwa Maria Jisas k&#233;raal&#233;kwa sapakmba yandar&#233;n mus&#233;k&#233;. Jisas yawuran k&#233;s&#233;p&#233;ri mus&#233;k&#233; viyaatake kukmba Jisas viyaandaka kiyaae taamale waarape d&#233;ku dunyan taakatake Gotna gaay&#233;t waar&#233;nd&#233;nng&#233; wa saap&#233;nd&#233;kwa.</span></div><div class="ip"><span class="content">Matyu ani n&#233;ma mus&#233; wa nanat yakwasny&#233;nd&#233;kwa. Talimba Got wand&#233;ka du ras d&#233;ku kundi d&#233;ku ny&#233;ngaamba viyaatakandar&#233;n. Talimba viyaatakandar&#233;n ny&#233;ngaak&#233; anga wanangwa, &#8220;Olpela Kontrak, o Olpela Testamen.&#8221; Got anga wakak&#233;t yand&#233;n, &#8220;Du nak taakawutu Israel du dakwa Satanna taambamba k&#233;raak&#233; wa yaakand&#233;kwa.&#8221; Got talimba wunga wand&#233;ka wani kundi Olpela Testamenmba kwaand&#233;ka Matyu ani ny&#233;ngaamba nanat yakwasny&#233;k&#233; mawul&#233; yand&#233;kwa, Jisas d&#233; wani du wa. Jisas yaand&#233;ka Gotna kundi wand&#233;n pulak wa s&#233;k&#233;r&#233;k&#233;n. Matyu viyaatakan ny&#233;ngaamba awula k&#233;s&#233;p&#233;ri taal&#233;mba kundi wa kwaak&#233;s&#233;kwa Jisas yan mus&#233;k&#233;. Jisas yan mus&#233; anga nanat wakwasny&#233;nd&#233;kwa. Wani duk&#233; Gotna y&#233;mba talimba kundi kway&#233;tan dunyans&#233;na kundi wa s&#233;k&#233;r&#233;k&#233;n, wandar&#233;n pulak.</span></div><div class="ip"><span class="content">Matyu anindan n&#233;ma nak mus&#233;k&#233; viyaatakand&#233;n ny&#233;ngaamba. Jisas anga n&#233;maamba kundi du dakwat kway&#233;nd&#233;n. Got n&#233;ma du rate akwi du dakwak&#233; y&#233;kunmba v&#233;r&#233;k&#233; mawul&#233; yand&#233;kwa. Yandu de wand&#233;kwa pulak yakandakwa. T&#233;waangna kundimba anga y&#233; wandakwa, &#8220;Kingdom bilong Got.&#8221; Nak y&#233; wan, &#8220;Kingdom bilong Heven wa.&#8221;</span></div><div class="ip"><span class="content">Matyu viyaatakan ny&#233;ngaamba Jisas kway&#233;n s&#233;m&#233;ny kundi gwaa taambak anga wa kwaakwa. Sapta 5-7: Jisas n&#233;mbumba t&#233;te nan&#233; Gotna du dakwa yat&#233;muk&#233; wa yakwasny&#233;nd&#233;n. Sapta 10: Jisas d&#233;ku dunyans&#233; de d&#233;ku kundi nak du dakwat kway&#233;k&#233; y&#233;te yandara mus&#233;k&#233; wa wand&#233;n. Sapta 13: Jisas gwaam&#233;nja kundi wa kway&#233;nd&#233;n Got n&#233;ma du rate du dakwak&#233; v&#233;kwate yand&#233;kwa yapat&#233;k&#233;. Sapta 18: Jisas kundi kway&#233;nd&#233;n du dakwa de d&#233;ku du dakwa t&#233;mban yapat&#233;k&#233;. Sapta 24-25: Jisas s&#233;s&#233;kuk s&#233;k&#233;yakmba yaak&#233; yakwa sapak yakwate yakwa mus&#233;k&#233; wa wand&#233;n.</span></div><div class="ip"><span class="content">Ani ny&#233;ngaa kand&#233; viyaak? D&#233;ku y&#233; yamba viyaatakand&#233;kwe wa. Nak du ani ny&#233;ngaana y&#233; anga wa viyaatakand&#233;n, Jisas Kraisk&#233; Matyu viyaatakan ny&#233;ngaa. Yand&#233;kwanng&#233; anga v&#233;kulakandakwa. Wan Matyu, takis talimba k&#233;raatan Jisasna du, wa wani kundi viyaatakan. Sapta 9: 9-13mba ma v&#233;.</span></div>
      </div>
   </div>
</div>

Taale ani kundi ma vé
Du vétik vétik nyéngaa vétik vétik viyaatakandarén Jisaské. Jisas ani képmaamba yatéte yandén muséké wa saapéndarén. Jisas Kraiské Matyu viyaatakan kundi taale wa kwaakwa. Matyu taale wa saapéndékwa Maria Jisas kéraalékwa sapakmba yandarén muséké. Jisas yawuran késépéri muséké viyaatake kukmba Jisas viyaandaka kiyaae taamale waarape déku dunyan taakatake Gotna gaayét waaréndénngé wa saapéndékwa.
Matyu ani néma musé wa nanat yakwasnyéndékwa. Talimba Got wandéka du ras déku kundi déku nyéngaamba viyaatakandarén. Talimba viyaatakandarén nyéngaaké anga wanangwa, “Olpela Kontrak, o Olpela Testamen.” Got anga wakakét yandén, “Du nak taakawutu Israel du dakwa Satanna taambamba kéraaké wa yaakandékwa.” Got talimba wunga wandéka wani kundi Olpela Testamenmba kwaandéka Matyu ani nyéngaamba nanat yakwasnyéké mawulé yandékwa, Jisas dé wani du wa. Jisas yaandéka Gotna kundi wandén pulak wa sékérékén. Matyu viyaatakan nyéngaamba awula késépéri taalémba kundi wa kwaakésékwa Jisas yan muséké. Jisas yan musé anga nanat wakwasnyéndékwa. Wani duké Gotna yémba talimba kundi kwayétan dunyanséna kundi wa sékérékén, wandarén pulak.
Matyu anindan néma nak muséké viyaatakandén nyéngaamba. Jisas anga némaamba kundi du dakwat kwayéndén. Got néma du rate akwi du dakwaké yékunmba véréké mawulé yandékwa. Yandu de wandékwa pulak yakandakwa. Téwaangna kundimba anga yé wandakwa, “Kingdom bilong Got.” Nak yé wan, “Kingdom bilong Heven wa.”
Matyu viyaatakan nyéngaamba Jisas kwayén sémény kundi gwaa taambak anga wa kwaakwa. Sapta 5-7: Jisas némbumba téte nané Gotna du dakwa yatémuké wa yakwasnyéndén. Sapta 10: Jisas déku dunyansé de déku kundi nak du dakwat kwayéké yéte yandara muséké wa wandén. Sapta 13: Jisas gwaaménja kundi wa kwayéndén Got néma du rate du dakwaké vékwate yandékwa yapatéké. Sapta 18: Jisas kundi kwayéndén du dakwa de déku du dakwa témban yapatéké. Sapta 24-25: Jisas sésékuk sékéyakmba yaaké yakwa sapak yakwate yakwa muséké wa wandén.
Ani nyéngaa kandé viyaak? Déku yé yamba viyaatakandékwe wa. Nak du ani nyéngaana yé anga wa viyaatakandén, Jisas Kraiské Matyu viyaatakan nyéngaa. Yandékwanngé anga vékulakandakwa. Wan Matyu, takis talimba kéraatan Jisasna du, wa wani kundi viyaatakan. Sapta 9: 9-13mba ma vé.

Слушайте Matyu Taale ani kundi ma vé