<div class="version vid1295 iso6393acu" data-vid="1295" data-iso6393="acu">
 <div class="book bkGEN">
 <div class="chapter ch1" data-usfm="GEN.1">
 <div class="label">1</div><div class="p"> 1Nunangkamtaik mash atsuinai, Yuska nayaimpincha tura nungkancha mash najanamiayi. 2Antsu nungkaka juun entsajai pachimnaikiau ayayi. Juun entsaka aya kuna ayayi. Turasha aya tee ayayi. Tura asamtai Yuse Wakani juun entsa yakiinini atu wee, tura ataksha juni wini, tu nanaaki pujumiayi.</div><div class="p"> 3Nuniangka Yus chichaak: &#8212;Paantin ati &#8212;tamati, paantin wajasmiayi. 4Tura asamtai Yus paaniun wainak: &#8212;Pengkeraitai &#8212;timiayi. Tura asa paaniuncha tura teencha akankamiayi. 5Tura paaniunka tsawai inaikiamiayi. Tura teenka kashi inaikiamiayi. Nu najankamunam kichik kinta kintamramiayi.</div><div class="p"> 6Nunia Yus chichaak: &#8212;Yakiiya yumi juun entsajai akankamu ati, &#8212;timiayi. Yus tamati, nunisang turunamiayi. 7Tura asa nungkaka juun entsa amurmau ati tusa Yus akankamiayi. 8Nunia Yus chichaak: &#8212;Ju angkakuka nayaim tutai ati &#8212;timiayi. Nu najankamunam jimiar kinta kintamramiayi.</div><div class="p"> 9Nunia Yus ataksha chichaak: &#8212;Entsa nungkan amurua juka kuyuati, tura nungka mujurti, &#8212;Yus tamati nunisang turunamiayi. 10Tura Yus chichaak: &#8212;Mujukash wajasa juka nungka tutai ati, tura entsa iruntrarua juka juun entsa tutai ati &#8212;timiayi. Tura nuna mash umis jiis Yus: &#8212;Pengeraitai &#8212;timiayi. 11Tura chichaak: &#8212;Arak ainau tura numi ainausha niish niish nungkanam tsapainiar nerekarti, &#8212;Yus tamati nunisang turunamiayi. 12Tura asa nungkanmaka &#225;rak ainau tura numi ainausha araachmaitiat, ningki tsapainiar nerekarmiayi. Tuminamtai Yus nuna mash jiis: &#8212;Pengkeraitai &#8212;timiayi. 13Nu najankamunam tres kinta kintamramiayi.</div><div class="p"> 14-15Nunia Yus chichaak: &#8212;Tsawai tsantratnuka tura kashi tsantratin ainausha nayaimpinam keemsarti. Musach, tura nantu tura esat atincha, tura yumi jeatniusha paan nekaatisha iruniarti, &#8212;timiayi. Yus tamati nunisang turunamiayi. 16Tura asamtai Yus tsantratniun jimiaran najanamiayi. Tsawai kakaram tsantratniun timi&#225; juuntan najanamia nuka tsaayaitai. Tura kashi mushatmin kapaa nuka nantuitai. Tura yaa ainauncha najanamiayi. 17-18Tura tsawaisha tura kashisha tsantrarti tusa, Yus ni najanamu ainaun kentsamiayi. Nujai tsawaartincha, tura kintamratniuncha paan nekaawarti &#8212;tusa turuamiayi. Tura nuna mash jiis: &#8212;Pengkeraitai &#8212;timiayi. 19Nu najankamunam cuatro kinta kintamramiayi.</div><div class="p"> 20Nunia ataksha Yus chichaak: &#8212;Entsanam matsamsatin ainauka tura nanamtin ainausha nungkanam yujararti, &#8212;tamati nunisang turunamiayi. 21Tura asa entsa kanajin matsaminauncha, tura nanamtin ainauncha Yus najanamiayi. Tura najana umis, jiis: &#8212;Pengeraitai &#8212;timiayi. 22Tura entsanam matsamin ainaun chicharak: &#8212;Nukap yujartaram, turasha juun entsasha netkataram. Tura nanamtin ainausha mash nungkanam yujararti, &#8212;Yus timiayi. 23Nu najankamunam cinco kinta kintamramiayi.</div><div class="p"> 24Nunia Yus ataksha chichaak: &#8212;Mash nungkanam wekain ainauka yujararti. Kuntin yutai ainauka tura tangku ainausha, tura pachim namangken yu ainausha, tura netsepejai nungkanam wekain ainausha niish niish mash nungkanam yujararti, &#8212;Yus tamati nunisang umikmiayi. 25Tura nuna mash umik, Yus nuna jiis: &#8212;Pengkeraitai &#8212;timiayi.</div><div class="s">Yus Aintsun Najanamuri</div><div class="p"> 26Nunia Yus chichaak: &#8212;Yamaikia iiya tumau ati tusar, aincha najanami. Tura nu aintska namak ainaun, tura nanamtin ainauncha, tura tangku ainauncha, tura pachim ainauncha, tura netsepejai nungkanam wekainauncha mash inarti &#8212;tusa, Yus aintsun najanamiayi. #Juan 1.3</div><div class="p"> 27Tura aints atsau asamtai, Yus niiya tumaun aintsun najanak, aishmangkun tura nuwancha najanamiayi. 28Tura najana umis, pengker awajsatas chicharak: &#8212;Nukap yujartaram. Tura mash nungka ainaun netkataram. Tura namak ainau, tura nanamtin ainausha, tura tangku ainausha, tura netsepejai wekain ainausha nepetkau ataram, &#8212;timiayi.</div><div class="p"> 29Nunia Yus aintsun, tura nuwancha chicharak: &#8212;Anturtuktaram, arakrintin ainaun tura numi jingkiajintin ainauncha mash atum yuwataram tusan suajrume. 30Tura pachim ainau, tura nanamtin ainau, tura netsepejai wekain ainausha numi nereen, tura nupaa ainauncha yuwarti tusan suajai, &#8212;Yus timiayi. 31Tura ni najanamurin mash jiis: &#8212;Nekas pengkeraitai &#8212;timiayi. Nu najankamunam seis kintan kintamramiayi.</div>
 </div>
 </div>
</div>

Nunangkamtaik mash atsuinai, Yuska nayaimpincha tura nungkancha mash najanamiayi. Antsu nungkaka juun entsajai pachimnaikiau ayayi. Juun entsaka aya kuna ayayi. Turasha aya tee ayayi. Tura asamtai Yuse Wakani juun entsa yakiinini atu wee, tura ataksha juni wini, tu nanaaki pujumiayi.
Nuniangka Yus chichaak: —Paantin ati —tamati, paantin wajasmiayi. Tura asamtai Yus paaniun wainak: —Pengkeraitai —timiayi. Tura asa paaniuncha tura teencha akankamiayi. Tura paaniunka tsawai inaikiamiayi. Tura teenka kashi inaikiamiayi. Nu najankamunam kichik kinta kintamramiayi.
Nunia Yus chichaak: —Yakiiya yumi juun entsajai akankamu ati, —timiayi. Yus tamati, nunisang turunamiayi. Tura asa nungkaka juun entsa amurmau ati tusa Yus akankamiayi. Nunia Yus chichaak: —Ju angkakuka nayaim tutai ati —timiayi. Nu najankamunam jimiar kinta kintamramiayi.
Nunia Yus ataksha chichaak: —Entsa nungkan amurua juka kuyuati, tura nungka mujurti, —Yus tamati nunisang turunamiayi. Tura Yus chichaak: —Mujukash wajasa juka nungka tutai ati, tura entsa iruntrarua juka juun entsa tutai ati —timiayi. Tura nuna mash umis jiis Yus: —Pengeraitai —timiayi. Tura chichaak: —Arak ainau tura numi ainausha niish niish nungkanam tsapainiar nerekarti, —Yus tamati nunisang turunamiayi. Tura asa nungkanmaka árak ainau tura numi ainausha araachmaitiat, ningki tsapainiar nerekarmiayi. Tuminamtai Yus nuna mash jiis: —Pengkeraitai —timiayi. Nu najankamunam tres kinta kintamramiayi.
Nunia Yus chichaak: —Tsawai tsantratnuka tura kashi tsantratin ainausha nayaimpinam keemsarti. Musach, tura nantu tura esat atincha, tura yumi jeatniusha paan nekaatisha iruniarti, —timiayi. Yus tamati nunisang turunamiayi. Tura asamtai Yus tsantratniun jimiaran najanamiayi. Tsawai kakaram tsantratniun timiá juuntan najanamia nuka tsaayaitai. Tura kashi mushatmin kapaa nuka nantuitai. Tura yaa ainauncha najanamiayi. Tura tsawaisha tura kashisha tsantrarti tusa, Yus ni najanamu ainaun kentsamiayi. Nujai tsawaartincha, tura kintamratniuncha paan nekaawarti —tusa turuamiayi. Tura nuna mash jiis: —Pengkeraitai —timiayi. Nu najankamunam cuatro kinta kintamramiayi.
Nunia ataksha Yus chichaak: —Entsanam matsamsatin ainauka tura nanamtin ainausha nungkanam yujararti, —tamati nunisang turunamiayi. Tura asa entsa kanajin matsaminauncha, tura nanamtin ainauncha Yus najanamiayi. Tura najana umis, jiis: —Pengeraitai —timiayi. Tura entsanam matsamin ainaun chicharak: —Nukap yujartaram, turasha juun entsasha netkataram. Tura nanamtin ainausha mash nungkanam yujararti, —Yus timiayi. Nu najankamunam cinco kinta kintamramiayi.
Nunia Yus ataksha chichaak: —Mash nungkanam wekain ainauka yujararti. Kuntin yutai ainauka tura tangku ainausha, tura pachim namangken yu ainausha, tura netsepejai nungkanam wekain ainausha niish niish mash nungkanam yujararti, —Yus tamati nunisang umikmiayi. Tura nuna mash umik, Yus nuna jiis: —Pengkeraitai —timiayi.

Nunia Yus chichaak: —Yamaikia iiya tumau ati tusar, aincha najanami. Tura nu aintska namak ainaun, tura nanamtin ainauncha, tura tangku ainauncha, tura pachim ainauncha, tura netsepejai nungkanam wekainauncha mash inarti —tusa, Yus aintsun najanamiayi.
Tura aints atsau asamtai, Yus niiya tumaun aintsun najanak, aishmangkun tura nuwancha najanamiayi. Tura najana umis, pengker awajsatas chicharak: —Nukap yujartaram. Tura mash nungka ainaun netkataram. Tura namak ainau, tura nanamtin ainausha, tura tangku ainausha, tura netsepejai wekain ainausha nepetkau ataram, —timiayi.
Nunia Yus aintsun, tura nuwancha chicharak: —Anturtuktaram, arakrintin ainaun tura numi jingkiajintin ainauncha mash atum yuwataram tusan suajrume. Tura pachim ainau, tura nanamtin ainau, tura netsepejai wekain ainausha numi nereen, tura nupaa ainauncha yuwarti tusan suajai, —Yus timiayi. Tura ni najanamurin mash jiis: —Nekas pengkeraitai —timiayi. Nu najankamunam seis kintan kintamramiayi.

Слушайте Génesis 1