Bum - 2014 Edition (Non-Drama NT)

Bum - 2014 Edition (Drama NT)

<div class="version vid2175 iso6393bmv" data-vid="2175" data-iso6393="bmv">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">Jiso&#768;s yiki kum lum we gh&#616; k&#601;ta hi te&#768; ga&#768;mte&#768; gh&#616;ta at&#616;&#770;n</div><div class="p"> 1&#8220;Gha&#768;n hi to&#770;kne&#768;, k&#601; gha&#768;n ne&#770; hi ne&#770; gha ju&#770;&#331;a&#768; ha Ye&#768;nfu&#768; a ndan beka gha&#768;n kh&#616;&#331;a na gh&#616;ta hi yena&#770;. Gha&#768;n shi&#768;ki ni&#768; ya&#770;, ma Bi&#768; wa&#770;nu&#768; a ny&#601;&#770; be&#770; te&#768; fe&#768; fo j&#601;&#768; maktu wanu.&#8221;</div><div class="p"> 2&#8220;Yi chwu&#770;te&#768; na, wo&#768; ki fo a shy&#601; ha wu&#768;t we wu&#768; gha, k&#601; lyi gha t&#616;ni hi te&#768; gbe&#768; to&#331;a chya&#768; ndo&#331;su. Gh&#616;t ghe gh&#616; kama ne&#770; k&#601; ni gh&#616;na gbe&#768; fo&#768;kte&#768; chya&#770; a tu fw&#601;h tu lumtu ni&#768; ndasu chintesu na gh&#616;ta tahi te&#768; kokhe gh&#616;na. Mu ji&#768;sa&#768; ha gha&#768;n hamok na gh&#616;t m&#616; gh&#616;&#770;n hi&#768; mo&#770; ma gh&#616; ti kh&#616;ti mihi&#768; maktu gh&#616;na.&#8221; 3Wo&#768; lyi a shy&#601; hi fo ha wu&#768;t te wu&#768; gha, wo&#768; fo wu lum afa sun wa&#770; wu&#768; t&#601;m ne&#768; kh&#616;le wij&#601;.#6.3 Gh&#616; nyak yi ji&#768;s yi G&#616;li&#768;s na, K&#601; wo&#768; ni na kpen wa wu wo ko&#770;wi&#768; kh&#616;li gha ye kpen wa wu wo ta ne&#768;. 4Yi chwu&#770;te&#768; na wo&#768; ki lye&#770; fo ya, k&#601; ne&#768; fo hi chwu&#768;ti&#768; na gh&#616;ta yen. Wo&#768; ki ni ya&#770;, ma Bi&#768; wa&#770; we wu&#768; yena gha letena ma wu&#768; ne&#770; fo maktu wa.</div><div class="s">Jiso&#768;s yiki kum yi j&#601;&#770;m</div><div class="r">(Lu&#770;k 11.2-4)</div><div class="p"> 5Gha&#768;n shihi j&#601;&#770;m, k&#601; gha&#768;n hi kama ne&#770; te gh&#616;t ale. Gh&#616;na fa&#768;na&#768; wi hi lo&#768;te&#768; timi a nda&#770; su chintesu hi te&#768; j&#601;&#768;m, fe&#770; gbe&#770; j&#601;&#770;ma&#768; a bi&#768;tu lumtu, kh&#616;&#331;a na gh&#616;ta hi chya&#770; yena gh&#616;na. Mu ji&#768;sa&#768; ha gha&#768;n hamok na gh&#616;t m&#616; gh&#616;&#770;n hi&#768; mo&#770; ma gh&#616;na ti kh&#616;ti mihi&#768; maktu gh&#616;na. 6Wo&#768; hi&#768; mo&#770; hi j&#601;&#768;m, wo&#768; kina luk wu letenu wo j&#601;m ha Bi&#768; wa&#770;nu&#768; we gh&#616; yena wi. Wo&#768; ki j&#601;&#770;m ni, ma Bi&#768; wa&#770; we wu&#768; yena gha letena ma wu&#768; ne&#770; fo maktu wa.</div><div class="p"> 7Gha&#768;n hi&#768; mo&#770; hi j&#601;&#768;m, k&#601; gha&#768;n hi kwote na&#770;bi gh&#601; ji&#770;sa&#768; fe&#768; kunte&#770; te gh&#616;t ghe gh&#616; kh&#601; wi Ye&#768;nfu&#768;. Gh&#616;na ne&#768; ya&#770; kwa&#770;kte&#768; na Ye&#768;nfu&#768; ywo lo&#768; ji&#770;s yi gh&#616;na beka gh&#616;na la&#768;te&#768;. 8K&#601; gha&#768;n sina ha gh&#616;na beka gha&#768;n shihi j&#601;&#768;m ma Bi&#768; wa&#770;nu&#768; hi&#768; kh&#601;lo&#768; shy&#601; ghe gha&#768;n kh&#616;&#331;a. 9Gha&#768;n hi&#768; mo&#770; hi j&#601;&#768;m, gha&#768;n j&#601;m wu lum afan ni: &#8216;Bi&#768; wa&#770;hu&#768; we wu&#768; mo&#768; a ny&#601;&#770;, ne&#770; ma gh&#616;ta hi kokhe yet ya,&#8217; 10ne&#770; ma gh&#616; yen f&#601;&#770;n wa, ne&#770; mbyi yina&#770; na yi gbi k&#601; te wo&#768; kh&#616;&#331;a k&#601;bi yi gh&#601;l te yi mo&#770; a ny&#601;&#770;. 11Y&#601;hi gha&#768;h la&#770;n, ma wo&#768; y&#601;hi gha&#768;h tuk mu&#768; j&#616;&#768;m. 12Le&#768;hifo gha&#768;h a gha&#768;h a gha be, k&#601;bi yi gh&#601;l te gha&#768;h le&#768;he&#768;fo na&#770;bi nde wu&#768; ne be ha gha&#768;h. 13K&#601; wo&#768; de na mo&#770;mhi&#768;ni&#768; ben ha gha&#768;h, fihi gha&#768;h a gha be afa wu&#768;t wu&#768; be kh&#616;&#331;a hi ni&#768; ha gha&#768;h. (Beka f&#601;&#770;n wa saka k&#601; wo&#768;, a k&#601;ta k&#601; wo&#768; jyaka ni&#768; ban yi chiki k&#601; yu mu&#768; j&#616;&#768;m. A&#768;me&#768;n.)</div><div class="p"> 14&#8220;Gha&#768;n hi le&#768;he&#768;fo be se gh&#616;ta ne&#768; ha gha&#768;n, ma Bi&#768; wa&#770;nu&#768; we wu&#768; mo&#768; a ny&#601;&#770; ne&#770; bo&#331;a le&#768;he&#770;fo gha&#768;n. 15Gha&#768;n hi&#768; le&#768;he&#768;fo wij&#601; besu gh&#616;&#770;tsu&#768;, ma Bi&#768; wa&#770;nu&#768; ne&#770; te&#770; bo&#331;a le&#768;he&#768;fo j&#601;&#768; sanisu.&#8221;</div><div class="s">Jiso&#768;s yiki kum bam yi jwo</div><div class="p"> 16Gha&#768;n shihi bam yi jwo&#770;, k&#601; gha&#768;n hi gu&#770;na&#768; k&#601;&#770;ka&#768; te gh&#616;t ghe gh&#616; kama ne&#770; gha. Gh&#616;na shihi bam yi jwo&#770;, gh&#616;na hi cha&#770;mne&#768; k&#601;&#770;ka&#768; shy&#601;ma gh&#616;ta hi yena&#770;. Mu ji&#768;sa&#768; ha gha&#768;n hamok na gh&#616;t mi gh&#616;&#770;n shy&#601; kh&#616;ti mihi&#768; maktu gh&#616;na. 17Gha&#768;n hi&#768; mo&#770; hi bam yi jwo&#770;, gha&#768;n hi so&#770; k&#601;&#770;k tanitu, shyake&#768; tu wanu, 18ma gh&#616;ta ne&#770; hi kh&#601; wi na gha&#768;n mo&#768; ni bama yi jwo&#770;, a kh&#601; k&#601; Bi&#768; wanu&#768; we gh&#616; yena wi ma gha&#768;n ni ya&#770;, ma Bi&#768; wanu&#768; we gh&#616; yena wi ma wu&#768; ne&#770; makti gha&#768;n.</div><div class="s">Jiso&#768;s yiki kum ghak ye yi mo&#770; a ny&#601;&#770;</div><div class="r">(Lu&#770;k 12.33-34)</div><div class="p"> 19&#8220;K&#601; gha&#768;n hi le&#770;ma&#768; ghak yani yi ng&#616;&#331;i a chy&#601; afa&#770;n. A mo&#770; wu luk we sekuseku mo&#770; hi kut a mw&#601;&#768; mu&#768; t&#616;&#770;n, ma mu&#768;le&#768; bef, ma gh&#616;t a chwo&#331;ana mo&#770; hi fe&#768; kh&#616;m a nda&#770; ya&#770; hi chwo&#770;&#331;.&#8221; 20Gha&#768;n hi b&#616;la&#768; le&#770;ma&#768; ghak yani a ny&#601;&#770;. A mo&#770; wu luk sekuseku bu hi kut a shy&#601; afu&#770;, mw&#601;&#768; mu&#768; t&#616;&#770;n bu hi ba&#768;&#331;, gh&#616;t a chwo&#331;ana ne&#770; hi bu hi kh&#616;ma nda&#770; hi lye chwo&#331;. 21Ghaki wu&#770;ti&#768; mo&#770; k&#601;bi afa, t&#601;m yi wuni hi mo&#770; k&#601; afu&#770;.</div><div class="r">(Lu&#770;k 11.34-36)</div><div class="p"> 22&#8220;Se wu&#770;ta&#768; mo&#768; k&#601;bi te la&#770;m a wun wu wu&#768;n. Se gha shi&#768;ki mo&#770; a ju&#770;&#331;, ma wun wa ne&#770; hi mo&#770; ni&#768; bani. 23Biyani, ma se gha hi&#768; bu a ju&#770;&#331;, ma wo&#768; ne&#770; hi gbe&#770; k&#601; a fu&#768;t&#616;&#770;n a&#768; yi&#768; fi&#770;n ni&#768; wun wa wu&#768; j&#616;&#768;m. Yi chwu&#770;te&#768; na se gha shi&#768;ki fo wi bani na&#770; hakoh, ma wo&#768; ne&#770; hi mo&#770; na&#770; at&#616;&#770;n a&#768; yi&#768; fin yi be!&#8221;</div><div class="s">Jiso&#768;s yiki na gh&#616;ta wi hi te&#768; kokhe Fu&#768;ye&#768;n fe&#770; kokhe wu ka&#770;</div><div class="r">(Lu&#770;k 16.13; 12.22-31)</div><div class="p"> 24&#8220;Wu&#768;t wi hi te&#768; mo&#768; wut wu&#768; fe&#768;tana ha gh&#616;t a&#768; ba&#768;. Yi shi&#768;ki mo&#770; ni, ma wu&#768; ne&#770; hi ba&#770;na&#768; wu&#768;le&#768; ko&#770;&#331;a&#768; wu&#768;le&#768;; fa&#331; ni, ma wu&#768; ne&#770; hi ngumle wu&#768;le&#768; Kehe wu&#768;le&#768;. Wo&#768; wi hi fe&#768;t ha Ye&#768;nfu&#768; fe&#770; fe&#770;ta&#768; k&#601;bi ha ka.&#8221; 25&#8220;Mu wu hi&#768; ji&#770;sa&#768; ha gha&#768;n chin na, k&#601; gha&#768;n hi kwa&#770;kte&#768; kum ni&#768; chy&#601; yani. K&#601; wu&#768;t ha gha&#768;n ne&#770; hi kwa&#770;kte&#768; na yi ne&#768; y&#601; gha agha, yi ne&#768; nyo gh&#601; agha mak&#601; yi ne&#768; ma&#770;ka&#768; gh&#601; a yi wu&#768;n agha. A wo&#768; jis na yohna&#768; wu&#770;ti&#768; chya&#768; wi mw&#601;&#768; mu&#768; y&#601;&#770;mu&#768; agha, wun wu wu&#770;tu&#768; chya&#770; wi njusu agha?&#8221; 26Gha&#768;n yen k&#601; na&#770; ny&#616;&#768;m muna mu&#768; fela chya&#770; a ny&#601; ni. Mu&#768; yome wij&#601; mw&#601;&#768; mu&#768; y&#601;&#770;mu&#768;, kpe&#770; wi, le&#770;ma&#768; wij&#601; shy&#601; a wu ta&#770;n, biyani na&#770;bi we wu&#768; mo&#768; a ny&#601;&#770; y&#601;he k&#601; yi y&#601;hi&#770; munu&#768;. Ba gha&#768;n kokne chya&#770;lo&#768; ny&#616;&#768;mu&#770; agha? 27Wu&#768;t wi hi da&#768;bhi&#768; yu wunu wu kpu na&#770; hakoh beka wu&#768; kwa&#768;kte&#768; chya&#770;he&#768; mbyi&#770; 28&#8220;A&#768; hi&#768; mo&#770; kum njusu, t&#601;m ghana hi fumhe gha&#768;n ni njwo gh&#601;? Gha&#768;n yen le&#770; te w&#601;la&#770;nu&#768; l&#601;ma kwoka a gh&#601;&#768;n, fe&#770; bwu&#768;sa&#768;. Wu ta&#768; timi hi&#768; fe&#770;ta&#768; shy&#601; na&#770;bi hi taha su&#768;nju hi ma&#768;k.&#8221; 29Mu ji&#768;sa&#768; ha gha&#768;n na, na&#770; f&#601;&#768;n So&#768;lomu&#768;n ni&#768; ghak ye&#770; wu&#768; ndu&#768;ku k&#601;ta na&#770; yi&#768; j&#616;&#768;m ta&#768; timi hi&#768; lafa ta&#770;na&#768; te a bwu&#768;s at&#616;&#770;n a&#768; wu bwu&#768;s afa&#770;n. 30Ye&#768;nfu&#768; shi&#768;ki mo&#770; hi labhe wu w&#601;la&#770; ni a gh&#601;&#768;n lan ni, tuku mo&#770; hi yu yi bi&#770;s na t&#601;m a&#768; nyok, ma fu ne&#770; labhi na&#770; gha&#768;n ya&#768;ni agha? Gha&#768;n bi&#768;te&#768; yole gh&#601; a gha&#768;n yi samhi&#770; ha Ye&#768;nfu&#768; ni?</div><div class="p"> 31Te yi mo&#770; ni, k&#601; t&#601;m ghana hi fo ng&#601;&#770;k bufa na&#770;, &#8216;Gha&#768;h ne&#768; y&#601; gh&#601;, gha&#768;h ne&#768; nyo gh&#601;, gha&#768;h ne&#768; ma&#770;ka&#768; gh&#601; agha?&#8217; 32A&#768; nyi&#331;a a&#768; gh&#616;t ghe gh&#616;na kh&#601; wi Ye&#768;nfu&#768; yi ba&#768;m yi mw&#601;&#768; afa&#770;n, biyani Bi&#768; wa&#770;nu&#768; a ny&#601;&#770; kh&#601;lo&#768; na gha&#768;n kh&#616;&#331;a lo&#768; mw&#601;&#768; muna&#770;. 33Gha shy&#601; mo&#768; na gha&#768;n b&#616;la&#768; lem t&#601;m ghana ha Ye&#768;nfu&#768; ma gha&#768;n hi chy&#601; chilichili te gh&#616;t ghe gh&#616; chy&#601; a Ye&#768;nfu&#768; yi de&#768;t yi la&#768;&#331; ma fu ne&#770; fo kpenhi mw&#601;&#768; muna mu&#768; j&#616;&#768;m ha gha&#768;n. 34Ni, k&#601; t&#601;m ghana hi fumhe gha&#768;n kum tuk wu bisu beka yi bis be&#768; kpene k&#601; ni&#768; gha wuni. Na&#770;bi wu&#768;ni tuku k&#601;talo&#768; ng&#601;&#770;k yi kpene k&#601; ni&#768; tuk wu t&#616;nu, a f&#601;&#770;n wa saka k&#601; wo&#768; a k&#601;ta k&#601; wo&#768; jyaka, ni&#768; ba&#770;n yi chiki k&#601; yu mu&#768; j&#616;&#768;m. (A&#768;me&#768;n).</div>
 </div>
 </div>
</div>

“Ghàn hi tôknè, kə ghàn nê hi nê gha jûŋà ha Yènfù a ndan beka ghàn khɨŋa na ghɨta hi yenâ. Ghàn shìki nì yâ, ma Bì wânù a nyə̂ bê tè fè fo jə̀ maktu wanu.”
“Yi chwûtè na, wò ki fo a shyə ha wùt we wù gha, kə lyi gha tɨni hi tè gbè toŋa chyà ndoŋsu. Ghɨt ghe ghɨ kama nê kə ni ghɨna gbè fòktè chyâ a tu fwəh tu lumtu nì ndasu chintesu na ghɨta tahi tè kokhe ghɨna. Mu jìsà ha ghàn hamok na ghɨt mɨ ghɨ̂n hì mô ma ghɨ ti khɨti mihì maktu ghɨna.” Wò lyi a shyə hi fo ha wùt te wù gha, wò fo wu lum afa sun wâ wù təm nè khɨle wijə. Yi chwûtè na wò ki lyê fo ya, kə nè fo hi chwùtì na ghɨta yen. Wò ki ni yâ, ma Bì wâ we wù yena gha letena ma wù nê fo maktu wa.


Ghàn shihi jə̂m, kə ghàn hi kama nê te ghɨt ale. Ghɨna fànà wi hi lòtè timi a ndâ su chintesu hi tè jə̀m, fê gbê jə̂mà a bìtu lumtu, khɨŋa na ghɨta hi chyâ yena ghɨna. Mu jìsà ha ghàn hamok na ghɨt mɨ ghɨ̂n hì mô ma ghɨna ti khɨti mihì maktu ghɨna. Wò hì mô hi jə̀m, wò kina luk wu letenu wo jəm ha Bì wânù we ghɨ yena wi. Wò ki jə̂m ni, ma Bì wâ we wù yena gha letena ma wù nê fo maktu wa.
Ghàn hì mô hi jə̀m, kə ghàn hi kwote nâbi ghə jîsà fè kuntê te ghɨt ghe ghɨ khə wi Yènfù. Ghɨna nè yâ kwâktè na Yènfù ywo lò jîs yi ghɨna beka ghɨna làtè. Kə ghàn sina ha ghɨna beka ghàn shihi jə̀m ma Bì wânù hì khəlò shyə ghe ghàn khɨŋa. Ghàn hì mô hi jə̀m, ghàn jəm wu lum afan ni: ‘Bì wâhù we wù mò a nyə̂, nê ma ghɨta hi kokhe yet ya,’ nê ma ghɨ yen fə̂n wa, nê mbyi yinâ na yi gbi kə te wò khɨŋa kəbi yi ghəl te yi mô a nyə̂. Yəhi ghàh lân, ma wò yəhi ghàh tuk mù jɨ̀m. Lèhifo ghàh a ghàh a gha be, kəbi yi ghəl te ghàh lèhèfo nâbi nde wù ne be ha ghàh. Kə wò de na mômhìnì ben ha ghàh, fihi ghàh a gha be afa wùt wù be khɨŋa hi nì ha ghàh. (Beka fə̂n wa saka kə wò, a kəta kə wò jyaka nì ban yi chiki kə yu mù jɨ̀m. Àmèn.)
“Ghàn hi lèhèfo be se ghɨta nè ha ghàn, ma Bì wânù we wù mò a nyə̂ nê boŋa lèhêfo ghàn. Ghàn hì lèhèfo wijə besu ghɨ̂tsù, ma Bì wânù nê tê boŋa lèhèfo jə̀ sanisu.”

Ghàn shihi bam yi jwô, kə ghàn hi gûnà kə̂kà te ghɨt ghe ghɨ kama nê gha. Ghɨna shihi bam yi jwô, ghɨna hi châmnè kə̂kà shyəma ghɨta hi yenâ. Mu jìsà ha ghàn hamok na ghɨt mi ghɨ̂n shyə khɨti mihì maktu ghɨna. Ghàn hì mô hi bam yi jwô, ghàn hi sô kə̂k tanitu, shyakè tu wanu, ma ghɨta nê hi khə wi na ghàn mò ni bama yi jwô, a khə kə Bì wanù we ghɨ yena wi ma ghàn ni yâ, ma Bì wanù we ghɨ yena wi ma wù nê makti ghàn.


“Kə ghàn hi lêmà ghak yani yi ngɨŋi a chyə afân. A mô wu luk we sekuseku mô hi kut a mwə̀ mù tɨ̂n, ma mùlè bef, ma ghɨt a chwoŋana mô hi fè khɨm a ndâ yâ hi chwôŋ.” Ghàn hi bɨlà lêmà ghak yani a nyə̂. A mô wu luk sekuseku bu hi kut a shyə afû, mwə̀ mù tɨ̂n bu hi bàŋ, ghɨt a chwoŋana nê hi bu hi khɨma ndâ hi lye chwoŋ. Ghaki wûtì mô kəbi afa, təm yi wuni hi mô kə afû.

“Se wûtà mò kəbi te lâm a wun wu wùn. Se gha shìki mô a jûŋ, ma wun wa nê hi mô nì bani. Biyani, ma se gha hì bu a jûŋ, ma wò nê hi gbê kə a fùtɨ̂n à yì fîn nì wun wa wù jɨ̀m. Yi chwûtè na se gha shìki fo wi bani nâ hakoh, ma wò nê hi mô nâ atɨ̂n à yì fin yi be!”


“Wùt wi hi tè mò wut wù fètana ha ghɨt à bà. Yi shìki mô ni, ma wù nê hi bânà wùlè kôŋà wùlè; faŋ ni, ma wù nê hi ngumle wùlè Kehe wùlè. Wò wi hi fèt ha Yènfù fê fêtà kəbi ha ka.” “Mu wu hì jîsà ha ghàn chin na, kə ghàn hi kwâktè kum nì chyə yani. Kə wùt ha ghàn nê hi kwâktè na yi nè yə gha agha, yi nè nyo ghə agha makə yi nè mâkà ghə a yi wùn agha. A wò jis na yohnà wûtì chyà wi mwə̀ mù yə̂mù agha, wun wu wûtù chyâ wi njusu agha?” Ghàn yen kə nâ nyɨ̀m muna mù fela chyâ a nyə ni. Mù yome wijə mwə̀ mù yə̂mù, kpê wi, lêmà wijə shyə a wu tân, biyani nâbi we wù mò a nyə̂ yəhe kə yi yəhî munù. Ba ghàn kokne chyâlò nyɨ̀mû agha? Wùt wi hi dàbhì yu wunu wu kpu nâ hakoh beka wù kwàktè chyâhè mbyî “À hì mô kum njusu, təm ghana hi fumhe ghàn ni njwo ghə? Ghàn yen lê te wəlânù ləma kwoka a ghə̀n, fê bwùsà. Wu tà timi hì fêtà shyə nâbi hi taha sùnju hi màk.” Mu jìsà ha ghàn na, nâ fə̀n Sòlomùn nì ghak yê wù ndùku kəta nâ yì jɨ̀m tà timi hì lafa tânà te a bwùs atɨ̂n à wu bwùs afân. Yènfù shìki mô hi labhe wu wəlâ ni a ghə̀n lan ni, tuku mô hi yu yi bîs na təm à nyok, ma fu nê labhi nâ ghàn yàni agha? Ghàn bìtè yole ghə a ghàn yi samhî ha Yènfù ni?
Te yi mô ni, kə təm ghana hi fo ngə̂k bufa nâ, ‘Ghàh nè yə ghə, ghàh nè nyo ghə, ghàh nè mâkà ghə agha?’ À nyiŋa à ghɨt ghe ghɨna khə wi Yènfù yi bàm yi mwə̀ afân, biyani Bì wânù a nyə̂ khəlò na ghàn khɨŋa lò mwə̀ munâ. Gha shyə mò na ghàn bɨlà lem təm ghana ha Yènfù ma ghàn hi chyə chilichili te ghɨt ghe ghɨ chyə a Yènfù yi dèt yi làŋ ma fu nê fo kpenhi mwə̀ muna mù jɨ̀m ha ghàn. Ni, kə təm ghana hi fumhe ghàn kum tuk wu bisu beka yi bis bè kpene kə nì gha wuni. Nâbi wùni tuku kətalò ngə̂k yi kpene kə nì tuk wu tɨnu, a fə̂n wa saka kə wò a kəta kə wò jyaka, nì bân yi chiki kə yu mù jɨ̀m. (Àmèn).

Слушайте Matiyò 6