Chin, Cho - Common Language Version (Ng’thu K’Thai) - NT drama

<div class="version vid2642 iso6393mwq" data-vid="2642" data-iso6393="mwq">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s1"> Bawipa Jesuh La Anau Gui</div><div class="p"> 1Cun kawn ah Bawipa Jesuh cu Kalile kho ah pawng ne hteit ba ci. Jew chang gui naw ngawn vai ah ami ng&#8217;ge cu hmat netah, Judea kho ah k&#228; hteit ba hl&#252;k ci. 2Jew chang gui ah geit ah shawk nak ah pawi cu ng&#8217;et lawk ci; 3Cun ah kyasei Bawipa Jesuh ah anau gui naw, &#8220;Nang ah bilawh gui cu ning l&#228;k lawk ciah chang gui naw, ami hmuhmat tu vai ah shin ungka pawng ne, Judea kho ah hteit ba&#228;, 4Ming thang hl&#252;k ciah chang naw a u naw phi a bilawh cu k&#228;m yih man ci nei. Nang naw c&#228;i aih gui vai na bi ba ung, khomdek ah khan ung chang avan naw a hmat vai ah na bi vai nei&#8221; cine pyein ci gui. 5(A nau gui naw phi Bawipa Jesuh cu k&#228; yum ci gui.)</div><div class="p"> 6 Bawipa Jesuh naw, &#8220;Kei ah akhin k&#228; gawk law phak ci, nangmi ah a khin l&#228;i cu angt&#228;i sei gawk lawk ci. 7Khomdek chang naw nangmi k&#228; ning th&#252;i na gui ci, cun ung phi ngami ah shetkat nak cu, kei naw m&#8217;dang ne pyein ng&#228; sei, kei cu na th&#252;i nak ci gui. 8Cun ah pawi ung nangmi hteit v&#228;, kei cu ka khin k&#228; gawk law phak ciah kyasei k&#228; ka hteit khai&#8221; cine kyak na gui ci. 9Cun ci netah Bawipa Jesuh cu Kalile kho ah om l&#228; ci.</div><div class="s1">Geit Shawk Khophung Pawi ung Bawipa Jesuh Hteit ci</div><div class="p"> 10Cun ah pawi ung anau gui ami hteh kawn ah Bawipa Jesuh cu ad&#252;m ah hteit tuk ci. 11Jew chang vai gui naw cun ah pawi ung Bawipa Jesuh cu shui u netah &#8220;Cun ah chang a hawi ang&#8221; cine k&#8217;t&#228; ci gui.</div><div class="p"> 12Chang akda naw ani ah mawng cu ad&#252;m d&#252;m ah pyeinsak ci gui. Amshah naw, &#8220;shin ah chang cu changninei&#8221; cik ci. Amshah naw, &#8220;Chang ni ah k&#228; kyak ci, chang m&#8217;hleehlak ciah chang nei&#8221; cik ci gui. 13Cun ung phi Jew chang vai gui cu kyi u netah, a u naw phi ang dang ah k&#228; pyeinsak ci.</div><div class="p"> 14Pawi ami bi nak kho hn&#252;&#252;p cawih cawih law kh&#228;tah, Bawipa Jesuh cu Taig&#252;im ah hteit ne m&#8217;theithang gui ci. 15Jew chang ng&#8217;vai gui cu ang htei ah c&#228;icat u netah, &#8220;A hawi ah phi k&#228; ng&#8217;theithang man ci naw, a i hawk chaa ah shin gui a hmat ang&#8221; cik ci gui.</div><div class="p"> 16 Bawipa Jesuh naw, &#8220;Shin gui cu ka m&#228;t ah m&#8217;theithang ah k&#228; kyak ci, na t&#252;i lawk ciah Khanpughi ungka lawk ciah kyak ci. 17Khanpughi ah ang yak hl&#252; ah om hl&#252;k ciah chang phung naw, kei ah ng&#8217;thu pyein gui cu ang ngaih ung, Khanpughi ah ng&#8217;thu la kei ka m&#228;t ah ng&#8217;thu ah a kyak ah, ng&#8217;thumcha ne hmat khai nei. 18Am&#228;t ah ng&#8217;yak hl&#252; pyeinsak ci cu, am&#228;t ah mingthang nak vai ah kyak ci. Cun ung phi t&#252;i lawk ciah mingthang vai ng&#8217;ya hl&#252;k ci naw, d&#252;ng nak awn ng&#8217;thu pyein ci, ani ung hleeihlak nak k&#228; om ci. 19Moses naw thukh&#228;n ning pe gui ciah k&#228; kya ne ang? Nangmi tumat naw phi thukh&#228;n k&#228; nami l&#228;k ci. A i ah kyasei kei nami na ngawn khai ah nami pawng p&#252;i ang?&#8221; cine kyak na gui ci.</div><div class="p"> 20Cun ah chang gui naw, &#8220;Nang ung khoshe om ci nei, a u naw nang ning ngawn khai ah pawng p&#252;i sei ang?&#8221; cine kyak na tu ba ci gui.</div><div class="p"> 21 Bawipa Jesuh naw, &#8220;Kei naw c&#228;i aih vai tumat ka bi ung nami van nami c&#228;icat ci. 22Moses naw &#8216;Nami hta gui cu vun-aat ne nami kyon gui vai&#8217; ci sei, kyin hn&#252;&#252;p ung phi ak hmaw cu vun-aat ne nami kyon ci. (Cun cu Moses ah t&#252;n law ah k&#228; kyak ci, nami pupa gui ah bi man ah kyak ci), cun ah kyasei nangmi naw pami hta cu kyin hn&#252;&#252;p ung vun-ah nak nami bik ci. 23Akhmaw tumat kyin hn&#252;&#252;p ung vun-aat ne kyon ah hmawk ah Moses ah thukh&#228;n kaan ah k&#228; ah kyak ung; a i ah kyasei kyin hn&#252;&#252;p ung akgaw ka gai sak ah hmawk ah nami m&#8217;lungshe ang? 24Khan shai awn dang ci d&#252;t teng ne k&#228;m khoichaa u ne, d&#252;ng nak awn m&#8217;khoichaa nak nami bi vai nei&#8221; cine kyak na gui ci.</div><div class="s1">Ani Cu Messiah Ang?</div><div class="p"> 25Jerusalem ah chang amshah gui naw, &#8220;Shin ah chang cu ang vai gui naw ngawn vai ah shui ci gui ah k&#228; kyasei ang? 26Teng v&#228;, ani naw, chang khli naw a hmuhmat vai ah m&#8217;theithang ci nei. Cun ung phi a u naw phi k&#228; maa nak ci nei. Ani cu Messiah ah kyak ci, ciah ang vai gui naw phi akcang ah hmat u ne ang? 27Messiah cu a law ung a hawi ah kaa lawk ciah a u naw k&#228; hmat khai, cun ung phi shin ah chang ah a law nak cu a u naw phi mi hmat ci nei&#8221; cik ci.</div><div class="p"> 28Taig&#252; im ung m&#8217;theithang gui ne a om yah ung Bawipa Jesuh naw, &#8220;Nangmi naw kei cu nami na hmat ci, a hawi ah kaa ka law phi nami hmat ci. Cun ung phi kei cu ka m&#228;t ah ngaih ah ka lawk ciah k&#228; kyak ci, kei na t&#252;i lawk cicu d&#252;ng nak awn k&#252;mbe ci, ani cu nangmi naw k&#228; nami hmat ci. 29Cun ung phi kei cu ani naw na t&#252;i law sei, ani ungka ka lawk ciah kya ne, kei naw ani cu ka hmat ci,&#8221; cine m&#8217;lau ne pyein ci.</div><div class="p"> 30Chang gui naw Bawipa Jesuh cu phak khai gui ah tha na tu pang u ne phi, am&#228;t ah khin k&#228; gawk phak ci kyasei, a u naw phi k&#228; phak ci gui. 31Chang khli ungka akda naw Bawipa Jesuh cu, yum law u netah, &#8220;Messiah a kyum law ung, shin ah chang ah bilawh ah m&#228;, d&#228;m pi ciah c&#228;i aih gui vai cu m&#8217;dang lawk khai ang? cine ng&#8217;shik ci gui.</div><div class="s1"> Bawipa Jesuh Phak Khai ah Gakap Gui T&#252;i ci Gui</div><div class="p"> 32Cun ah chang gui naw, Bawipa Jesuh ah mawng ami pyein cu ng&#8217;ya u netah, pharise gui la taig&#252;pa gui naw, gakap gui cu t&#252;i ne Bawipa Jesuh cu phaa sak gui ci gui. 33Bawipa Jesuh naw cun ah chang gui-am,&#8221; Kei cu nangmi awn a t&#228;ng ah ash&#228;ng hta b&#228;ng om ba netah, na t&#252;i lawk ciah om nak ah ka hteit ba khai nei. 34Nangmi naw kei cu nami na shui ung phi k&#228; nami na hmuk khai, a i ah kyasei ci ung, kei ah gawk nak vai ah nangmi k&#228; nami law tu hlawt khai&#8221; cine kyak na gui ci.</div><div class="p"> 35Jew chang vai gui naw, &#8220;Mikmi naw shui ne k&#228; mi hmuh vai ah, a hawi lam ah hteit khai ang? Mi chang gui ah om nak Karik mang gaw gui ah hteit ne m&#8217;theithang gui khai ang? 36Ani naw nami na shui ung phi k&#228; nami na hmuk khai, ka gawk nak ah phi k&#228; nami law tu hlawt khai, cik ci; cun cu a i a pyein hl&#252; ang?&#8221; cine ami m&#228;t ng&#8217;thu ci gui.</div><div class="s1">Ghinnak ah Tuilawng</div><div class="p"> 37Ami pawi ah ang hning nak pi la ang pyi nak ah hn&#252;&#252;p ung, Bawipa Jesuh cu ng&#8217;d&#252;i law netah, &#8220;Tui gha ci naw kei ah law ne tui aw law s&#228;; 38Cacim ung om ciah m&#228;ih ah, kei na yum ciah chang ah m&#8217;lung kyong ung ghin nak tui cu, tui-ci lawng ah m&#228;ih ah khawng ne long khai nei&#8221; cine m&#8217;lau ne pyein ci.</div><div class="p"> 39Cun yah ung Bawipa Jesuh cu a hl&#252;ngtai nak k&#228; dang phak ciah kya sei, yum ciah chang gui-am Mumcha theing phi k&#228; ap gui hning phak ciah kyak ci. Cun ah kyasei yum ci gui ah gha law vai ah Mumcha Theing cu pyein ne ang ng&#8217;sh&#228;u ah kyak ci.</div><div class="s1">Chang Gui ah Ngaih Ng&#8217;pai Ci</div><div class="p"> 40Chang khli ungka chang akda naw Bawipa Jesuh ah ng&#8217;sh&#228;u cu ng&#8217;ya u netah, &#8220;Shin ah chang cu profet akcang ah kyak ci nei&#8221; cik ci gui.</div><div class="p"> 41Chang amshah naw, &#8220;Messiah cu Kalile kho ungka law hning khai ma? 42Messiah cu David Ghangpughang ah htang&#8217;shon, David Ghangpughang ah gawnu Bethlehem ung ng&#8217;t&#252;i lawk khai ciah, cacim ung om ciah k&#228; kyasei ang?&#8221; cik ci gui. 43Cun ah kyasei Bawipa Jesuh ah mawng pyein ne chang gui ami ngaih ng&#8217;pai yawp ci. 44Chang amshah naw ani cu pha hl&#252; u ne phi a u naw k&#228; phak ci.</div><div class="s1">Jew Chang Vai Gui Naw K&#228; Ami Yumnak</div><div class="p"> 45Gakap gui cu pharise gui la taig&#252;pa gui ah om nak ah law ba u kh&#228;tah, a i ah kyasei pha ne k&#228; nami law p&#252;i ang?&#8221; cine ng&#8217;shi gui ci gui.</div><div class="p"> 46Gakap gui naw, &#8220;A u chang naw phi shin ah chang ah m&#228;ih ah ng&#8217;thu k&#228; pyein man ci nei&#8221; cik ci gui.</div><div class="p"> 47Pharise gui naw, &#8220;Nangmi mah mah ah ning m&#8217;hleei law gui ne ma? 48Mi ng&#8217;vai gui la Pharise gui ung kaa, ani yum ciah chang om ne ang? 49Shin ah chang gui cu ng&#8217;thukh&#228;n k&#228; hmat ci gui ah kya ne, Khanpughi ah taam nak gah pyi ci gui nei&#8221; cik ci gui.</div><div class="p"> 50Cun ah pharise gui ung Nikodemus phi ng&#8217;khap tuk ci. Ani cu ayan Bawipa Jesuh ah law man ciah chang ah kyak ci. 51Nikodemus naw, &#8220;Mikmi ah thukh&#228;n awn pyein ah a kyak ung; a u chang phi akat nak dang khai ah k&#228;ng shi-en ah, a pyein nak tuba hning vai k&#228; peit-en ah, mi m&#8217;kat hning khai ma? cine pyein ci.</div><div class="p"> 52Cun ah chang gui naw, &#8220;Nangmi Kalile kho ah kaa ma? Cacim cu teng ba sh&#252;m &#228;, Kalile kho ung a u profet phi k&#228; om man ci, cun cu na hmat khai nei&#8221; cine kyak nak ci gui.</div>
 </div>
 </div>
</div>

Cho Bible Common Language © Bible Society of Myanmar, 2016.

BAWIPA
Cun kawn ah BAWIPA Jesuh cu Kalile kho ah pawng ne hteit ba ci. Jew chang gui naw ngawn vai ah ami ng’ge cu hmat netah, Judea kho ah kä hteit ba hlük ci. Jew chang gui ah geit ah shawk nak ah pawi cu ng’et lawk ci; Cun ah kyasei BAWIPA Jesuh ah anau gui naw, “Nang ah bilawh gui cu ning läk lawk ciah chang gui naw, ami hmuhmat tu vai ah shin ungka pawng ne, Judea kho ah hteit baä, Ming thang hlük ciah chang naw a u naw phi a bilawh cu käm yih man ci nei. Nang naw cäi aih gui vai na bi ba ung, khomdek ah khan ung chang avan naw a hmat vai ah na bi vai nei” cine pyein ci gui. (A nau gui naw phi BAWIPA Jesuh cu kä yum ci gui.)
BAWIPA Jesuh naw, “Kei ah akhin kä gawk law phak ci, nangmi ah a khin läi cu angtäi sei gawk lawk ci. Khomdek chang naw nangmi kä ning thüi na gui ci, cun ung phi ngami ah shetkat nak cu, kei naw m’dang ne pyein ngä sei, kei cu na thüi nak ci gui. Cun ah pawi ung nangmi hteit vä, kei cu ka khin kä gawk law phak ciah kyasei kä ka hteit khai” cine kyak na gui ci. Cun ci netah BAWIPA Jesuh cu Kalile kho ah om lä ci.
BAWIPA
Cun ah pawi ung anau gui ami hteh kawn ah BAWIPA Jesuh cu adüm ah hteit tuk ci. Jew chang vai gui naw cun ah pawi ung BAWIPA Jesuh cu shui u netah “Cun ah chang a hawi ang” cine k’tä ci gui.
Chang akda naw ani ah mawng cu adüm düm ah pyeinsak ci gui. Amshah naw, “shin ah chang cu changninei” cik ci. Amshah naw, “Chang ni ah kä kyak ci, chang m’hleehlak ciah chang nei” cik ci gui. Cun ung phi Jew chang vai gui cu kyi u netah, a u naw phi ang dang ah kä pyeinsak ci.
Pawi ami bi nak kho hnüüp cawih cawih law khätah, BAWIPA Jesuh cu Taigüim ah hteit ne m’theithang gui ci. Jew chang ng’vai gui cu ang htei ah cäicat u netah, “A hawi ah phi kä ng’theithang man ci naw, a i hawk chaa ah shin gui a hmat ang” cik ci gui.
BAWIPA Jesuh naw, “Shin gui cu ka mät ah m’theithang ah kä kyak ci, na tüi lawk ciah Khanpughi ungka lawk ciah kyak ci. Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei. Amät ah ng’yak hlü pyeinsak ci cu, amät ah mingthang nak vai ah kyak ci. Cun ung phi tüi lawk ciah mingthang vai ng’ya hlük ci naw, düng nak awn ng’thu pyein ci, ani ung hleeihlak nak kä om ci. Moses naw thukhän ning pe gui ciah kä kya ne ang? Nangmi tumat naw phi thukhän kä nami läk ci. A i ah kyasei kei nami na ngawn khai ah nami pawng püi ang?” cine kyak na gui ci.
Cun ah chang gui naw, “Nang ung khoshe om ci nei, a u naw nang ning ngawn khai ah pawng püi sei ang?” cine kyak na tu ba ci gui.
BAWIPA Jesuh naw, “Kei naw cäi aih vai tumat ka bi ung nami van nami cäicat ci. Moses naw ‘Nami hta gui cu vun-aat ne nami kyon gui vai’ ci sei, kyin hnüüp ung phi ak hmaw cu vun-aat ne nami kyon ci. (Cun cu Moses ah tün law ah kä kyak ci, nami pupa gui ah bi man ah kyak ci), cun ah kyasei nangmi naw pami hta cu kyin hnüüp ung vun-ah nak nami bik ci. Akhmaw tumat kyin hnüüp ung vun-aat ne kyon ah hmawk ah Moses ah thukhän kaan ah kä ah kyak ung; a i ah kyasei kyin hnüüp ung akgaw ka gai sak ah hmawk ah nami m’lungshe ang? Khan shai awn dang ci düt teng ne käm khoichaa u ne, düng nak awn m’khoichaa nak nami bi vai nei” cine kyak na gui ci.

Jerusalem ah chang amshah gui naw, “Shin ah chang cu ang vai gui naw ngawn vai ah shui ci gui ah kä kyasei ang? Teng vä, ani naw, chang khli naw a hmuhmat vai ah m’theithang ci nei. Cun ung phi a u naw phi kä maa nak ci nei. Ani cu Messiah ah kyak ci, ciah ang vai gui naw phi akcang ah hmat u ne ang? Messiah cu a law ung a hawi ah kaa lawk ciah a u naw kä hmat khai, cun ung phi shin ah chang ah a law nak cu a u naw phi mi hmat ci nei” cik ci.
Taigü im ung m’theithang gui ne a om yah ung BAWIPA Jesuh naw, “Nangmi naw kei cu nami na hmat ci, a hawi ah kaa ka law phi nami hmat ci. Cun ung phi kei cu ka mät ah ngaih ah ka lawk ciah kä kyak ci, kei na tüi lawk cicu düng nak awn kümbe ci, ani cu nangmi naw kä nami hmat ci. Cun ung phi kei cu ani naw na tüi law sei, ani ungka ka lawk ciah kya ne, kei naw ani cu ka hmat ci,” cine m’lau ne pyein ci.
Chang gui naw BAWIPA Jesuh cu phak khai gui ah tha na tu pang u ne phi, amät ah khin kä gawk phak ci kyasei, a u naw phi kä phak ci gui. Chang khli ungka akda naw BAWIPA Jesuh cu, yum law u netah, “Messiah a kyum law ung, shin ah chang ah bilawh ah mä, däm pi ciah cäi aih gui vai cu m’dang lawk khai ang? cine ng’shik ci gui.
BAWIPA
Cun ah chang gui naw, BAWIPA Jesuh ah mawng ami pyein cu ng’ya u netah, pharise gui la taigüpa gui naw, gakap gui cu tüi ne BAWIPA Jesuh cu phaa sak gui ci gui. BAWIPA Jesuh naw cun ah chang gui-am,” Kei cu nangmi awn a täng ah ashäng hta bäng om ba netah, na tüi lawk ciah om nak ah ka hteit ba khai nei. Nangmi naw kei cu nami na shui ung phi kä nami na hmuk khai, a i ah kyasei ci ung, kei ah gawk nak vai ah nangmi kä nami law tu hlawt khai” cine kyak na gui ci.
Jew chang vai gui naw, “Mikmi naw shui ne kä mi hmuh vai ah, a hawi lam ah hteit khai ang? Mi chang gui ah om nak Karik mang gaw gui ah hteit ne m’theithang gui khai ang? Ani naw nami na shui ung phi kä nami na hmuk khai, ka gawk nak ah phi kä nami law tu hlawt khai, cik ci; cun cu a i a pyein hlü ang?” cine ami mät ng’thu ci gui.

Ami pawi ah ang hning nak pi la ang pyi nak ah hnüüp ung, BAWIPA Jesuh cu ng’düi law netah, “Tui gha ci naw kei ah law ne tui aw law sä; Cacim ung om ciah mäih ah, kei na yum ciah chang ah m’lung kyong ung ghin nak tui cu, tui-ci lawng ah mäih ah khawng ne long khai nei” cine m’lau ne pyein ci.
Cun yah ung BAWIPA Jesuh cu a hlüngtai nak kä dang phak ciah kya sei, yum ciah chang gui-am Mumcha theing phi kä ap gui hning phak ciah kyak ci. Cun ah kyasei yum ci gui ah gha law vai ah Mumcha Theing cu pyein ne ang ng’shäu ah kyak ci.

Chang khli ungka chang akda naw BAWIPA Jesuh ah ng’shäu cu ng’ya u netah, “Shin ah chang cu profet akcang ah kyak ci nei” cik ci gui.
Chang amshah naw, “Messiah cu Kalile kho ungka law hning khai ma? Messiah cu David Ghangpughang ah htang’shon, David Ghangpughang ah gawnu Bethlehem ung ng’tüi lawk khai ciah, cacim ung om ciah kä kyasei ang?” cik ci gui. Cun ah kyasei BAWIPA Jesuh ah mawng pyein ne chang gui ami ngaih ng’pai yawp ci. Chang amshah naw ani cu pha hlü u ne phi a u naw kä phak ci.

Gakap gui cu pharise gui la taigüpa gui ah om nak ah law ba u khätah, a i ah kyasei pha ne kä nami law püi ang?” cine ng’shi gui ci gui.
Gakap gui naw, “A u chang naw phi shin ah chang ah mäih ah ng’thu kä pyein man ci nei” cik ci gui.
Pharise gui naw, “Nangmi mah mah ah ning m’hleei law gui ne ma? Mi ng’vai gui la Pharise gui ung kaa, ani yum ciah chang om ne ang? Shin ah chang gui cu ng’thukhän kä hmat ci gui ah kya ne, Khanpughi ah taam nak gah pyi ci gui nei” cik ci gui.
Cun ah pharise gui ung Nikodemus phi ng’khap tuk ci. Ani cu ayan BAWIPA Jesuh ah law man ciah chang ah kyak ci. Nikodemus naw, “Mikmi ah thukhän awn pyein ah a kyak ung; a u chang phi akat nak dang khai ah käng shi-en ah, a pyein nak tuba hning vai kä peit-en ah, mi m’kat hning khai ma? cine pyein ci.
Cun ah chang gui naw, “Nangmi Kalile kho ah kaa ma? Cacim cu teng ba shüm ä, Kalile kho ung a u profet phi kä om man ci, cun cu na hmat khai nei” cine kyak nak ci gui.

Слушайте JOHAN 7