Khasi Bible (BSI) ℗ The Bible Society of India, 2016 

Khasi Bible (BSI)

<div class="version vid2663 iso6393kha" data-vid="2663" data-iso6393="kha">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Kumta la pyndep noh &#239;a ki bneng bad &#239;a ka pyrthei, bad &#239;a ki kynhun bah baroh jong ki. 2#Eks. 20:11; Heb. 4:4,10.Te ha ka bahyn&#241;iew ka sngi, U Blei u la pyndep noh &#239;a la ka kam &#239;a kaba u la lah pynlong; bad ha ka bahyn&#241;iew ka sngi u la shong sngi na ka kam jong u baroh &#239;a kaba u la lah pynlong. 3Bad U Blei u la kyrkhu &#239;a kata ka bahyn&#241;iew ka sngi, bad u la kyntang khuid &#239;a ka: naba ha kane ka sngi u la shong sngi na ka kam jong u baroh &#239;a kaba U Blei u la lah pynlong bad thaw.</div><div class="p"> 4Kane ka long ka jing&#239;athuhkhana shaphang ki bneng bad ka pyrthei, mynba la pynlong &#239;a ki ha kata ka sngi ba U Trai#2:4 U Trai: Ha kiba bun ki bynta jong Ka Testament Barim yn shem &#239;a kane ka kyrteng ba la thoh ha ki dak khraw. Kane ka long ka jingkdew kyrpang &#239;a ka kyrteng jong U Blei (YHWH ne YAHWEH ne JEHOBAH) &#239;a kaba ki Jiw haba ki pule kim ju kynnoh &#239;a kata ka kyrteng namar ki &#241;iewkor shikatdei eh; hynrei, ki pyndonkam da ka kyntien Adonai. Kumta, yn shem ha kane Ka Baibl ba la buh &#239;a kane ka kyrteng ha ki dak khraw. Hynrei, ha kiwei pat ki bynta ha kaba ka don ka kyntien Adonai ym ka kyntien YHWH ne YAHWEH ne JEHOBAH la pyndonkam da ka kyntien Trai kumba ka long, bad ym ha ki dak khraw. Ha ki edition ba kham rim jong Ka Baibl la shem ba ka don ka jingryntih ha kaba pyndonkam &#239;a ka kyntien Trai ha ki dak khraw. Katba ha ki edition kiba hadien pat, kaba kum kane ka jing&#239;apher ka rukom pyndonkam, kam don shuh. Namar ba kane ka long kaba donkam, kumta, la buh biang hangne. uba U Blei u la thaw &#239;a ka pyrthei bad &#239;a ki bneng, 5bad &#239;a ki jingthung baroh jong ka lyngkha mynba kim pat la long ha ka khyndew, bad &#239;a u jhur baroh jong ka lyngkha mynba um pat la mih speh: naba U Trai uba U Blei um pat shym la pynhiar &#239;a u slap halor ka khyndew, bad haba u briew ruh um pat la don &#239;a ka ban rep &#239;a ka khyndew. 6Te u lyoh u la mih na ka khyndew, bad u la ai um halor ka khmat ka khyndew baroh. 7#1 Kor. 15:45-47.Bad U Trai uba U Blei u la thaw &#239;a u briew na ka 'dewmet ka khyndew, bad u la pyrsad ha ki thliew khmut jong u &#239;a ka jingpyrsad ka jingim; bad uta u briew u la long ka mynsiem ba-im.</div><div class="s">Ka kper Eden</div><div class="p"> 8U Trai uba U Blei ruh u la thung &#239;a ka kper ha ka Eden shaphang mihngi; bad u la buh hangta &#239;a uta u briew &#239;a uba u la lah thaw. 9#Jpw. 2:7; 22:2,14,19.Bad U Trai uba U Blei u la pynlong ba kin mih na kata ka khyndew ki dieng baroh kiba itynnad ban khmih, bad kiba bit eh &#239;a ka ban bam; bad hapdeng kata ka kper &#239;a u dieng ka jingim, bad &#239;a u dieng ka jingtip &#239;a ka babha bad &#239;a ka basniew.</div><div class="p"> 10Ka wah ruh ka la mih noh na Eden &#239;a ka ban ai um &#239;a kata ka kper; bad nangta ka la khlad, bad ka la long saw tnat. 11Ka kyrteng jong ka banyngkong ka long &#8220;Ka Pison&#8221;: kata kaba tuid sawdong &#239;a ka ri Habilah baroh kawei, ha kaba don ka ksiar; 12bad ka ksiar jong kata ka ri ka long ka babha: hangta ruh don u Bdellium bad u mawlynnai Oniks. 13Bad ka kyrteng ka wah ka ba-ar ka long &#8220;Ka Gihon&#8221;: kata kaba tuid sawdong &#239;a ka ri Kush baroh kawei. 14Bad ka kyrteng ka wah ka balai ka long &#8220;Ka Hidekel&#8221;: kata kaba tuid shaphang mihngi &#239;a ka ri Assyria. Bad ka wah ka basaw ka long &#8220;Ka &#207;uphratis&#8221;.</div><div class="p"> 15Bad U Trai uba U Blei u la shim &#239;a uta u briew, bad u la buh &#239;a u ha ka kper Eden &#239;a ka ban trei bad ban sumar &#239;a ka. 16Bad U Trai uba U Blei u la hukum &#239;a uta u briew, u da ong, &#8220;Na u dieng baroh ha ka kper, da kaba bam me lah ban bam ei: 17hynrei, na u dieng ka jingtip &#239;a ka babha bad &#239;a ka basniew men ym &#239;oh bam na u: naba ha kata ka sngi ba men bam na u, da kaba &#239;ap men &#239;ap shisha.&#8221;</div><div class="p"> 18Bad U Trai uba U Blei u la ong ruh, &#8220;Ym bit ba uta u briew un sah marwei; ngan thaw &#239;a u ka nongsumar lem kaba biang.&#8221; 19Bad U Trai uba U Blei u la pynlong na ka khyndew &#239;a ki mrad ka ryngkew baroh, bad &#239;a ki sim bneng baroh; bad u la wallam &#239;a ki ha u Adam ban khmih kumno un buh kyrteng &#239;a ki: bad kat kumba uta u briew u la buh kyrteng &#239;a kita ki kynja ba-im baroh, kumta hi ka la long ka kyrteng jong ki. 20Bad u Adam u la buh kyrteng ha ki kynja jingri baroh, bad ha ki sim bneng, bad ha ki mrad baroh jong ka khyndew; hynrei, &#239;a u Adam ym pat shym la shem &#239;a ka nongsumar lem. 21Te U Trai uba U Blei u la pynngat ha u Adam da ka jingsamthiah kaba jur, u ruh u la &#239;ohthiah: bad u la shim &#239;a kawei na ki shyieng krung jong u, bad u la set pat da ka doh ha ka jaka jong ka; 22te U Trai uba U Blei u la pynlong ka briew, na kata ka shyieng krung &#239;a kaba u la lah shim na uta u briew, bad u la wallam &#239;a ka ha uta u briew. 23Bad u Adam u la ong,</div><div class="b"></div><div class="q1">&#8220;Kane mynta shisha ka long</div><div class="q2">ka shyieng na ki shyieng</div><div class="q3">jong nga,</div><div class="q2">bad ka doh na ka doh</div><div class="q3">jong nga:</div><div class="q1">&#239;a kane kei&#241; yn khot</div><div class="q3">&#8216;Ka Briew,&#8217;</div><div class="q1">namar ba la shim &#239;a ka</div><div class="q3">na u Briew.&#8221;</div><div class="b"></div><div class="m"> 24 # 
 Mat. 19:5; Mrk. 10:7,8; 1 Kor. 6:16; Eph. 5:31. Namar kata kei&#241;, u briew un iehnoh &#239;a la u kpa bad &#239;a la ka kmie, bad un &#239;aineh bad la ka tnga: bad kin &#239;along ruh kawei ka doh. 25Te ki la long kiba lyngkhuit baroh ar ngut, uta u briew bad ka tnga jong u, bad kim shym la sngewlehrain.</div>
 </div>
 </div>
</div>

Kumta la pyndep noh ïa ki bneng bad ïa ka pyrthei, bad ïa ki kynhun bah baroh jong ki. Te ha ka bahynñiew ka sngi, U Blei u la pyndep noh ïa la ka kam ïa kaba u la lah pynlong; bad ha ka bahynñiew ka sngi u la shong sngi na ka kam jong u baroh ïa kaba u la lah pynlong. Bad U Blei u la kyrkhu ïa kata ka bahynñiew ka sngi, bad u la kyntang khuid ïa ka: naba ha kane ka sngi u la shong sngi na ka kam jong u baroh ïa kaba U Blei u la lah pynlong bad thaw.
Kane ka long ka jingïathuhkhana shaphang ki bneng bad ka pyrthei, mynba la pynlong ïa ki ha kata ka sngi ba U TRAI uba U Blei u la thaw ïa ka pyrthei bad ïa ki bneng, bad ïa ki jingthung baroh jong ka lyngkha mynba kim pat la long ha ka khyndew, bad ïa u jhur baroh jong ka lyngkha mynba um pat la mih speh: naba U TRAI uba U Blei um pat shym la pynhiar ïa u slap halor ka khyndew, bad haba u briew ruh um pat la don ïa ka ban rep ïa ka khyndew. Te u lyoh u la mih na ka khyndew, bad u la ai um halor ka khmat ka khyndew baroh. Bad U TRAI uba U Blei u la thaw ïa u briew na ka 'dewmet ka khyndew, bad u la pyrsad ha ki thliew khmut jong u ïa ka jingpyrsad ka jingim; bad uta u briew u la long ka mynsiem ba-im.

U TRAI uba U Blei ruh u la thung ïa ka kper ha ka Eden shaphang mihngi; bad u la buh hangta ïa uta u briew ïa uba u la lah thaw. Bad U TRAI uba U Blei u la pynlong ba kin mih na kata ka khyndew ki dieng baroh kiba itynnad ban khmih, bad kiba bit eh ïa ka ban bam; bad hapdeng kata ka kper ïa u dieng ka jingim, bad ïa u dieng ka jingtip ïa ka babha bad ïa ka basniew.
Ka wah ruh ka la mih noh na Eden ïa ka ban ai um ïa kata ka kper; bad nangta ka la khlad, bad ka la long saw tnat. Ka kyrteng jong ka banyngkong ka long “Ka Pison”: kata kaba tuid sawdong ïa ka ri Habilah baroh kawei, ha kaba don ka ksiar; bad ka ksiar jong kata ka ri ka long ka babha: hangta ruh don u Bdellium bad u mawlynnai Oniks. Bad ka kyrteng ka wah ka ba-ar ka long “Ka Gihon”: kata kaba tuid sawdong ïa ka ri Kush baroh kawei. Bad ka kyrteng ka wah ka balai ka long “Ka Hidekel”: kata kaba tuid shaphang mihngi ïa ka ri Assyria. Bad ka wah ka basaw ka long “Ka Ïuphratis”.
Bad U TRAI uba U Blei u la shim ïa uta u briew, bad u la buh ïa u ha ka kper Eden ïa ka ban trei bad ban sumar ïa ka. Bad U TRAI uba U Blei u la hukum ïa uta u briew, u da ong, “Na u dieng baroh ha ka kper, da kaba bam me lah ban bam ei: hynrei, na u dieng ka jingtip ïa ka babha bad ïa ka basniew men ym ïoh bam na u: naba ha kata ka sngi ba men bam na u, da kaba ïap men ïap shisha.”
Bad U TRAI uba U Blei u la ong ruh, “Ym bit ba uta u briew un sah marwei; ngan thaw ïa u ka nongsumar lem kaba biang.” Bad U TRAI uba U Blei u la pynlong na ka khyndew ïa ki mrad ka ryngkew baroh, bad ïa ki sim bneng baroh; bad u la wallam ïa ki ha u Adam ban khmih kumno un buh kyrteng ïa ki: bad kat kumba uta u briew u la buh kyrteng ïa kita ki kynja ba-im baroh, kumta hi ka la long ka kyrteng jong ki. Bad u Adam u la buh kyrteng ha ki kynja jingri baroh, bad ha ki sim bneng, bad ha ki mrad baroh jong ka khyndew; hynrei, ïa u Adam ym pat shym la shem ïa ka nongsumar lem. Te U TRAI uba U Blei u la pynngat ha u Adam da ka jingsamthiah kaba jur, u ruh u la ïohthiah: bad u la shim ïa kawei na ki shyieng krung jong u, bad u la set pat da ka doh ha ka jaka jong ka; te U TRAI uba U Blei u la pynlong ka briew, na kata ka shyieng krung ïa kaba u la lah shim na uta u briew, bad u la wallam ïa ka ha uta u briew. Bad u Adam u la ong,

“Kane mynta shisha ka long
ka shyieng na ki shyieng
jong nga,
bad ka doh na ka doh
jong nga:
ïa kane keiñ yn khot
‘Ka Briew,’
namar ba la shim ïa ka
na u Briew.”

Namar kata keiñ, u briew un iehnoh ïa la u kpa bad ïa la ka kmie, bad un ïaineh bad la ka tnga: bad kin ïalong ruh kawei ka doh. Te ki la long kiba lyngkhuit baroh ar ngut, uta u briew bad ka tnga jong u, bad kim shym la sngewlehrain.

Слушайте JENESIS 2