Cheke Holo - Solomon Islands; 2022 WBT Non-Drama (NT)

© 2022 Wycliffe Bible Translators, Inc. All rights reserved. Revised New Testament and Bible published by Wycliffe Bible Translators, Inc. New Testament published by Bible Society of the South Pacific, Suva Fiji, 1993 ℗ 2024 Hosanna; 

Buka Blahi Ka Cheke Holo

<div class="version vid3230 iso6393mrn" data-vid="3230" data-iso6393="mrn">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Mae Jisas Kraes neke mei kau nauthoglu igne</div><div class="p"> 1Tifa na, mae te kiloi &#8220;Chekegna God&#8221; gne neke kulu auhi. Mana neke kulu auhi balugna God, nei mana kaisei ngala balugna God. 2Funu tifa ka vuvuhagna na mae &#8220;Chekegna God&#8221; gne neke auhi balugna God. 3Eghuteuna God neke vahini mana mala edi gobigna lepore. Eghume gobigna lepo gre mana ngala teke edire. 4Thofno karha na neke funu mei ka mana. Eghuteuna, karha tuana jateu langau u naphae eghu mala faphaedi naiknore. 5Naphae igne neke faphaedi namono te romno re, eghuteuna gromno na theome tangomana te toku tafruni naphae na.</div><div class="p"> 6Ulu lahu na God neke kuru meini kaisei mae te kiloi Jone Apublahi. 7Mana neke mei neke toutonu ka naiknore eigna naphae tuana, mala tangomana naikno te kafe nomhini mana re fatutuani ni naphae na. 8Mae Jone gne theome naphae tuana, nu mana neke mei mala toutonuni eigna naphae tuana kolho.</div><div class="p"> 9Thofno naphae igne ne mei kau nauthoglu gne mala kafe faphaedi naikno te gnafare. 10Mana la auhi ka nauthoglu igne, nu neuba God neke vahini mana neke vuavuha nauthoglu igne, naiknogna nauthoglu igne theome laseni ngala mana. 11Mana mei au ka nogna namono thegna na. Nu nogna naikno thegna mana re theome keli tadi ngala ka mana. 12Nu keha naiknore ne keli tadi nei fatutuani ni eghu mana. Aonu mana ne tusu ranghidi nolaghi te mala goro thugna God. 13Naugna mare theome karha mei jateula sua te karha mei ka dadaradi idogna ghe kmagna ra eghu, nu thegna God ngala kmadi na.</div><div class="p"> 14Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.</div><div class="p"> 15Mae Jone neke cheke eghu eigna mana, &#8220;Igne mae teke chekenihi iara ka ghotilo ia, &#8216;Mae te mei ke leghugu iara na, mana mae ke bi&#42892;ogu iarai, naugna mana neke kulu auhi neke karha nga iara.&#8217;&#8198;&#8221; 16Tutuani fara, mae igne thofno mae keli fara, naugna mana ne edi fabrahu glepo te kelire ranghi ghita tahati hui. 17God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes. 18Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.</div><div class="s1">Nogna nonomho mae Jone Apublahi eigna mae Jisas</div><div class="r">(Mat 3:1-12; Mak 1:1-8; Luk 3:1-18)</div><div class="p"> 19Kaisei fata na, hatimare mae bi&#42892;odi mae Jiu te au ka namono Jerusalem igre ne kurudi keha mae pris baludi keha mae te loku ka Sugablahi na mala mei ghusna eghu ka mae Jone, &#8220;Ghema, iagho mae hei?&#8221; 20Mae Jone ne theome ghatho peapea te cheke tughugna na ne cheke fadoglo eghu ka mare, &#8220;Iara theome mae Kraes.&#8221;</div><div class="p"> 21Mare neke ghusna eghu ka mana, &#8220;Eghume mae ihei eghu sagho? Ba, iagho mae Elija?&#8221;</div><div class="p">Mana ne cheke eghu ka mare, &#8220;Theo, iara theome mae Elija.&#8221;</div><div class="p">Hatimare neke ghusna fapuloi ka mana, &#8220;Ba, iagho mae profet te ofoni teu ghehati gne?&#8221;</div><div class="p">Mae Jone ne cheke eghu ka mare, &#8220;Theo, iara theome mae profet tuana.&#8221;</div><div class="p"> 22Eghuteuna, hatimare ne cheke eghu ka mana, &#8220;Teuna, mae ihei eghu sagho ia? Famane cheke fakeli sagho eimu themu na mala ke pulo toutonu ghehati ranghidi mae teke kuru mei ghami ghehati ra. Ba, unha eghu iagho cheke eimu themu na?&#8221;</div><div class="p"> 23Mae Jone ne cheke eghu ka mare, &#8220;Iara gne ngala mae teke cheke eghu mae profet Isaia tifa ia,</div><div class="q">&#8216;Kaisei mae na eha fabi&#42892;o ke lamnagna namono nagou na na cheke eghu:</div><div class="q">Noda mae funei na la meihi, tarabana nabrou mala meigna mana!&#8217; &#8221;</div><div class="p"> 24Aonu, mae teke kuru meidi mae Farasi gre, 25mare ne ghusna eghu ka mae Jone, &#8220;Jame iagho te theome mae Kraes nei theome mae Elija nei theome mae profet teuna. Naugna unha iagho te fa&#42892;apublahi naikno gnea?&#8221;</div><div class="p"> 26Mae Jone ne cheke eghu ka mare, &#8220;Iara mae mala fa&#42892;apublahi naikno ka kho&#42892;u kolho. Nu kaisei mae bi&#42892;o te au teu balumi ghotilo na, ghotilo theome laseni mana. 27Mana na mei ke leghugu iara, nu iara theome nabagu te rurutha nogna sadol mana re naugna mana mae ke bi&#42892;ogu iarai.&#8221;</div><div class="p"> 28Cheke igre neke edi ka namono Betani ke maghati Kho'u Jordan. Igne ka vido aheva teke fa&#42892;apublahi naikno mae Jone ia.</div><div class="s1">Mae Jone toutonu eigna mae Jisas</div><div class="p"> 29Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, &#8220;Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne. 30Mae igne ngala mae teke chekeni iara ia. Iara neke cheke eghu, &#8216;Kaisei mae ginauna mei ke leghugu iara, nu mana mae ke bi&#42892;ogu iarai, naugna mana neke kulu auhi neke karha mei nga iara.&#8217; 31Ulu lahu na iara neke theome ra&#42892;e laseni mana, nu iara fa&#42892;apublahidi naiknore ka kho&#42892;u, mala laseni mana naiknodi Israel re ginauna.&#8221;</div><div class="p"> 32Aonu mae Jone ne cheke eghu ka naiknore, &#8220;Iara filoni Tharunga te Blahi na ne soru mei jateula kaisei balhu neu ka maloa na ne thoti ka mana. 33Iara theome ra&#42892;e laseni ngala mae Kraes teuni na. Nu God mae teke kuru mei ghau iara na mala fa&#42892;apublahi naikno ka kho&#42892;u teku na, neke cheke eghu ka iara, &#8216;Iagho ginauna filoni Tharunga te Blahi na, mana na soru mei thoti ka kaisei mae. Mae tuana ngala mae nate fa&#42892;apublahi naikno kau Tharunga te Blahi na.&#8217; 34Tutuani fara, iara la filonihi. Eghume unha te chekeni iara ka naiknore mae igne ngala thofno mae Thugna God na.&#8221;</div><div class="s1">Mae fanomho teke kulu kilodi mae Jisas re</div><div class="p"> 35Ka keha narane na mae Jone kegra neu baludi phei mae nogna fanomhore. 36Mana filoni mae Jisas nolo te tei sala'u na ne cheke eghu ka phiamare, &#8220;Filoni mae tela ari ana! Mana ngala nogna sipu te mala fafara God na.&#8221;</div><div class="p"> 37Aonu kate nomhini phei mae fanomhore cheke mana igne, phiamare kegra haghe ne tei ke leghugna mae Jisas. 38Mae Jisas figri ne filodi phiamare te mei ke leghugna re. Mana ne cheke eghu ka phiamare, &#8220;Magnahaghei unha si ghopa ia?&#8221;</div><div class="p">Phiamare ne cheke eghu ka mana, &#8220;Rabae, au aheva si iagho ia?&#8221; Cheke &#8220;Rabae&#8221; teu igne gaoghathogna na &#8220;Mae velepuhi&#8221; eghu.</div><div class="p"> 39Mae Jisas ne cheke eghu ka phiamare, &#8220;Mei si ghopa balugu iara mala ari filoni themi.&#8221;</div><div class="p">Vido tuana jame tanhi fati fei grafi. Phiamare tei balugna mae Jisas ne filoni aheva te au teu mana na. Phiamare au balugna mana narane tuana ne ghilei bongi.</div><div class="p"> 40Kaisei mae ka phia mae nogna fanomho mae Jone igre nomhini unha teke chekeni mae Jone na teke leghuni mae Jisas igne mae Aduru, tahigna mae Simon Pita. 41Glepo ulu lahu teke eni mae Aduru na, mana tei ne hironi mae Simon ne cheke eghu ka mana, &#8220;Ghepa la filonihi mae Mesia teke ofoni tahati ia!&#8221; Mae Mesia teu igne gaoghathogna na &#8220;Mae Kraes.&#8221; 42Mae Aduru hatani mae Pita ne tei ka mae Jisas.</div><div class="p">Mae Jisas ne filo ka mae Pita ne cheke eghu ka mana, &#8220;Gognarona nanghamu iagho na mae Simon, thugna mae Jone, eghuteuna ginauna mare na kilo nigho iagho mae Sifas.&#8221; Nangha igne gaoghathogna na &#8220;mae Pita&#8221; ba &#8220;thina.&#8221;</div><div class="s1">Mae Jisas ne kilodi Filip ghe Natanel</div><div class="p"> 43Ka keha narane na, mae Jisas neke magnahaghe tei ka Provins Galili. Kate posa ka namono na, mana thafoni mae Filip ne cheke eghu ka mana, &#8220;Ghema Filip, mei leghu ghau iara.&#8221;</div><div class="p"> 44Mae Filip gne mae gna Betsaeda, kaisei namono baludi mae Aduru ghe mae Pita. 45Ke leghugna igne, mae Filip tei ne thafoni mae Natanel ne cheke eghu ka mana, &#8220;Ghehati la thafonihi mae ihei mae Moses teke rioriso eigna mana ka buka vetula ia, nei hatimare mae profet neke rioriso eigna la mana. Nanghagna na mae Jisas, thugna mae Josep, mae gna ka namono Nasaret.&#8221;</div><div class="p"> 46Nu mae Natanel ne cheke eghu ka mae Filip, &#8220;Nasaret! Theome tangomana kaisei glepo te keli te jifla mei Nasaret na!&#8221;</div><div class="p">Mae Filip ne cheke eghu ka mana, &#8220;Mei sagho, mala filoni themu!&#8221;</div><div class="p"> 47Mae Jisas filoni mae Natanel te mei ke ulugna mana na, ne cheke eghu eigna mana, &#8220;Filoni si ghotilo. Mae igne ngala thofno mae gna Israel na, naugna mana theome tangomana te chaghi na.&#8221;</div><div class="p"> 48Mae Natanel nomhini cheke mae Jisas igne ne jaglo nogna fara ne cheke eghu ka mana, &#8220;Fa&#42892;unha neke lase ghau iara sagho ia?&#8221;</div><div class="p">Mae Jisas ne cheke eghu ka mana, &#8220;Iara neke kulu filo nigho iagho ka teke gnokro teku iagho ke parigna gaju fig ia. Ka vido tuana mae Filip neke theome kilo mei nigho iagho nekeu ka iara.&#8221;</div><div class="p"> 49Mae Natanel ne cheke eghu ka mana, &#8220;Mae velepuhi, iagho thofno Thugna God! Iagho nodi King hatimare mae Israel!&#8221;</div><div class="p"> 50Mae Jisas ne cheke eghu ka mae Natanel, &#8220;Iagho fatutuani ghau iara naugna te cheke nigho iara neke filo nigho ke parigna gaju fig na teu ia. Nu iagho ginauna filoni glepo ke bi&#42892;ogna ignei!&#8221; 51Mae Jisas ne cheke eghu ka mare, &#8220;Tutuani fara, te chekeni iara ka ghotilo na, ghotilo ginauna filoi maloa na thora. Eghuteuna ghotilo ginauna filodi nogna engel God re na haghe nei soru eghu ke klignagu iara, mae teke mei funu ka God na.&#8221;</div>
 </div>
 </div>
</div>

Tifa na, mae te kiloi “Chekegna God” gne neke kulu auhi. Mana neke kulu auhi balugna God, nei mana kaisei ngala balugna God. Funu tifa ka vuvuhagna na mae “Chekegna God” gne neke auhi balugna God. Eghuteuna God neke vahini mana mala edi gobigna lepore. Eghume gobigna lepo gre mana ngala teke edire. Thofno karha na neke funu mei ka mana. Eghuteuna, karha tuana jateu langau u naphae eghu mala faphaedi naiknore. Naphae igne neke faphaedi namono te romno re, eghuteuna gromno na theome tangomana te toku tafruni naphae na.
Ulu lahu na God neke kuru meini kaisei mae te kiloi Jone Apublahi. Mana neke mei neke toutonu ka naiknore eigna naphae tuana, mala tangomana naikno te kafe nomhini mana re fatutuani ni naphae na. Mae Jone gne theome naphae tuana, nu mana neke mei mala toutonuni eigna naphae tuana kolho.
Thofno naphae igne ne mei kau nauthoglu gne mala kafe faphaedi naikno te gnafare. Mana la auhi ka nauthoglu igne, nu neuba God neke vahini mana neke vuavuha nauthoglu igne, naiknogna nauthoglu igne theome laseni ngala mana. Mana mei au ka nogna namono thegna na. Nu nogna naikno thegna mana re theome keli tadi ngala ka mana. Nu keha naiknore ne keli tadi nei fatutuani ni eghu mana. Aonu mana ne tusu ranghidi nolaghi te mala goro thugna God. Naugna mare theome karha mei jateula sua te karha mei ka dadaradi idogna ghe kmagna ra eghu, nu thegna God ngala kmadi na.
Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.
Mae Jone neke cheke eghu eigna mana, “Igne mae teke chekenihi iara ka ghotilo ia, ‘Mae te mei ke leghugu iara na, mana mae ke biꞌogu iarai, naugna mana neke kulu auhi neke karha nga iara.’ ” Tutuani fara, mae igne thofno mae keli fara, naugna mana ne edi fabrahu glepo te kelire ranghi ghita tahati hui. God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes. Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.


Kaisei fata na, hatimare mae biꞌodi mae Jiu te au ka namono Jerusalem igre ne kurudi keha mae pris baludi keha mae te loku ka Sugablahi na mala mei ghusna eghu ka mae Jone, “Ghema, iagho mae hei?” Mae Jone ne theome ghatho peapea te cheke tughugna na ne cheke fadoglo eghu ka mare, “Iara theome mae Kraes.”
Mare neke ghusna eghu ka mana, “Eghume mae ihei eghu sagho? Ba, iagho mae Elija?”
Mana ne cheke eghu ka mare, “Theo, iara theome mae Elija.”
Hatimare neke ghusna fapuloi ka mana, “Ba, iagho mae profet te ofoni teu ghehati gne?”
Mae Jone ne cheke eghu ka mare, “Theo, iara theome mae profet tuana.”
Eghuteuna, hatimare ne cheke eghu ka mana, “Teuna, mae ihei eghu sagho ia? Famane cheke fakeli sagho eimu themu na mala ke pulo toutonu ghehati ranghidi mae teke kuru mei ghami ghehati ra. Ba, unha eghu iagho cheke eimu themu na?”
Mae Jone ne cheke eghu ka mare, “Iara gne ngala mae teke cheke eghu mae profet Isaia tifa ia,
‘Kaisei mae na eha fabiꞌo ke lamnagna namono nagou na na cheke eghu:
Noda mae funei na la meihi, tarabana nabrou mala meigna mana!’ ”
Aonu, mae teke kuru meidi mae Farasi gre, mare ne ghusna eghu ka mae Jone, “Jame iagho te theome mae Kraes nei theome mae Elija nei theome mae profet teuna. Naugna unha iagho te faꞌapublahi naikno gnea?”
Mae Jone ne cheke eghu ka mare, “Iara mae mala faꞌapublahi naikno ka khoꞌu kolho. Nu kaisei mae biꞌo te au teu balumi ghotilo na, ghotilo theome laseni mana. Mana na mei ke leghugu iara, nu iara theome nabagu te rurutha nogna sadol mana re naugna mana mae ke biꞌogu iarai.”
Cheke igre neke edi ka namono Betani ke maghati Kho'u Jordan. Igne ka vido aheva teke faꞌapublahi naikno mae Jone ia.

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne. Mae igne ngala mae teke chekeni iara ia. Iara neke cheke eghu, ‘Kaisei mae ginauna mei ke leghugu iara, nu mana mae ke biꞌogu iarai, naugna mana neke kulu auhi neke karha mei nga iara.’ Ulu lahu na iara neke theome raꞌe laseni mana, nu iara faꞌapublahidi naiknore ka khoꞌu, mala laseni mana naiknodi Israel re ginauna.”
Aonu mae Jone ne cheke eghu ka naiknore, “Iara filoni Tharunga te Blahi na ne soru mei jateula kaisei balhu neu ka maloa na ne thoti ka mana. Iara theome raꞌe laseni ngala mae Kraes teuni na. Nu God mae teke kuru mei ghau iara na mala faꞌapublahi naikno ka khoꞌu teku na, neke cheke eghu ka iara, ‘Iagho ginauna filoni Tharunga te Blahi na, mana na soru mei thoti ka kaisei mae. Mae tuana ngala mae nate faꞌapublahi naikno kau Tharunga te Blahi na.’ Tutuani fara, iara la filonihi. Eghume unha te chekeni iara ka naiknore mae igne ngala thofno mae Thugna God na.”

Ka keha narane na mae Jone kegra neu baludi phei mae nogna fanomhore. Mana filoni mae Jisas nolo te tei sala'u na ne cheke eghu ka phiamare, “Filoni mae tela ari ana! Mana ngala nogna sipu te mala fafara God na.”
Aonu kate nomhini phei mae fanomhore cheke mana igne, phiamare kegra haghe ne tei ke leghugna mae Jisas. Mae Jisas figri ne filodi phiamare te mei ke leghugna re. Mana ne cheke eghu ka phiamare, “Magnahaghei unha si ghopa ia?”
Phiamare ne cheke eghu ka mana, “Rabae, au aheva si iagho ia?” Cheke “Rabae” teu igne gaoghathogna na “Mae velepuhi” eghu.
Mae Jisas ne cheke eghu ka phiamare, “Mei si ghopa balugu iara mala ari filoni themi.”
Vido tuana jame tanhi fati fei grafi. Phiamare tei balugna mae Jisas ne filoni aheva te au teu mana na. Phiamare au balugna mana narane tuana ne ghilei bongi.
Kaisei mae ka phia mae nogna fanomho mae Jone igre nomhini unha teke chekeni mae Jone na teke leghuni mae Jisas igne mae Aduru, tahigna mae Simon Pita. Glepo ulu lahu teke eni mae Aduru na, mana tei ne hironi mae Simon ne cheke eghu ka mana, “Ghepa la filonihi mae Mesia teke ofoni tahati ia!” Mae Mesia teu igne gaoghathogna na “Mae Kraes.” Mae Aduru hatani mae Pita ne tei ka mae Jisas.
Mae Jisas ne filo ka mae Pita ne cheke eghu ka mana, “Gognarona nanghamu iagho na mae Simon, thugna mae Jone, eghuteuna ginauna mare na kilo nigho iagho mae Sifas.” Nangha igne gaoghathogna na “mae Pita” ba “thina.”

Ka keha narane na, mae Jisas neke magnahaghe tei ka Provins Galili. Kate posa ka namono na, mana thafoni mae Filip ne cheke eghu ka mana, “Ghema Filip, mei leghu ghau iara.”
Mae Filip gne mae gna Betsaeda, kaisei namono baludi mae Aduru ghe mae Pita. Ke leghugna igne, mae Filip tei ne thafoni mae Natanel ne cheke eghu ka mana, “Ghehati la thafonihi mae ihei mae Moses teke rioriso eigna mana ka buka vetula ia, nei hatimare mae profet neke rioriso eigna la mana. Nanghagna na mae Jisas, thugna mae Josep, mae gna ka namono Nasaret.”
Nu mae Natanel ne cheke eghu ka mae Filip, “Nasaret! Theome tangomana kaisei glepo te keli te jifla mei Nasaret na!”
Mae Filip ne cheke eghu ka mana, “Mei sagho, mala filoni themu!”
Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”
Mae Natanel nomhini cheke mae Jisas igne ne jaglo nogna fara ne cheke eghu ka mana, “Faꞌunha neke lase ghau iara sagho ia?”
Mae Jisas ne cheke eghu ka mana, “Iara neke kulu filo nigho iagho ka teke gnokro teku iagho ke parigna gaju fig ia. Ka vido tuana mae Filip neke theome kilo mei nigho iagho nekeu ka iara.”
Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”
Mae Jisas ne cheke eghu ka mae Natanel, “Iagho fatutuani ghau iara naugna te cheke nigho iara neke filo nigho ke parigna gaju fig na teu ia. Nu iagho ginauna filoni glepo ke biꞌogna ignei!” Mae Jisas ne cheke eghu ka mare, “Tutuani fara, te chekeni iara ka ghotilo na, ghotilo ginauna filoi maloa na thora. Eghuteuna ghotilo ginauna filodi nogna engel God re na haghe nei soru eghu ke klignagu iara, mae teke mei funu ka God na.”

Слушайте Jone 1