If you have would like a copy of this version please contact info@davarpartners.org

Text: Varhadi-Nagpuri New Testament, CC-BY-SA-4.0, The Love Fellowship. Audio: Varhadi-Nagpuri New Testament Audio Bible, CC-BY-SA-4.0, Davar Partners International, The Love Fellowship, 2022

Varhadi-Nagpuri New Testament

Varhadi (वऱ्हाडी) Bible by The Love Fellowship is licensed under Creative Commons Attribution-ShareAlike 4.0 License.

“दोष नका लावू, म्हणजे तुमच्यावर पण दोष लावला जाणार नाई. कावून कि ज्याप्रकारे तुमी दुसऱ्यावर दोष लावता, त्याचं प्रकारे तुमच्यावर पण दोष लावला जाईन. अन् ज्याप्रकारे तुमी दुसऱ्याचा न्याय करसान तसाच तुमचा पण न्याय केला जाईन.”
“तू कावून आपल्या भावाच्या लहान-लहान चुका पायतो, आपल्या सोताच्या मोठ्या-मोठ्या चुका तुले दिसत नाई काय? जवा तुह्याल्या जीवनात एवढ्या मोठ्या चुका हाय, तवा तू आपल्या भावाच्या जीवनात एवढे मोठे दोष कायले लावते, अन् म्हणते कि ये मी तुह्याल्या चुका दूर करून तुह्याली मदत करतो. हे कपटी पयले आपल्या जीवनातले चुका दूर कर, तवा तू आपल्या भावाच्या जीवनातल्या चुका मोठ्या हक्कान दूर करशीन.”
“देवाचा संदेश त्या लोकायले सांगू नका जे त्याले आयकतं नाई, अन् जर तुमी असं करता तर असं होईन जसे कोणी पवित्र वस्तुले कुत्र्याच्या समोर फेकून देते किंवा जसं डुकराच्या समोर मोती फेकणे, जे फक्त त्याले ठेचून काढतीन अन् मंग तुमच्यावर हल्ला करतीन.”


“तुमाले जे पायजे ते देवाले मांगा अन् तो तुमाले देईन. शोधान तर तुमाले सापडेल, ठोकसान तर तुमच्यासाठी उघडल्या जाईन. कावून कि जो कोणी मांगते त्याले मिळेल, अन् जो कोणी शोधते त्याले सापडते, अन् जो कोणी ठोकतो त्याच्यासाठी उघडले जाईन.”
“तुमच्याईत असा कोणता माणूस हाय, जर त्याच्यावाला पोरगा, त्याले भाकर मांगीण तर तो त्याले दगड देईन? अशाचं प्रकाराने जर त्याचा पोरगा मासोई मांगणार तर तो त्याऐवजी सर्प देईन? जर तुमी बेकार असूनहि तुमी तुमच्या लेकरायले चांगली वस्तु देता, तवा तुमच्या स्वर्गातला देवबाप आपल्या मांगणाऱ्यायले चांगली वस्तु नक्की देईन.
प्रत्येक वेळी दुसऱ्या कडून जसं तुमी आपल्यासाठी चांगल्या व्यवहाराची अपेक्षा ठेवता तसचं तुमी पण त्यायच्या सोबत तसाच व्यवहार करत जा, कावून कि मोशेचे नियमशास्त्र अन् भविष्यवक्त्यायची शिकवणूक हेच हाय.”


“तुमी फक्त कठीण व अरुंद दरवाज्यान प्रवेश करूनच देवाच्या राज्यात जाऊ शकता, कावून कि नरकात जाणारा दरवाजा मोठा हाय, अन् तिकडे जाणारा रस्ता सरळ हाय, अन् त्यातून जाणारे लोकं लय हायत. कावून कि कठीण व रुंद हाय, तो दरवाजा जो कधी न संपनाऱ्या जीवनाकडे पोहचते, थोडेचं लोकं हायत जे त्याले प्राप्त करतात.”


“खोट्या भविष्यवक्त्यायपासून सावध राहा, जे लांडग्या सारखे हायत, ज्यायनं सोताले मेंढरायच्या कातडीनं लपवलं हाय, लोकायले हे विश्वास द्याले कि ते मेंढरं हायत, पण ते आखरी कुर लांडगे असतात जे लोकायवर हल्ला करते. कावून ज्याप्रकारे ते जीवन जगतात त्याच्याच्यान त्यायले तुमी ओयखसान, काय लोकं झुडपा पासून अंगुर या काटेरी झाडापासून अंजीर तोडतात? अशाचं प्रकारे हरएक चांगलं झाड, चांगलं फळ आणते, अन् बेकार झाड बेकार फळ आणते.
चांगलं झाड बेकार फळ देऊ शकत नाई, अन् बेकार झाड चांगलं फळ देऊ शकत नाई. जे-जे झाड चांगलं फळ देत नाई ते कापलं जाईन अन् आगीत फेकल जाईन; खोट्या भविष्यवक्त्यायले पण अशाचं प्रकारे दंड देल्या जाईन. अशाप्रकारे तुमी त्यायच्या कामामुळे त्यायले ओयखसान जो मले हे प्रभू हे प्रभू म्हणतो, त्याच्यातून प्रत्येक जन देवाच्या राज्यात प्रवेश करणार नाई, पण तोच जो स्वर्गीय देवबापाच्या इच्छावर चलते तोच स्वर्गाच्या राज्यात प्रवेश करीन.
न्यायाच्या दिवशी बरेचं लोकं मले म्हणतीन, हे प्रभू, हे प्रभू, आमी तर तुह्याल्या नावाने भविष्यवाणी केली, अन् तुह्याल्या नावाने भुत आत्मा काढले, अन् तुह्यावाल्या नावाने लय चमत्काराचे काम केले हायत. तवा मी त्यायले उघडपणे म्हणीन, मी तुमाले ओयखत नाई, अन् हे अधर्मी काम करणाऱ्यानो माह्याल्या पासून निघून जा.”


“म्हणून जो कोणी माह्याली गोष्ट आयकून मानते, तो त्या बुद्धीमान माणसा सारखा हाय, ज्यानं आपल्या घराचा पाया गोट्याच्या टेकडीवर बांधला हाय. अन् पाऊस पडला, अन् पुर आला वारेही सुटले अन् त्या घराले लागले, तरी ते घर पडले नाई कावून कि त्याच्या पाया गोट्यावर होता.
पण जो कोणी माह्याली गोष्ट आयकते पण त्यावर नाई चालत, तो त्या निर्बुद्धी माणसा सारखा हाय, ज्यानं आपलं घर रेतीवर बांधलं हाय, अन् पाऊस पडला, अन् पुर आले, वारेही सुटले, अन् त्या घराला लागले, अन् ते पडून पूर्ण सत्यानाश झाले.”
जवा येशूनं ह्या गोष्टी सांगतल्या, तवा असं झालं कि लोकायची गर्दी येशूच्या शिकवण्यानं हापचक झाली. कावून कि तो त्यायले मोशेच्या नियमशास्त्राच्या शिक्षका सारखं नाई पण अधिकाऱ्या सारखं शिकवून रायला होता.

Слушайте मत्तय 7