Texte de la Bible: Azumeina © Alliance Biblique du Tchad, 1999 Enregistrement du Nouveau Testament Azumeina ℗ 2012 Hosanna

Azumeina - 2012 Edition (NT) Drama

<div class="version vid855 iso6393mpg" data-vid="855" data-iso6393="mpg">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Jesus mi nga avok Pilat</div><div class="r">(Gol Mat 27.1-2,11-14; Mar 15.1-5; Jn 18.28-38)</div><div class="p"> 1Sum ndazina a yo ki zla tazi pet, a i ki Jesus avok Pilat. 2Azi nde tchugum zlad&#8217;a kam ala: Ami fami sama wana nga mi zut sum meina &#225; tchol hune&#238;d&#8217;a, nga mi d&#8217;el suma ala a he tara mi Sesar ri, nga mi dala mam tamba ni Christ, amul&#226;.</div><div class="p"> 3Pilat mi djobom ala: Ang&#238; amul&#226; hi Juif-f&#238;na zu?</div><div class="p">Jesus mi hulong dum ala: Ang de wa da&#8217;.</div><div class="p"> 4Pilat mi de mi nglo suma ngat buzuna azi kablau suma ala: An fe nga zla yam sa m&#225;ma d&#8217;i.</div><div class="p"> 5Wani a de ki delezi akulo ala: Nga mi hle djib&#8217;era hi sumid&#8217;a akulo, nga mi hat kur ambas sa Jude-d&#8217;a pet, tin ad&#8217;ud&#8217;a yam andaga d&#8217;a Galile-d&#8217;a dei gak mba ka h&#238;.</div><div class="s">Jesus mi nga avok Herot</div><div class="p"> 6Kid&#8217;a Pilat mi hum zla ndatid&#8217;a, mi djobozi ala: Sa m&#225;ma doli ni ma Galile-na zu? 7Kid&#8217;a mi hum ala Jesus ni kur leud&#8217;a hi Herot-ta d&#8217;a, mi sunum mi Herot, kayam Herot tamba nga kur Jerusalem kur bur m&#225;ma.</div><div class="p"> 8Kid&#8217;a Herot mi we Jesus-d&#8217;a, mi le fur&#238;d&#8217;a he&#238;, kayam bur&#226; ngola mam min ala mi wum kayam mam nga mi hum zla mamba, nga mi tin hurum &#225; wum kayam mi lum ahle suma ndandal&#226; mi. 9Mi djobom zlad&#8217;a ngola, wani Jesus mi hulong&#244;m nga zla d&#8217;a ded&#8217;a balum mbi.</div><div class="p"> 10Nglo suma ngat buzuna azi ki suma hat gata a tchol a tchugum zlad&#8217;a kam ngola. 11Herot azi ki azigar mama a golom d&#8217;igi vama hawana na, a lazamu. A tchugum baru d&#8217;a ngal wiwilika atamu, a hulong&#244;m mi Pilat. 12Kur bur m&#225;ma Pilat azi ki Herot a ve tazi banad&#8217;a, kayam adjeu adigazi ni djang&#251;na.</div><div class="s">A ka sariya d&#8217;a matna yam Jesus</div><div class="r">(Gol Mat 27.15-26; Mar 15.6-15; Jn 18.39&#8212;19.16)</div><div class="p"> 13Pilat mi yi nglo suma ngat buzuna azi ki suma te yamba ki suma gevemu, 14mi dazi ala: Agi mban sama wana d&#8217;igi sama b&#8217;lak suma na. Agi gologiya, an djobom avorogiya, an fe nga zla yam sa m&#225;ma kur ahle suma agi tchugumzi kama d&#8217;i. 15Herot p&#238; ni, mi fe nga zla kam mbi, mi sunundj&#239; wana. Agi gologiya! Mi le nga vama ndak &#225; tchid&#8217;ina d&#8217;i. 16Kayam ndata, an nga ni tomu, ni gum akulo.</div><div class="p">[17Kur vun til ma Pak ma lara p&#238;, Pilat nga mi gazi sama dangeina akulo tu.] 18Wani azi pet de ki delezi akulo ala: Ang tchi sa m&#225;ma, ang gami Barabas akulo. 19Avok suma Rom&#234;-na a ge Barabas dangeina kayam nga mi zut suma &#225; tchol hune&#238;d&#8217;a ki suma te yamba hur azina, mi tchi matna mi.</div><div class="p"> 20Pilat dazi zlad&#8217;a kua, kayam mam min ge Jesus akulo. 21Wani a de ki delezi akulo ala: B&#8217;alam akulo ata aguna, b&#8217;alam akulo ata aguna.</div><div class="p"> 22Pilat mi dazi kua yam &#225; hindid&#8217;a ala: Ana ge? Mi le ni tcho me ge? An fe nga zla d&#8217;a ndak &#225; tchid&#8217;id&#8217;a kam mbi. Kayam ndata, an nga ni tomu, ni gum akulo.</div><div class="p"> 23Wani azi de ki delezi akulo ala: B&#8217;alam akulo ata aguna. Siwel mazid&#8217;a kal kamu. 24Kayam ndata, Pilat mi kam sariyad&#8217;a kam ndak yam tchen mazid&#8217;a. 25Mi ge sama suma Rom&#234;-na a gum kur dangeinina akulo, ni ma zut suma a tchol hune&#238;d&#8217;a ki suma te yamba hur azinina, mi tchi matna mi, ni ma azi tchenem kam ala mi gazizi akulona. Wani mi hazi Jesus &#225; lum vama huruzi mina.</div><div class="s">A b&#8217;al Jesus akulo ata aguna</div><div class="r">(Gol Mat 27.32-44; Mar 15.21-32; Jn 19.17-27)</div><div class="p"> 26Kid&#8217;a azigar&#226; a nga i ki Jesus-d&#8217;a, a ngaf sama Siren-na simiy&#234;m ala Simon, mi tchol&#239; nabageya. A vumu, a hlum agu ma b&#8217;ala kam ala mi i ki bugol Jesus.</div><div class="p"> 27Ablau suma a nga i ad&#8217;umu. Adigazi arop suma hiuna a nga tchabozi kuruziya, a nga tchi kam mi. 28Wani Jesus mi pret tam mi dazi ala: Arop suma Jerusalem-ma, agi tchigi kan ndi, wani agi tchigi ni kayam agi ki grogina. 29Kayam bur&#226; nga mi mba suma a mba dala: Arop suma gendrege suma a vut nga d&#8217;uo suma bei hapona mi grona ba na, a le fur&#238;d&#8217;a. 30Kur bur m&#225;ma suma a mba de mahuniy&#244;na ala: Agi tchugug&#239; k&#228; kamiya. A mba de mi yima nding&#226; ala: Ang ngeyemiya! 31Le a nga le tcho ki sed&#8217;en an ma d&#8217;igi agu ma arina na ni, ni nana ba, a mba le ki sed&#8217;egi agi suma d&#8217;igi agu ma soina na na ni na na d&#8217;ang ge?</div><div class="p"> 32Azigar&#226; a i ki suma tchona mb&#224; &#225; tchazi zlapa ki Jesus. 33Kid&#8217;a azi mbaza ata yima a yum ala Asok yamba na, a b&#8217;alam akulo ata yi m&#225;ma ki suma tcho ndazina, tu ata bigam mba ndjufa, tu ata bigam mba gulad&#8217;a mi.</div><div class="p"> 34Jesus mi dala: Abunu, ang vat hurung ngei kaziya, kayam azi we nga vama azi nga luma d&#8217;i.</div><div class="p">A b&#8217;rau baru mamba aduk taziya, a tumut gumara. 35Suma a nga tchola &#225; golomu, wani suma te yamba a nga lazamu, a nga dala: Mi sut suma ding&#226;; le mi ni Mesi ma Alona mi manama ni, ar mi sut tamu!</div><div class="p"> 36Azigar&#226; a nga lazam hina mi, a mba a hum s&#252;m ma azleina, 37a dum ala: Le ang&#238; amul&#226; hi Juif-f&#238;na ni, ang sut tang&#251;.</div><div class="p"> 38Pilat mi b&#8217;ir kam akulo ala: Wana namul&#226; hi Juif-f&#238;na.</div><div class="p"> 39Ma ding&#226; tu aduk suma a b&#8217;alazi akulo ki Jesus na, mi las Jesus, mi dum ala: Ang ni Mesi d&#8217;uo zu? Ang sut tang ki ami mi.</div><div class="p"> 40Ma ding&#226; mi ngop ndrama, mi dum ala: Ang nga le mandara Alona d&#8217;uo? Sariya d&#8217;a kangzi kanga ni tu ki mamba zu? 41Sariya meid&#8217;a ni d&#8217;ing&#234;r, kayam ei fei ni wuraka yam sun mei d&#8217;a led&#8217;a, wani sama wana mi le nga tcho d&#8217;i.</div><div class="p"> 42Mi de mi Jesus ala: Ata yima ang mbe&#239; kamul mangina, ang djib&#8217;er kanu.</div><div class="p"> 43Jesus mi dum ala: Gagazi, an nga ni dang&#251;, ang mba kak ini ki sed&#8217;en kur Paradis.</div><div class="s">Matna hi Jesus-na</div><div class="r">(Gol Mat 27.45-56; Mar 15.33-41; Jn 19.28-30)</div><div class="p"> 44Ata yima afata mba go ki falei d&#8217;ad&#8217;ar&#226;, yina mbut nduvunda yam andagad&#8217;a pet gak afata tchuk siyad&#8217;u. 45Afata mbut nduvunda, baru d&#8217;a ka ir ra kur gong nga kud&#8217;ora hAlonid&#8217;id&#8217;a, ti ha&#251; woi aduk mb&#224;. 46Jesus mi er ad&#8217;um akulo ki delem mba ngola ala: Abunu, an hang muzugan abong&#251;. Ata yima mi de hina dana, mi duk vunamu.</div><div class="p"> 47Ata yima ma ngol ma azigar&#226; abom kis ma Rom&#234;-na mi wahle suma a lenina, mi gile Alona mi dala: Gagazi, sa m&#225;ma ni sama d&#8217;ing&#234;r&#226;.</div><div class="p"> 48Ablau suma pet suma a mba &#225; wahle suma a lenina, kid&#8217;a a wazid&#8217;a, a hulong avo, a nga tchabozi kuruziya. 49Jesus buniy&#244;ma pet azi karop suma a tchol&#239; ki sed&#8217;em Galile deina, a tchol s&#228; woi hina dei &#225; gol ahle suma lena.</div><div class="s">Tosa hi Jesus-d&#8217;a</div><div class="r">(Gol Mat 27.57-61; Mar 15.42-47; Jn 19.38-42)</div><div class="p"> 50Sana nga, simiy&#234;m ala Josef ni ma Arimate-na. Arimate naz&#236; ma ngol ma yam ambas sa Juif-fina. Josef ni ma nga aduk suma b&#8217;ak zlad&#8217;a, ni sama djivina, ni ma d&#8217;ing&#234;r&#226; mi. 51Mi ndjak nga vunam yam nga hur mazina ki sun mazi d&#8217;a led&#8217;a d&#8217;i, nga mi djup mbad&#8217;a hAlonid&#8217;a &#225; te leu mamba yam andagad&#8217;a mi. 52Mi kal gen Pilat, mi djobom yam mad&#8217;a Jesus. 53Bugola, mi pad&#8217;am&#239; k&#228; ata agu ma b&#8217;ala, mi d&#8217;ud&#8217;um ki baktana, mi gum kur zul la a tchot aduk ahinad&#8217;a d&#8217;a a ge nga sa kua d&#8217;uo d&#8217;a. 54Bur m&#225;ma ni bur ma min tad&#8217;a, kayam bur ma sabatna mi ar go.</div><div class="p"> 55Arop suma a tchol&#239; ki sed&#8217;em Galile deina, a i ad&#8217;u Josef &#225; gol ni nana ba, mi tos Jesus ge? 56A hulong avo &#225; min ahle suma his suma afufu&#238;na ki mbul ma his djivid&#8217;ina mi.</div><div class="p">Azi tuk tazi kur bur ma sabatna d&#8217;igi gata ti de na.</div>
 </div>
 </div>
</div>

Azumeina Bible © Alliance Biblique du Tchad, 1999.

Sum ndazina a yo ki zla tazi pet, a i ki Jesus avok Pilat. Azi nde tchugum zlad’a kam ala: Ami fami sama wana nga mi zut sum meina á tchol huneîd’a, nga mi d’el suma ala a he tara mi Sesar ri, nga mi dala mam tamba ni Christ, amulâ.
Pilat mi djobom ala: Angî amulâ hi Juif-fîna zu?
Jesus mi hulong dum ala: Ang de wa da’.
Pilat mi de mi nglo suma ngat buzuna azi kablau suma ala: An fe nga zla yam sa máma d’i.
Wani a de ki delezi akulo ala: Nga mi hle djib’era hi sumid’a akulo, nga mi hat kur ambas sa Jude-d’a pet, tin ad’ud’a yam andaga d’a Galile-d’a dei gak mba ka hî.

Kid’a Pilat mi hum zla ndatid’a, mi djobozi ala: Sa máma doli ni ma Galile-na zu? Kid’a mi hum ala Jesus ni kur leud’a hi Herot-ta d’a, mi sunum mi Herot, kayam Herot tamba nga kur Jerusalem kur bur máma.
Kid’a Herot mi we Jesus-d’a, mi le furîd’a heî, kayam burâ ngola mam min ala mi wum kayam mam nga mi hum zla mamba, nga mi tin hurum á wum kayam mi lum ahle suma ndandalâ mi. Mi djobom zlad’a ngola, wani Jesus mi hulongôm nga zla d’a ded’a balum mbi.
Nglo suma ngat buzuna azi ki suma hat gata a tchol a tchugum zlad’a kam ngola. Herot azi ki azigar mama a golom d’igi vama hawana na, a lazamu. A tchugum baru d’a ngal wiwilika atamu, a hulongôm mi Pilat. Kur bur máma Pilat azi ki Herot a ve tazi banad’a, kayam adjeu adigazi ni djangûna.


Pilat mi yi nglo suma ngat buzuna azi ki suma te yamba ki suma gevemu, mi dazi ala: Agi mban sama wana d’igi sama b’lak suma na. Agi gologiya, an djobom avorogiya, an fe nga zla yam sa máma kur ahle suma agi tchugumzi kama d’i. Herot pî ni, mi fe nga zla kam mbi, mi sunundjï wana. Agi gologiya! Mi le nga vama ndak á tchid’ina d’i. Kayam ndata, an nga ni tomu, ni gum akulo.
[Kur vun til ma Pak ma lara pî, Pilat nga mi gazi sama dangeina akulo tu.] Wani azi pet de ki delezi akulo ala: Ang tchi sa máma, ang gami Barabas akulo. Avok suma Romê-na a ge Barabas dangeina kayam nga mi zut suma á tchol huneîd’a ki suma te yamba hur azina, mi tchi matna mi.
Pilat dazi zlad’a kua, kayam mam min ge Jesus akulo. Wani a de ki delezi akulo ala: B’alam akulo ata aguna, b’alam akulo ata aguna.
Pilat mi dazi kua yam á hindid’a ala: Ana ge? Mi le ni tcho me ge? An fe nga zla d’a ndak á tchid’id’a kam mbi. Kayam ndata, an nga ni tomu, ni gum akulo.
Wani azi de ki delezi akulo ala: B’alam akulo ata aguna. Siwel mazid’a kal kamu. Kayam ndata, Pilat mi kam sariyad’a kam ndak yam tchen mazid’a. Mi ge sama suma Romê-na a gum kur dangeinina akulo, ni ma zut suma a tchol huneîd’a ki suma te yamba hur azinina, mi tchi matna mi, ni ma azi tchenem kam ala mi gazizi akulona. Wani mi hazi Jesus á lum vama huruzi mina.


Kid’a azigarâ a nga i ki Jesus-d’a, a ngaf sama Siren-na simiyêm ala Simon, mi tcholï nabageya. A vumu, a hlum agu ma b’ala kam ala mi i ki bugol Jesus.
Ablau suma a nga i ad’umu. Adigazi arop suma hiuna a nga tchabozi kuruziya, a nga tchi kam mi. Wani Jesus mi pret tam mi dazi ala: Arop suma Jerusalem-ma, agi tchigi kan ndi, wani agi tchigi ni kayam agi ki grogina. Kayam burâ nga mi mba suma a mba dala: Arop suma gendrege suma a vut nga d’uo suma bei hapona mi grona ba na, a le furîd’a. Kur bur máma suma a mba de mahuniyôna ala: Agi tchugugï kä kamiya. A mba de mi yima ndingâ ala: Ang ngeyemiya! Le a nga le tcho ki sed’en an ma d’igi agu ma arina na ni, ni nana ba, a mba le ki sed’egi agi suma d’igi agu ma soina na na ni na na d’ang ge?
Azigarâ a i ki suma tchona mbà á tchazi zlapa ki Jesus. Kid’a azi mbaza ata yima a yum ala Asok yamba na, a b’alam akulo ata yi máma ki suma tcho ndazina, tu ata bigam mba ndjufa, tu ata bigam mba gulad’a mi.
Jesus mi dala: Abunu, ang vat hurung ngei kaziya, kayam azi we nga vama azi nga luma d’i.
A b’rau baru mamba aduk taziya, a tumut gumara. Suma a nga tchola á golomu, wani suma te yamba a nga lazamu, a nga dala: Mi sut suma dingâ; le mi ni Mesi ma Alona mi manama ni, ar mi sut tamu!
Azigarâ a nga lazam hina mi, a mba a hum süm ma azleina, a dum ala: Le angî amulâ hi Juif-fîna ni, ang sut tangû.
Pilat mi b’ir kam akulo ala: Wana namulâ hi Juif-fîna.
Ma dingâ tu aduk suma a b’alazi akulo ki Jesus na, mi las Jesus, mi dum ala: Ang ni Mesi d’uo zu? Ang sut tang ki ami mi.
Ma dingâ mi ngop ndrama, mi dum ala: Ang nga le mandara Alona d’uo? Sariya d’a kangzi kanga ni tu ki mamba zu? Sariya meid’a ni d’ingêr, kayam ei fei ni wuraka yam sun mei d’a led’a, wani sama wana mi le nga tcho d’i.
Mi de mi Jesus ala: Ata yima ang mbeï kamul mangina, ang djib’er kanu.
Jesus mi dum ala: Gagazi, an nga ni dangû, ang mba kak ini ki sed’en kur Paradis.


Ata yima afata mba go ki falei d’ad’arâ, yina mbut nduvunda yam andagad’a pet gak afata tchuk siyad’u. Afata mbut nduvunda, baru d’a ka ir ra kur gong nga kud’ora hAlonid’id’a, ti haû woi aduk mbà. Jesus mi er ad’um akulo ki delem mba ngola ala: Abunu, an hang muzugan abongû. Ata yima mi de hina dana, mi duk vunamu.
Ata yima ma ngol ma azigarâ abom kis ma Romê-na mi wahle suma a lenina, mi gile Alona mi dala: Gagazi, sa máma ni sama d’ingêrâ.
Ablau suma pet suma a mba á wahle suma a lenina, kid’a a wazid’a, a hulong avo, a nga tchabozi kuruziya. Jesus buniyôma pet azi karop suma a tcholï ki sed’em Galile deina, a tchol sä woi hina dei á gol ahle suma lena.


Sana nga, simiyêm ala Josef ni ma Arimate-na. Arimate nazì ma ngol ma yam ambas sa Juif-fina. Josef ni ma nga aduk suma b’ak zlad’a, ni sama djivina, ni ma d’ingêrâ mi. Mi ndjak nga vunam yam nga hur mazina ki sun mazi d’a led’a d’i, nga mi djup mbad’a hAlonid’a á te leu mamba yam andagad’a mi. Mi kal gen Pilat, mi djobom yam mad’a Jesus. Bugola, mi pad’amï kä ata agu ma b’ala, mi d’ud’um ki baktana, mi gum kur zul la a tchot aduk ahinad’a d’a a ge nga sa kua d’uo d’a. Bur máma ni bur ma min tad’a, kayam bur ma sabatna mi ar go.
Arop suma a tcholï ki sed’em Galile deina, a i ad’u Josef á gol ni nana ba, mi tos Jesus ge? A hulong avo á min ahle suma his suma afufuîna ki mbul ma his djivid’ina mi.
Azi tuk tazi kur bur ma sabatna d’igi gata ti de na.

Слушайте Luc 23