Популярни библейски стихове от JON 10

Споделяне

Ahuhte heh ahuhrãng, ngale ritphe rãng, erediko chhihsiet rãng lolo ehûra. Nga a nema roandông chenmamchoh en ngama hûerâng - chenni nângmin lethoam lethang roandông chenmamchoh en ngama hûerâng.

“Nga a saaksokte sen, ngale saak hehrãngma ritmin tariiang.

Ngasaak hehma ngakahra pa tateka; Ngamemin thin jet ang, ngale thinma ngadijun ehang.

Ngama thinnâng roantang roanjêng roandông koh ekang, ngale thin chenthumin leriimin. Henmemin thin a ngadek wah leta nyenchhoanmin.

Nga a kâsek. Henhen nga kâsekkam pumma humkhen nâng lupwãng eka ereheh khope chohmin; thin a humkhen nâng wãng lahmemin ngakloat chhoan lahma thinma phem echohphhek a.

Nga a saaksokte sen. Ewa ma nga jet ehang rãngrãng, ngamemin Ewa jet ekang, ererãngrãngjô ngama ngasaak heh jet ang, ngale ngasaak hehmemin nga jethang. Ngamin ngasaak hehrãngma ritmin tariiang.

Ngawama nganâng chenni koh ehanga erepa chenni nomemin adongthôan, ngale henmemin Wa dekwah leta nyenchhoan min. Ewa chenii a wanthe.”

Nga a saaksokte sen. Ewa ma nga jet ehang rãngrãng, ngamemin Ewa jet ekang, ererãngrãngjô ngama ngasaak heh jet ang, ngale ngasaak hehmemin nga jethang. Ngamin ngasaak hehrãngma ritmin tariiang.

Henmemin nga roandôngpa nga ngewah tanyen mahhang. Ngama ngadede hungsima koh ekang. Ngama akohmin takoh ang, ngale ngakkepmin tare ang. Ngawama nganâng aroh moatrãng chien ehang.”

Ephumma Jisu ma wîenthe ngatwah, “Ngama toangtang thôkoh eka: Nga a saak hehrãngma kâsek.

Saaksokte ngale saaktangte ledang thãkoh lahma thieneka mihnyan pumma chenthu soan mekhe ako atema saak heh phethien lahma huhchhoan erea; ephumma soan hehma saak heh kek lahma ephan chhoanthuk a.

Jisu ma ngatwah, “Ngama toangtang thôkoh eka: Hen komin Saak heh tânâng kâsek pumma ledang lemhânma mekohûako, erepa ahuhte.