Популярни библейски стихове от Luki 6

Споделяне

Alagepa yatapimo apamigenoʼao Gotiʼa lapamino. Gotiʼa havai teʼnisigenoʼaeʼmo aeno alagi huteno magoʼe huno maleno havai teteno ayatetiʼmo maleno alagi huteno aino ati kaeteno talasisi kupiʼmo ku ai malegaiye. Haiya agufa kavaʼmo huta alita fako hutapa apamisafi ani agufa kavaʼmo huno Gotiʼa alino fako huno lapamigiye, huno hapa paiʼniye.

Inagi mago alagepa vekamo aipafiʼmo alagepa kavaʼmo haneʼnigeno alagepa kavaʼmo aipafatiʼmo afole neʼaiye. Hosu vekamo aipafiʼmo hosu kavaʼageʼmo haneʼnigeno hosu kavaʼmo aipafatiʼmo afole neʼaiye. Ani agufa yaʼmo aipafiʼmo havai teʼneno eno haineno avayafatiʼmo afole neʼaiye, huno hapa paiʼniye.

Lapakaemo kame vayatapieʼmo lapau lapayamopafiʼmo lahapauʼnisigetapa alagepa kavaʼmo huteta anonatapileʼmo halate alisayafeʼmo lapakesamo oʼafita fikumo apamiyo alopa yatapimo aligae. Ala kava neʼmo anaga hogote vekamoʼmo muki yaʼamo neʼapamigeʼa aliteʼapaeʼmo kahao ke hove, huʼa osuʼa fiku neʼaliya vayaʼe hapaku ataleʼneʼa neʼaliya vayaʼeʼmo alagepa kavaʼmo huno yagaino neʼapateyaʼmofeʼmo ani agufa kavaʼmo hisayaʼmoʼmo mafaʼneʼamo maigae.

Afotapimoʼmo hau huno neʼapateya kava hutapa lahapau huta apateyo, huno hapa paiʼniye.

Lapakaemo vayaʼaifeʼmo hutapaeʼmo, hosu kavaʼmo huʼnae, hutapa huteta alita fako huta oʼapateyo. Alita fako hutapa oʼapatesayaʼmoʼmo Gotiʼa hunoʼaeʼmo, hosu kavaʼmo huʼnae, huno huteno alino fako huno olapategae. Ina kava ina kavaʼmo nehana vekamo maiʼnane, hutapa osiyo. Gotiʼa lapakaefeʼmo hunoʼaeʼmo, ina kava ina kavaʼmo nehana vekamo maiʼnane, huno osugiye. Lapakaemo lapakaetegamo hosu kavaʼmo huʼnisaya vayaʼaifeʼmo afaʼa ateyo, hutapa hiyo, Gotiʼa lapakaefeʼmo hunoʼaeʼmo, afaʼa ateyo, huno hugiye.

Hemenimo mani hisuva gemo geʼnimo neʼafiya vayaʼmogitapaeʼmo hugesuve. Kame vayatapieʼmo lapau lapayamopafiʼmo lahapaino. Lapakaefeʼmo apaini nehaya vayaʼmo hapa maeyo. Lifana huno neʼapataya vayaʼaifeʼmo hutapaeʼmo, Gotiʼa alino auleno lapateno, hutapa hiyo. Huʼa faipa huʼa lapatesaya vayaʼaifeʼmo nunumuʼmo huta apateyo.

Lapakaetegamo husaya kavafeʼmo lapauʼnisigeta ani kavaʼmo hutapa apakaetegaʼeʼmo hiyo.

Mago vekamoʼmo kagalametaleʼmo nekamagisigekaeʼmo aika afe leka magokayaga kagalametamo amiyo. Mago vekamoʼmo saketikamo alitenoʼaeʼmo siyotikaʼeʼmo aligefeʼmo husigekaeʼmo, oʼaliyo, huka osuvo. Mago yafeʼmo aukaya husaya vayaʼmo afaʼa apamiyo. Kagemi yatapimo aliʼnisaya vayaʼaifeʼmo, halate namiyo, hutapa osiyo.

Alagepa yosamoʼmo hosu yosa alagamo afaʼa oʼaegaiye.

Vayaʼmogimo yosa alagaʼamo ageteʼapaekeʼmo na agufa yosamo haneʼnifi huʼa agegae. Vayaʼmogimo aufe nofiʼmoʼa fiki alagamo aeʼnisigeʼa olagigae. Aise aufe yosafatiʼmo mago nesaya yosa alagamo olagigae.