Популярни библейски стихове от Evangelium e Lukastar 6

Споделяне

Doden, thaj ka delpe tumenge; e mera lačhi thaj pherdi thaj ćinosardi thaj anglapherdi ka delpe tumenge ani angali tumari. Kaj sava merasa merina asavkaja tumenge ka merini pe.

Šukar manuš kotar o šukar trezori ple vilesoro ikalel šukaripe, a o đungalo manuš kotar o đungalo trezori ple vilesoro ikalel đungalipe, kaj o muj lesoro vakerel katar o butipe e vilesko.

Aj čumudinen e dušmanjen tumaren, thaj keren šukaripe, thaj den ano udžilipe na ašuđarindoj nisose; vi e počindi ka ovel tumenge bari, thaj ka oven čhave e Najućeske, kaj si ov kovlo vi e biašarutnende thaj e džungalende.

Oven, akana, kovle sar vi o Dad tumaro so si kovlo.

Thaj ma krisinen, vi ni ka krisil pe tumenge; thaj ma krisisaren, thaj ni ka oven krisime; jertinen, thaj ka jertinipe tumenge.

Aj vakerav tumenge save šunen: Čumudinen tumare dušmane, šukaripe keren odolenge save tumen mrzinena; Baxtaren odolen save tumen dena armanja, thaj ruđin tumen baš odolenge save tumen dukhaven.

Thaj sar mangena tumenge te keren e manuša, keren ađahar thaj tumen lenge.

Odoleske savo khuveltu ki čham, irin thaj aver; thaj savo mangel te lel tutar o fostani dode lese vi o gad. A savonese savo rodel an tute, dode; thaj savo tiro lela, ma rode.

Kaj nane kaš lačho te bijanel đungalo bijanipe, ni kaš đungalo te bijanel lačho bijanipe.

Kaj si sarsavo kaš po bijanipe plo penđarel pe; kaj e sumučina ni keden pe katar e kare, ni e drakha kedel pe katar e kalina.