Популярни библейски стихове от Sɛ́aŋ 15

Споделяне

Ndɛ nidíŋ, pəŋi ntab. Nyɔ́ aágɛɛn ondadáán na mɛ, mɛ na nyɔ́lɛ́, nyóon alɛ́ɛ́ kuum modámádám ilubənən lɛ́ əgín na mɛ áa polɛɛ́ págɛɛn na toɛn tó kɛɛlɛ yoom.

Lɔbɔ́ɔn paladáán na mɛ, wɔnɔ́ ná mɛ ndɛɛ́ ondadáán na pəŋi. Wɔnɔ́ ná ɔʼtab wó ódɛɔ́gɔ ondadáán na nidíŋ ódɛɔ́gɔ úguúmíí modámádám, náan tɛn aa pəŋi podɛɔ́gɔ pə́guum ɛdámádám ná podiɛnɛn paladáán na mɛ.

Puməʼkəə́gumənən na mɛ, púubuə́gumənən na tɔgɛ́ɛ́ tóam, nkə kiim kɛ́ puə́ŋíən, poɔgɔɔŋ kɛ́lɛ́.

Adɛ́njaŋ pəŋi aa pumínyiiyid, mɛ áa njíbuyííyid pəŋi, mbáság koboyɛ́ʼkɛn toɛn lɛ́ púúm modámádám. Púúm modámádám mó múəʼtə́ə. Áay, nkə kiim kɛ́ polɛ́ɛ́ kuŋíənií na Sɛ waam a niiŋ nɛ́am, alɛ́ɛ́ koboyɛ́ʼkɛn.

Nnyɔ́ŋánán yɛndɛ́ŋ ɛdɛɔ́gɔ yɛ́ ɛmááyɛn yɛ́ɛnɛ lɛ́ úlióŋi oʼto wááŋ a kidíídí kɛ́ pɔsɔ́sɔ́g pááŋ.

Ntab ngim yɛ́ ɛlɛɛ́ ndadáán na mɛ náa ɛdɛɔ́gɔ əguúmíí, aasóma yɛ́lɛ́. Yɛ́ ɛlɛɛ́ əguum, aawáanɛ lɛ́ ná ɛ́lɛŋ kuum agolaŋ náan.

Taa kɛcɛm kɛ́am aa kɛ́ɛnɛ: Pɔ́nyɔ́ŋanan wɔnɔ́ ná mɛ ndɛɛ́ agobonyɔ́ŋɛn pəŋi.

Nkə kɛ́ kɛ́agɛɛ́ʼkɛn nugəm na Sɛ waam kɛ́lɛ lɛ́ púúm modámádám kɛ́fɔlɛ́. Náan aa puóloodi lɛ́ polɛ paaʼkan páam.

Náa Yə́sus ɔnɔ́ Kə́mmú: «Ndɛ fíinyə ɛ fɔ́lɔ́b Sɛ waam aa alɛɛ́ əgusóboni yɛ́lɛ́.

Nyɔ́ adɛndɛ́ɛ́ kɛɛnɛɛ́ ondadáán na mɛ, pálɛ́ɛ́ komoodo a táán wɔnɔ́ ɔʼtab wó páásóm, ná ógos. Ntab yɛ́ yaáʼkogósɛ́ɛ́, pálɛ́ɛ́ kobáda yɛ́lɛ́, páadagɛdɛ a yug ɛ́ság kogɔ́lɔ.

«Ndɛ agobodɛ́anɛ náan agɛɛlɛ lɛ́ póɛn na tɔnyɔ́g wɔnɔ́ ná mɛ ndɛɛ́ na tólɛ́. Tɔnyɔ́g toáŋan tóyám agaáyɛn náan.

Pəŋi pomaʼkɛɛ́ngɛg pɛcɛm pɛ́am, mɛ ndagɛɛn yuudi na nnyɔ́ŋánán na pəŋi, wɔnɔ́ ná mɛ njɛ́ngɛg tɛn pɛcɛm pɛ́ Sɛ waam, nyɔ́lɛ́ alɛ agɛɛn yuudi na nnyɔ́ŋánán na mɛ.

Nkə kɛ́ ndɛɛ́ agoboyɛ́ʼkɛn wɔnɔ́ kɛcɛm aa kɛ́ɛnɛ kɛ́lɛɛ́ lɛ́: Pɔ́nyɔ́ŋanan pəŋi na pəŋi.»

Pəŋi, poyɛ́ɛnɛn lɛ́ polɛ pɔɔd pá a nsí yɛ́ɛnɛ, ná pálɛ agobonyɔ́ŋɛn lɛ́ ná polɛ wɔnɔ́ pɔ́lɛ́. Náa pəŋi, podɛɔ́gɔ pɔɔd pá a nsí yɛ́ɛnɛ lɛ́ njíbuyííyid, mbáság kubudə́nigi ndɛ́ŋ. Pundigi wɔnɔ́ pɔ́lɛ́, kólɛ́ aa pálɛɛ́ agoboóbɛnɛn.