Популярни библейски стихове от Лука 6

Споделяне

Беригиз, сизге да берилир: къагъылгъан, басылгъан эм топ-толу болгъан ахшы ёлчеу бла сизни къучагъыгъызгъа къуярла. Нек десегиз не ёлчеу бла ёлчелей эсегиз да, сизге да тамам ол ёлчеу бла ёлчеленирикди», – деди.

Огъурлу адам кесини жюрегини огъурлу хазнасындан огъурлулукъ чыгъарады, огъурсуз адам а кесини жюрегини огъурсуз хазнасындан огъурсузлукъ чыгъарады; нек десегиз аны ауузу жюрегинде болгъанны айтады».

Сиз а душманларыгъызны сюйюгюз, аладан бир зат да умут этмегенлей, ахшылыкъ да этигиз, ёнгкюч да беригиз. Сора сизге уллу саугъа болур, сиз Аллаху-Тааланы уланлары болурсуз, нек десегиз Ол, игиликни билмегенлеге да, огъурсузлагъа да игиликлиди.

Алай бла сизни кёкдеги Атагъыз жумушакъ жюрекли болгъаны кибик, сиз да жумушакъ жюрекли болугъуз».

«Терслемегиз, сиз да терсленмезсиз; айыпламагъыз, сиз да айыпланмазсыз; кечигиз, сиз да кечилирсиз.

«Алай а тынгылагъанла, сизге айтама: душманларыгъызны сюйюгюз, сизни кёрюп болмагъанлагъа ахшылыкъ этигиз. Сизге къаргъыш этгенлеге алгъыш этигиз эм сизни жюрегигизни къыйнагъанла ючюн тилек этигиз.

Адамла сизге къалай этерлерин сюе эсегиз да, сиз да алагъа алай этигиз.

Сени бир жаягъынга ургъаннга экинчисин да буруп тут, сени тыш кийиминги сыйыргъаннга кёлегинги алыргъа да чырмау этме. Сенден тилеген хар адамгъа бер эм сеникин алгъандан артха алыргъа излеме.

«Аман кёгет берген ахшы терек жокъду, ахшы кёгет берген аман терек да жокъду.

Хар терек кесини кёгетинден танылады. Кёкен терекден инжир жыймайдыла, чырпыдан да жюзюм алмайдыла.