Популярни библейски стихове от Lúkɑ́shi 22

Споделяне

«Tɑ̌ɑ mɔ, ɔ lɑɑ ńjʉ́ɔ, ɔ pɑꞋnɛ wɑ́ɑ nǔu yɔ ŋɡʉ̈ɔ́Ꞌ yi, ɛ́ sɛ́ ńtɔ́ nǔu mɔ lɑɑ. Lɑ́, mɔ ńcú ŋɡɔ ɔ ɡɛ pɔ wɑɑ nɛkɔŋtɛ pɔ́. Gɛ pɔ wu nɛkɔŋtɛ.»

Lɑ́, n cɛꞋlɛ Sɛ́ nǔu tú yú, nɛpɔ́ yi ɔ kɛ́ puu ŋ́kɑ́ɑ kɑ́ɑnɛ nǔu nɛzɑ́p tʉ́m nǔu mɔ pɔ́. Ɔ ɡɛ ḿbɛn ḿbɔ́ tɛ ńtsuŋ ńzɑ́p tʉ́m yú nǔu mɔ, ḿbɔ́ ńníꞋ tʉ́m-pɔ́ɔpɛ́mɑ́ pú.»

A kɑ pɛn ḿbɛ́ɛ mbɛlɛ̂ɛt, ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌ ŋ́ɡɔ ŋ́ɡɑ́ mbɔ̌ ɡɑŋku pɛ́ ńcú ŋɡɔ: «Yɔ mbɑp-mbʉʉ yɑɑ yi pɛ́ ɡɑ́nɛ nǔu tú yʉ́ʉ. Pʉʉ tsʉ́Ꞌ ḿbɔ́ ŋ́ɡɛ pɑꞋnɛ ńdɔk ŋ́kẅíitɛ wɑ́ɑ.»

Pɔ́p kɑ kwɛ́t yúujʉ́ tɛ ḿmɛk, Yɛ́su tíi ntúꞋ mɛluꞋ ńcú ŋɡɔ: «NtúꞋ yɔ pɑꞋnɛ ḿbɔ́ kɑɑ fí yi Sɛ́ lɔknɛ mɛci mɑ́ɑ ŋ́ɡwɑt. Ɛ́ tswɛtnɛ ntɛ́ wʉ́ʉ.»

Nɛvú pɔ́ ŋ́kwɛ́t wɛ́, ɑ ŋ́kẅiꞋ ńcɛꞋlɛ Sɛ́ ńníꞋ tú, tɛ ziꞋnɛ tsʉ́Ꞌnɛ ńcẅɛt nǔu wɛ, ńcʉ́ɔtɛ sɛ́, ɛ́fí pɔ mɛtyɑk-mɛci lɑ́.

Lɑ́, kɔɔ pʉʉ fʉꞋnɛ wɔ́p. Tɛ ńtsʉ́Ꞌ pɔ́Ꞌɔ, ŋu ẅí ɑ tsɛtsɛt pʉʉ ḿbɔ́ ndʉ́m shɔtnɛ ńtsʉ́Ꞌ mɔ́ɔ, ŋu ẅí ɑ pɛn ńtʉ́ʉ mbi pʉʉ, ḿbɔ́ ɛ́sɑ́Ꞌ wʉ́ʉ, ɑ pɔ́ pɔ pɑꞋ ŋɡɑŋfɑꞋ wʉʉ lɑ́.

Yɛ́su cú ŋɡɔ: «Pyɛ̂, tsʉ́Ꞌ ŋ kɛ́ ɛ́sẅíi wú: Mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ ńtɔ́ŋ nɛtúꞋ lɔ́Ꞌnɛ, mbɔ ɔ muŋɛ mɔ́ wɑ́ɑ ŋkɑ́ yɛ́tɑ́t.»