Популярни библейски стихове от YAHYA 3

Споделяне

Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.

Sababu Allahu Taa̒ala lolao Wala-I̒o diila mai momutoo̒ dunia botie, bo mai mopoa̒ahu mao̒.

Ti Isa lolametao̒, “Pomalacayalo, diaaluo penu boli ngotaa mao̒ tamowali pongawaa̒ umati lo Allahu Taa̒ala, wonu tio diila muli potutuolio mai.”

Taa palacaya o-Lio diila hukuu-maniyola. Bo taa diila palacaya mahi lukuumani lo Allahu Taa̒ala, sababu tio diila palacaya to Walao̒ Allahu Taa̒ala tatuwa-tuwaulo.

Tio pilohile moo̒ohuu̒ dadaasali tosua̒li botie; Tilango boito malei dungga mai ode dunia, bo manusia lebe motohilaa u modio̒lomo wolo u mobaango, sababu huhutu limongolio moleeto.

Tioolo tamusi helebe polohuna daa̒, wau watia diila boti polohuna daa̒.”

Timii̒du taa hipohutua u moleeto, molonuo̒ u mobaango; tio diila motohilaa u mobaango, alihu huhutuulio u moleeto diila oontonga.

Taa palacaya to Walao̒ boito mamoo̒tapu tutumulo ututuulio tutu wau ohiheo-hiheolo mao̒. Bo taa diila modungohe to Walao̒ boito diila moo̒tapu tutumulo. Tio hukuumanio lo Allahu Taa̒ala u ohiheo-hiheolo mao̒.

Tutuuwauwa debo odelo tei Musa malopo botula mola tulidu tombaha tobatango ayu ngoputu tohuta datahu u luasi daa̒ wau delita, odito olo Walao̒ Manusia paatuti pobotulolo

Allahu Taa̒ala momonu Wala-I̒o, wau malohudu totoonulalo kawasa to o-Lio.