Популярни библейски стихове от Yohanes 16

Споделяне

Naka pei Aku manganto’oka komi mangkonong samparia to etu see komi damangarata karodo ndaya apa saba komi samba’a pei Aku. Ane ri lino si’i, komi danapakasusa ntau to mangewa i Pue Allah, pei pakasanang raya ngkomi, apa Aku roomo manganangi i Kepala nto pantipu to mangkuasang tau to mampakasusa komi etu. Wali see naka komi maya seja manganangi joa i ngKepala nto pantipu etu.”

Pei ane ratamo to Pansawang, etu semo i Nosa to mampaponsanika anu to monso, Ia semo to damampaponsanika komi mangkonong samparia anu to monso. Pasi anu to Ia damampaponsanika resi komi etu, si’a Ia pu’unya. Ia ojo mamporata gombo to Ia room mangandonge yako resi i Pue Allah. Pasi Ia damampaponsanika resi komi mangkonong palaong to damawali ri tempo to darata.

Wali rataka ri tempo si’i komi taware mamporapi bara kesaa manganto’o, ‘Kami marapi resi Komi saba kami i Yesu puenya.’ Pei yako tempo si’i porapi ewa wetu, apa ane komi marapi ewa wetu, komi darawaika anu to nuporapi ngkomi etu, wali dabae kojo kandende ndayamu.”

Pei Aku manganto’oka komi, monso pu’u to bae-bae batuanginya resi komi ane Aku yau, apa ane rapanya Aku taa dayau, ane ewa see to Pansawang taa dama’i resi komi. Pei ane Aku yau, Aku damampokau Ia dama’i mangansawang komi. Pasi ane ratamo to Pansawang etu, Ia damampakanasaka to lino pampobuuka nsira sala. Apa sala kojo pampobuuka nsira mangkonong dosa pasi sala seja pampobuuka nsira mangkonong lengko to singkonong pei i Pue Allah, pasi mangkonong ewa wimba danaika i mPue Allah mangahuku to lino.

Wali ewa see seja komi. Apa tempo si’i komi mangarata kasusa, pei Aku damangkita wo’u komi tempo Aku mambangu muni yako ri kapatengKu see naka komi dandende kojo raya ngkomi. Pasi kandende ndaya ngkomi etu, tare tau to maya mangoko yau yako resi komi. Wali ane ratamo temponya to etu tamo re’e to danuporapika resi Aku. Apa Aku manganto’oka komi, monso pu’u, kesaa to danuporapi resi Pa’angKu manganto’o, ‘Kami marapi resi Komi saba kami i Yesu puenya’, ane ewa see pokai-kai ngkomi, Ia damangawaika komi.

Wali Aku manganto’oka komi, monso pu’u, tempo tau mampopate yau Aku komi datumangi mangantangis Aku, pei to lino to taa mangaya, sira dandende kojo rayanya. Komi damasusa kojo, pei yako etu kasusa ndaya ngkomi etu damawali yau kandende ndaya tempo komi mangkita wo’u Aku.