Популярни библейски стихове от Yohanes 7

Споделяне

Palaong to etu singkonong pei anu to ratulis ri raya ntuntu i mPue Allah mangkonong tau to mangaya Aku. Anu to ratulis etu manganto’o, ‘Tau to mangaya Aku, tau to etu re’e mata nu ue to maili yako ri rayanya, ue etu mangawai katuwu.’”

Wali yako etu ratamo eo to pangkaroonya Roa Tenda. Eo etu semo to bae kojo batuanginya ane ri roa etu. Wali tempo etu i Yesu makore ri tango ntau boros, Ia maroso looNya mangaligi sira, to’oNya, “I sema tau to mamporani ue to mangawai katuwu, to tao-tao ia mai mangalulu Aku panewa Aku damampapoinuka ia ue to mangawai katuwu etu.

Wali etu semo ligi to nato’o i Yesu. Ane ri ligi etu, ue to mangawai katuwu batuanginya i Nosa Mapasing to dama’i damaroo ri raya ntau to mangaya i Yesu. Pei tempo etu i Nosa Mapasing tawa rawaika resi tau apa i Yesu tawa tiokotaka muni nto’u saruga. Wali ane tempo Ia datiokotaka muni nto’u saruga etu, tempo etu Ia damangoko muni kayawaNya.

Ne’e mangabotus Aku ane tawa manasa mangkonong palaong to inikangKu. To tao-tao komi mangabotus Aku singkonong pei anu to masipato ri pangkita i mPue Allah.” Ewa wetu nato’o i Yesu manganseko tau etu.

Wali ane tau mampotunde ojo yako pampobuuka to si iaja, tau etu ojo mamporani danabarong nsa’e. Pei tau to mampotunde apa mamporani sa’e mangabarong tau to nampokau ia, tau etu taa mawuti wali ia masipato rasarumaka.

Wali i Yesu manganto’oka sira, “Anu to Aku mampotundeka komi, si’a Aku pu’unya. I Pue Allah to nampokau Aku, Ia semo pu’unya.

Wali i Yesu manganto’oka sira, “Tawa rata temponya to masipato Aku dayau. Pei ane komi, mpia temponya komi rani yau, komi maya yau apa komi taa maja’a nakita nto lino. Pei ane Aku, Aku maja’a nakita nsira apa Aku sangkani mampaponsanika sira lengko nsira to maja’a.