Популярни библейски стихове от Utusang pung Carita 1

Споделяне

Mar, Antua pung Roh nanti maso tinggal di dalang kamong la kamong ada pung kuasa. La kamong nanti jadi Beta pung saksi-saksi par pi kasi tau soal Beta, mulai dari kota Yerusalem, antero propinsi Yudea, Samaria, sampe ka ujung dunya.”

Yesus bilang, “Kamong seng usa tau apa tempo samua tu jadi. Beta pung Bapa yang su ator akang. Antua yang pung kuasa par samua itu.

Satu kali, waktu Antua ada makang deng Antua pung utusang-utusang, Antua bilang kata, “Jang kamong pi kasi tinggal kota Yerusalem do. Tunggu sampe Beta pung Bapa kasi Antua pung Roh yang Antua su janji, sama deng apa yang Beta su parna bilang par kamong. Barang, Yohanis Tukang Baptis tu baptis deng aer, mar seng lama lai Beta pung Bapa nanti baptis kamong deng Allah pung Roh.”

Abis Antua sangsara sampe mati la hidop kombali, Antua kasi unju diri ulang-ulang par dong deng kasi unju banya bukti par dong kalo Antua batul-batul su hidop. Antua kasi unju diri par dong ampa pulu hari sepe-sepe deng kasi tau par dong soal bagemana Allah pegang parenta jadi Raja.

Abis bilang bagitu, Antua tarangka ka sorga. Dong samua yang ada di situ lia Antua tarangka deng dong pung mata kapala sandiri, sampe dong seng bisa lia Antua lai, tagal Antua tatutu deng awang.

Waktu dong masi tangada muka ka langit, skrek bagini, dua orang yang pake pakiang puti badiri di dong pung sabala. Dong dua bilang kata, “He, orang-orang Galilea e! Mangapa kong kamong tinggal tangada muka ka langit? Yesus yang kamong su lia tarangka ka sorga tu, nanti satu waktu datang kombali lai macang bagitu.”