Популярни библейски стихове от यूहन्ना 13

Споделяне

हाँव तुँओं खे ऐक नंऐं अज्ञाँ देऊँ, के ओका ओकी शो प्यार करह्; जेष्णों मुँऐं तुँओं आरी प्यार करी थो, तेष्णों ही तुँऐं भे ओका ओकी शो प्यार करह्। जे तुँऐं आपु मुँझी ओका ओकी शो प्यार थंह्ले, तअ ईन्दी ही लई बादे लोग जाँण्ले के तुँऐं मेरे चैले असो।”

ईन्देंखे जे मुँऐं, तुवाँरे गुरू, अरह् प्रभू, हऐयों भे तुओं सोभी चैले के लात्त धुऐ; तअ तुँऐं भे आपु मुँझी ओका ओकी के लात्त ऐष्णें ही धुऐ चैई। किन्देंखे के मुँऐं तुँओं कैई शा ऐजा ऐक नंमुना देखाऐ थुवा, के जेष्णों मुँऐं तुँवारी गईलो करी थो, तुँऐं भे ऐष्णों ही करिया करह्।

प्रभू यीशू ऐ तेस्खे जबाब दिता, “जुण्जो मुँऐं करी लो, सेजो तुँऐ हेबी ऐसी बख्त्ते ने; परह् किऐ बंख्त्तो पाछ़ी संह्म्झी पाँदें।”

हाँव तुँओं खे ऐक खास बात बुलू, के दास आप्णें माँलिक शा बड़ा ने आथी, अरह् ना डेयाल़ा अंदा आप्णें डेयाल़्णों वाल़ा शा बड़ा आथी।

तुऐ ऐजी बातो तअ जाँणों ऐ, अरह् जे तुऐ ईनू बातो गाशी चालो, तअ तुऐं भागोंईत्त असो।

तबे: प्रभू यीशू खाँणों की मेंज गाच्छ़ै ऊबे बीऊँजे, अरह् तिन्ऐं आप्णें बाईले खोट्णों ऊँडे खुह्ले, अरह् साफ़े लई आप्णी कमरी दी गाच़ी बाँनी; अरह् तिन्ऐं ऐकी परात्ती दो पाँणीं करियों आप्णें चैले के लात्त धुऐ, अरह् आप्णीं कंमरी दे बाँनें अंदे साफ़े लई ऊबाँदे लागे।