Популярни библейски стихове от लूका 9

Споделяне

प्रभू यीशू ऐ तिनू सोभी खे बुलो, के “जे कुँऐं मुँह पाछी आँणों चहाँव, तअ आप्णी बादी हिछ़या छुड़ी दियों, अरह् रोज-रोज आप्णें दु:खो शुँल़ी-फ़ाँशी टिपियों मुँह फाछी चालो।

किन्देंखे के जू कुँऐं आप्णी जीयाँन बचाँणी चहाला, से तियों जीयाँन गवाँला; परह् जुण्जा कुँऐं मेरी ताँईऐ आप्णी जीयाँन गवाँला, सेजा ही आप्णी जीयाँन बंचाला।

प्रभू यीशू ऐ तैस्खे बुलो, “हंल़ो की आड़ी गाशी हाथ थऐयों जुण्जा कुँऐ पाछ़्खे दे:खो, सैजा पंण्मिश्वर के राज्य ज़ूगा ने आथी।”

जे कोसी आदमी खे बादी संईसारी को राज भेंटलो अरह् से आप्णी जीयाँन गुवाँऐ देला तअ तैस्का का फाय्दा हंदा?

जू कुँऐ मुँदा अरह् मेरी बातो दा सरमाला, तैसी ‘आदमी का बैटा’ भे, जबे आप्णी अरह् आप्णे परंम-पिता पंण्मिश्वर के अरह् पबित्र-स्वर्गदूत्तो के बड़ियाऐं आरी आला तअ तैस्दा से भे तेथै सरमाई ज़ाँदा।

प्रभू यीशू ऐ तैस्खे बुलो, “सियाल़ी, के भे ढोऐं असो, अरह् चोंड़ू ऐ भे कुँह्लो बाँणी थुऐ, परह् आदमी के बैटे के मूँडो घोसर्णो खे भे जागा ने आथी।”

अरह् प्रभू यीशू ऐ तिनू आप्णें सैले खे बुलो, “जुण्जा कुँऐं मेरे नाँव शा ऐथू नहाँन्ड़िया का माँन-समाँन करला, तअ से मेरा माँन-समाँन करला; अरह् जुण्जा कुँऐं मेरा माँन-समाँन करह्, से मेरे भेज्णों वाल़े का भे माँन-समाँन करह्; किन्देंखे के तुँओं सोभी मुँझ्षा जुण्जा छ़ुटे शा छ़ुटा असो, सैजा ही बड़ा असो।”