Популярни библейски стихове от Saŋ 10

Споделяне

O kuuɗ, nguuƭ fo a bar fo yaq na inan. Mi koy, kaam gar, ndax paal ke mi a njeg o ñoow, a njegin ta dey sik.

Mi refu o kaynaak o paax oxe. O kaynaak o paax kaa cooxtaa o ñis um yaam paal ke ten.

Paal ke mi kaa nan-gilooxaa o ñuxur es. Andaam a den, too a naangaxam o ndeefaa.

Kaam ci’aa a den o ñoow o fagkeer ole, too saŋkooxkee muk. O leng suqitkee a den no ɓay es.

Mi refu ndokand ne. Rokitna na mi, xan a muc. Xan a rok, a sutoox, too xan a jeg o suufand.

Mi koy, mi refu o kaynaak o paax oxe. Kaam and paal ke mi, da andaam

Faap es fee ci’axama a den hupu fop, too o leng waagee o suqtit a den no ɓay Faap es. Mi fa Faap fee o leng i ndefu.»

ne andtuuma a Faap fee, Faap fee a andaam. Kaam cooxtaa o ñis es yaam paal ke mi.

O leng suqtiran na mi, mi o mat na cooxtan no fud-o-letu. Jegaam sañ-sañ faa cooxtitanuuma fa sañ-sañ faa jangtanuuma: Keene mat refu ke Faap fee a heblaxama.»

Yeesu a dakooxa o lay a den ee: «No ndigil, no ndigil, mexe layaa a nuun ee: Mi refu ndokand ne no paal ke.

O gaylooƥe le andoona yee jegoodee paal ke koy, oxaa ga’aa o moon a garaa, ta ƴuf a xaƴ paal ke, too maaga xan o moon ole a war leng ke, ke yoqna a pasaroox.

«No ndigil, no ndigil, mexe layaa a nuun ee: Oxe naageerna o reeftaa ged no ndokand ne, ndax a ñoƴaa o gur, o kuuɗ oo. Kaam ee a cuut a maak oo.