Популярни библейски стихове от Yohanes 1

Споделяне

Asogo ukpegesa aʼgeat de, is aphwami nin pema en, at ebe wegesarik e, enede at ebam heʼberik pegesema, Allah eiyagai demat aʼge emagoluk eiyerak enebesi.

Page edip pam en, wene Dem Wene welaga. Dem Wene ai re, Allah eminat welat e, ebe Allah at o.

Nis o hiktak oruakma dakharak nonobou waga aʼge ʼgwielak oruakma, o hiktak ai en orlomong ho mia en ʼgwielagat welago yo.

Dem Wene ano abat agarik e, neneminat welege o. Neneminat welat e, at ebe ai Allah omlogo mesigat dogo aʼge no oluk e, erliktogwi aʼge nenil hege o. At ebabut op en, opsogo taknenebasulat, wene dem wene moʼgulnentasulat, tago modok oruakma nenil hege o.

Allah en di aʼge yu aʼge ʼberlegat walhil waga ai ebe re, at Dem Wene enat walhesi. At ebe erlak wellepma re, mesigat nak ogo walhelep erlak o. Nenelalugapnenebiso aʼge edip arat welago ai en e, nis aphwami dakharak nonobou waga o.

Wene asogo egesarik, nogo oluk, hubet oʼgwe re, at Yesus Yohanes eʼbek wagokhwe il yetholuk e, wene disogo moʼgulentesi, “Allah uam domba aʼge nis aphwami ʼgwiangma wiak togu lege aʼge noʼgorlogo ukpouwa aʼge ano waga etle henil yethemit o.

At enat ʼbogorl ʼgwiang walhesi aʼgeat de, at ebe ʼgwiangma wagarik oruakma re, is aphwami ʼgwiangma aʼge yema en, at ebe pobirak erlak welegesa. At uʼgwarek owi pam waga aʼgeat de, at ue ari en ebe wo erlakma en ukpegesa.

At dakharak ebe demat aʼge ai, ʼgwiangma yema wagalat, nis aphwami ʼberlegat nenebe loʼbok dakharak nonobou waga.

Wene Allah en nenesaʼgo weregei aʼe ano moʼgulnontouwagoluk, nadugat Musa perakpou wagama, moʼgulnentesi aʼgeat de, Allah ebabut op en obapnenebiselat, dem wene moʼgulnentasulat, tuagoluk, Yesus Kristus perakpou wagama moʼgulnentesi ai o.