Популярни библейски стихове от यूहन्‍ना 12

Споделяне

अगर कुई माई सेवा करने चाहवे तां माये भांसु टुरणे पड़ी, जिठे मैं छै, उठे माया दास वी हुवी। अगर कुई माई सेवा करे तां माया ब़ा ओचा कद्दर करी।

जको आपणी जीन्दगी नु प्यारे जाणे ओ विनु गुंती ब़ेसे, ते जको ये दुनिया मां आपणी जीन्दगी नु प्यारे ना जाणी, ओ अनन्त जीवन चे वास्ते विची रक्षा करी।

मैं तम्हानु सच्‍च-सच्‍च किहे, कि जब तक कणकी चा ङाणा भोंये मां ढेती कर खत्तम ना हुती जई, ओ हेकला रिहे। पर जिसे बेले खत्तम हुती जाये, ते ब़ोहत फल आणे।

मैं संसारा मां सोज़ले हुती कर आला छै। कि जको कुई माये उपर विश्‍वास करे ऊं अन्धारे मां ना रिहो।

“अगर कुई माया बाता सुणती कर ना मनी, मैं ओनु दोषी ना ठहरावी। कांकि मैं संसारा नु दोषी ठहराणे वास्ते कोनी, पर संसारा चा उद्धार करने वास्ते आला।

तब मरियम ने जटामांसी चा आधा सेर बेशकीमती इत्र गेहती कर ईशु चे पग़्ग़ा उपर नाखला ते आपणा माला लारे ओचे पग़्ग़ लुहले। इत्र ची खुश्बु लारे सारे घर महकती गेले।

वे खज्जी चा लड़ीया चती कर ओनु मिलणे वास्ते टुरती पले, वे ऊंची अवाजी मां किही पलते, “होशना! धन्‍न छै ओ जको प्रभु चे नांवा लारे आवे पला ओ जको इस्राएल चा राजा छै!”

ऐचे उपर ईशु ने वानु केहले, “ओ समय आती गेला कि मैं इन्सान चे पूता ची महिमा हो।