MATHIU 27
27
Jisu Pilat tânâng Sietkat
(Mak 15.1; Luk 23.1,2; Jhn 18.28-32)
1Rangkhah rangkhoma chentô soam aroakte adong ngale khhepho phannang hehma Jisu ritphe rãng themawa wah. 2Thinma janruma khhek lahma Roman Govono Pilat tânâng sietkat wah.
Juda Rit Ngin
(Ml 1.18,19)
3Chenthu Jisu loatthukte Juda ma Jisu ritphe nginpa chohtat phumma ngakchhih thonghun lahma roakrem janngunpa soam aroakte adong ngale khhepho phannang hehnâng ngakwên kohwah. 4Atema ngatwah, “Ngama toangtang mihnyan pa ritphethuk lekma pap lâmotek!”
Thinma dânthâng wah, “Are nginpa nima chenni ejet ea?” “Arepa nangma jetthin ba!”
5Juda ma ngunpa rangsoamhum ko petphethien kolahma ngakchhoan wah; erediko ate chhoan lahma chethietrit wah.
6Phumma soam aroakte adong pumma ngunpa toansem lahma ngatwah, “Are ngunpa mihnyan heithã, erohwah nãng Niemarang junko are ngunpa Rangsoamhum kowah ngunsek bâkoatko leta sekmin.” 7Phumma ngin pûnthômîn diko, thinma ere ngun pumma mihwun heh mangruk hôanrãng tithôante pit riakwah. 8Erejunko thenep thejâ nângmin erepitko “Heima riakwah pit” ngama mîn eka.
9Erediko Jirimia mõng ma jabtah nginpa toangtang dângwah: “Isrial mihnyan heh punthômîn lahma ate thãrãng kohtah roakrem ngunpa thinma kepwah, 10Ngale Teso ma nganâng chienthang rãngrãng, thinma ere ngun pa tit hôante pit riakrãng kepwah.”
Pilat ma Jisu nâng Nginchhien
(Mak 15.2-5; Luk 23.3-5; Jhn 18.33-38)
11Roman Govono mako Jisu chepwah, eko atenâng “Nanga Jews heh Lowang dangoa?” ngama chhienwah.
“Nangma lâpun jabtoh” ngama Jisu ma dânthâng wah. 12Rohkomin soam aroakte adong ngale khhepho phannang hehma atenâng sekhâmko atema chennimin dânthangho.
13Ephumma Pilat ma atenâng ngatwah, “Thinma nang lelatnâng are ngin thôeka heh nangma tatmohne”
14Phumma Jisu ma khapthemin danthangho, phumma Govono pa nyahrãng patritwah.
Jisu Ritpherãng Ngin Pat
(Mak 15.6-15; Luk 23.13-25; Jhn 18.39—19.16)
15Adankhoam lokuh roakweih henpa nok atang hehma laangphe kohhi ngama ngaeka ere mihnyan pa Roman Govono ma phâtek wah chilaang phewah. 16Ere rangkuhko anga ngama jetlahma phâtek nâng tôngte ate mînpa Jisu Barabas ngama wathe mihnyan dângwah. 17Ephumma chenthu loangchhang pa khôanhok phumma, Pilat ma thinnâng thôngphâ wah, “Ngama henpa laangphêrãng nema hun eken a? Jisu Barabas pa laangphe ang ale, Misaia ngama ngaeka Jisu pa lângphe anga?”
18Pilat ma senthemthem jetlahma dângwah, Jews heh khhepho phannang hehma Jisu nâng phetwan mitchek junko nganâng lohûkoh ehang ngama.
19Metloatthin hum kowah tôngthinko Pilat tông thuko, ate dihiak pumma atenâng ngin matkatwah: “Are toangtang mihnyanko nangma chenjô nekre, chenrãngma ngako ate junma thepen metmãngnâng ngama nyahrãng chêmchoh ekang.”
20Soam aroakte adong ngale khhepho phannang hehma mihnyan hehnâng ngatwah, nema pilat nâng nga en, Barabas laangphe kohhi, ngale Jisu pa arittek reo, ngama. 21Phumma Pilat ma mihnyan hehnâng thôngphâ wah, “Are wanii kowah henpa laangphekoh a?”
Thinma “Barabas laangphe kohhi” ngama dânthâng wah.
22Phumma Pilat ma thinnâng thôngphâ wah, “Eroh medang ako, ngama Misaia ngama rooeka Jisu ko chennire anga?”
Thinma, “Arittek reo!” ngama dânthâng wah.
23Rohkomin Pilat ma thôngphâ wah, “Atema chenni chhihmotah a?”
Ere diphumma “arittek reo!” ngama chaan chaanma danrak wenwah:
24Chenthu Pilat ma mihnyan heh demnâng ngin thamlek thômînpa sekhotu, ngale aroh metham thômîn angko rinba ekhahwak a ngama jetlahma, atema jo toanlahma thin mathahko atedek sâsoan lahma ngatwah, “Are mihnyan ritpa ngamet dangmah! arepa nemaba ritphe eken!”
25Mihnyan heh phangtangma dânthâng wakwah, “Are mihnyan ritthãpa ni ngale nichhu nichha heh khohnâng chendanga!”
26Erediko Pilat ma Barabas laangphewah; ngale atema Jisu nâng watlahma, rittekthuk rewah.
Sipâhi hehma Jisu nâng Jôannam
(Mak 15.16-20; Jhn 19.2,3)
27Erediko Pilat sipâhi hehma Jisu Govono humnâng sietkatwah, ngale Jisu tumlitko mihnyan heh phangtang tumchepwah. 28Thinma Jisu khetpa koakphe wakko lahma, khetchek ngaklit pohkohwah. 29Erediko suhkãngwah khaphokrãng hôan lahma Jisu khoko phokkoh rewah, ngale Jisu dekchahko menthunpa semthuk rewah; erediko ate mako dakuhtho lahma, “Jews heh Lowang roandonglo dongo!” ngama ngawak lahma jôannam wah. 30Thinma atenâng thoakkahma thoak rewah, ngale thankah toan lahma ate khokowat rewah. 31Chenthu thinma Jisu nâng joannam diko, khetchekpa ngakkoakphe kolahma ate khetpa ngakpoh kohwah. Erediko rittekrãng sietchhoan wah.
Jisu Rittek
(Mak 15.21-32; Luk 23.26-43; Jhn 19.17-27)
32Thin loatchhoan poatko, Kren hahwah mihnyan wathe ate mînpa Simon ngama lemko chohmîn wah, phumma sipâhi hehma atenâng Jisu ma peka bãngphakpa pêthukwah. 33Thin a Golgotha theko wângwakwah, arepa, “Khorã sekthinthe” ngama ngaeka. 34Eretheko thinma Jisu nâng angurti demko lihân akhahli saklahma jokthukwah; phumma atema thatliapdek lahma erepa jok ho.
35Thinma Jisu rittek diko, ate khetpa longkendoh nâng tan lahma phenkepwah. 36Erediko thinma eretheko tonglahma bemwah. 37Ate khotokko atenâng dûmmek nyapraang raang lahma bãngphakko betkohwah: “Are Jisu pa Jews heh Lowang” ngama raanglahma betkohwah. 38Erediko thinma Jisu demko ahuhte wanii, ate dekchah wathe ngale dekhitko wathe johrittek wah.
39Adankhôamte mihnyan hehma thinkho hek lahma Jisu nâng dûmmek wah: 40“Nangma Rangsoamhum pa chhihsiet lohma jârem khenko tangak hoan ang ngatohni! Joban Chha medang oko nangdede pepângriio! ngale bãngphak khokowah jâkhoam katanrõ!”
41Ererãngrãngjô soam aroakte adong ngale Niemarang hethôte, erediko khhepho phannang hehma atenâng jôjêmwah: 42“Atema mihhan heh pepâng eka, phumma atedede tape pângriimah! atea Isrial heh Lowang dangmahne? Ate bãngphak khokowah athângheh mejâkhoam karako, nãngmemin atenâng putedâlem e! 43Atema Joban nâng tok anaa lahma atedede Joban Chha ngarii eka. Thatsu tan e, athângheh Joban ma ate pepâng chenhun ale!”
44Ate demwah joh rittektah ahuh heh memin atenâng erohjô dûmmek wah.
Jisu Rit
(Mak 15.33-41; Luk 23.44-49; Jhn 19.28-30)
45Sanhêmthah ko diaktangma koantarem rãng rangnyek dângwah. 46Wanrem sanpoat tôko Jisu ma chaanmõang hôngrakwah, “Eli, Eli, lama sabatthani” are ngaeka pa, “Joban, Joban, chenrãngma thinphe ehanga?” ngama ngaeka.
47Erekowah tôngte mihnyan hehma tat lahma, “Atema Ilija rooeka!” ngama ngatwah. 48Thinkhu tungwah wathe lemlienma chhoanka lahma jochhupli pongpe noappa angurti chhihnâng rûmka lahma thankah rako hetlahma atenâng jokthukrãng phungwah.
49Phumma ahan hehma ngatwah, “Mamêngtan, Ilija ate pepâng rãngma chenka ralema thatsutan e!”
50Eredikomin Jisu ma chaanmõang wientherak lahma rekthôansiet wah.
51Jisu ritdiko Rangsoamhum wah khet tintahpa rangkhoh pumma daphang tôko khanii korãng khâjâwah. Erediko hahtii, longjan heh chhupjâ rewah, 52Mangruk heh lângjâ rewah, ngale ajahthem Joban nâng putedâlemte mihnyan riitah heh ngakhîn rewah 53Thin a mangruk kowah loatchhoan wah, ngale Jisu ritwah ngakhîn diko Asâthôan Hahdaang Jeroselem nâng wângwakwah, eko ajahthem mihnyan hehma thin khewah.
54Chenthu Jisu bemte Sipâhi sahhab ngale ate demwah sipâhi hehma hahtii ngale ere sanpoat kowah chentô dangtah heh khelahma chei rewakwah, ngale thinma, “Linlinjo atea Joban Chha dângwah!” ngama ngatwah.
55Eretheko Jisu nâng hahtaangma sûlahma ajahthem dihiaknyu dângwah, thin a Galili wah Jisu diko atenâng chohsok rãng ngama junkhoam wah. 56Thinkhu chhangko Mariam Makdalani, Jems ngale Josepnii nyong Mariam, ngale Zibidi tangnyu heh dângwah.
Jisu Mangbîn
(Mak 15.42-47; Luk 23.50-56; Jhn 19.38-42)
57Sanhêmthah ko Arimatha hahwah techhuwa wathe hokkhoam hokwah; atemîn pa Josep dângwah, ngale atemin Jisu dijunte dângwah. 58Atema Pilat tânâng wãng lahma Jisu mangpa thâwângwah. Pilat ma Jisu mangpa rûchhoan thukwah. 59Ephumma Josep ma mangpa jâtoan lahma khetnyan nâng doapwah, 60ngale atema longrãwah thutah ate mangruk nyanko rûkatwah. Erediko atema mangruk kenpa longkâsek ma sekthien lahma chhoanwah. 61Mariam Makdalani, ngale ahan Mariam nima mangruk ngeko sûkat lahma tôngwakwah.
Mangruk Bêmte
62Khedi jâpa Pientông rangwojâ dângwah, phumma soam aroakte adong heh ngale Farasi heh Pilat demnâng chohmînwah 63ngale thinma ngatwah, “Sir, nima chhemhun eki, are mothô wapa ahîn thuko, ‘nga a jârem diko ngakhîn rêmin,’ ngama ngatwah. 64Erohwah jârem maleleko ate mangruk pa senthemthem bemsokrãng chien o, eroh ledang kako ate dijunte hehma ate mangpa huhka lahma ngakhintah ngama ephoangthôa. Are athôan wah thôeka mothôpa khebângko thôtah nomemin achhih edanga”.
65Pilat ma thinnâng ngatwah, “Abemte sipâhi hehwah sietletma, mangrukpa senthemthem bemka en.”
66Ephumma thin chhoan lahma longkâsek pa lejien laangli tângmiem katwah, ngale abemte sipâhi hehnâng bemthuk rewah.
Избрани в момента:
MATHIU 27: NOKTBSI
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.
MATHIU 27
27
Jisu Pilat tânâng Sietkat
(Mak 15.1; Luk 23.1,2; Jhn 18.28-32)
1Rangkhah rangkhoma chentô soam aroakte adong ngale khhepho phannang hehma Jisu ritphe rãng themawa wah. 2Thinma janruma khhek lahma Roman Govono Pilat tânâng sietkat wah.
Juda Rit Ngin
(Ml 1.18,19)
3Chenthu Jisu loatthukte Juda ma Jisu ritphe nginpa chohtat phumma ngakchhih thonghun lahma roakrem janngunpa soam aroakte adong ngale khhepho phannang hehnâng ngakwên kohwah. 4Atema ngatwah, “Ngama toangtang mihnyan pa ritphethuk lekma pap lâmotek!”
Thinma dânthâng wah, “Are nginpa nima chenni ejet ea?” “Arepa nangma jetthin ba!”
5Juda ma ngunpa rangsoamhum ko petphethien kolahma ngakchhoan wah; erediko ate chhoan lahma chethietrit wah.
6Phumma soam aroakte adong pumma ngunpa toansem lahma ngatwah, “Are ngunpa mihnyan heithã, erohwah nãng Niemarang junko are ngunpa Rangsoamhum kowah ngunsek bâkoatko leta sekmin.” 7Phumma ngin pûnthômîn diko, thinma ere ngun pumma mihwun heh mangruk hôanrãng tithôante pit riakwah. 8Erejunko thenep thejâ nângmin erepitko “Heima riakwah pit” ngama mîn eka.
9Erediko Jirimia mõng ma jabtah nginpa toangtang dângwah: “Isrial mihnyan heh punthômîn lahma ate thãrãng kohtah roakrem ngunpa thinma kepwah, 10Ngale Teso ma nganâng chienthang rãngrãng, thinma ere ngun pa tit hôante pit riakrãng kepwah.”
Pilat ma Jisu nâng Nginchhien
(Mak 15.2-5; Luk 23.3-5; Jhn 18.33-38)
11Roman Govono mako Jisu chepwah, eko atenâng “Nanga Jews heh Lowang dangoa?” ngama chhienwah.
“Nangma lâpun jabtoh” ngama Jisu ma dânthâng wah. 12Rohkomin soam aroakte adong ngale khhepho phannang hehma atenâng sekhâmko atema chennimin dânthangho.
13Ephumma Pilat ma atenâng ngatwah, “Thinma nang lelatnâng are ngin thôeka heh nangma tatmohne”
14Phumma Jisu ma khapthemin danthangho, phumma Govono pa nyahrãng patritwah.
Jisu Ritpherãng Ngin Pat
(Mak 15.6-15; Luk 23.13-25; Jhn 18.39—19.16)
15Adankhoam lokuh roakweih henpa nok atang hehma laangphe kohhi ngama ngaeka ere mihnyan pa Roman Govono ma phâtek wah chilaang phewah. 16Ere rangkuhko anga ngama jetlahma phâtek nâng tôngte ate mînpa Jisu Barabas ngama wathe mihnyan dângwah. 17Ephumma chenthu loangchhang pa khôanhok phumma, Pilat ma thinnâng thôngphâ wah, “Ngama henpa laangphêrãng nema hun eken a? Jisu Barabas pa laangphe ang ale, Misaia ngama ngaeka Jisu pa lângphe anga?”
18Pilat ma senthemthem jetlahma dângwah, Jews heh khhepho phannang hehma Jisu nâng phetwan mitchek junko nganâng lohûkoh ehang ngama.
19Metloatthin hum kowah tôngthinko Pilat tông thuko, ate dihiak pumma atenâng ngin matkatwah: “Are toangtang mihnyanko nangma chenjô nekre, chenrãngma ngako ate junma thepen metmãngnâng ngama nyahrãng chêmchoh ekang.”
20Soam aroakte adong ngale khhepho phannang hehma mihnyan hehnâng ngatwah, nema pilat nâng nga en, Barabas laangphe kohhi, ngale Jisu pa arittek reo, ngama. 21Phumma Pilat ma mihnyan hehnâng thôngphâ wah, “Are wanii kowah henpa laangphekoh a?”
Thinma “Barabas laangphe kohhi” ngama dânthâng wah.
22Phumma Pilat ma thinnâng thôngphâ wah, “Eroh medang ako, ngama Misaia ngama rooeka Jisu ko chennire anga?”
Thinma, “Arittek reo!” ngama dânthâng wah.
23Rohkomin Pilat ma thôngphâ wah, “Atema chenni chhihmotah a?”
Ere diphumma “arittek reo!” ngama chaan chaanma danrak wenwah:
24Chenthu Pilat ma mihnyan heh demnâng ngin thamlek thômînpa sekhotu, ngale aroh metham thômîn angko rinba ekhahwak a ngama jetlahma, atema jo toanlahma thin mathahko atedek sâsoan lahma ngatwah, “Are mihnyan ritpa ngamet dangmah! arepa nemaba ritphe eken!”
25Mihnyan heh phangtangma dânthâng wakwah, “Are mihnyan ritthãpa ni ngale nichhu nichha heh khohnâng chendanga!”
26Erediko Pilat ma Barabas laangphewah; ngale atema Jisu nâng watlahma, rittekthuk rewah.
Sipâhi hehma Jisu nâng Jôannam
(Mak 15.16-20; Jhn 19.2,3)
27Erediko Pilat sipâhi hehma Jisu Govono humnâng sietkatwah, ngale Jisu tumlitko mihnyan heh phangtang tumchepwah. 28Thinma Jisu khetpa koakphe wakko lahma, khetchek ngaklit pohkohwah. 29Erediko suhkãngwah khaphokrãng hôan lahma Jisu khoko phokkoh rewah, ngale Jisu dekchahko menthunpa semthuk rewah; erediko ate mako dakuhtho lahma, “Jews heh Lowang roandonglo dongo!” ngama ngawak lahma jôannam wah. 30Thinma atenâng thoakkahma thoak rewah, ngale thankah toan lahma ate khokowat rewah. 31Chenthu thinma Jisu nâng joannam diko, khetchekpa ngakkoakphe kolahma ate khetpa ngakpoh kohwah. Erediko rittekrãng sietchhoan wah.
Jisu Rittek
(Mak 15.21-32; Luk 23.26-43; Jhn 19.17-27)
32Thin loatchhoan poatko, Kren hahwah mihnyan wathe ate mînpa Simon ngama lemko chohmîn wah, phumma sipâhi hehma atenâng Jisu ma peka bãngphakpa pêthukwah. 33Thin a Golgotha theko wângwakwah, arepa, “Khorã sekthinthe” ngama ngaeka. 34Eretheko thinma Jisu nâng angurti demko lihân akhahli saklahma jokthukwah; phumma atema thatliapdek lahma erepa jok ho.
35Thinma Jisu rittek diko, ate khetpa longkendoh nâng tan lahma phenkepwah. 36Erediko thinma eretheko tonglahma bemwah. 37Ate khotokko atenâng dûmmek nyapraang raang lahma bãngphakko betkohwah: “Are Jisu pa Jews heh Lowang” ngama raanglahma betkohwah. 38Erediko thinma Jisu demko ahuhte wanii, ate dekchah wathe ngale dekhitko wathe johrittek wah.
39Adankhôamte mihnyan hehma thinkho hek lahma Jisu nâng dûmmek wah: 40“Nangma Rangsoamhum pa chhihsiet lohma jârem khenko tangak hoan ang ngatohni! Joban Chha medang oko nangdede pepângriio! ngale bãngphak khokowah jâkhoam katanrõ!”
41Ererãngrãngjô soam aroakte adong ngale Niemarang hethôte, erediko khhepho phannang hehma atenâng jôjêmwah: 42“Atema mihhan heh pepâng eka, phumma atedede tape pângriimah! atea Isrial heh Lowang dangmahne? Ate bãngphak khokowah athângheh mejâkhoam karako, nãngmemin atenâng putedâlem e! 43Atema Joban nâng tok anaa lahma atedede Joban Chha ngarii eka. Thatsu tan e, athângheh Joban ma ate pepâng chenhun ale!”
44Ate demwah joh rittektah ahuh heh memin atenâng erohjô dûmmek wah.
Jisu Rit
(Mak 15.33-41; Luk 23.44-49; Jhn 19.28-30)
45Sanhêmthah ko diaktangma koantarem rãng rangnyek dângwah. 46Wanrem sanpoat tôko Jisu ma chaanmõang hôngrakwah, “Eli, Eli, lama sabatthani” are ngaeka pa, “Joban, Joban, chenrãngma thinphe ehanga?” ngama ngaeka.
47Erekowah tôngte mihnyan hehma tat lahma, “Atema Ilija rooeka!” ngama ngatwah. 48Thinkhu tungwah wathe lemlienma chhoanka lahma jochhupli pongpe noappa angurti chhihnâng rûmka lahma thankah rako hetlahma atenâng jokthukrãng phungwah.
49Phumma ahan hehma ngatwah, “Mamêngtan, Ilija ate pepâng rãngma chenka ralema thatsutan e!”
50Eredikomin Jisu ma chaanmõang wientherak lahma rekthôansiet wah.
51Jisu ritdiko Rangsoamhum wah khet tintahpa rangkhoh pumma daphang tôko khanii korãng khâjâwah. Erediko hahtii, longjan heh chhupjâ rewah, 52Mangruk heh lângjâ rewah, ngale ajahthem Joban nâng putedâlemte mihnyan riitah heh ngakhîn rewah 53Thin a mangruk kowah loatchhoan wah, ngale Jisu ritwah ngakhîn diko Asâthôan Hahdaang Jeroselem nâng wângwakwah, eko ajahthem mihnyan hehma thin khewah.
54Chenthu Jisu bemte Sipâhi sahhab ngale ate demwah sipâhi hehma hahtii ngale ere sanpoat kowah chentô dangtah heh khelahma chei rewakwah, ngale thinma, “Linlinjo atea Joban Chha dângwah!” ngama ngatwah.
55Eretheko Jisu nâng hahtaangma sûlahma ajahthem dihiaknyu dângwah, thin a Galili wah Jisu diko atenâng chohsok rãng ngama junkhoam wah. 56Thinkhu chhangko Mariam Makdalani, Jems ngale Josepnii nyong Mariam, ngale Zibidi tangnyu heh dângwah.
Jisu Mangbîn
(Mak 15.42-47; Luk 23.50-56; Jhn 19.38-42)
57Sanhêmthah ko Arimatha hahwah techhuwa wathe hokkhoam hokwah; atemîn pa Josep dângwah, ngale atemin Jisu dijunte dângwah. 58Atema Pilat tânâng wãng lahma Jisu mangpa thâwângwah. Pilat ma Jisu mangpa rûchhoan thukwah. 59Ephumma Josep ma mangpa jâtoan lahma khetnyan nâng doapwah, 60ngale atema longrãwah thutah ate mangruk nyanko rûkatwah. Erediko atema mangruk kenpa longkâsek ma sekthien lahma chhoanwah. 61Mariam Makdalani, ngale ahan Mariam nima mangruk ngeko sûkat lahma tôngwakwah.
Mangruk Bêmte
62Khedi jâpa Pientông rangwojâ dângwah, phumma soam aroakte adong heh ngale Farasi heh Pilat demnâng chohmînwah 63ngale thinma ngatwah, “Sir, nima chhemhun eki, are mothô wapa ahîn thuko, ‘nga a jârem diko ngakhîn rêmin,’ ngama ngatwah. 64Erohwah jârem maleleko ate mangruk pa senthemthem bemsokrãng chien o, eroh ledang kako ate dijunte hehma ate mangpa huhka lahma ngakhintah ngama ephoangthôa. Are athôan wah thôeka mothôpa khebângko thôtah nomemin achhih edanga”.
65Pilat ma thinnâng ngatwah, “Abemte sipâhi hehwah sietletma, mangrukpa senthemthem bemka en.”
66Ephumma thin chhoan lahma longkâsek pa lejien laangli tângmiem katwah, ngale abemte sipâhi hehnâng bemthuk rewah.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.