MAK 3
3
Jisu ma Delawa Dekkò Sênsiet
(Mt 12.9-14; Luk 6.6-11)
1Erediko Jisu Sanagog nâng ngakwâng wah, eko delawa dakkò wathe dângwah. 2Eretheko khuthe mihnyan ma Jisu nâng lâthe motoh ngama sekhamhun dângwah; erohwah Pientông jâko mihnyan pa chensensiet ale ngama namhû lahma sokhokwah. 3Jisu ma thinnâng, “Anâng khema nâng wãngrên” ngama ngatwah. 4Erediko atema mihnyan hehnâng chhienwah, “Nãng Niem junko Pientông jâko chenni tâmoatmin a? Mihnâng chohsok moatlem tâmoatmin ale, mihrãng chhihli tâmoatmin a? Mihnyan roandông pepâng moatlem tâmoatmin ale, mihroandông chhihsiet moatlem tâmoatmin a?”
Phumma thinma chenjô jabwak ho. 5Jisu ma rinkhah lahma thinnâng tumlit phoangsok wah, ngale thinnâng mînchenmin rewah, chenrãngma ngako thinhungpa chehjâ ngale bâjâ rewah. Erediko atema mihwako ngatwah, “Nangdek pa chen o.” Ephumma atema chênsietko dekpa ngaksênwah. 6Ephumma Farasi heh Sanagog kowah lemlienma loatchhoan lahma Hirot mihnyan heh demnâng chohmîn lahma Jisu ritphe rãng themawa wah.
Jophanâng Loangchhang Dong
7Jisu le ate dijunte heh Galili jophanâng katwah, phumma loangchhang dong ate diko junkatwah. Thin a Galili ngale Judia diakwah hokwah, 8Erediko Jeroselem, Idumia, Jordan rãngma sankat ngewah, ngale Tair le Sidon hah kêanâ hahwahmin hokwah. Are chentô mihnyan heh Jisu ma moeka moatlem ngin heh chohtat lahma ate tânâng hokwah. 9Loangchhang pa jahmõang dâng phumma Jisu ma ate dijunte hehnâng khôankho lemkohha ngatwah, erohkoba mihnyan hehma atenâng lesahtiet edangwak a. 10Atema jahmõang mihnyan khoanchet mesietwah, ngale khoanchette mihnyan heh atenâng sahloatrãng khema nâng thinmîn wângwah. 11Ngale chenthu juchhih lupte mihnyan hehma ate chohkheko, Jisu mathahko kôanjâ lahma, “Nanga Joban Chha!” ngama rakwah.
12Jisu ma juchhih hehnâng atea hen a erepa hennâng min nekthôkoh en ngama senthemthem ngatwah.
Jisu ma Echhi Wanii Moattat Chhoante Ren
(Mt 10.1-4; Luk 6.12-16)
13Erediko Jisu hahhokho nâng wãng lahma atema lemeka mihnyan heh ate tânâng roowah. Phumma ate tâko hokwah, 14ngale atema echhi wanii renlahma thinnâng moattat chhoante ngama ngatwah. “Ngama ne nga demnâng dângrãng ren eka,” ngama thinnâng thôkoh wah. “Ngama nea Joban ngin phoangthô rãng echienchhoan a, 15ngale nema juchhih junloat rãng chaan echoh en.”
16Atema echhi wanii rentah heh areheh dângwah: Simon (Jisu ma atenâng Piter ngama mînwah); 17Zibidi chha Jems ngale Jon (Jisu ma thinnâng Boanagas ngama mînwah, are ngaeka pa “Rangmok rangphak rãngrãng mihnyan” ngama ngaeka); 18Andru, philip, Bartholomi, Mathiu, Thomas, Alphia chha jakob, Thadaus, ngale diak pênte Simon, 19Jisu chên asângte Juda Iskarot.
Jisu ngale Bilzibul
(Mt 12.22-32; Luk 11.14-23; 12.10)
20Erediko Jisu humnâng wângwah. Phumma Jisu le ate dijunte heh phhekchhah chhah sanpoatjô lechoh mihnyan heh jahmõang khôanhok wah. 21Chenthu Jisu humte tangkâ hehma erengin heh chohtat phumma, ate sietrãng hokwah, chenrãngma ngako, mihnyan hehma, “bâ aphâ reka ngama ngatwah!”
22Jeroselem wah hokwah Niemarang hethôte hehma ngatwah, “Atenâng Bilzibul tonga! Arepa juchhih heh lowang ma atenâng juchhih heh junloat rãng chaankoh eka.”
23Ephumma Jisu ma ate tâko roolahma thinnâng nginthakthô demnâng thôkoh wah: “Joakma joakpa chenroh jienjunloat min a? 24Diak wanthe pa phanjâ lahma thintungko memênmîn ako, ere diakpa chhihjâ rêmin. 25Ngale humthe khenwah mihnyan heh phanjâ lahma thintungko memên ako, ere humkâ pa chhihjâ erea. 26Erohwah joak hahsôngpa thintungko mephanjâ ako, erepa leta lekrõngmin, thôanchhihjâ erea.
27“Khebengko lochaan wapa khhek lahma ledang kako, henmemin ate humpa chhihsiet lahma ate chhahkhem heh leta toanchhoan min; khhekthien lahmaba ate humpa etalonga.
28“Ngama nenâng linlin thôkoh eka, mihnyan nâng ate pap heh phangtang map tâkohmin, ngale atema chentô jabchhih jabkhah jabtah hehmin map tâkohmin.#3.28: thinma jabchhih mejab akomin; ba thinma Joban lelatnâng jabchhih mejab akomin. 29Rohkomin henma komin Asâthôanju lelatnâng mechhihjab ako chenthumin map lekohmin, chenrãngma ngako atema roantang roangjêng rãng pap moeka.” 30(Jisu ma are ngaeka pa mihnyan hehma atenâng, “Juchhihlup eka ngama ngat junko ngatwah.”)
Jisu Nyong ngale Ate Naa heh
(Mt 12.46-50; Luk 8.19-21)
31Erediko Jisu nyong le ate naa heh hokkhoam hokwah. Thin a rangsâko cheplahma ate roorãng humkhen nâng nginmatwên wah. 32Mihnyan heh ate tumlitko jahmõang tonglahma dângwah, ngale atenâng ngatwah, “Sûtan, nang nyong le nang naa delachha le dihiaknya heh rangsâko tonga, thinma nang chohmîn hun eho.”
33Jisu ma dânthâng wah, “Nga nyongpa hen a? ngale nganaa heh hen a?” 34Atema ate tumlit wah tôngte mihnyan hehnâng sûlahma ngatwah, “Sûtan en! Nga nyongpa anã, ngale nganaa hehmin anã heh! 35Henhenma Joban ma huneka moatlem moeka erehehba nganaa delachha, nganaa dihiaknya, ngale nga nyong.”
Избрани в момента:
MAK 3: NOKTBSI
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.
MAK 3
3
Jisu ma Delawa Dekkò Sênsiet
(Mt 12.9-14; Luk 6.6-11)
1Erediko Jisu Sanagog nâng ngakwâng wah, eko delawa dakkò wathe dângwah. 2Eretheko khuthe mihnyan ma Jisu nâng lâthe motoh ngama sekhamhun dângwah; erohwah Pientông jâko mihnyan pa chensensiet ale ngama namhû lahma sokhokwah. 3Jisu ma thinnâng, “Anâng khema nâng wãngrên” ngama ngatwah. 4Erediko atema mihnyan hehnâng chhienwah, “Nãng Niem junko Pientông jâko chenni tâmoatmin a? Mihnâng chohsok moatlem tâmoatmin ale, mihrãng chhihli tâmoatmin a? Mihnyan roandông pepâng moatlem tâmoatmin ale, mihroandông chhihsiet moatlem tâmoatmin a?”
Phumma thinma chenjô jabwak ho. 5Jisu ma rinkhah lahma thinnâng tumlit phoangsok wah, ngale thinnâng mînchenmin rewah, chenrãngma ngako thinhungpa chehjâ ngale bâjâ rewah. Erediko atema mihwako ngatwah, “Nangdek pa chen o.” Ephumma atema chênsietko dekpa ngaksênwah. 6Ephumma Farasi heh Sanagog kowah lemlienma loatchhoan lahma Hirot mihnyan heh demnâng chohmîn lahma Jisu ritphe rãng themawa wah.
Jophanâng Loangchhang Dong
7Jisu le ate dijunte heh Galili jophanâng katwah, phumma loangchhang dong ate diko junkatwah. Thin a Galili ngale Judia diakwah hokwah, 8Erediko Jeroselem, Idumia, Jordan rãngma sankat ngewah, ngale Tair le Sidon hah kêanâ hahwahmin hokwah. Are chentô mihnyan heh Jisu ma moeka moatlem ngin heh chohtat lahma ate tânâng hokwah. 9Loangchhang pa jahmõang dâng phumma Jisu ma ate dijunte hehnâng khôankho lemkohha ngatwah, erohkoba mihnyan hehma atenâng lesahtiet edangwak a. 10Atema jahmõang mihnyan khoanchet mesietwah, ngale khoanchette mihnyan heh atenâng sahloatrãng khema nâng thinmîn wângwah. 11Ngale chenthu juchhih lupte mihnyan hehma ate chohkheko, Jisu mathahko kôanjâ lahma, “Nanga Joban Chha!” ngama rakwah.
12Jisu ma juchhih hehnâng atea hen a erepa hennâng min nekthôkoh en ngama senthemthem ngatwah.
Jisu ma Echhi Wanii Moattat Chhoante Ren
(Mt 10.1-4; Luk 6.12-16)
13Erediko Jisu hahhokho nâng wãng lahma atema lemeka mihnyan heh ate tânâng roowah. Phumma ate tâko hokwah, 14ngale atema echhi wanii renlahma thinnâng moattat chhoante ngama ngatwah. “Ngama ne nga demnâng dângrãng ren eka,” ngama thinnâng thôkoh wah. “Ngama nea Joban ngin phoangthô rãng echienchhoan a, 15ngale nema juchhih junloat rãng chaan echoh en.”
16Atema echhi wanii rentah heh areheh dângwah: Simon (Jisu ma atenâng Piter ngama mînwah); 17Zibidi chha Jems ngale Jon (Jisu ma thinnâng Boanagas ngama mînwah, are ngaeka pa “Rangmok rangphak rãngrãng mihnyan” ngama ngaeka); 18Andru, philip, Bartholomi, Mathiu, Thomas, Alphia chha jakob, Thadaus, ngale diak pênte Simon, 19Jisu chên asângte Juda Iskarot.
Jisu ngale Bilzibul
(Mt 12.22-32; Luk 11.14-23; 12.10)
20Erediko Jisu humnâng wângwah. Phumma Jisu le ate dijunte heh phhekchhah chhah sanpoatjô lechoh mihnyan heh jahmõang khôanhok wah. 21Chenthu Jisu humte tangkâ hehma erengin heh chohtat phumma, ate sietrãng hokwah, chenrãngma ngako, mihnyan hehma, “bâ aphâ reka ngama ngatwah!”
22Jeroselem wah hokwah Niemarang hethôte hehma ngatwah, “Atenâng Bilzibul tonga! Arepa juchhih heh lowang ma atenâng juchhih heh junloat rãng chaankoh eka.”
23Ephumma Jisu ma ate tâko roolahma thinnâng nginthakthô demnâng thôkoh wah: “Joakma joakpa chenroh jienjunloat min a? 24Diak wanthe pa phanjâ lahma thintungko memênmîn ako, ere diakpa chhihjâ rêmin. 25Ngale humthe khenwah mihnyan heh phanjâ lahma thintungko memên ako, ere humkâ pa chhihjâ erea. 26Erohwah joak hahsôngpa thintungko mephanjâ ako, erepa leta lekrõngmin, thôanchhihjâ erea.
27“Khebengko lochaan wapa khhek lahma ledang kako, henmemin ate humpa chhihsiet lahma ate chhahkhem heh leta toanchhoan min; khhekthien lahmaba ate humpa etalonga.
28“Ngama nenâng linlin thôkoh eka, mihnyan nâng ate pap heh phangtang map tâkohmin, ngale atema chentô jabchhih jabkhah jabtah hehmin map tâkohmin.#3.28: thinma jabchhih mejab akomin; ba thinma Joban lelatnâng jabchhih mejab akomin. 29Rohkomin henma komin Asâthôanju lelatnâng mechhihjab ako chenthumin map lekohmin, chenrãngma ngako atema roantang roangjêng rãng pap moeka.” 30(Jisu ma are ngaeka pa mihnyan hehma atenâng, “Juchhihlup eka ngama ngat junko ngatwah.”)
Jisu Nyong ngale Ate Naa heh
(Mt 12.46-50; Luk 8.19-21)
31Erediko Jisu nyong le ate naa heh hokkhoam hokwah. Thin a rangsâko cheplahma ate roorãng humkhen nâng nginmatwên wah. 32Mihnyan heh ate tumlitko jahmõang tonglahma dângwah, ngale atenâng ngatwah, “Sûtan, nang nyong le nang naa delachha le dihiaknya heh rangsâko tonga, thinma nang chohmîn hun eho.”
33Jisu ma dânthâng wah, “Nga nyongpa hen a? ngale nganaa heh hen a?” 34Atema ate tumlit wah tôngte mihnyan hehnâng sûlahma ngatwah, “Sûtan en! Nga nyongpa anã, ngale nganaa hehmin anã heh! 35Henhenma Joban ma huneka moatlem moeka erehehba nganaa delachha, nganaa dihiaknya, ngale nga nyong.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.