Ngāue 13
13
Ko Hono Fili mo Fekau’i ‘o Pānepasa mo Saula
1Na‘e ‘i ai ha kau palōfita mo ha kau faiako he Siasi ‘i ‘Aniteoké, ko Pānepasa, mo Simione, ‘a ia ko hono hingoa ‘e tahá ko Naika, ko Lūsio mei Sailine, ko Maneno, ko e kaume‘a fafale ia ‘o Hēlota, pea mo Saula. 2Pea lolotonga ha‘anau lotu ki he ‘Eikí mo ‘aukai, kuo folofola mai e Laumālie Mā‘oni‘oní, “Fakanofo ‘a Pānepasa mo Saula ke na fai e ngāue kuó u fili kinaua ki aí.” 3Pea toe fakautuutu ange e lotu mo e ‘aukai ‘a e kāinga lotú hono kātoa. Pea hili ia, pea nau hilifaki honau nima kiate kinaua, pea nau toki fekau ke na ō ā.
Ko Pānepasa mo Saula ‘i Saipalo
4Na‘e hili hono fekau ‘e he Laumālie Mā‘oni‘oní ‘a Pānepasa mo Saula ke na ō ‘o fai e ngāué, peá na’á na ō leva ki Selūsia, ‘o toki folau ai ki he motu ko Saipalo. 5Pea ko ‘ena tau atu pē ki he kolo ko Salamisi he motu ko iá, peá na kamata malanga‘i e folofola ‘a e ‘Otuá ‘i he ngaahi fai‘anga lotu ‘o e kakai Siú.
Na‘e kau mo Sione he folaú ke tokoni kia Pānepasa mo Saula.
6Pea fai atu ai pē ‘enau fonongá ‘o a‘u ki he kolo ko Pāfosi ‘i he mui fonua ‘e taha ‘o e motú. Pea nau fe‘iloaki ai mo ha tangata Siu ko Pā-Sīsū, ‘a ia ko hono hingoa ‘e tahá ko ‘Ēlima. Ko e tangata faito‘o fakalou‘akau ia, pea ko e palōfita loi. 7Na‘e toe kau ia he kau ngāue e kōvana ‘o e motú, ko Sēsio Paula, ko e tangata ‘atamai‘ia ‘aupito.
Na‘e faka‘amu ‘a Sēsio Paula ke fanongo ki he folofola ‘a e ‘Otuá, peá ne fekau ‘a Pānepasa mo Saula ke na ō ange. 8Ka na‘e ‘ikai ke loto ki ai ‘a ‘Elimasi. Pea na‘e a‘u ai pē ki he‘ene feinga ke ta‘ofi e kōvaná ke ‘oua ‘e tui ki he ‘Eikí.
9Pea ko Saula, ko hono hingoa ‘e tahá ko Paula, kuo fā‘ofale ai e Laumālie Mā‘oni‘oní. Peá ne sio fakamama‘u kia ‘Elimasi, 10peá ne pehē ange, “Hako‘i tēvolo! Ko e siana loi mo kākā koe. Ko e fili koe ‘o e lelei kotoa pē. ‘E tuku ‘afē ho‘o mimio e mo‘oni ‘a e ‘Eikí? 11Ko eni, ‘e tautea koe ‘e he ‘Eikí. Pea te ke kui leva ‘i ha ngaahi ‘aho.”
Na‘e fakafokifā pē kuo kui e tangatá, ‘o ne taufā holo ki ha taha ke taki ia. 12Pea ko ‘ene mahino pē ki he kōvaná ‘a e me‘a kuo hokó, peá ne tui leva. He na‘e ofo ‘aupito hono ‘atamaí ‘i he fakamatala kuo fai ‘o kau ki he ‘Eikí.
Ko Paula mo Pānepasa ‘i ‘Aniteoke ‘i Pisitia
13Na‘e tukufolau leva ‘a Paula mo ha ni‘ihi mei Pāfosi ki Peaka ‘i he vahefonua Pamifiliá, kae mavahe ‘a Sione meiate kinautolu ‘o foki ki Selusalema. 14Na‘a nau toki hoko atu mei Peaka ki ‘Aniteoke ‘i he vahefonua Pisitiá. Pea a‘u ki he Sāpaté, pea nau ma‘u lotu ki ha fai‘anga lotu ‘o e kakai Siú.
15Pea hili hono lau e folofolá mei he tohi Lao ‘a Mōsesé mo e Tohi ‘a e kau Palōfitá, na‘e fekau ‘e he kau takí ke ‘alu e toko taha ‘o tala ange kia Paula mo Pānepasa, “‘E kāinga, kapau ‘oku ‘i ai ha‘amo poupou ma‘á e kakaí, peá mo lea mai.”
16Na‘e tu‘u hake leva ‘a Paula ‘o ta‘alo ki he kāinga lotú, peá ne pehē ange kiate kinautolu, “Kāinga ‘Isileli, mo kimoutolu kotoa pē ‘oku lotu ki he ‘Otuá, mou fanongo mai. 17Na‘e fili ‘e he ‘Otua ‘o ‘Isilelí ‘etau ngaahi kuí, peá ne tāpuaki‘i hotau kakaí ‘i he‘enau lolotonga nofo ‘i ‘Isipité. Peá ne taki mai kinautolu ‘aki hono to‘ukupu māfimafí 18‘o tauhi kinautolu he toafá he ta‘u ‘e fāngofulu nai. 19Ko e pule‘anga ‘e fitu na‘á ne faka‘auha ‘i he fonua ko Kēnaní, peá ne foaki honau fonuá ma‘a hotau kakaí. 20Ko e ‘ū me‘a ko iá na‘e fe‘unga mo ha ta‘u nai ‘e fāngeau nimangofulu.
Pea toki tuku mai ‘e he ‘Otuá ha kau fakamaau ‘o hotau kakaí ‘o a‘u mai ki he kuonga ‘o e palōfita ko Sāmiuelá. 21Kae holi e kakaí ia ke ‘ai hanau tu‘i. Pea ‘oange leva ‘e he ‘Otuá honau tu‘i ko Saula, ko e foha ‘o Kisi mei he matakali Penisimaní, ‘o tu‘i ia ‘i ha ta‘u ‘e fāngofulu. 22Pea hili iá, pea toe fakahifo ‘e he ‘Otuá ‘a Saula ka ne fokotu‘u ‘a Tēvita ke tu‘i. Pea ko e folofola eni ‘a e ‘Otuá ‘o kau kia Tēvitá, “Ko Tēvita, ‘a e foha ‘o Sesé, ko e fa‘ahinga tangata ‘oku hoa ‘ene mo‘uí mo hoku lotó. He ‘okú ne fai ma‘u pē hoku lotó.”
23Pea na‘e tala‘ofa ‘a e ‘Otuá ‘e ‘i ai ha taha he hako ‘o Tēvitá te ne fakahaofi e kakai ‘Isilelí. Pea ko Sīsū e toko taha ko iá. 24Kae te‘eki ai ke hoko mai ‘a Sīsuú, kuo malanga ‘a Sione ki he kakai ‘Isileli kotoa pē ke nau tafoki leva ki he ‘Otuá, pea papitaiso. 25Pea ofi ke ‘osi ‘a e ngāue ‘a Sioné, peá ne pehē ‘e ia, “‘Oku mou pehē ‘e kimoutolu ko hai au? ‘Oku mou pehē koā ko e Toko Taha au kuo tala‘ofa‘aki maí? ‘Oku ou tala atu, ko e Toko Taha ko iá, ‘e toki hoko mai ‘amui ange. Pea ‘oku ‘ikai te u taau au ke vete ‘a e ha‘i hono senitoló.”
26Fanongo mai ‘a kimoutolu ‘a e hako ‘o ‘Ēpalahamé. Tokanga mai mo kimoutolu ‘a e kakai muli ‘oku ‘i heni ke lotu ki he ‘Otuá. Kuo tuku mai kiate kitautolu e folofola ‘o e fakamo’uí. 27Ko e kakai ‘o Selusalemá mo honau kau takí, na‘e ‘ikai ke mahino kiate kinautolu pe ko hai ‘a Sīsū. Pea na‘e ‘ikai ke mahino kiate kinautolu ‘a e ngaahi lea ‘a e kau palōfitá, ‘a ē ‘oku nau lau he Sāpate kotoa pē. Pea talu ai pē ‘enau tu‘utu‘uni ke tāmate‘i ‘a Sīsū, ‘o hangē pē ko ia na‘e tomu‘a fakahā ‘e he kau palōfitá.
28-29Na‘a nau fai mātē ai ki he me‘a na‘e tomu‘a fakahā he Tohi Tapú te nau faí. Pea neongo na‘a nau fiu fakakaukau‘i ha ‘uhinga ke tāmate‘i ai ‘a Sīsū, ka na‘a nau kei vili pē kia Pailato ke ne tu‘utu‘uni ke tāmate‘i ia.
Pea hili hono tāmate‘i ‘o Sīsuú, na‘e ‘ohifo ia mei he kolosí, ‘o telio ‘i ha fonualoto. 30Ka na‘e fokotu‘u ia ‘e he ‘Otuá mei he maté. 31Pea na‘e toutou hā ai pē ‘a Sīsū ‘i he ngaahi ‘aho lahi ki he kakai na‘e kaungāfononga mo ia mei Kāleli ki Selusalemá. Pea ko kinautolu eni ‘oku nau fakamatala ia ki he kakaí.
32Na‘e fai ‘e he ‘Otuá ha tala‘ofa ki he‘etau ngaahi kuí. Pea ko ‘emau ‘i hení ke tala atu ‘a e Ongoongo Lelei 33‘o kau ki he‘ene fakahoko kiate kitautolu ‘ene tala‘ofa ko iá. ‘Oku hangē pē ko e lau kia Sīsū ‘a e Saame Uá,
‘Ko hoku fohá koe
he kuó u hoko ko ho‘o Tamaí he ‘ahó ni.’
34Na‘e fokotu‘u ‘e he ‘Otuá ‘a Sīsū mei he maté, pea ‘e ‘ikai ‘aupito te ne tuku hono sinó ke ‘auha. ‘Oku hangē pē ko e folofola ‘a e ‘Otuá,
‘Te u fai kiate koe
‘a e tala‘ofa toputapu pē ko ia na‘á ku fai kia Tēvitá.’
35Pea ‘oku toe pehē ‘i he Saame ‘e taha, ‘‘E ‘ikai ‘aupito tuku ‘e he ‘Otuá ke ‘auha ‘a e sino ‘o ‘ene Toko Taha Tāpuhaá.’
36‘I he kei mo‘ui ‘a Tēvitá, na‘á ne talangofua ki he ‘Otuá. Peá ne pekiá, pea telio ia ‘i he fonualoto ‘o hono fāmilí, pea kuo ‘auha hono sinó. 37Ka na‘e fokotu‘u ‘e he ‘Otuá ‘a Sīsū mei he maté. Pea kuo ‘ikai ke ‘auha hono sinó.
38Kāinga, ko e ongoongo leleí ‘a e lava ‘e Sīsū ‘o fakamolemole‘i ho‘omou ngaahi angahalá. Na‘e ‘ikai lava ke fakatau‘atāina‘i kimoutolu ‘aki e Lao ‘a Mōsesé. 39Ka ko e kakai kotoa pē ‘oku tui kia Sīsuú, kuo fakatau‘atāina kinautolu. 40Mou vakavakai lelei na‘a hoko kiate kimoutolu ‘a e me‘a ko eni na‘e lea ‘aki ‘e he kau palōfitá,
41‘Sio mai,
‘a kimoutolu ‘oku mou fakakata‘aki ‘a e ‘Otuá.
Mou ofo, pea mou toki ‘auha ā!
He te u fai he ‘ahó ni
ha me‘a ‘e ‘ikai te mou fa‘a tui ki ai,
Neongo ai pē hano faka‘āuliliki atu.’
42Pea teu ‘a Paula mo Pānepasa ke mavahe mei he fai‘anga lotú, kuo kole ‘e he kakaí ke na toe fakamatala ange mu‘a ‘a e ngaahi me‘a tatau kiate kinautolu ‘i he Sāpate ka hokó. 43Hili ‘enau matuku mei he fai’anga-lotú, na’e ō a Paula mo Pānepasa mo ha kakai Siu tokolahi, mo ha kakai muli tokolahi na‘e tui ‘Otua. Pea na‘e lea ange ‘e Paula mo Pānepasa kiate kinautolu kotoa ke nau piki ki he ‘Otua kuó ne ‘ofa tu‘unga‘a ‘iate kinautolú.
44Pea ko e Sāpate hono hokó, kuo meimei ‘osi mai e koló ke fanongo ki he ongoongo lelei ‘o e ‘Eikí. 45Ka ‘i he sio ‘a e kakai Siú ki he ‘aukau mai e kakaí, na’e fua‘a honau lotó, ‘o nau lea kovi kia Paula mo fakafepaki‘i ‘a e ngaahi me‘a kotoa na‘á ne lea ‘akí. 46Kae loto-to‘a pē ‘a Paula mo Pānepasa, ‘o na pehē, “Na‘e pau pē ke ma tomu‘a tala e folofola ‘a e ‘Otuá kiate kimoutolu peá ma toki tala ki he kakai kehé. Ka kuo mou fakasītua‘i ia. Ko e fakamo‘oni ia ‘oku ‘ikai te mou taau mo e mo‘ui ta‘e ngatá. Te ma ō ai ā ‘o malanga‘i ia ki he kakai mulí. 47He ko e fekau eni kuo fai mai ‘e he ‘Eikí kiate kimauá,
‘Kuó u ‘ai koe ko ha maama,
ke māmangia ai e kakai mulí.
Te ke ‘alu mo e ivi fakamo‘ui ‘o e ‘Otuá
ki he kakai kotoa pē ‘i māmani.’”
48Na‘e fiefia lahi ‘a e kakai mulí ‘i he lau ko iá, ‘o nau fakafeta‘i ‘i he me‘a na‘a nau fanongo ki ai ‘o kau ki he ‘Eikí. Pea ko kinautolu kotoa ne fili ‘e he ‘Otuá ke nau ma‘u e mo‘ui ta‘e ngatá, na‘a nau tui ki he ‘Eikí.
49Na‘e mafola ‘a e ongoongo lelei ‘a e ‘Eikí ki he tapa kotoa ‘o e fonua ko iá. 50Kae ō e kau taki ‘o e kakai Siú ki he kau tu‘u-ki-mu‘a ‘e ni‘ihi he koló, mo e kau fefine faka‘apa‘apa‘ia ‘e ni‘ihi na‘e tui ‘Otuá, ‘o fakakovi’i ‘a Paula mo Pānepasa kiate kinautolu, mo fakatanga‘i kinaua. Pea na‘e a‘u ai pē ‘o kapusi ‘a Paula mo Pānepasa mei he vahefonua ko iá.
51Na‘e tupe‘i leva ‘e Paula mo Pānepasa ‘a e efu ‘o e feitu‘u ko iá mei hona va‘é, ‘o na hiki ki he kolo ko ‘Aikoniume.
52Pea fiefia ‘a e kakai ‘i ‘Aikoniume na‘e tui kia Sīsuú, pea na‘e fonu ‘enau mo‘uí he Laumālie Mā‘oni‘oní.
Избрани в момента:
Ngāue 13: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.
Ngāue 13
13
Ko Hono Fili mo Fekau’i ‘o Pānepasa mo Saula
1Na‘e ‘i ai ha kau palōfita mo ha kau faiako he Siasi ‘i ‘Aniteoké, ko Pānepasa, mo Simione, ‘a ia ko hono hingoa ‘e tahá ko Naika, ko Lūsio mei Sailine, ko Maneno, ko e kaume‘a fafale ia ‘o Hēlota, pea mo Saula. 2Pea lolotonga ha‘anau lotu ki he ‘Eikí mo ‘aukai, kuo folofola mai e Laumālie Mā‘oni‘oní, “Fakanofo ‘a Pānepasa mo Saula ke na fai e ngāue kuó u fili kinaua ki aí.” 3Pea toe fakautuutu ange e lotu mo e ‘aukai ‘a e kāinga lotú hono kātoa. Pea hili ia, pea nau hilifaki honau nima kiate kinaua, pea nau toki fekau ke na ō ā.
Ko Pānepasa mo Saula ‘i Saipalo
4Na‘e hili hono fekau ‘e he Laumālie Mā‘oni‘oní ‘a Pānepasa mo Saula ke na ō ‘o fai e ngāué, peá na’á na ō leva ki Selūsia, ‘o toki folau ai ki he motu ko Saipalo. 5Pea ko ‘ena tau atu pē ki he kolo ko Salamisi he motu ko iá, peá na kamata malanga‘i e folofola ‘a e ‘Otuá ‘i he ngaahi fai‘anga lotu ‘o e kakai Siú.
Na‘e kau mo Sione he folaú ke tokoni kia Pānepasa mo Saula.
6Pea fai atu ai pē ‘enau fonongá ‘o a‘u ki he kolo ko Pāfosi ‘i he mui fonua ‘e taha ‘o e motú. Pea nau fe‘iloaki ai mo ha tangata Siu ko Pā-Sīsū, ‘a ia ko hono hingoa ‘e tahá ko ‘Ēlima. Ko e tangata faito‘o fakalou‘akau ia, pea ko e palōfita loi. 7Na‘e toe kau ia he kau ngāue e kōvana ‘o e motú, ko Sēsio Paula, ko e tangata ‘atamai‘ia ‘aupito.
Na‘e faka‘amu ‘a Sēsio Paula ke fanongo ki he folofola ‘a e ‘Otuá, peá ne fekau ‘a Pānepasa mo Saula ke na ō ange. 8Ka na‘e ‘ikai ke loto ki ai ‘a ‘Elimasi. Pea na‘e a‘u ai pē ki he‘ene feinga ke ta‘ofi e kōvaná ke ‘oua ‘e tui ki he ‘Eikí.
9Pea ko Saula, ko hono hingoa ‘e tahá ko Paula, kuo fā‘ofale ai e Laumālie Mā‘oni‘oní. Peá ne sio fakamama‘u kia ‘Elimasi, 10peá ne pehē ange, “Hako‘i tēvolo! Ko e siana loi mo kākā koe. Ko e fili koe ‘o e lelei kotoa pē. ‘E tuku ‘afē ho‘o mimio e mo‘oni ‘a e ‘Eikí? 11Ko eni, ‘e tautea koe ‘e he ‘Eikí. Pea te ke kui leva ‘i ha ngaahi ‘aho.”
Na‘e fakafokifā pē kuo kui e tangatá, ‘o ne taufā holo ki ha taha ke taki ia. 12Pea ko ‘ene mahino pē ki he kōvaná ‘a e me‘a kuo hokó, peá ne tui leva. He na‘e ofo ‘aupito hono ‘atamaí ‘i he fakamatala kuo fai ‘o kau ki he ‘Eikí.
Ko Paula mo Pānepasa ‘i ‘Aniteoke ‘i Pisitia
13Na‘e tukufolau leva ‘a Paula mo ha ni‘ihi mei Pāfosi ki Peaka ‘i he vahefonua Pamifiliá, kae mavahe ‘a Sione meiate kinautolu ‘o foki ki Selusalema. 14Na‘a nau toki hoko atu mei Peaka ki ‘Aniteoke ‘i he vahefonua Pisitiá. Pea a‘u ki he Sāpaté, pea nau ma‘u lotu ki ha fai‘anga lotu ‘o e kakai Siú.
15Pea hili hono lau e folofolá mei he tohi Lao ‘a Mōsesé mo e Tohi ‘a e kau Palōfitá, na‘e fekau ‘e he kau takí ke ‘alu e toko taha ‘o tala ange kia Paula mo Pānepasa, “‘E kāinga, kapau ‘oku ‘i ai ha‘amo poupou ma‘á e kakaí, peá mo lea mai.”
16Na‘e tu‘u hake leva ‘a Paula ‘o ta‘alo ki he kāinga lotú, peá ne pehē ange kiate kinautolu, “Kāinga ‘Isileli, mo kimoutolu kotoa pē ‘oku lotu ki he ‘Otuá, mou fanongo mai. 17Na‘e fili ‘e he ‘Otua ‘o ‘Isilelí ‘etau ngaahi kuí, peá ne tāpuaki‘i hotau kakaí ‘i he‘enau lolotonga nofo ‘i ‘Isipité. Peá ne taki mai kinautolu ‘aki hono to‘ukupu māfimafí 18‘o tauhi kinautolu he toafá he ta‘u ‘e fāngofulu nai. 19Ko e pule‘anga ‘e fitu na‘á ne faka‘auha ‘i he fonua ko Kēnaní, peá ne foaki honau fonuá ma‘a hotau kakaí. 20Ko e ‘ū me‘a ko iá na‘e fe‘unga mo ha ta‘u nai ‘e fāngeau nimangofulu.
Pea toki tuku mai ‘e he ‘Otuá ha kau fakamaau ‘o hotau kakaí ‘o a‘u mai ki he kuonga ‘o e palōfita ko Sāmiuelá. 21Kae holi e kakaí ia ke ‘ai hanau tu‘i. Pea ‘oange leva ‘e he ‘Otuá honau tu‘i ko Saula, ko e foha ‘o Kisi mei he matakali Penisimaní, ‘o tu‘i ia ‘i ha ta‘u ‘e fāngofulu. 22Pea hili iá, pea toe fakahifo ‘e he ‘Otuá ‘a Saula ka ne fokotu‘u ‘a Tēvita ke tu‘i. Pea ko e folofola eni ‘a e ‘Otuá ‘o kau kia Tēvitá, “Ko Tēvita, ‘a e foha ‘o Sesé, ko e fa‘ahinga tangata ‘oku hoa ‘ene mo‘uí mo hoku lotó. He ‘okú ne fai ma‘u pē hoku lotó.”
23Pea na‘e tala‘ofa ‘a e ‘Otuá ‘e ‘i ai ha taha he hako ‘o Tēvitá te ne fakahaofi e kakai ‘Isilelí. Pea ko Sīsū e toko taha ko iá. 24Kae te‘eki ai ke hoko mai ‘a Sīsuú, kuo malanga ‘a Sione ki he kakai ‘Isileli kotoa pē ke nau tafoki leva ki he ‘Otuá, pea papitaiso. 25Pea ofi ke ‘osi ‘a e ngāue ‘a Sioné, peá ne pehē ‘e ia, “‘Oku mou pehē ‘e kimoutolu ko hai au? ‘Oku mou pehē koā ko e Toko Taha au kuo tala‘ofa‘aki maí? ‘Oku ou tala atu, ko e Toko Taha ko iá, ‘e toki hoko mai ‘amui ange. Pea ‘oku ‘ikai te u taau au ke vete ‘a e ha‘i hono senitoló.”
26Fanongo mai ‘a kimoutolu ‘a e hako ‘o ‘Ēpalahamé. Tokanga mai mo kimoutolu ‘a e kakai muli ‘oku ‘i heni ke lotu ki he ‘Otuá. Kuo tuku mai kiate kitautolu e folofola ‘o e fakamo’uí. 27Ko e kakai ‘o Selusalemá mo honau kau takí, na‘e ‘ikai ke mahino kiate kinautolu pe ko hai ‘a Sīsū. Pea na‘e ‘ikai ke mahino kiate kinautolu ‘a e ngaahi lea ‘a e kau palōfitá, ‘a ē ‘oku nau lau he Sāpate kotoa pē. Pea talu ai pē ‘enau tu‘utu‘uni ke tāmate‘i ‘a Sīsū, ‘o hangē pē ko ia na‘e tomu‘a fakahā ‘e he kau palōfitá.
28-29Na‘a nau fai mātē ai ki he me‘a na‘e tomu‘a fakahā he Tohi Tapú te nau faí. Pea neongo na‘a nau fiu fakakaukau‘i ha ‘uhinga ke tāmate‘i ai ‘a Sīsū, ka na‘a nau kei vili pē kia Pailato ke ne tu‘utu‘uni ke tāmate‘i ia.
Pea hili hono tāmate‘i ‘o Sīsuú, na‘e ‘ohifo ia mei he kolosí, ‘o telio ‘i ha fonualoto. 30Ka na‘e fokotu‘u ia ‘e he ‘Otuá mei he maté. 31Pea na‘e toutou hā ai pē ‘a Sīsū ‘i he ngaahi ‘aho lahi ki he kakai na‘e kaungāfononga mo ia mei Kāleli ki Selusalemá. Pea ko kinautolu eni ‘oku nau fakamatala ia ki he kakaí.
32Na‘e fai ‘e he ‘Otuá ha tala‘ofa ki he‘etau ngaahi kuí. Pea ko ‘emau ‘i hení ke tala atu ‘a e Ongoongo Lelei 33‘o kau ki he‘ene fakahoko kiate kitautolu ‘ene tala‘ofa ko iá. ‘Oku hangē pē ko e lau kia Sīsū ‘a e Saame Uá,
‘Ko hoku fohá koe
he kuó u hoko ko ho‘o Tamaí he ‘ahó ni.’
34Na‘e fokotu‘u ‘e he ‘Otuá ‘a Sīsū mei he maté, pea ‘e ‘ikai ‘aupito te ne tuku hono sinó ke ‘auha. ‘Oku hangē pē ko e folofola ‘a e ‘Otuá,
‘Te u fai kiate koe
‘a e tala‘ofa toputapu pē ko ia na‘á ku fai kia Tēvitá.’
35Pea ‘oku toe pehē ‘i he Saame ‘e taha, ‘‘E ‘ikai ‘aupito tuku ‘e he ‘Otuá ke ‘auha ‘a e sino ‘o ‘ene Toko Taha Tāpuhaá.’
36‘I he kei mo‘ui ‘a Tēvitá, na‘á ne talangofua ki he ‘Otuá. Peá ne pekiá, pea telio ia ‘i he fonualoto ‘o hono fāmilí, pea kuo ‘auha hono sinó. 37Ka na‘e fokotu‘u ‘e he ‘Otuá ‘a Sīsū mei he maté. Pea kuo ‘ikai ke ‘auha hono sinó.
38Kāinga, ko e ongoongo leleí ‘a e lava ‘e Sīsū ‘o fakamolemole‘i ho‘omou ngaahi angahalá. Na‘e ‘ikai lava ke fakatau‘atāina‘i kimoutolu ‘aki e Lao ‘a Mōsesé. 39Ka ko e kakai kotoa pē ‘oku tui kia Sīsuú, kuo fakatau‘atāina kinautolu. 40Mou vakavakai lelei na‘a hoko kiate kimoutolu ‘a e me‘a ko eni na‘e lea ‘aki ‘e he kau palōfitá,
41‘Sio mai,
‘a kimoutolu ‘oku mou fakakata‘aki ‘a e ‘Otuá.
Mou ofo, pea mou toki ‘auha ā!
He te u fai he ‘ahó ni
ha me‘a ‘e ‘ikai te mou fa‘a tui ki ai,
Neongo ai pē hano faka‘āuliliki atu.’
42Pea teu ‘a Paula mo Pānepasa ke mavahe mei he fai‘anga lotú, kuo kole ‘e he kakaí ke na toe fakamatala ange mu‘a ‘a e ngaahi me‘a tatau kiate kinautolu ‘i he Sāpate ka hokó. 43Hili ‘enau matuku mei he fai’anga-lotú, na’e ō a Paula mo Pānepasa mo ha kakai Siu tokolahi, mo ha kakai muli tokolahi na‘e tui ‘Otua. Pea na‘e lea ange ‘e Paula mo Pānepasa kiate kinautolu kotoa ke nau piki ki he ‘Otua kuó ne ‘ofa tu‘unga‘a ‘iate kinautolú.
44Pea ko e Sāpate hono hokó, kuo meimei ‘osi mai e koló ke fanongo ki he ongoongo lelei ‘o e ‘Eikí. 45Ka ‘i he sio ‘a e kakai Siú ki he ‘aukau mai e kakaí, na’e fua‘a honau lotó, ‘o nau lea kovi kia Paula mo fakafepaki‘i ‘a e ngaahi me‘a kotoa na‘á ne lea ‘akí. 46Kae loto-to‘a pē ‘a Paula mo Pānepasa, ‘o na pehē, “Na‘e pau pē ke ma tomu‘a tala e folofola ‘a e ‘Otuá kiate kimoutolu peá ma toki tala ki he kakai kehé. Ka kuo mou fakasītua‘i ia. Ko e fakamo‘oni ia ‘oku ‘ikai te mou taau mo e mo‘ui ta‘e ngatá. Te ma ō ai ā ‘o malanga‘i ia ki he kakai mulí. 47He ko e fekau eni kuo fai mai ‘e he ‘Eikí kiate kimauá,
‘Kuó u ‘ai koe ko ha maama,
ke māmangia ai e kakai mulí.
Te ke ‘alu mo e ivi fakamo‘ui ‘o e ‘Otuá
ki he kakai kotoa pē ‘i māmani.’”
48Na‘e fiefia lahi ‘a e kakai mulí ‘i he lau ko iá, ‘o nau fakafeta‘i ‘i he me‘a na‘a nau fanongo ki ai ‘o kau ki he ‘Eikí. Pea ko kinautolu kotoa ne fili ‘e he ‘Otuá ke nau ma‘u e mo‘ui ta‘e ngatá, na‘a nau tui ki he ‘Eikí.
49Na‘e mafola ‘a e ongoongo lelei ‘a e ‘Eikí ki he tapa kotoa ‘o e fonua ko iá. 50Kae ō e kau taki ‘o e kakai Siú ki he kau tu‘u-ki-mu‘a ‘e ni‘ihi he koló, mo e kau fefine faka‘apa‘apa‘ia ‘e ni‘ihi na‘e tui ‘Otuá, ‘o fakakovi’i ‘a Paula mo Pānepasa kiate kinautolu, mo fakatanga‘i kinaua. Pea na‘e a‘u ai pē ‘o kapusi ‘a Paula mo Pānepasa mei he vahefonua ko iá.
51Na‘e tupe‘i leva ‘e Paula mo Pānepasa ‘a e efu ‘o e feitu‘u ko iá mei hona va‘é, ‘o na hiki ki he kolo ko ‘Aikoniume.
52Pea fiefia ‘a e kakai ‘i ‘Aikoniume na‘e tui kia Sīsuú, pea na‘e fonu ‘enau mo‘uí he Laumālie Mā‘oni‘oní.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.