Luke 15
15
Ko e Sipi Na‘e Heé
(Mātiu 18:12-14)
1Pea haha‘o mai kia Si̇̄sū ʻa e kotoa ʻo e kau tānaki tukuhaú mo e kau angahalá ke fanongo malanga ‘iate ia. 2Pea femuhumuhuʻi ai ʻa e kau Fālesi̇́ mo e kau faiako Lao ʻa Mōsesé, ʻo pehē: ‟Ko e siana ko eni̇́, ‘okú naʻe talitali lelei ʻa e kau angahalá, ʻo ne ma‘u me‘atokoni fakataha mo kinautolu!”
3Pea fai ‘e Si̇̄sū kiate kinautolu ʻa e talanoa fakatātā ko ʻeni̇́:
4‟Tau pehē ko ha taha ‘iate kimoutolu na‘e ʻi ai ha‘ane fanga sipi ‘e toko teau, pea hē mei ai ha ki‘i toko taha. ‘Ikai te ne tuku ʻa e fanga sipi ʻe toko hivangofulu mā hivá ʻi honau kaikai‘angá, ka naʻe ʻalu atu ‘o kumi ʻa e sipi na‘e heé, kae ‘oua leva kuó ne ma‘u ia?
5Peá ka ma‘u leva ia, pea ʻokú ne fua hake ia ʻo ʻai ki hono umá kuó ne fiefia lahi. 6Pea naʻe ʻalu atu ki hono ʻapi̇́, ʻo ne toki ui mai hono ngaahi maheni̇́ mo hono ngaahi kaungā‘api̇́ ‘o tala kiate kinautolu, ‘Mou omi ke tau fakafiefia! He kuo toe ma‘u mai ʻeku sipi na‘e heé!”
7ʻOkú ou talaatu kiate kimoutolu: ‟‘E pehē tofu pē ʻa e lahi ʻa e fiefia ʻi he langi̇́ ʻi he fakatomala ha toko taha, ʻi ha toko hivangofulu mā hiva ‘oku ‘ikai ha fiemaʻu ke nau fakatomala.”
Ko e Pa‘anga Na‘e Puli
8‟Pea tau pehē ko ha fine‘eiki na‘e ʻi ai ʻene pa‘anga siliva ‘e hongofulu, pea ʻiloangé kuo mole haʻane pa‘anga siliva ‘e taha. ‘Ikai te ne tutu ʻene māamá, pea tafi hono falé ‘o kumi fakamātoato kae‘oua leva kuó ne ma‘u ʻene pa‘anga na‘e molé?
9Pea ʻi heʻene maʻu iá, ʻokú ne ui mai leva hono ngaahi maheni̇́ mo hono ngaahi kaungā‘api̇́ ‘o tala kiate kinautolu, ‘Tau fakafiefia muʻa! He ko ʻeni kuo maʻu ʻeku pa‘anga na‘e molé!”
10ʻOkú ou talaatu: ‟‘E pehē tofu pē ʻa e fiefia ʻa e kau ʻāngeló ʻa e ʻOtuá ʻi ha fakatomala ʻa ha foʻi angahala ʻe toko taha.”
Ko e Ongo Tautehina
11Pea toe fai ‘e Si̇̄sū kiate kinautolu mo e fo‘i talanoa fakatātā ko eni̇́: ‟Lau tokua na‘e ʻi ai ha tangata mo hano ongo foha. 12Pea lea ange ʻe he foha si‘i̇́ ki heʻene tangata‘eiki̇́, ‛Tuku mai muʻa hoku ʻinasi̇́ ʻi ho‘o koloá.’ Ko ia naʻe hanga ‘e he tangata‘eiki̇́ ‘o vaeua ʻene koloá maʻa hono ongo fohá.
13Pea fuoloa pē si‘i mei ai, naʻe fakamā‘opo‘opo kotoa ‘e he foha si‘i̇́ hono ʻinasi he koloá, ʻo ne fetukutuku atu ki ha fonua mama‘o, ‘o naʻe fakamoleki ai ʻene koloá he mo‘ui fakalusá. 14Pea ʻi he ʻosi kotoa ʻene koloá, naʻe tō ha fu‘u honge he fonuá, pea kuo ‘ikai ke ne toe ma‘u ha meʻa ke kai. 15Pea ʻalu leva ia ‘o ngāue totongi ki ha tangata he fonua ko iā. Pea fekau ‘e he tangatá, ke ne ʻalu ki heʻene ngoueʻangá, ‘o tokanga‘i ʻene fanga puaká.
16Pea naʻe faʻa faka‘amu ʻe ia ke ne kai mai ʻa e me‘akai ʻa e fanga puaká, ka na‘e ‘ikai ke ‘oange ‘e ha taha ha meʻa ke ne kai.
17Pea faifai pea haʻu kiate ia hono ʻatamai̇́, pea naʻe toki pehē: ‛‘Oku tokolahi pē ʻa e kau ngāue ʻa ʻeku tangata‘eiki̇́, ka ʻoku nau kai pea toe pē, ka ko ʻeni te u mate au heni he fiekaiá. 18Te u tuʻu ʻo foki ki he‘eku tangata‘eiki̇́ ‘o talaange, ‘E Tamai, kuo u faiangahala ki he ‘Otuá ʻi langi, pea kiate koe foki. 19‘Oku ‘ikai kei taau ke lau au ko ho foha. Ka ke lau pē muʻa au ko e toko taha ʻi ho‘o kau ngāue totongi̇́.’
20Pea tuʻu hake ia ʻo ne ʻalu atu ke foki ki heʻene tangata‘eiki̇́. Kae lolotonga ʻene kei mamaʻó, naʻe mamata kiate ia ‘e heʻene tangata‘eiki̇́ pea ake ʻa e ʻofá ʻi hono lotó, ‘o naʻe lele atu ‘o fā‘ofua mo ‘uma kiate ia.
21Pea lea ange hono fohá kiate ia, ‛ʻE tamai, kuo u faiangahala ki he ‘Otuá ʻi langi, pea mo koe foki. Pea ‘oku ‘ikai kei taau ke lau au ko ho foha.’
22Ka naʻe tala ‘e he tangata‘eiki̇́ ki heʻene kau ngāué, ‛Mou fakavavevave ‘o to‘o mai ʻa e pulupulu fakalāngilangi ‘o ‘ai kiate ia. Pea ‘ai ha mama ki hono nimá mo ha sū ki hono vaʻé. 23Pea taki mai mo e ki‘i pulu sino tahá ‘o tāmateʻi ke tau kai fakafiefia. 24He ko hoku foha ʻeni na‘e maté kuo toe moʻui, na‘e hē, ka kuo toe foki mai.’ Pea ko ia naʻe kamata leva ʻenau fakafiefiá.
25Kae lolotonga iá ‘oku kei ʻi ‘uta e foha lahi̇́. Pea ʻi heʻene foki atu ‘o fakaofiofi atu ki ‘api̇́, naʻá ne fanongo ki he hiva mo e fakafiefiá. 26Pea naʻe ui ange ʻa e tamaio‘eiki ‘e taha ʻi honau ‘api̇́, ‘o naʻe ʻeke ki ai pē ko e hā ʻa e meʻa ‘oku hokó.
27Pea naʻe talaange kiate ia, ‛Ko ho tehiná, kuo foki mo‘ui mai ki ʻapi. Pea kuo tāmateʻi ‘e ho‘o tangata‘eiki̇́ ʻa e ki‘i pulu sino tahá koeʻuhi̇̄ ko ʻene toefoki moʻui mai̇́.’
28Pea ‘ita lahi ai ia, ʻo ‘ikai ke ne fie hū ki fale. Ko ia naʻe hū kituʻa ʻa e tangata‘eiki̇́ ‘o fakakolekole kiate ia ke ne hū ange muʻa ki fale. 29Kae talitu‘u pē ʻe ia ki heʻene tangata‘eiki̇́, ʻo pehē: ‛Ko e ta‘u ʻeni ‘e fiha ʻeku ngāue kiate koe ‘o hangē ha pōpulá, mo fakaongo ai pē kiate koe! Kae hala‘atā ke ke tuku mai ha ki‘i kosi ke u fakafiefia ʻaki mo hoku ngaahi kaungāmeʻá. 30Ka ʻi he foki mai leva ho foha ko ē naʻá ne maumauʻi noa ho‘o pa‘angá he kau fe‘auaki, kuó ke tu‘utu‘uni ke tāmate‘i ʻa e ki‘i pulu faka‘ofo‘ofa tahá, mo fai ha kātoanga fakafiefia kiate ia.’
31Pea pehēange ‘e he tangata‘eiki̇́, ‛Si‘oku foha. Ko koé, ‘okú ta nofo ma‘u pē, pea ko ʻeku meʻa kotoa pē, ko ho‘o meʻa. 32Ka ʻoku totonu pē ke tau fiefia mo fai kātoanga koeʻuhi̇̄ ko ho tehina na‘e maté, kuo toe mo‘ui; na‘e mole, ka kuo toe maʻu mai ia.’”
Избрани в момента:
Luke 15: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.
Luke 15
15
Ko e Sipi Na‘e Heé
(Mātiu 18:12-14)
1Pea haha‘o mai kia Si̇̄sū ʻa e kotoa ʻo e kau tānaki tukuhaú mo e kau angahalá ke fanongo malanga ‘iate ia. 2Pea femuhumuhuʻi ai ʻa e kau Fālesi̇́ mo e kau faiako Lao ʻa Mōsesé, ʻo pehē: ‟Ko e siana ko eni̇́, ‘okú naʻe talitali lelei ʻa e kau angahalá, ʻo ne ma‘u me‘atokoni fakataha mo kinautolu!”
3Pea fai ‘e Si̇̄sū kiate kinautolu ʻa e talanoa fakatātā ko ʻeni̇́:
4‟Tau pehē ko ha taha ‘iate kimoutolu na‘e ʻi ai ha‘ane fanga sipi ‘e toko teau, pea hē mei ai ha ki‘i toko taha. ‘Ikai te ne tuku ʻa e fanga sipi ʻe toko hivangofulu mā hivá ʻi honau kaikai‘angá, ka naʻe ʻalu atu ‘o kumi ʻa e sipi na‘e heé, kae ‘oua leva kuó ne ma‘u ia?
5Peá ka ma‘u leva ia, pea ʻokú ne fua hake ia ʻo ʻai ki hono umá kuó ne fiefia lahi. 6Pea naʻe ʻalu atu ki hono ʻapi̇́, ʻo ne toki ui mai hono ngaahi maheni̇́ mo hono ngaahi kaungā‘api̇́ ‘o tala kiate kinautolu, ‘Mou omi ke tau fakafiefia! He kuo toe ma‘u mai ʻeku sipi na‘e heé!”
7ʻOkú ou talaatu kiate kimoutolu: ‟‘E pehē tofu pē ʻa e lahi ʻa e fiefia ʻi he langi̇́ ʻi he fakatomala ha toko taha, ʻi ha toko hivangofulu mā hiva ‘oku ‘ikai ha fiemaʻu ke nau fakatomala.”
Ko e Pa‘anga Na‘e Puli
8‟Pea tau pehē ko ha fine‘eiki na‘e ʻi ai ʻene pa‘anga siliva ‘e hongofulu, pea ʻiloangé kuo mole haʻane pa‘anga siliva ‘e taha. ‘Ikai te ne tutu ʻene māamá, pea tafi hono falé ‘o kumi fakamātoato kae‘oua leva kuó ne ma‘u ʻene pa‘anga na‘e molé?
9Pea ʻi heʻene maʻu iá, ʻokú ne ui mai leva hono ngaahi maheni̇́ mo hono ngaahi kaungā‘api̇́ ‘o tala kiate kinautolu, ‘Tau fakafiefia muʻa! He ko ʻeni kuo maʻu ʻeku pa‘anga na‘e molé!”
10ʻOkú ou talaatu: ‟‘E pehē tofu pē ʻa e fiefia ʻa e kau ʻāngeló ʻa e ʻOtuá ʻi ha fakatomala ʻa ha foʻi angahala ʻe toko taha.”
Ko e Ongo Tautehina
11Pea toe fai ‘e Si̇̄sū kiate kinautolu mo e fo‘i talanoa fakatātā ko eni̇́: ‟Lau tokua na‘e ʻi ai ha tangata mo hano ongo foha. 12Pea lea ange ʻe he foha si‘i̇́ ki heʻene tangata‘eiki̇́, ‛Tuku mai muʻa hoku ʻinasi̇́ ʻi ho‘o koloá.’ Ko ia naʻe hanga ‘e he tangata‘eiki̇́ ‘o vaeua ʻene koloá maʻa hono ongo fohá.
13Pea fuoloa pē si‘i mei ai, naʻe fakamā‘opo‘opo kotoa ‘e he foha si‘i̇́ hono ʻinasi he koloá, ʻo ne fetukutuku atu ki ha fonua mama‘o, ‘o naʻe fakamoleki ai ʻene koloá he mo‘ui fakalusá. 14Pea ʻi he ʻosi kotoa ʻene koloá, naʻe tō ha fu‘u honge he fonuá, pea kuo ‘ikai ke ne toe ma‘u ha meʻa ke kai. 15Pea ʻalu leva ia ‘o ngāue totongi ki ha tangata he fonua ko iā. Pea fekau ‘e he tangatá, ke ne ʻalu ki heʻene ngoueʻangá, ‘o tokanga‘i ʻene fanga puaká.
16Pea naʻe faʻa faka‘amu ʻe ia ke ne kai mai ʻa e me‘akai ʻa e fanga puaká, ka na‘e ‘ikai ke ‘oange ‘e ha taha ha meʻa ke ne kai.
17Pea faifai pea haʻu kiate ia hono ʻatamai̇́, pea naʻe toki pehē: ‛‘Oku tokolahi pē ʻa e kau ngāue ʻa ʻeku tangata‘eiki̇́, ka ʻoku nau kai pea toe pē, ka ko ʻeni te u mate au heni he fiekaiá. 18Te u tuʻu ʻo foki ki he‘eku tangata‘eiki̇́ ‘o talaange, ‘E Tamai, kuo u faiangahala ki he ‘Otuá ʻi langi, pea kiate koe foki. 19‘Oku ‘ikai kei taau ke lau au ko ho foha. Ka ke lau pē muʻa au ko e toko taha ʻi ho‘o kau ngāue totongi̇́.’
20Pea tuʻu hake ia ʻo ne ʻalu atu ke foki ki heʻene tangata‘eiki̇́. Kae lolotonga ʻene kei mamaʻó, naʻe mamata kiate ia ‘e heʻene tangata‘eiki̇́ pea ake ʻa e ʻofá ʻi hono lotó, ‘o naʻe lele atu ‘o fā‘ofua mo ‘uma kiate ia.
21Pea lea ange hono fohá kiate ia, ‛ʻE tamai, kuo u faiangahala ki he ‘Otuá ʻi langi, pea mo koe foki. Pea ‘oku ‘ikai kei taau ke lau au ko ho foha.’
22Ka naʻe tala ‘e he tangata‘eiki̇́ ki heʻene kau ngāué, ‛Mou fakavavevave ‘o to‘o mai ʻa e pulupulu fakalāngilangi ‘o ‘ai kiate ia. Pea ‘ai ha mama ki hono nimá mo ha sū ki hono vaʻé. 23Pea taki mai mo e ki‘i pulu sino tahá ‘o tāmateʻi ke tau kai fakafiefia. 24He ko hoku foha ʻeni na‘e maté kuo toe moʻui, na‘e hē, ka kuo toe foki mai.’ Pea ko ia naʻe kamata leva ʻenau fakafiefiá.
25Kae lolotonga iá ‘oku kei ʻi ‘uta e foha lahi̇́. Pea ʻi heʻene foki atu ‘o fakaofiofi atu ki ‘api̇́, naʻá ne fanongo ki he hiva mo e fakafiefiá. 26Pea naʻe ui ange ʻa e tamaio‘eiki ‘e taha ʻi honau ‘api̇́, ‘o naʻe ʻeke ki ai pē ko e hā ʻa e meʻa ‘oku hokó.
27Pea naʻe talaange kiate ia, ‛Ko ho tehiná, kuo foki mo‘ui mai ki ʻapi. Pea kuo tāmateʻi ‘e ho‘o tangata‘eiki̇́ ʻa e ki‘i pulu sino tahá koeʻuhi̇̄ ko ʻene toefoki moʻui mai̇́.’
28Pea ‘ita lahi ai ia, ʻo ‘ikai ke ne fie hū ki fale. Ko ia naʻe hū kituʻa ʻa e tangata‘eiki̇́ ‘o fakakolekole kiate ia ke ne hū ange muʻa ki fale. 29Kae talitu‘u pē ʻe ia ki heʻene tangata‘eiki̇́, ʻo pehē: ‛Ko e ta‘u ʻeni ‘e fiha ʻeku ngāue kiate koe ‘o hangē ha pōpulá, mo fakaongo ai pē kiate koe! Kae hala‘atā ke ke tuku mai ha ki‘i kosi ke u fakafiefia ʻaki mo hoku ngaahi kaungāmeʻá. 30Ka ʻi he foki mai leva ho foha ko ē naʻá ne maumauʻi noa ho‘o pa‘angá he kau fe‘auaki, kuó ke tu‘utu‘uni ke tāmate‘i ʻa e ki‘i pulu faka‘ofo‘ofa tahá, mo fai ha kātoanga fakafiefia kiate ia.’
31Pea pehēange ‘e he tangata‘eiki̇́, ‛Si‘oku foha. Ko koé, ‘okú ta nofo ma‘u pē, pea ko ʻeku meʻa kotoa pē, ko ho‘o meʻa. 32Ka ʻoku totonu pē ke tau fiefia mo fai kātoanga koeʻuhi̇̄ ko ho tehina na‘e maté, kuo toe mo‘ui; na‘e mole, ka kuo toe maʻu mai ia.’”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.