Luke 21
21
Ko e Lī Meʻaʻofa ʻa e Uitou
(Ma‘ake 12:41-44)
1Pea ʻi he hanga hake ʻa Si̇̄sū naʻá ne fakatokanga‘i ʻa e anga ʻo e li̇̄ meʻaʻofa ʻa e kau tuʻumālié ki he puha tānaki‘anga meʻaʻofa he Temipalé. 2Naʻá ne fakatokanga‘i foki mo ha uitou masiva ʻokú ne li̇̄ ha ongo foʻi sēniti ʻe ua ki he puhá. 3Pea naʻe pehēange: ‟Ko hono mo‘oni̇́ ʻeni ʻoku ou talaatu kiate kimoutolú, ‘oku laka hake ʻa e li̇̄ ʻa siʻi fefine uitou masiva ko ʻeni̇́ ʻi he kakai kātoa ko eé. 4He ʻoku li̇̄ ʻa e kakai ko eé ʻenau meʻaʻofá, mei he tupu ʻo ʻenau koloá. Ka ko e uitou ko eni̇́, neongo siʻene masivá, ka ʻokú ne foaki kakato ʻene meʻa na‘e ma‘u ke tauhiʻaki ʻene moʻui̇́.”
Ko e Pau ke Faka‘auha ʻa e Temipalé
(Mātiu 24:1,2; Ma‘ake 13:1,2)
5Pea ko e ni‘ihi ʻo e kau akó naʻa nau lau ki he faka‘ofo‘ofa ‘o e ngaahi maka lalahi na‘e langa ʻaki ʻa e Temipalé, pea mo e ngaahi meʻaʻofa mahu‘inga kuo fakasanisani ʻaki. Ka naʻe pehēange ʻe Si̇̄sū, 6‟ʻOku mou vakai ki he ngaahi fu‘u langa ko eni̇́, ʻoku vave mai ha taimi ʻa ia ‘e ‘ikai kei hilifaki ai ha foʻi maka ʻi ha foʻi maka, he ‘e holoki kotoa ki lalo.”
Ko e Fakatokanga he Ngaahi Faingataʻa mo e Ngaahi Fakatanga
(Mātiu 24:3-14; Ma‘ake 13:3-13)
7Pea fehu‘i ange ‘e ha ni‘ihi kia Si̇̄sū: ‟Tangata‘eiki, ‘e hoko ʻafē ʻa e ngaahi meʻa ‘okú ke laú? Pea ko e hā ha fakaʻilonga kuo mei hokomai ʻa e ngaahi meʻa ko iā?” 8Pea tali ‘e Si̇̄sū: ‟Vakai naʻa takihēeʻi kimoutolu! He ‘e haʻu ha tokolahi ʻo talaatu, ko ʻenau haʻu meiate au, pea te nau pehē atu, Ko au ia, mo nau talaatu, Kuo ofi ʻa e ʻahó. ‘Oua te mou tui kiate kinautolu. 9Ka mou ka fanongo ʻi ha ngaahi tau, mo ha ngaahi liukava; ‘oua te mou manavahē. He kuo pau ke tomuʻa hoko ha ngaahi meʻa pehē: ka ‘oku ‘ikai ke ‘uhinga ia kuo ofi ʻa e ngata‘anga ‘o māmani̇́.”
10Pea hoko atu ʻa Si̇̄sū ʻene fakamatalá: ‟ʻE tau ʻa e fonua mo e fonua. ‘E ‘ohofi ʻe ha pule‘anga ʻa e pule‘anga ʻe taha. 11‘E tō mo ha ngaahi mofuike lalahi, pea hoko mo ha ngaahi honge, mo ha ngaahi mahaki fakalilifu. Pea ‘e ʻasi ha ngaahi faka‘ilonga fakailifia kehekehe ʻi he langi̇́.
12Kae kimuʻa ke hoko ʻa e ngaahi meʻa ni, te nau tomuʻa ala kiate kimoutolu ʻo fakatangaʻi. Te nau taki atu kimoutolu ki he ngaahi falelotú, pea fakahū pilīsone. ‘E fakamāu‘i kimoutolu ‘e ha ngaahi Tuʻi mo ha kau kōvana, koe‘uhi̇̄ ko hoʻomou kau mo aú. 13Ka ‘e hoko ia ko ha faingamālie ke mou fakamoʻoni ai kiate au.
14Ka mou fakapapau‘i kimuʻa homou lotó ke ‘oua te mou hohaʻa pē ko e hā ha‘amou fakamatala ‘e fai̇́. 15He te u ‘oatu ‘e au ha ngaahi lea mo ha poto ʻa ia ‘e ‘ikai lava ‘e homou ngaahi fili̇́ ‘o matatali, pē fakafepakiʻi.
16Ka ʻe lavaki‘i kimoutolu ‘e ho‘omou matuʻá, mo homou ngaahi tokouá, ʻe homou ngaahi kāingá, mo homou ngaahi kaungāmeʻá foki, pea te nau tāmate‘i ha mou niʻihi. 17‘E fehi‘anekina kimoutolu ‘e he kakai kotoa pē koe‘uhi̇̄ ko au. 18Kae ʻoua te mou loto hohaʻa ai. 19He ʻi ho‘omou kātaki mamahi̇́, te mou haofaki ai hoʻomou moʻui̇́.
Ko e Pau ke Faka‘auha ʻa Selusalema
(Mātiu 24:15-21; Ma‘ake 13:14-19)
20Peá ka moú ka sio kuo ʻākilotoa ʻa Selusalema ‘e ha ngaahi kau tau, pea mahino leva kiate kimoutolu kuo ofi mai hono faka‘auhá. 21Pea ko kinautolu ‘e ʻi Siutea he ʻaho ko iā, ke nau hola ki he ngaahi mo‘ungá. Ko kinautolu ‘e ʻi loto kolo he ʻaho ko iā, ke nau mavahe leva mei ai. Pea ko kinautolu ‘oku ʻi ‘uta he ʻaho ko iā, ke ‘oua te nau toe foki ʻo hū ki koló. 22He ko e taimi ia ‘o e faitautea, ke fakamoʻoni ʻa e meʻa kotoa pē kuo hikitohi he Tohitapú.
23ʻE malaʻia ʻakinautolu ʻa e kau fefine feitamá, mo e kau fefine ʻe kei iiki ʻenau fānaú ʻi he ngaahi taimi ko iā. ‘E faingataʻaʻia ‘aupito ʻa māmani he ʻe tō mai ʻa e houhaú ki he kakai̇́ ni. 24‘E tāmate‘i ha ni‘ihi ʻaki ʻa e heletaá, pea ʻe fakahee‘i ha ni‘ihi ki he ngaahi fonua muli̇́. Pea ‘e maʻu ʻa Selusalema ‘e he kau Senitailé, kae ‘oua leva kuo kakato ʻa e ngaahi taimi ʻo e Senitailé.
Ko e Hā mai e Foha ‘o e Tangatá
(Mātiu 24:29-31; Ma‘ake 13:24-27)
25Pea ʻe hoko foki mo ha ngaahi fakaʻilonga makehe mei̇́ he laʻaá, mo e māhiná, pea mo e ngaahi fetu‘ú pea ʻe teteki ʻa e ngaahi pule‘anga ‘o māmani̇́ mo nau manavahē he ʻuʻulu mo e ʻoho mai ʻa e tahi̇́. 26‘E lotosiʻi ʻa e kakai̇́ he te nau manavahē koe‘uhi̇̄ ko e ngaahi meʻa fakalilifu ‘e hoko ki māmani kātoa pea ʻe aʻu ʻo mole ʻa e ʻamanaki moʻui̇́ meiate kinautolu, he naʻá mo e ngaahi makatuʻunga ‘o e langi̇́ ‘e mātuʻaki luluʻi. 27Peá ka hili iá, te nau toki mamata ki he Foha ‘o e Tangatá ‘oku hā‘ele mai he ʻaó, kuo ʻoʻona ʻa e mafai̇́ mo e lāngilangi lahi. 28Pea ʻi he kamata ke hoko ʻa e ngaahi meʻa ko eni̇́, pea mou hanga hake leva ki ‘olunga, he kuo ofi mai homou huhuʻi̇́.”
Ko e Ako mei he Fu‘u Fiki
(Mātiu 24:32-35; Ma‘ake 13:28-31)
29Pea fai ‘e Si̇̄sū ʻa e talanoa ko ʻeni̇́ kiate kinautolu: ‟Ka mou ka sio ki he fiki̇́, pea mo e ngaahi ʻakau kotoa pē. 30Ko ʻene kamata pē ke nau failau pea mahino kiate kimoutolu ai, kuo ofi ʻa e faʻahitaʻu māfaná. 31Pehē foki, ka mou ka vakai kuo hoko ʻa e ngaahi meʻá ni, pea mou ʻilo ai, tā kuo ofi ke hokomai ʻa e Pule‘anga ‘o e ‘Otuá. 32Ko hono moʻoni̇́ ʻeni ʻoku ou talaatú, ʻe te‘eki ai ke mate ʻa e kakai kotoa ‘o e toʻutangata ko eni̇́, kuo hokomai ʻa e ngaahi meʻa ni. 33‘E mole ʻa e langi̇́ mo māmani, ka ko ʻeku ngaahi leá, ‘e tu‘u ʻo taʻengata.
Ko e Fakatokanga
34Ko ia, mou tokanga naʻa faifai̇́ pea mamafa homou lotó ki he faʻa fakafiefiá mo e faʻa konaá mo e ngaahi kavenga ʻo e moʻui̇́, pea hoko fakafokifā mai ʻa e ʻaho fakamui̇́, pea ma‘ungatāmaki ai kimoutolu hangē ha tauhelé. 35He ‘e hoko mai ʻa e meʻá ni ki he kakai kotoa pē ‘o māmani. 36Ko ia, mou le‘o mo lotu ma‘u pē, ke mou ma‘u ha ivi ke haofaki ʻaki kimoutolu mei̇́ he uhouhonga ‘o e ngaahi meʻa ʻe hokó, peá ke mou lava foki ke tuʻu ʻi he ʻao ʻo e Foha ‘o e Tangatá.”
37Pea ʻi he ʻaho kotoa pē naʻe faiako ʻa Si̇̄sū ʻi he Temipalé. Pea ʻi heʻene efiafi hifó naʻá ne ʻalu atu ‘o mohe ʻi he Mo‘unga ko ‘Ōlivé. 38Pea uhu pongipongi atu ʻa e kakai kotoa pē ki he Temipalé, ke fanongo kiate ia.
Избрани в момента:
Luke 21: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.
Luke 21
21
Ko e Lī Meʻaʻofa ʻa e Uitou
(Ma‘ake 12:41-44)
1Pea ʻi he hanga hake ʻa Si̇̄sū naʻá ne fakatokanga‘i ʻa e anga ʻo e li̇̄ meʻaʻofa ʻa e kau tuʻumālié ki he puha tānaki‘anga meʻaʻofa he Temipalé. 2Naʻá ne fakatokanga‘i foki mo ha uitou masiva ʻokú ne li̇̄ ha ongo foʻi sēniti ʻe ua ki he puhá. 3Pea naʻe pehēange: ‟Ko hono mo‘oni̇́ ʻeni ʻoku ou talaatu kiate kimoutolú, ‘oku laka hake ʻa e li̇̄ ʻa siʻi fefine uitou masiva ko ʻeni̇́ ʻi he kakai kātoa ko eé. 4He ʻoku li̇̄ ʻa e kakai ko eé ʻenau meʻaʻofá, mei he tupu ʻo ʻenau koloá. Ka ko e uitou ko eni̇́, neongo siʻene masivá, ka ʻokú ne foaki kakato ʻene meʻa na‘e ma‘u ke tauhiʻaki ʻene moʻui̇́.”
Ko e Pau ke Faka‘auha ʻa e Temipalé
(Mātiu 24:1,2; Ma‘ake 13:1,2)
5Pea ko e ni‘ihi ʻo e kau akó naʻa nau lau ki he faka‘ofo‘ofa ‘o e ngaahi maka lalahi na‘e langa ʻaki ʻa e Temipalé, pea mo e ngaahi meʻaʻofa mahu‘inga kuo fakasanisani ʻaki. Ka naʻe pehēange ʻe Si̇̄sū, 6‟ʻOku mou vakai ki he ngaahi fu‘u langa ko eni̇́, ʻoku vave mai ha taimi ʻa ia ‘e ‘ikai kei hilifaki ai ha foʻi maka ʻi ha foʻi maka, he ‘e holoki kotoa ki lalo.”
Ko e Fakatokanga he Ngaahi Faingataʻa mo e Ngaahi Fakatanga
(Mātiu 24:3-14; Ma‘ake 13:3-13)
7Pea fehu‘i ange ‘e ha ni‘ihi kia Si̇̄sū: ‟Tangata‘eiki, ‘e hoko ʻafē ʻa e ngaahi meʻa ‘okú ke laú? Pea ko e hā ha fakaʻilonga kuo mei hokomai ʻa e ngaahi meʻa ko iā?” 8Pea tali ‘e Si̇̄sū: ‟Vakai naʻa takihēeʻi kimoutolu! He ‘e haʻu ha tokolahi ʻo talaatu, ko ʻenau haʻu meiate au, pea te nau pehē atu, Ko au ia, mo nau talaatu, Kuo ofi ʻa e ʻahó. ‘Oua te mou tui kiate kinautolu. 9Ka mou ka fanongo ʻi ha ngaahi tau, mo ha ngaahi liukava; ‘oua te mou manavahē. He kuo pau ke tomuʻa hoko ha ngaahi meʻa pehē: ka ‘oku ‘ikai ke ‘uhinga ia kuo ofi ʻa e ngata‘anga ‘o māmani̇́.”
10Pea hoko atu ʻa Si̇̄sū ʻene fakamatalá: ‟ʻE tau ʻa e fonua mo e fonua. ‘E ‘ohofi ʻe ha pule‘anga ʻa e pule‘anga ʻe taha. 11‘E tō mo ha ngaahi mofuike lalahi, pea hoko mo ha ngaahi honge, mo ha ngaahi mahaki fakalilifu. Pea ‘e ʻasi ha ngaahi faka‘ilonga fakailifia kehekehe ʻi he langi̇́.
12Kae kimuʻa ke hoko ʻa e ngaahi meʻa ni, te nau tomuʻa ala kiate kimoutolu ʻo fakatangaʻi. Te nau taki atu kimoutolu ki he ngaahi falelotú, pea fakahū pilīsone. ‘E fakamāu‘i kimoutolu ‘e ha ngaahi Tuʻi mo ha kau kōvana, koe‘uhi̇̄ ko hoʻomou kau mo aú. 13Ka ‘e hoko ia ko ha faingamālie ke mou fakamoʻoni ai kiate au.
14Ka mou fakapapau‘i kimuʻa homou lotó ke ‘oua te mou hohaʻa pē ko e hā ha‘amou fakamatala ‘e fai̇́. 15He te u ‘oatu ‘e au ha ngaahi lea mo ha poto ʻa ia ‘e ‘ikai lava ‘e homou ngaahi fili̇́ ‘o matatali, pē fakafepakiʻi.
16Ka ʻe lavaki‘i kimoutolu ‘e ho‘omou matuʻá, mo homou ngaahi tokouá, ʻe homou ngaahi kāingá, mo homou ngaahi kaungāmeʻá foki, pea te nau tāmate‘i ha mou niʻihi. 17‘E fehi‘anekina kimoutolu ‘e he kakai kotoa pē koe‘uhi̇̄ ko au. 18Kae ʻoua te mou loto hohaʻa ai. 19He ʻi ho‘omou kātaki mamahi̇́, te mou haofaki ai hoʻomou moʻui̇́.
Ko e Pau ke Faka‘auha ʻa Selusalema
(Mātiu 24:15-21; Ma‘ake 13:14-19)
20Peá ka moú ka sio kuo ʻākilotoa ʻa Selusalema ‘e ha ngaahi kau tau, pea mahino leva kiate kimoutolu kuo ofi mai hono faka‘auhá. 21Pea ko kinautolu ‘e ʻi Siutea he ʻaho ko iā, ke nau hola ki he ngaahi mo‘ungá. Ko kinautolu ‘e ʻi loto kolo he ʻaho ko iā, ke nau mavahe leva mei ai. Pea ko kinautolu ‘oku ʻi ‘uta he ʻaho ko iā, ke ‘oua te nau toe foki ʻo hū ki koló. 22He ko e taimi ia ‘o e faitautea, ke fakamoʻoni ʻa e meʻa kotoa pē kuo hikitohi he Tohitapú.
23ʻE malaʻia ʻakinautolu ʻa e kau fefine feitamá, mo e kau fefine ʻe kei iiki ʻenau fānaú ʻi he ngaahi taimi ko iā. ‘E faingataʻaʻia ‘aupito ʻa māmani he ʻe tō mai ʻa e houhaú ki he kakai̇́ ni. 24‘E tāmate‘i ha ni‘ihi ʻaki ʻa e heletaá, pea ʻe fakahee‘i ha ni‘ihi ki he ngaahi fonua muli̇́. Pea ‘e maʻu ʻa Selusalema ‘e he kau Senitailé, kae ‘oua leva kuo kakato ʻa e ngaahi taimi ʻo e Senitailé.
Ko e Hā mai e Foha ‘o e Tangatá
(Mātiu 24:29-31; Ma‘ake 13:24-27)
25Pea ʻe hoko foki mo ha ngaahi fakaʻilonga makehe mei̇́ he laʻaá, mo e māhiná, pea mo e ngaahi fetu‘ú pea ʻe teteki ʻa e ngaahi pule‘anga ‘o māmani̇́ mo nau manavahē he ʻuʻulu mo e ʻoho mai ʻa e tahi̇́. 26‘E lotosiʻi ʻa e kakai̇́ he te nau manavahē koe‘uhi̇̄ ko e ngaahi meʻa fakalilifu ‘e hoko ki māmani kātoa pea ʻe aʻu ʻo mole ʻa e ʻamanaki moʻui̇́ meiate kinautolu, he naʻá mo e ngaahi makatuʻunga ‘o e langi̇́ ‘e mātuʻaki luluʻi. 27Peá ka hili iá, te nau toki mamata ki he Foha ‘o e Tangatá ‘oku hā‘ele mai he ʻaó, kuo ʻoʻona ʻa e mafai̇́ mo e lāngilangi lahi. 28Pea ʻi he kamata ke hoko ʻa e ngaahi meʻa ko eni̇́, pea mou hanga hake leva ki ‘olunga, he kuo ofi mai homou huhuʻi̇́.”
Ko e Ako mei he Fu‘u Fiki
(Mātiu 24:32-35; Ma‘ake 13:28-31)
29Pea fai ‘e Si̇̄sū ʻa e talanoa ko ʻeni̇́ kiate kinautolu: ‟Ka mou ka sio ki he fiki̇́, pea mo e ngaahi ʻakau kotoa pē. 30Ko ʻene kamata pē ke nau failau pea mahino kiate kimoutolu ai, kuo ofi ʻa e faʻahitaʻu māfaná. 31Pehē foki, ka mou ka vakai kuo hoko ʻa e ngaahi meʻá ni, pea mou ʻilo ai, tā kuo ofi ke hokomai ʻa e Pule‘anga ‘o e ‘Otuá. 32Ko hono moʻoni̇́ ʻeni ʻoku ou talaatú, ʻe te‘eki ai ke mate ʻa e kakai kotoa ‘o e toʻutangata ko eni̇́, kuo hokomai ʻa e ngaahi meʻa ni. 33‘E mole ʻa e langi̇́ mo māmani, ka ko ʻeku ngaahi leá, ‘e tu‘u ʻo taʻengata.
Ko e Fakatokanga
34Ko ia, mou tokanga naʻa faifai̇́ pea mamafa homou lotó ki he faʻa fakafiefiá mo e faʻa konaá mo e ngaahi kavenga ʻo e moʻui̇́, pea hoko fakafokifā mai ʻa e ʻaho fakamui̇́, pea ma‘ungatāmaki ai kimoutolu hangē ha tauhelé. 35He ‘e hoko mai ʻa e meʻá ni ki he kakai kotoa pē ‘o māmani. 36Ko ia, mou le‘o mo lotu ma‘u pē, ke mou ma‘u ha ivi ke haofaki ʻaki kimoutolu mei̇́ he uhouhonga ‘o e ngaahi meʻa ʻe hokó, peá ke mou lava foki ke tuʻu ʻi he ʻao ʻo e Foha ‘o e Tangatá.”
37Pea ʻi he ʻaho kotoa pē naʻe faiako ʻa Si̇̄sū ʻi he Temipalé. Pea ʻi heʻene efiafi hifó naʻá ne ʻalu atu ‘o mohe ʻi he Mo‘unga ko ‘Ōlivé. 38Pea uhu pongipongi atu ʻa e kakai kotoa pē ki he Temipalé, ke fanongo kiate ia.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.