Ma‘ake 11
11
Ko e A‘u Atu ʻa Si̇̄sū ki Selusalema
(Mātiu 21:1-11; Luke 19:28-40; Sione 12:12-19)
1Pea ʻi he fakaofiofi atu ‘enau fonongá ki Selusalemá, ‘o nau a‘u ki Pētefesi mo Pētani̇́ ‘i he Moʻunga ‘Ōlivé, naʻe fekau atu ‘e Si̇̄sū ‘a e toko ua he‘ene kau akó ke na mu‘omu‘a atu ‘iate kinautolu. 2Peá ne folofola kiate kinaua, ‟Mo ō ki he kolo ko ena ‘oku hanga mai̇́. Pea ʻi ho‘omo a‘u ki ai̇́, te mo sio ‘oku nono‘o ai ha ki‘i ‘asi, kuo te‘eki ke heka ai ha taha. Mo vete ia ‘o taki mai. 3Pea kapau ‘e ‘eke atu ‘e ha taha pē ko e hā ‘oku mo vete ai iá, pea mo talaange; ‛‘Oku fiema‘u ia ‘e he ‘Eiki̇́, pea te ne toki fakafoki mai ia ki heni.’”
4Pea ō atu ʻa e ongo me‘á, ‘oku nono‘o mai ʻa e ki‘i ʻasi̇́ ʻi he tuʻafalé he tafaʻaki ki halá. Peá na vete ia. 5Pea pehē ange ‘e ha ni‘ihi na‘e tutuʻu ai, ‟Ko e hā ‘oku mo vete ai ʻa e ki‘i ‘asi̇́?” 6Peá na tali ange pē ʻo hangē ko ia na‘e fekau ‘e Si̇̄sū kiate kinauá, pea nau toki fakaʻatā ke na vete ia.
7Peá na taki mai ʻa e ki‘i ʻasi̇́ kia Si̇̄sū, pea nau hanga leva ‘o ‘ai honau ‘ū pulupulú ki he tuʻa ‘o e ki‘i ʻasi̇́, pea toki heka ki ai ʻa Si̇̄sū. 8Pea fola ‘e he tokolahi honau pulupulú he halá, kae fesi mai ʻe ha ni‘ihi, ha ngaahi vaʻakau mei he ngaahi ngoue‘angá, ‘o falikiliki ʻaki ʻa e halá.
9Pea ko e kakai na‘e mu‘omu‘á mo kinautolu naʻe muimui atu ‘ia Si̇̄suú, naʻa nau kalanga ʻo pehē:
‟Hōsana! Tauange ke fai tāpuekina,
‘A e toko taha ‘oku hā‘ele mai ‘i he huafa ʻo e ʻEiki̇́!
10Tauange ke fai tāpuekina,
‘A e hoko mai ʻo e pule‘anga ‘etau kui ko Tēvitá!
Hōsana ki langi taupotu!”
11Pea ʻi he hū atu leva ‘a Si̇̄sū ki Selusalemá, naʻá ne ‘alu ki he Temipalé ‘o ne vakaiʻi ʻa e me‘a kotoa pē, ka koeʻuhi̇̄ kuo kamata ke efiafi poʻuli, ko ia naʻá ne ʻalu mei ai ki Pētani mo e toko hongofulu mā uá.
Ko e Talatuki‘i ‘o e Fiki Taʻefuá
(Mātiu 21:18-19)
12Pea ʻi he pongipongi ʻe tahá, lolotonga ‘enau fononga atu mei Pētani̇́, naʻe fiekaia ‘a Si̇̄sū. 13Pea ne fakatokanga‘i atu mei he mama‘ó ha fu‘u fiki kuo fai lau, ko ia naʻá nee afe ki ai ke vakai na‘a ma‘u ai ha fua. Ka na‘e ‘ikai ha meʻa te ne maʻu ai, he na‘e ‘ikai ko e to‘u fiki̇́ ia. 14Pea folofola ‘a Si̇̄sū ki he fu‘u fiki̇́, ‟‘E ‘ikai toe kai fiki ha taha meiate koe ‘o ta‘engata!” Pea na‘e ‘ilo ‘e he‘ene kau akó ‘ene lea ko iā.
Ko Si̇̄sū ʻi he Temipalé
(Mātiu 21:12-17; Luke 19:45-48; Sione 2:13-22)
15Pea ʻi he a‘u atu ‘a Si̇̄sū mo ‘ene kau akó ki Selusalema, naʻá ne hū ki he Temipalé, ʻo ne kamata tuli ki tuʻa ʻa e kakai kotoa pē na‘e fai fefakatauʻaki he Temipalé, mo fulihi ʻa e ngaahi tēpile ‘a e kau fetongi pa‘angá mo e ngaahi sea ‘o e kau fakatau lupé. 16Pea na‘á ne ta‘ofi ke toe fua kavenga holo ha taha he loto Temipalé. 17Peá ne toki faiako ai, ʻo ne talaange kiate kinautolu, ‟Kuo tohi he Tohitapú, ‘E ui hoku falé ko e falelotu maʻae kakai ‘o e ngaahi pule‘angá kotoa pē! Ka kuo mou liliu ia ko e ‘ana ‘o ha kau kaiha‘a.”
18Pea na‘e ongo atu ki he hou‘eiki taula‘eiki̇́ mo e kau tangata ʻo e Tohitapú ʻa e me‘a na‘e lea ʻaki ‘e Sīsuú, pea kamata ai ke nau kumi faingamālie ke tāmate‘i ia. Ka na‘á nau teteki ki ai, koeʻuhi̇̄ he naʻe mālieʻia ʻaupito ʻa e kakai̇́ heʻene tokāteliné.
19Pea ʻi heʻene efiafi hifó, naʻe foki atu ʻa Si̇̄sū mo ʻene kau akó mei he koló.
Ko e Akonaki ‘o e Fu‘u Fiki̇́
(Mātiu 21:20-22)
20Pea ʻi he pongipongi ‘e tahá, naʻa nau fononga atu he halá, pea nau fakatokanga‘i, tā kuo mōmoa ʻa e fu‘u fiki̇́ ‘o a‘u ki hono aká. 21Pea manatu‘i ia ‘e Pita ʻo ne pehē ange kiate ia ‟Tangata‘eiki, ko e fu‘u fiki ena na‘á ke talatuki‘i̇́, kuo mate.”
22Pea folofola ‘a Si̇̄sū ki he kau akó, ‟Mou tui ki he ‘Otuá! 23Ko hono mo‘oni̇́ ʻeni ‘oku ou tala atú, kapau te mou tui ki he ‘Otuá, ʻo ʻikai ha veiveiua, te mou lava ke lea ki he moʻunga ko eé, ‛Mahiki atu koe ‘o tō ki tahi.’ pea ‘e hoko ia. 24Ko ia, ʻoku ou tala kiate kimoutolu, ko e me‘a kotoa pē te mou lotu ‘o kole ki ai̇́, mou tui te mou maʻu ia, pea ‘e ‘oatu ia kiate kimoutolu. 25Peá ka mou ka tuʻu hake ke fai ha lotu, ka ‘oku kovi homou lotó ki ha taha, pea mou fakamolemole‘i ia, kae fakamolemole‘i ‘e ho‘omou Tamai ʻi he langi̇́, ‘a ho‘omou ngaahi faikovi̇́.”#11:25 ikai ha veesi 26
Ko e Fehu‘ia ‘o e Mafai ‘o Si̇̄suú
(Mātiu 21:23-27; Luke 20:1-8)
27Pea nau toe foki atu kinautolu ki Selusalema. Pea lolotonga ʻa e fou atu ‘a Si̇̄sū he loto Temipalé, kuo tutuʻu mai kiate ia ʻa e hou‘eiki taula‘eiki̇́ mo e kau tangata ʻo e Tohitapú, mo e kau mātuʻa ʻo e lotú; 28‘o nau pehē ange, ‟Ko e hā ho mafai ‘okú ke fai ai ʻa e ngaahi me‘a ko ‘eni̇́? Ko hai na‘á ne ‘oatu ʻa e mafai ko iā koeʻuhi̇̄ ke ke fai ʻa e ngaahi meʻa ni?”
29Pea tali ‘e Si̇̄sū ʻo ne pehē kiate kinautolu, ‟Te u fai atu haʻaku fehu‘i, pea kapau te mou tali mai, pea te u toki fakahā atu ‘a e mafai ‘oku ou fai ai ʻa e ngaahi me‘a ko ‘eni̇́. 30Ko e fai papitaiso ʻa Sioné? Ko e mafai mei̇́ he ‘Otuá pē mei̇́ he tangatá? Ko e hā hoʻomou laú.”
31Pea nau kamata felāuaki ai ʻiate kinautolu, ʻo pehē, ‟Kapau te tau talaange, ‘Naʻe mei̇́ he ‘Otuá’ pea te ne pehē mai ‘e ia, ‘Ka ko e hā naʻe ‘ikai ai te mou tui kiate iá?” 32Pea kapau te tau talaange, ‟Naʻe mei̇́ he tangatá, ka te tau fepaki ai mo e kakai̇́.” He na‘e tui ʻa e kakai kotoa pē ko e palōfita ‘a Sione. 33Pea talu ai pē ʻenau pehēange, ‟‘Oku ‘ikai te mau ‘ilo.” Pea folofola ʻa Si̇̄sū kiate kinautolu, ‟Mo au foki, he ‘ikai te u fakahā atu ‘e au pē ko e mafai mei fē ‘oku ou fai ai ʻa e ngaahi me‘a ko ‘eni̇́.”
Избрани в момента:
Ma‘ake 11: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.
Ma‘ake 11
11
Ko e A‘u Atu ʻa Si̇̄sū ki Selusalema
(Mātiu 21:1-11; Luke 19:28-40; Sione 12:12-19)
1Pea ʻi he fakaofiofi atu ‘enau fonongá ki Selusalemá, ‘o nau a‘u ki Pētefesi mo Pētani̇́ ‘i he Moʻunga ‘Ōlivé, naʻe fekau atu ‘e Si̇̄sū ‘a e toko ua he‘ene kau akó ke na mu‘omu‘a atu ‘iate kinautolu. 2Peá ne folofola kiate kinaua, ‟Mo ō ki he kolo ko ena ‘oku hanga mai̇́. Pea ʻi ho‘omo a‘u ki ai̇́, te mo sio ‘oku nono‘o ai ha ki‘i ‘asi, kuo te‘eki ke heka ai ha taha. Mo vete ia ‘o taki mai. 3Pea kapau ‘e ‘eke atu ‘e ha taha pē ko e hā ‘oku mo vete ai iá, pea mo talaange; ‛‘Oku fiema‘u ia ‘e he ‘Eiki̇́, pea te ne toki fakafoki mai ia ki heni.’”
4Pea ō atu ʻa e ongo me‘á, ‘oku nono‘o mai ʻa e ki‘i ʻasi̇́ ʻi he tuʻafalé he tafaʻaki ki halá. Peá na vete ia. 5Pea pehē ange ‘e ha ni‘ihi na‘e tutuʻu ai, ‟Ko e hā ‘oku mo vete ai ʻa e ki‘i ‘asi̇́?” 6Peá na tali ange pē ʻo hangē ko ia na‘e fekau ‘e Si̇̄sū kiate kinauá, pea nau toki fakaʻatā ke na vete ia.
7Peá na taki mai ʻa e ki‘i ʻasi̇́ kia Si̇̄sū, pea nau hanga leva ‘o ‘ai honau ‘ū pulupulú ki he tuʻa ‘o e ki‘i ʻasi̇́, pea toki heka ki ai ʻa Si̇̄sū. 8Pea fola ‘e he tokolahi honau pulupulú he halá, kae fesi mai ʻe ha ni‘ihi, ha ngaahi vaʻakau mei he ngaahi ngoue‘angá, ‘o falikiliki ʻaki ʻa e halá.
9Pea ko e kakai na‘e mu‘omu‘á mo kinautolu naʻe muimui atu ‘ia Si̇̄suú, naʻa nau kalanga ʻo pehē:
‟Hōsana! Tauange ke fai tāpuekina,
‘A e toko taha ‘oku hā‘ele mai ‘i he huafa ʻo e ʻEiki̇́!
10Tauange ke fai tāpuekina,
‘A e hoko mai ʻo e pule‘anga ‘etau kui ko Tēvitá!
Hōsana ki langi taupotu!”
11Pea ʻi he hū atu leva ‘a Si̇̄sū ki Selusalemá, naʻá ne ‘alu ki he Temipalé ‘o ne vakaiʻi ʻa e me‘a kotoa pē, ka koeʻuhi̇̄ kuo kamata ke efiafi poʻuli, ko ia naʻá ne ʻalu mei ai ki Pētani mo e toko hongofulu mā uá.
Ko e Talatuki‘i ‘o e Fiki Taʻefuá
(Mātiu 21:18-19)
12Pea ʻi he pongipongi ʻe tahá, lolotonga ‘enau fononga atu mei Pētani̇́, naʻe fiekaia ‘a Si̇̄sū. 13Pea ne fakatokanga‘i atu mei he mama‘ó ha fu‘u fiki kuo fai lau, ko ia naʻá nee afe ki ai ke vakai na‘a ma‘u ai ha fua. Ka na‘e ‘ikai ha meʻa te ne maʻu ai, he na‘e ‘ikai ko e to‘u fiki̇́ ia. 14Pea folofola ‘a Si̇̄sū ki he fu‘u fiki̇́, ‟‘E ‘ikai toe kai fiki ha taha meiate koe ‘o ta‘engata!” Pea na‘e ‘ilo ‘e he‘ene kau akó ‘ene lea ko iā.
Ko Si̇̄sū ʻi he Temipalé
(Mātiu 21:12-17; Luke 19:45-48; Sione 2:13-22)
15Pea ʻi he a‘u atu ‘a Si̇̄sū mo ‘ene kau akó ki Selusalema, naʻá ne hū ki he Temipalé, ʻo ne kamata tuli ki tuʻa ʻa e kakai kotoa pē na‘e fai fefakatauʻaki he Temipalé, mo fulihi ʻa e ngaahi tēpile ‘a e kau fetongi pa‘angá mo e ngaahi sea ‘o e kau fakatau lupé. 16Pea na‘á ne ta‘ofi ke toe fua kavenga holo ha taha he loto Temipalé. 17Peá ne toki faiako ai, ʻo ne talaange kiate kinautolu, ‟Kuo tohi he Tohitapú, ‘E ui hoku falé ko e falelotu maʻae kakai ‘o e ngaahi pule‘angá kotoa pē! Ka kuo mou liliu ia ko e ‘ana ‘o ha kau kaiha‘a.”
18Pea na‘e ongo atu ki he hou‘eiki taula‘eiki̇́ mo e kau tangata ʻo e Tohitapú ʻa e me‘a na‘e lea ʻaki ‘e Sīsuú, pea kamata ai ke nau kumi faingamālie ke tāmate‘i ia. Ka na‘á nau teteki ki ai, koeʻuhi̇̄ he naʻe mālieʻia ʻaupito ʻa e kakai̇́ heʻene tokāteliné.
19Pea ʻi heʻene efiafi hifó, naʻe foki atu ʻa Si̇̄sū mo ʻene kau akó mei he koló.
Ko e Akonaki ‘o e Fu‘u Fiki̇́
(Mātiu 21:20-22)
20Pea ʻi he pongipongi ‘e tahá, naʻa nau fononga atu he halá, pea nau fakatokanga‘i, tā kuo mōmoa ʻa e fu‘u fiki̇́ ‘o a‘u ki hono aká. 21Pea manatu‘i ia ‘e Pita ʻo ne pehē ange kiate ia ‟Tangata‘eiki, ko e fu‘u fiki ena na‘á ke talatuki‘i̇́, kuo mate.”
22Pea folofola ‘a Si̇̄sū ki he kau akó, ‟Mou tui ki he ‘Otuá! 23Ko hono mo‘oni̇́ ʻeni ‘oku ou tala atú, kapau te mou tui ki he ‘Otuá, ʻo ʻikai ha veiveiua, te mou lava ke lea ki he moʻunga ko eé, ‛Mahiki atu koe ‘o tō ki tahi.’ pea ‘e hoko ia. 24Ko ia, ʻoku ou tala kiate kimoutolu, ko e me‘a kotoa pē te mou lotu ‘o kole ki ai̇́, mou tui te mou maʻu ia, pea ‘e ‘oatu ia kiate kimoutolu. 25Peá ka mou ka tuʻu hake ke fai ha lotu, ka ‘oku kovi homou lotó ki ha taha, pea mou fakamolemole‘i ia, kae fakamolemole‘i ‘e ho‘omou Tamai ʻi he langi̇́, ‘a ho‘omou ngaahi faikovi̇́.”#11:25 ikai ha veesi 26
Ko e Fehu‘ia ‘o e Mafai ‘o Si̇̄suú
(Mātiu 21:23-27; Luke 20:1-8)
27Pea nau toe foki atu kinautolu ki Selusalema. Pea lolotonga ʻa e fou atu ‘a Si̇̄sū he loto Temipalé, kuo tutuʻu mai kiate ia ʻa e hou‘eiki taula‘eiki̇́ mo e kau tangata ʻo e Tohitapú, mo e kau mātuʻa ʻo e lotú; 28‘o nau pehē ange, ‟Ko e hā ho mafai ‘okú ke fai ai ʻa e ngaahi me‘a ko ‘eni̇́? Ko hai na‘á ne ‘oatu ʻa e mafai ko iā koeʻuhi̇̄ ke ke fai ʻa e ngaahi meʻa ni?”
29Pea tali ‘e Si̇̄sū ʻo ne pehē kiate kinautolu, ‟Te u fai atu haʻaku fehu‘i, pea kapau te mou tali mai, pea te u toki fakahā atu ‘a e mafai ‘oku ou fai ai ʻa e ngaahi me‘a ko ‘eni̇́. 30Ko e fai papitaiso ʻa Sioné? Ko e mafai mei̇́ he ‘Otuá pē mei̇́ he tangatá? Ko e hā hoʻomou laú.”
31Pea nau kamata felāuaki ai ʻiate kinautolu, ʻo pehē, ‟Kapau te tau talaange, ‘Naʻe mei̇́ he ‘Otuá’ pea te ne pehē mai ‘e ia, ‘Ka ko e hā naʻe ‘ikai ai te mou tui kiate iá?” 32Pea kapau te tau talaange, ‟Naʻe mei̇́ he tangatá, ka te tau fepaki ai mo e kakai̇́.” He na‘e tui ʻa e kakai kotoa pē ko e palōfita ‘a Sione. 33Pea talu ai pē ʻenau pehēange, ‟‘Oku ‘ikai te mau ‘ilo.” Pea folofola ʻa Si̇̄sū kiate kinautolu, ‟Mo au foki, he ‘ikai te u fakahā atu ‘e au pē ko e mafai mei fē ‘oku ou fai ai ʻa e ngaahi me‘a ko ‘eni̇́.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.