Ma‘ake 7
7
Ko e Ngaahi Ouau Tukufakaholó
(Mātiu 15:1-9)
1Pea haʻu kia Si̇̄sū mei Selusalema ha kau Fālesi mo ha ni‘ihi he kau faiako Lao ʻa Mōsesé; 2Pea nau fakatokanga‘i ʻa e niʻihi ʻene kau akó ʻoku nau maʻu meʻatokoni mo e nima ʻuli, ʻa ia naʻe teʻeki ke nau fanofano.
3He ko e kau Fālesí mo e kakai Siu kotoa pē, na‘e ‘ikai te nau kai kae‘oua kuo nau tomuʻa fai ʻa e ouau fanofanó, he naʻa nau piki ki he tukufakaholo ʻa e kau mātuʻa ʻo e lotú. 4Ko ia, ka nau ka foki mei he māketi̇́, naʻe ʻikai te nau kai, kaeʻoua kuo tomuʻa papitaiso honau nimá. Pea naʻe lahi mo e ngaahi ouau tukufakaholo pehē na‘á nau fai̇, ‘o hangē ko e papitaiso ʻo e ngaahi ipu, mo e ʻū kulo, mo e ʻū tikatele.
5Ko ia, naʻe ʻeke ange ‘e he kau Fālesi̇́ mo e kau faiako Lao ʻa Mōsesé kia Si̇̄sū, ‟Ko e hā ‘oku ‘ikai ke talangofua ai ho‘o kau akó ki he ngaahi tukufakaholo ʻa ʻetau ngaahi kui̇́? Ko e hā ‘oku nau kai ai mo e nima ʻuli̇́?”
6Pea tali ʻe ia kiate kinautolu, ‟Tā ko e mo‘oni ʻo e mo‘oni ʻa e lau ʻa ‘Aisea ʻo kau kiate kimoutolú! Ko e toki kakai lotuloi kimoutolu, ‘o hangē pē ko ia kuo tohi̇́,
‘Oku fakahi̇̄kihiki‘i au ‘e he kakai̇́ ni,
ʻaki pē honau ngutú.
Ka ko honau lotó,
‘Oku ‘ikai ke tokanga mai kiate au.
7Ko e koto taʻeʻaonga pē ʻenau lotu mai kiate aú.
He ko ʻenau ngaahi akonaki̇́,
ko e ngaahi fakakaukau fakaetangata pē.”
8‟‘Oku mou liʻaki ʻekimoutolu ʻa e ngaahi fekau ʻa e ‘Otuá ka mou pipiki he ngaahi tukufakaholo fakaetangatá.”
9Pea naʻe folofola kiate kinautolu, ‟Ko e toki me‘a fakaʻulia ho‘omou teke‘i ʻa e folofola ʻa e ‘Otuá ka mou tauhi ho‘omou ngaahi tukufakaholo ʻamoutolu pē! 10He naʻe pehē ʻe Mōsese, ‛Faka‘apa‘apa ki ho‘o tamai̇́ mo ho‘o fa‘eé,’ pea mo ʻeni foki, ‛Ka lea kovi ha taha ki heʻene tamai̇́ pē ko ʻene fa‘eé, kuo pau ke tāmate‘i ia.’ 11Ka ko kimoutolu ʻoku mou pehē: Ka ai ha me‘a ʻa ha taha na‘e mei ʻaonga ki heʻene tamai̇́ pē ko ʻene fa‘eé, ka kuó ne tala ‘e ia, ‛Kuo kōpano eni,’ (‛ʻa ia ko e pehē ‘Ko e me‘a‘ofa ia ma‘a e ‘Otuá,’) pea ‘e ʻataʻatā leva ia, ke ʻoua te ne toe ‘ave ma‘a ʻene ongo mātu‘á e me‘a ko iá. 12ʻI hoʻomou fai pehē: ʻoku mou ta‘ofi ai ʻa e tokoni ʻa e kakai̇́ ki he‘enau mātu‘á. 13‘Oku mou fakasi̇̄tuʻaʻi ʻa e Folofolá ʻaki ho‘omou ngaahi talatukufakaholó. Pea ‘oku lahi mo ho‘omou ngaahi me‘a pehē ‘oku fai̇́.”
Ko e Me‘a ‘Oku ‘Uliʻi Mo‘oni ai ʻa e Moʻui̇́
(Mātiu 15:10-20)
14Pea toe ui mai ‘e Si̇̄sū ʻa e kakai̇́ kiate ia, pea naʻe pehēange kiate kinautolu, ‟Mou tokanga mai kotoa pē, pea ʻai ke mahino atu ʻeku fakamatalá. 15‘Oku ‘ikai ha me‘a ‘e hū mei tuʻa ki ha taha, ‘e ʻuli ai ʻene moʻui̇́. Ko e ngaahi me‘a ‘e toki ʻuli ai ho‘omou moʻui̇́, ʻa e ngaahi meʻa ʻoku hū mai mei homou lotó.” #7:15 ʻIkai ha veesi 16
17Pea mavahe atu ia mei he kakai̇́, ʻo ne hū ki fale. Pea kole ange leva ʻe heʻene kau akó ke ne fakamahino ange mu‘a ʻa e tala fakatātā ko iā. 18Pea pehē ange ‘e ia kiate kinautolu, ‟ʻOku pehē fau koā hoʻomou ʻatamai̇́ tuai̇́? Kuo te‘eki koā ke mahino kiate kimoutolu ‘oku ‘ikai ha me‘a mei tuʻa ʻe hūatu ki ha taha, pea ʻuli mo‘oni ai ʻene moʻui̇́? 19He ‘oku ‘ikai ʻalu hifo ia ki hono lotó, ka ki hono keté, pea toki ʻalu atu ia kituʻa, mei hono sinó.” (ʻI he folofola pehē ʻa Sīsuú, naʻá ne fakamahino ai, ‘oku maʻa ʻa e meʻakai kotoa pē, ke kai mei ai.)
20Pea hokoatu leva ‘e Si̇̄sū ʻene fakamatalá, ‟Ko e me‘a ‘e toki ʻuli moʻoni ai ʻa e mo‘ui ʻa ha tahá, ʻa e me‘a ko ē ‘oku ʻalu hake mei hono lotó. 21He ‘oku ʻalu hake mei he loto ‘o ha taha, ʻa e ngaahi fakakaukau kovi, ʻa e feʻauaki̇́, ʻa e kaiha‘á, mo e tāmaté; 22ʻA e mānumanú, ʻa e taaufehiʻá, ʻa e kākaá, mo e holikovi̇́, ʻa e lotokovi̇́, mo e lauʻikovi̇́, mo e hi̇̄kisiá, mo e fakavalevalé. 23Ko ʻeni ia ʻa e ngaahi tō‘onga kovi ‘oku ʻalu hake mei he loto ‘o ha taha, ‘o ʻuli mo‘oni ai ʻene moʻui̇́.”
Ko e Fefine Tui Mālohi
(Mātiu 15:21-28)
24Pea mavahe atu ʻa Si̇̄sū mei ai, ‘o naʻe fononga ki he feitu‘u ofi ki Taiá. Pea naʻe afe ki ha ʻapi ‘o nofo ai ʻo ‘ikai te ne loto ke ‘ilo ki ai ʻa e kakai̇́, ka na‘e ‘ikai lava ke puli ʻene nofo ai̇́.
25Pea na‘e ‘ilo ki ai ha fa‘ē, ʻa ia na‘e ma‘u ‘e ha laumālie ʻuli ʻene tama fefiné. Pea ha‘u ʻa e fa‘ē ko iā ‘o tūʻulutui atu ki he va‘e ‘o Sīsuú. 26Ko e fefiné ko iā, ko e Kalisi, ka na‘e tupu he fonua ko Si̇̄lia-Fi̇̄nisia. Pea na‘á ne kole fakamātoato kia Si̇̄sū ke ne hanga mu‘a ‘o kapusi ʻa e tēvoló mei siʻene tamá. 27Ka naʻe talaange ‘e Sīsu kiate ia, ‟Tuku ke tomu‘a fafanga ʻa e fānaú, he ʻoku ‘ikai totonu ke ‘ave ʻa e mā ʻa e fānaú, ‘o laku ki he fanga kulii̇́.”
28Pea tali ange leva ‘e he fefiné ʻo ne pehē kiate ia, ‟Ko e mo‘oni pē ʻEiki, ho‘o laú. Ka na‘á mo e fanga kulii̇́, ‘oku nau kai pē he momo mei he lalo tēpile ʻa e fānaú”
29Pea naʻe folofola kiate ia, ‟Ko e me‘a ʻi ho‘o tali kuo fai̇́, ʻalu ā ki ʻapi, he kuo mavahe ʻa e laumālie ‘uli̇́, mei ho‘o tamá.” 30Pea foki atu leva ʻa e fefiné ki hono ʻapi̇́, tā ‘oku tokoto lelei mai ʻene tamá ʻi hono mohengá, pea kuo mavahe ʻa e laumālie ʻuli̇́ meiate ia.
Ko e Fakamo‘ui ‘e Si̇̄sū ha Tangata Tuli mo Le‘ovale
31Pea toe mavahe mai ʻa Si̇̄sū mei he feitu‘u Taiá ‘o ne fononga mai ʻi Saitoni, ʻo ne aʻu ki he Tahi Kāleli̇́, ki he ngaahi feitu‘u ʻo Tikapolusi̇́. 32Pea na‘e ‘omi kiate ia ‘e ha ni‘ihi ai, ha tangata na‘e tuli mo le‘ovale, ‘o nau kole ange ke hilifaki hono nimá ki ai.
33Pea taki atu ‘e Si̇̄sū ʻa e tangatá ke ki‘i mavahe atu mei he kakai̇́, pea naʻe toki ‘ai atu hono ongo tuhú ki he ongo ava‘i telinga ‘o e tangatá. Pea naʻe toe ʻaʻanu ‘o ‘ai ʻa e me‘i fāvai ki hono ʻeleló. 34Pea toki hanga hake ʻa Si̇̄sū ki he langi̇́, pea naʻe māpuhoi, ʻo ne folofola kiate ia, ‟ʻEfata,” ʻa ia ko hono ‘uhingá, ‟Ke ava mai!”
35Pea naʻe ongo ai pē ʻa e tuli ‘o e tangatá, pea homo mo e haʻi ʻo hono ʻeleló, ʻo ne toe lava ‘o lea lelei. 36Pea fekau ‘e Si̇̄sū ʻa e kakai̇́ ke ‘oua te nau talanoa ki ha taha ʻa e me‘a kuo hokó. Ka ko e lahi ange ʻene ta‘ofi kinautolú, ko e lahi ange ai pē ia ʻenau talanoa‘i̇ iá. 37Pea naʻe mātuʻaki ofo moʻoni pē ʻa e kakai̇́ ‘ia Sīsū, ‘o nau pehē: ‟Ko e tangatá ni, ‘oku mālie ʻene me‘a kotoa ‘oku fai̇́. Kuo a‘u ē ki heʻene ‘ai ʻa e tuli̇́ ke fanongo, mo e noá ke lea!”
Избрани в момента:
Ma‘ake 7: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.
Ma‘ake 7
7
Ko e Ngaahi Ouau Tukufakaholó
(Mātiu 15:1-9)
1Pea haʻu kia Si̇̄sū mei Selusalema ha kau Fālesi mo ha ni‘ihi he kau faiako Lao ʻa Mōsesé; 2Pea nau fakatokanga‘i ʻa e niʻihi ʻene kau akó ʻoku nau maʻu meʻatokoni mo e nima ʻuli, ʻa ia naʻe teʻeki ke nau fanofano.
3He ko e kau Fālesí mo e kakai Siu kotoa pē, na‘e ‘ikai te nau kai kae‘oua kuo nau tomuʻa fai ʻa e ouau fanofanó, he naʻa nau piki ki he tukufakaholo ʻa e kau mātuʻa ʻo e lotú. 4Ko ia, ka nau ka foki mei he māketi̇́, naʻe ʻikai te nau kai, kaeʻoua kuo tomuʻa papitaiso honau nimá. Pea naʻe lahi mo e ngaahi ouau tukufakaholo pehē na‘á nau fai̇, ‘o hangē ko e papitaiso ʻo e ngaahi ipu, mo e ʻū kulo, mo e ʻū tikatele.
5Ko ia, naʻe ʻeke ange ‘e he kau Fālesi̇́ mo e kau faiako Lao ʻa Mōsesé kia Si̇̄sū, ‟Ko e hā ‘oku ‘ikai ke talangofua ai ho‘o kau akó ki he ngaahi tukufakaholo ʻa ʻetau ngaahi kui̇́? Ko e hā ‘oku nau kai ai mo e nima ʻuli̇́?”
6Pea tali ʻe ia kiate kinautolu, ‟Tā ko e mo‘oni ʻo e mo‘oni ʻa e lau ʻa ‘Aisea ʻo kau kiate kimoutolú! Ko e toki kakai lotuloi kimoutolu, ‘o hangē pē ko ia kuo tohi̇́,
‘Oku fakahi̇̄kihiki‘i au ‘e he kakai̇́ ni,
ʻaki pē honau ngutú.
Ka ko honau lotó,
‘Oku ‘ikai ke tokanga mai kiate au.
7Ko e koto taʻeʻaonga pē ʻenau lotu mai kiate aú.
He ko ʻenau ngaahi akonaki̇́,
ko e ngaahi fakakaukau fakaetangata pē.”
8‟‘Oku mou liʻaki ʻekimoutolu ʻa e ngaahi fekau ʻa e ‘Otuá ka mou pipiki he ngaahi tukufakaholo fakaetangatá.”
9Pea naʻe folofola kiate kinautolu, ‟Ko e toki me‘a fakaʻulia ho‘omou teke‘i ʻa e folofola ʻa e ‘Otuá ka mou tauhi ho‘omou ngaahi tukufakaholo ʻamoutolu pē! 10He naʻe pehē ʻe Mōsese, ‛Faka‘apa‘apa ki ho‘o tamai̇́ mo ho‘o fa‘eé,’ pea mo ʻeni foki, ‛Ka lea kovi ha taha ki heʻene tamai̇́ pē ko ʻene fa‘eé, kuo pau ke tāmate‘i ia.’ 11Ka ko kimoutolu ʻoku mou pehē: Ka ai ha me‘a ʻa ha taha na‘e mei ʻaonga ki heʻene tamai̇́ pē ko ʻene fa‘eé, ka kuó ne tala ‘e ia, ‛Kuo kōpano eni,’ (‛ʻa ia ko e pehē ‘Ko e me‘a‘ofa ia ma‘a e ‘Otuá,’) pea ‘e ʻataʻatā leva ia, ke ʻoua te ne toe ‘ave ma‘a ʻene ongo mātu‘á e me‘a ko iá. 12ʻI hoʻomou fai pehē: ʻoku mou ta‘ofi ai ʻa e tokoni ʻa e kakai̇́ ki he‘enau mātu‘á. 13‘Oku mou fakasi̇̄tuʻaʻi ʻa e Folofolá ʻaki ho‘omou ngaahi talatukufakaholó. Pea ‘oku lahi mo ho‘omou ngaahi me‘a pehē ‘oku fai̇́.”
Ko e Me‘a ‘Oku ‘Uliʻi Mo‘oni ai ʻa e Moʻui̇́
(Mātiu 15:10-20)
14Pea toe ui mai ‘e Si̇̄sū ʻa e kakai̇́ kiate ia, pea naʻe pehēange kiate kinautolu, ‟Mou tokanga mai kotoa pē, pea ʻai ke mahino atu ʻeku fakamatalá. 15‘Oku ‘ikai ha me‘a ‘e hū mei tuʻa ki ha taha, ‘e ʻuli ai ʻene moʻui̇́. Ko e ngaahi me‘a ‘e toki ʻuli ai ho‘omou moʻui̇́, ʻa e ngaahi meʻa ʻoku hū mai mei homou lotó.” #7:15 ʻIkai ha veesi 16
17Pea mavahe atu ia mei he kakai̇́, ʻo ne hū ki fale. Pea kole ange leva ʻe heʻene kau akó ke ne fakamahino ange mu‘a ʻa e tala fakatātā ko iā. 18Pea pehē ange ‘e ia kiate kinautolu, ‟ʻOku pehē fau koā hoʻomou ʻatamai̇́ tuai̇́? Kuo te‘eki koā ke mahino kiate kimoutolu ‘oku ‘ikai ha me‘a mei tuʻa ʻe hūatu ki ha taha, pea ʻuli mo‘oni ai ʻene moʻui̇́? 19He ‘oku ‘ikai ʻalu hifo ia ki hono lotó, ka ki hono keté, pea toki ʻalu atu ia kituʻa, mei hono sinó.” (ʻI he folofola pehē ʻa Sīsuú, naʻá ne fakamahino ai, ‘oku maʻa ʻa e meʻakai kotoa pē, ke kai mei ai.)
20Pea hokoatu leva ‘e Si̇̄sū ʻene fakamatalá, ‟Ko e me‘a ‘e toki ʻuli moʻoni ai ʻa e mo‘ui ʻa ha tahá, ʻa e me‘a ko ē ‘oku ʻalu hake mei hono lotó. 21He ‘oku ʻalu hake mei he loto ‘o ha taha, ʻa e ngaahi fakakaukau kovi, ʻa e feʻauaki̇́, ʻa e kaiha‘á, mo e tāmaté; 22ʻA e mānumanú, ʻa e taaufehiʻá, ʻa e kākaá, mo e holikovi̇́, ʻa e lotokovi̇́, mo e lauʻikovi̇́, mo e hi̇̄kisiá, mo e fakavalevalé. 23Ko ʻeni ia ʻa e ngaahi tō‘onga kovi ‘oku ʻalu hake mei he loto ‘o ha taha, ‘o ʻuli mo‘oni ai ʻene moʻui̇́.”
Ko e Fefine Tui Mālohi
(Mātiu 15:21-28)
24Pea mavahe atu ʻa Si̇̄sū mei ai, ‘o naʻe fononga ki he feitu‘u ofi ki Taiá. Pea naʻe afe ki ha ʻapi ‘o nofo ai ʻo ‘ikai te ne loto ke ‘ilo ki ai ʻa e kakai̇́, ka na‘e ‘ikai lava ke puli ʻene nofo ai̇́.
25Pea na‘e ‘ilo ki ai ha fa‘ē, ʻa ia na‘e ma‘u ‘e ha laumālie ʻuli ʻene tama fefiné. Pea ha‘u ʻa e fa‘ē ko iā ‘o tūʻulutui atu ki he va‘e ‘o Sīsuú. 26Ko e fefiné ko iā, ko e Kalisi, ka na‘e tupu he fonua ko Si̇̄lia-Fi̇̄nisia. Pea na‘á ne kole fakamātoato kia Si̇̄sū ke ne hanga mu‘a ‘o kapusi ʻa e tēvoló mei siʻene tamá. 27Ka naʻe talaange ‘e Sīsu kiate ia, ‟Tuku ke tomu‘a fafanga ʻa e fānaú, he ʻoku ‘ikai totonu ke ‘ave ʻa e mā ʻa e fānaú, ‘o laku ki he fanga kulii̇́.”
28Pea tali ange leva ‘e he fefiné ʻo ne pehē kiate ia, ‟Ko e mo‘oni pē ʻEiki, ho‘o laú. Ka na‘á mo e fanga kulii̇́, ‘oku nau kai pē he momo mei he lalo tēpile ʻa e fānaú”
29Pea naʻe folofola kiate ia, ‟Ko e me‘a ʻi ho‘o tali kuo fai̇́, ʻalu ā ki ʻapi, he kuo mavahe ʻa e laumālie ‘uli̇́, mei ho‘o tamá.” 30Pea foki atu leva ʻa e fefiné ki hono ʻapi̇́, tā ‘oku tokoto lelei mai ʻene tamá ʻi hono mohengá, pea kuo mavahe ʻa e laumālie ʻuli̇́ meiate ia.
Ko e Fakamo‘ui ‘e Si̇̄sū ha Tangata Tuli mo Le‘ovale
31Pea toe mavahe mai ʻa Si̇̄sū mei he feitu‘u Taiá ‘o ne fononga mai ʻi Saitoni, ʻo ne aʻu ki he Tahi Kāleli̇́, ki he ngaahi feitu‘u ʻo Tikapolusi̇́. 32Pea na‘e ‘omi kiate ia ‘e ha ni‘ihi ai, ha tangata na‘e tuli mo le‘ovale, ‘o nau kole ange ke hilifaki hono nimá ki ai.
33Pea taki atu ‘e Si̇̄sū ʻa e tangatá ke ki‘i mavahe atu mei he kakai̇́, pea naʻe toki ‘ai atu hono ongo tuhú ki he ongo ava‘i telinga ‘o e tangatá. Pea naʻe toe ʻaʻanu ‘o ‘ai ʻa e me‘i fāvai ki hono ʻeleló. 34Pea toki hanga hake ʻa Si̇̄sū ki he langi̇́, pea naʻe māpuhoi, ʻo ne folofola kiate ia, ‟ʻEfata,” ʻa ia ko hono ‘uhingá, ‟Ke ava mai!”
35Pea naʻe ongo ai pē ʻa e tuli ‘o e tangatá, pea homo mo e haʻi ʻo hono ʻeleló, ʻo ne toe lava ‘o lea lelei. 36Pea fekau ‘e Si̇̄sū ʻa e kakai̇́ ke ‘oua te nau talanoa ki ha taha ʻa e me‘a kuo hokó. Ka ko e lahi ange ʻene ta‘ofi kinautolú, ko e lahi ange ai pē ia ʻenau talanoa‘i̇ iá. 37Pea naʻe mātuʻaki ofo moʻoni pē ʻa e kakai̇́ ‘ia Sīsū, ‘o nau pehē: ‟Ko e tangatá ni, ‘oku mālie ʻene me‘a kotoa ‘oku fai̇́. Kuo a‘u ē ki heʻene ‘ai ʻa e tuli̇́ ke fanongo, mo e noá ke lea!”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.