SOERA MOZE II. FAZA 21.
FAZA 21.
I. Oroisa ba chõ zawoejoe, ira matoea ba ira alawe. II. Hoekoe zangeʼe ba hoekoe na horõ bõʼõ. Folaoe balõ. III. Amachoita na ifesocho niha oerifõ.
1I. Daʼõ gamachoita andrõ, nifaʼemaoe chõra: 2Na õhõli zawoejoe, niha Heberaio, ba meõnõ fache mohalõw̃õ ia [chõoe], sawoejoe, ba ba ndrõfi si fitoe, ba niʼefaʼõ ia, saoha gõlõ. (Moz. III. 25, 39. Moz. V. 15, 12. Jer. 34, 14). 3Na ha samõsa ia, me awena so ia, ba ha samõsa gõi ia ba wangefaʼõ jaʼia; ba na no so ndrongania, ba niʼefaʼõ gõi daʼõ, awõnia. 4Ba na sochõ jaʼia zamodonga jaʼia mege, ba na no moʼono chõnia, ono matoea, ba ma ono alawe, ba chõ zochõ jaʼia ndrongania, fabaja iraono andrõ, ba ha jaʼia niʼefaʼõ. 5Ba na iw̃aʼõ enaʼõ sawoejoe andrõ: Omasido zochõ jaʼo ba foʼomogoe ba iraonogoe, ba alacha lõ aefado, 6ba jamoeʼohe ia fõna Lowalangi sochõ jaʼia, ba jamoefaedogõ ia ba lagõ mbawandroehõ, ba ma ba gehomo mbawandroehõ, ba jamoetõgi dalingania fõrõgi sochõ jaʼia, ba ja lõ teboelõ sawoejoenia. (Moz. V. 19, 17. Sin. 82, 6. Joh. 10, 34). 7Na so zamawa sawoejoe ononia alawe, ba tebai niʼefaʼõ daʼõ, si mane sawoejoe bõʼõ. 8Na lõ omasi zochõ jaʼia, samohoe jaʼia iá, ba jamoefahõliʼõ, ba lõ tola iʼamawa ba niha bõʼõ, si tenga jaʼira, na lõ aro linia ehõnia. 9Ba na chõ nononia ihonogõi, ba ja hoelõ nononia alawe. 10Ba na ihalõ zamboea tõ, ba bõi jamoeʼambõsi ia; he ba gõnia, ba he ba noechania, ba he ba waʼoroedoe chõnia. 11Na lõ itõrõ zi tõloe balõ andrõ, ba ja aefa ndra alawe andrõ, saoha gõlõ.
12II. Na so zamõbõzi awõnia, irege mate, ba hoekoe famoenoe hoekoenia. (F. 20, 13). 13Ba na tenga niʼodõdõgõ, na Lowalangi zamatõrõ tangania, ba oehonogõi chõoe naha, nisaw̃ania woloi. (Moz. IV. 35, 11. Moz. V. 19, 2. Jos. 20, 2). 14Ba na so zolaoe horõ chõ nawõnia, na iboenoe, nilimo, ba ba zinga naha wameʼe soemange chõgoe õhalõ ia, ba wamoenoe jaʼia. (Raz. I. 2, 29). 15Samõbõzi amania, ba ma inania, ba niboenoe. (Moz. III. 20, 9). 16Soraboe Iraono Gizeraëli — he iʼamawa sawoejoe, ba he ba nomonia, lasõndra, ba niboenoe. (Moz. V. 24, 7). 17Sangelifi amania, ba ma inania, ba niboenoe. (Moz. V. 27, 16. Amaed. 20, 20; 30, 17. Mat. 15, 4). 18Na so zi fagoeagoea ba na ibõzi nawõnia si samõsa, kara, ba ma tanga, irege ibeʼe ba zalo, he lõ mate ia, 19ba ja aefa zolaoe daʼõ, na ifoeli abeʼe nibõzi andrõ, na iʼila mõi tooe, maniʼo; ha gõtõ zi tebato ia jomo isalahini chõnia, ba ifaigi daloedaloe chõnia. 20Na so zamõzi sawoejoenia ira matoea, ba ma sawoejoenia ira alawe, siʼo, irege adõlõ mate, ba nihoekoe daʼõ. 21Ba na aoeri na oea, mato maʼṍchõ, ba ma mato doea wongi, ba tenga nihoekoe ia, me no chõnia, bõli ganaʼania. 22Ba na so niha si fasõndra, ba na latimba ndra alawe sanabina, irege aechoe dabinania, ba na lõʼõ na atṍ bõʼõnia, safõchõ, ba nichaoe zolaoe daʼõ, ogaoeta niw̃aʼõ zodonga ira alawe andrõ, ba ibeʼe dali niw̃aʼõ zangoehoekoe. 23Ba na iroegi zabõlõbõlõ, ba noso lahalõ fangali noso, (Moz. III. 24, 19. Mat. 5, 38), 24ba hõrõ fangali hõrõ, ba boha fangali mboha, ba tanga fangali danga, ba ahe fangali gahe, 25ba sachozi fangali zachozi, ba socho ba doho fangali zocho ba doho, ba socho ba mbalatoe fangali zocho ba mbalatoe. 26Na so zamõzi hõrõ zawoejoenia ira matoea, ba ma hõrõ zawoejoenia ira alawe, irege aboto, ba jamoeʼefaʼõ ia, salahi hõrõ andrõ. 27Ba na ateoe nifõ ibeʼe, na ibõzi zawoejoenia ira matoea, ba ma sawoejoenia ira alawe, ba jamoeʼefaʼõ zawoejoe andrõ, salahi nifõ andrõ.
28III. Na itandroe ndra matoea, ba ma ira alawe saw̃i, balazi mate, ba niteboe kara zaw̃i andrõ, wamoenoe jaʼia; ba ja si lõ horõ zochõ saw̃i. (Moz. I. 9, 5). 29Ba na no ara si fatandroetandroe zaw̃i andrõ ba na no moefangelama zochõ, ba na lõʼõ zoei idarodarogõ, ba miteboe kara gõi zaw̃i andrõ, na no iboenoe ndra matoea, ba ma ira alawe, ba hoekoe famoenoe gõi hoekoe zochõ jaʼia. 30Ba na lafoʼõmõ ia hõli, ba ibeʼe hõli noso, ha waʼeboea nibeʼe õmõnia. 31Ba na ono matoea ba ma ono alawe nitandroe, ba si manõ zoei hoekoe nifatõrõ chõnia. 32Ba na sawoejoe ira matoea, ba ma sawoejoe ira alawe nitandroe zaw̃i, ba 30 roefia gõmõ zochõ saw̃i andrõ ba niteboe kara zaw̃i. 33Na so zi lõ manõsõwoei baʼa, ba ma sogao baʼa ba lõ isõsõwoei, ba na aechoe si tooe zaw̃i, 34ba ma kalide, ba jamoesalahini ba zochõ, anaʼa, sochõ baʼa andrõ, ba amatela andrõ, ba chõ zochõ. 35Ba na itandroe zaw̃i niha bõʼõ saw̃i, irege mate, ba niʼamawa zaw̃i saoeri andrõ ba nifaosa mbõli; ba si mate, ba nifaosa gõi. 36Ba na no laʼila manõ niha, wa no tohõna si fatandroetandroe zaw̃i andrõ, ba na lõ nidarodarogõ zochõ jaʼia, ba isalahini saw̃i zaw̃ī andrõ, ba ja chõnia zi mate andrõ.
Избрани в момента:
SOERA MOZE II. FAZA 21.: NIA
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
SOERA MOZE II. FAZA 21.
FAZA 21.
I. Oroisa ba chõ zawoejoe, ira matoea ba ira alawe. II. Hoekoe zangeʼe ba hoekoe na horõ bõʼõ. Folaoe balõ. III. Amachoita na ifesocho niha oerifõ.
1I. Daʼõ gamachoita andrõ, nifaʼemaoe chõra: 2Na õhõli zawoejoe, niha Heberaio, ba meõnõ fache mohalõw̃õ ia [chõoe], sawoejoe, ba ba ndrõfi si fitoe, ba niʼefaʼõ ia, saoha gõlõ. (Moz. III. 25, 39. Moz. V. 15, 12. Jer. 34, 14). 3Na ha samõsa ia, me awena so ia, ba ha samõsa gõi ia ba wangefaʼõ jaʼia; ba na no so ndrongania, ba niʼefaʼõ gõi daʼõ, awõnia. 4Ba na sochõ jaʼia zamodonga jaʼia mege, ba na no moʼono chõnia, ono matoea, ba ma ono alawe, ba chõ zochõ jaʼia ndrongania, fabaja iraono andrõ, ba ha jaʼia niʼefaʼõ. 5Ba na iw̃aʼõ enaʼõ sawoejoe andrõ: Omasido zochõ jaʼo ba foʼomogoe ba iraonogoe, ba alacha lõ aefado, 6ba jamoeʼohe ia fõna Lowalangi sochõ jaʼia, ba jamoefaedogõ ia ba lagõ mbawandroehõ, ba ma ba gehomo mbawandroehõ, ba jamoetõgi dalingania fõrõgi sochõ jaʼia, ba ja lõ teboelõ sawoejoenia. (Moz. V. 19, 17. Sin. 82, 6. Joh. 10, 34). 7Na so zamawa sawoejoe ononia alawe, ba tebai niʼefaʼõ daʼõ, si mane sawoejoe bõʼõ. 8Na lõ omasi zochõ jaʼia, samohoe jaʼia iá, ba jamoefahõliʼõ, ba lõ tola iʼamawa ba niha bõʼõ, si tenga jaʼira, na lõ aro linia ehõnia. 9Ba na chõ nononia ihonogõi, ba ja hoelõ nononia alawe. 10Ba na ihalõ zamboea tõ, ba bõi jamoeʼambõsi ia; he ba gõnia, ba he ba noechania, ba he ba waʼoroedoe chõnia. 11Na lõ itõrõ zi tõloe balõ andrõ, ba ja aefa ndra alawe andrõ, saoha gõlõ.
12II. Na so zamõbõzi awõnia, irege mate, ba hoekoe famoenoe hoekoenia. (F. 20, 13). 13Ba na tenga niʼodõdõgõ, na Lowalangi zamatõrõ tangania, ba oehonogõi chõoe naha, nisaw̃ania woloi. (Moz. IV. 35, 11. Moz. V. 19, 2. Jos. 20, 2). 14Ba na so zolaoe horõ chõ nawõnia, na iboenoe, nilimo, ba ba zinga naha wameʼe soemange chõgoe õhalõ ia, ba wamoenoe jaʼia. (Raz. I. 2, 29). 15Samõbõzi amania, ba ma inania, ba niboenoe. (Moz. III. 20, 9). 16Soraboe Iraono Gizeraëli — he iʼamawa sawoejoe, ba he ba nomonia, lasõndra, ba niboenoe. (Moz. V. 24, 7). 17Sangelifi amania, ba ma inania, ba niboenoe. (Moz. V. 27, 16. Amaed. 20, 20; 30, 17. Mat. 15, 4). 18Na so zi fagoeagoea ba na ibõzi nawõnia si samõsa, kara, ba ma tanga, irege ibeʼe ba zalo, he lõ mate ia, 19ba ja aefa zolaoe daʼõ, na ifoeli abeʼe nibõzi andrõ, na iʼila mõi tooe, maniʼo; ha gõtõ zi tebato ia jomo isalahini chõnia, ba ifaigi daloedaloe chõnia. 20Na so zamõzi sawoejoenia ira matoea, ba ma sawoejoenia ira alawe, siʼo, irege adõlõ mate, ba nihoekoe daʼõ. 21Ba na aoeri na oea, mato maʼṍchõ, ba ma mato doea wongi, ba tenga nihoekoe ia, me no chõnia, bõli ganaʼania. 22Ba na so niha si fasõndra, ba na latimba ndra alawe sanabina, irege aechoe dabinania, ba na lõʼõ na atṍ bõʼõnia, safõchõ, ba nichaoe zolaoe daʼõ, ogaoeta niw̃aʼõ zodonga ira alawe andrõ, ba ibeʼe dali niw̃aʼõ zangoehoekoe. 23Ba na iroegi zabõlõbõlõ, ba noso lahalõ fangali noso, (Moz. III. 24, 19. Mat. 5, 38), 24ba hõrõ fangali hõrõ, ba boha fangali mboha, ba tanga fangali danga, ba ahe fangali gahe, 25ba sachozi fangali zachozi, ba socho ba doho fangali zocho ba doho, ba socho ba mbalatoe fangali zocho ba mbalatoe. 26Na so zamõzi hõrõ zawoejoenia ira matoea, ba ma hõrõ zawoejoenia ira alawe, irege aboto, ba jamoeʼefaʼõ ia, salahi hõrõ andrõ. 27Ba na ateoe nifõ ibeʼe, na ibõzi zawoejoenia ira matoea, ba ma sawoejoenia ira alawe, ba jamoeʼefaʼõ zawoejoe andrõ, salahi nifõ andrõ.
28III. Na itandroe ndra matoea, ba ma ira alawe saw̃i, balazi mate, ba niteboe kara zaw̃i andrõ, wamoenoe jaʼia; ba ja si lõ horõ zochõ saw̃i. (Moz. I. 9, 5). 29Ba na no ara si fatandroetandroe zaw̃i andrõ ba na no moefangelama zochõ, ba na lõʼõ zoei idarodarogõ, ba miteboe kara gõi zaw̃i andrõ, na no iboenoe ndra matoea, ba ma ira alawe, ba hoekoe famoenoe gõi hoekoe zochõ jaʼia. 30Ba na lafoʼõmõ ia hõli, ba ibeʼe hõli noso, ha waʼeboea nibeʼe õmõnia. 31Ba na ono matoea ba ma ono alawe nitandroe, ba si manõ zoei hoekoe nifatõrõ chõnia. 32Ba na sawoejoe ira matoea, ba ma sawoejoe ira alawe nitandroe zaw̃i, ba 30 roefia gõmõ zochõ saw̃i andrõ ba niteboe kara zaw̃i. 33Na so zi lõ manõsõwoei baʼa, ba ma sogao baʼa ba lõ isõsõwoei, ba na aechoe si tooe zaw̃i, 34ba ma kalide, ba jamoesalahini ba zochõ, anaʼa, sochõ baʼa andrõ, ba amatela andrõ, ba chõ zochõ. 35Ba na itandroe zaw̃i niha bõʼõ saw̃i, irege mate, ba niʼamawa zaw̃i saoeri andrõ ba nifaosa mbõli; ba si mate, ba nifaosa gõi. 36Ba na no laʼila manõ niha, wa no tohõna si fatandroetandroe zaw̃i andrõ, ba na lõ nidarodarogõ zochõ jaʼia, ba isalahini saw̃i zaw̃ī andrõ, ba ja chõnia zi mate andrõ.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.