Luki 10
10
Yesuʼa sevetiʼa vayaʼmo alino apateʼnigeʼa uʼnaya gemae
1 #
Mk 6:7
Ala kava neʼmoʼa sevetiʼa vayaʼmo lekana paino apateteno lole vekalaʼmo alino lokaeno anatete anatete hutenoʼaeʼmo, muki uʼneʼna hisuva taonifiʼe kotegaʼeʼmo uta hogotetegeʼna vino. 2#Mt 9:37-38; Yo 4:35Hoyafiʼmo neʼyaʼmo ago leʼniyana alisaya vayaʼmo aiseʼamo maiʼnayaʼmofeʼmo hoyamo afoʼamofeʼmo hutapaeʼmo, hoyakafatiʼmo neʼyaʼmo alisaya vayaʼmo alika apategeʼa viyo, huta nunumuʼmo hiyo. 3#Mt 10:16Viyo, huʼna huteʼna aliʼna lapatesugetapa visayategamo aikeli sipisipigana hutapa afela kalamo maiʼnayategamo ugae. 4#Mt 10:7-14; Mk 6:8-11; Lu 9:3-5; 2 Kin 4:29Lapakaemo hanipausitapigi kutapigi sutapigi hutapa oʼalita afaʼa viyo. Kategamo neʼutapaeʼmo ge apamamaesayafeʼmo oʼmaitapa viyo. 5Uta haisaya nopiʼmo maiʼnisaya vayaʼaifeʼmo hutapaeʼmo, lapaipamoʼmo falu hino, huta hapa paiyo. 6Aipamoʼmo falu nehisiya vekamo maiʼnisiyaʼmoʼmo aipamoʼmo afaʼa falu huʼnisigeno maigiye. Aipamoʼmo falu nosisiya vekamo maiʼnisiyaʼmoʼmo getapimoʼmo ha oʼmaesigeno afa yategamo asagauno aigiye. 7#1 Ko 9:6-14; 1 Ti 5:18Alu nopi alu nopiʼmo uteta osutapa uta haisaya nopikeʼmo maiyo. Aliʼyaʼmo neʼaliya vayaʼmogi miyaʼapimo alagi alisaya kavaʼmo huʼa maiʼnayaʼmofeʼmo lapamisaya neʼyaʼe aniʼeʼmo neyo. 8#1 Ko 10:27Visaya taonifiʼmo maiʼnisaya vayaʼmogimo aliʼa falu fala huʼa lapatesagetapaeʼmo maiʼnetapa neʼyaʼmo lapamisaya yaʼmo afaʼa neyo. 9Kaita hapauʼnisiya vayaʼmo alita hapageta apatetetapaeʼmo, Gotiʼa yagaino neʼapateya kavaʼmo lapaopaleʼmo ago eʼniye, huta hapa paiyo. 10Visaya taonifiʼmo maiʼnisaya vayaʼmogimo aliʼa falu fala huʼa olapatesagetapaeʼmo taoniʼapifi kateʼmo uta he tita maiʼnetapaeʼmo, 11#Ap 13:51; 18:6lapakaitapifiʼmo faigoko gemo hanesiyafeʼmo apakae taonifiʼmo lapaiyalegatiʼmo mumusopamo alita kalo paetaletapa ugae. Afiyo, huno, Gotiʼa yagaino neʼapateya kavaʼmo lapaopaleʼmo ago afole aiʼniyaʼmonanafa oʼageʼnae, huta hapa paiyo. 12#Aep 19:24-25; Mt 10:15; 11:24Lapa nepauve, huno, Gotiʼa agoti huno apatesiya afinaʼmo Sotomi taonifiʼmo maiʼnaya vayaʼmogimo mago hosu yaʼmo aligayaʼmonanafa mani taonifiʼmo maiʼnaya vayaʼmogi magoʼe huʼa hosu yaʼmo aligae.
Mago taonifiʼmo maiʼnaya vayaʼmogi apakesamo afiʼa fatago osuʼnagenoʼaeʼmo huʼniya gemae
(Mt 11:20-24)
13 #
Mt 11:21-23
Kolasini taonifi maiʼnaya vayanagi Metasaita taonifi maiʼnaya vayanagi, huʼna, vaehae. Mago vekamoʼmo uno Taiya taonifiʼe Saitoni taonifiʼeʼmo noʼagaya agufa aune kavaʼmo lapakaetegamo huʼnova agufa aune kavaʼmo huʼniyesinana apakaemo akeyaʼvilagamo ago apaipamo aliʼa afe leteʼapaeʼmo kogu aʼnemogi neʼvaiya agufa kukenamo vaiteʼa hapamo faleteʼa maiʼnaesine. 14Maiʼnaesinaʼmofeʼmo agoti huno apatesiya afinaʼmo Taiya taonifi maiʼnaya vayaʼe Saitoni taonifi maiʼnaya vayaʼeʼmo aise kayoʼmo apamigayaʼmonanafa lapakaemo alopa kayoʼmo apamigiye. 15Kapeneyamu taonifi vayaʼmogitapae, huʼna, lapavaleno alino anale lapateʼniyanageno alino afepi lapateteno ata kopiʼmo alino lapategaiye. 16#Mt 10:40; Lu 9:48; Yo 5:23Geʼamo neʼafiya vayaʼaifeʼmo hunoʼaeʼmo, getapimo neʼafiya kava huʼa geʼnimo neʼafiye. Apakameʼyamo nelapamiya kava huʼa apakameʼyamo neʼnamiye. Apakameʼyamo neʼnamiya kava huʼa alino nateʼnigeʼna emiʼneʼnova vekaʼeʼmo apakameʼyamo neʼamiye, huno hapa paiteno alino apateʼnigeʼa uʼnae.
Geʼamo neʼafiya vayaʼmo atagi neʼa eʼnaya gemae
17Sevetiʼa vayaʼmo atagi neʼa Yesutegamo eʼapaeʼmo apamogaga aiteʼapaeʼmo, Ala kava nene, huʼa, kagikaleʼmo neʼaetaeʼmo hosu apaune vayaʼaifeʼmo ina kava hiyo huta huʼnona gemo afiʼnae, huʼa ha paiʼnagenoʼaeʼmo, 18#Yo 12:31; Le 12:8-9agovana Sataniʼmo kokuʼnapatiʼmo alino alave nehiya yakana huno asagauno aiʼnigeʼna ageʼnove. 19#Sam 91:13; Mk 16:18Afiyo, huʼna, nagaloʼyaveʼe sokopiyoniʼeʼmo lapaiyaletiʼmo aeta latapaisayafeʼmo himamuʼnimo aliʼna lapamiʼnove. Kame vayatapimogi himamuʼapimo aeta apaka sesayafeʼmo himamuʼnimo aliʼna lapamiʼnovanageʼa muki vayaʼmogi afaʼa olahapaegae. 20#Mt 7:22; Hat 32:32; Fl 4:3; Le 3:5Himamuʼnimo ago aliʼnayaʼmofeʼmo hosu apaune vayaʼmogi getapimo afiʼnaya kavafekeʼmo lapamogaga oʼaita Gotiʼa kokuʼnapi haneʼniya mukufiʼmo lapakitapimo avoʼmo ago kae maleʼniya kavafekeʼmo ago lapamogaga aiyo, huno hapa paiʼniye.
Yesuʼa Gotifeʼmo amogaga aiʼniya kavafeʼmo huʼniya gemae
(Mt 11:25-27; 13:16-17)
21Ani afinaʼmo Yesuʼa Aote Aunemeʼaletiʼmo aipafiʼmo amogaga neʼainoʼaeʼmo, Afo, huno, kokuʼnateʼe ma mopaleʼeʼmo yagaika anateʼnana vekamae. Kagaemo afiteʼa ageʼnaya vayaʼmogimo oʼafisayafeʼmo mani kavaʼmo alika fala ki maleʼnanaʼmonanafa mafaʼnegana huʼa neʼmaiya vayaʼmo alika apave liʼnana kavatefeʼmo kahao ke nehove. He, Afo, huno, kahauʼnigekaeʼmo, afole aiyo, huka huʼnane, huno nunumuʼmo huʼniye. 22#Yo 3:35; 10:15Hutenoʼaeʼmo, Afoʼnimoʼmo muki yateʼe vayaʼaiteʼeʼmo yagaisuvafeʼmo alino nateʼniye. Muki vayaʼmogimo mafaʼneʼamo ageʼa alagepa huʼa oʼageʼnafa afoʼamokeʼmo ageno alagepa huno ageʼniye. Ani kavaʼmo huʼa vayaʼmogimo muki yaʼmo Afoʼamoʼmo ageʼa alagepa huʼa oʼageʼnafa mafaʼneʼamokeʼmo ageno alagepa huno ageʼniye. Ani kavaʼmo huno mafaʼneʼamoʼmo lekana paino apateʼnisiya vayaʼmo alino apave lisigeʼapaeʼmo muki yaʼmo Afoʼamoʼmo ageʼa alagepa huʼa agegae, huno hapa paiʼniye. 23#Mt 13:16-17Apakaiʼapigeʼmo maiʼneʼapaeʼmo Yesuʼa aino afe leno geʼamo neʼafiya vayaʼaifeʼmo hunoʼaeʼmo, lapakaemo ageʼnaya agufa kavaʼmo huʼa ageʼnisaya vayaʼmogi Goti aulena vayaʼamo maiʼnae. 24#1 Pi 1:10Lapa paiʼnaeʼmo, hogoteʼa muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼe muki vayaʼmo alaʼapimo maiʼneʼa yagaiʼa neʼapataya vayaʼmogiʼeʼmo lapakaemo neʼagaya agufa kavaʼmo agesayafeʼmo huʼnayana oʼageʼnae. Lapakaemo neʼafiya agufa gemo afisayafeʼmo huʼnayana oʼafiʼnae, huno hapa paiʼniye.
Sameliya vekamoʼmo kame vekaʼamo ha maeʼniya gemae
25 #
Mt 22:35-40; Lu 18:18 Mago keʼaepa gemo neʼafiya vekamoʼmo Yesuʼmo amalageka hisiyafeʼmo he tino hunoʼaeʼmo, Tisao, huno, alagepa huʼna maige maige huʼna maisuvafeʼmo na agufa kavaʼmo hisuve, huno ge huno afi geʼnigenoʼaeʼmo, 26avoʼmo ago kae maleʼniya keʼaepa gemoʼa na agufa gemo huʼniye. Lekana paiʼnana gemoʼmo na agufa gemo huʼniye, huno ge huno afi geʼnigenoʼaeʼmo,
27 #
Loa 6:5; Mon 19:18 Ala kava neʼmo Gotikamofekeʼmo muki kaipafatinagi muki kagupi mafaʼnefatinagi muki himamukafatinagi muki kagesamo neʼafina yapatinagi huka kahau kayamopafiʼmo kahaino. Kagaikaeʼmo kahau kayamopafiʼmo kahauʼniya kava huka kahaopaleʼmo maiʼnaya vayaʼaifeʼmo kahaino,
huno ha paiʼnigenoʼaeʼmo, 28#Mon 18:5; Lo 10:5; Ga 3:12he, lama gemo hane. Ani kavaʼmo huka maime maime uvo alagepa huka maige maige huka maisana yaʼmo aligananagi, huno ha paiʼnigeno 29agaemo avagage osisigeno agiʼamo alagepa huno hanesiyafeʼmo Yesufeʼmo hunoʼaeʼmo, nahaopaleʼmo maiʼniya vekamo ina laʼae, huno ge huno afi geʼniye.
30Yesuʼa hunoʼaeʼmo, mago vekamo Yulusalemu taonifatiʼmo eno Yeliko taonifiʼmo uno lamisiyafeʼmo eʼniye. Kategamo neʼvigeʼapaeʼmo kumaya alisayafeʼmo neʼapamagiya vayaʼmogi eʼa atafauʼa kukenaʼamo asagiʼa aliteʼa amagiʼa ateʼa uʼnageno faligefeʼmo huʼniye. 31Ani afinaʼmo mago vekamo mono huno neʼapateya vekamo ani kateʼmo uno ageteno ka agiʼnaletiʼmo aino kalaeno uʼniye. 32Ani kavaʼmo huno mago Livai nofi vekamo mono aliʼyaʼmo neʼaliya vekamo eno ageteno ka agiʼnaletiʼmo aino kalaeno uʼniye. 33Agegeʼana ataleʼana uʼnaʼaʼmonanafa mago Sameliya vekamoʼmo eno agetenoʼaeʼmo hau huno ateteno 34uno amagiʼnaya yateʼmo uveliʼe nofi alagafati anitetiʼeʼmo lakino faleno ateteno hayaeno ateteno noki afuʼamo agotofuleʼmo asagauno faino ateteno avalelineno nata vayaʼmo eʼa nehavaya nopiʼmo ateteno yagaino ateʼniye. 35Egaʼamo monimo ani eʼa nehavaya noteʼmo neʼyagaiya vekamo amitenoʼaeʼmo, alagepa huka yagaika ato. Henagaʼamo hukaeʼmo, magoʼe monimo aliguve, huka hisanaʼmoʼmo esuva afinaʼmo kamiguve, huno ha paiʼniye, huno huteno Yesuʼa ani vekaeʼmo hunoʼaeʼmo, 36loleʼe magoʼe vayapatiʼmo kumaya vayaʼmogi amagiʼnaya vekamo haopaleʼmo maiʼniya vekamo haiya vekae, huno ge huno afi geʼnigenoʼaeʼmo, 37hau huno ateʼniya vekae, huno ha paiʼnigenoʼaeʼmo, uka ani agufa kavaʼmo huvo, huno ha paiʼniye.
Yesuʼa Matagani Maliyagani nopiʼmo uno haino maiʼniya gemae
38Henagaʼamo Yesuʼe geʼamo neʼafiya vayaʼeʼmo Yulusalemu taonifiʼmo ugefeʼmo neʼuʼapaeʼmo mago taonifiʼmo uʼa avaʼyi huʼnagenoʼaeʼmo mago aʼmo agiʼamo Mataʼa alino falu fala huno ateteno noʼafiʼmo avalelino uno haiʼniye. 39#Yo 11:1; 12:2-3; Lo 10:17Yesuʼa uno haino maiʼnigenoʼaeʼmo Mata aganaʼamoʼmo Maliyaʼa Yesu aiyafiʼmo maiʼneno huʼniya gemo afiʼniye. 40Afiʼniyaʼmonanafa Mataʼa lusi neʼyaʼmo yagita hisiyafeʼmo agesamo afitenoʼaeʼmo hauʼe hauʼe huteno eno Yesufeʼmo hunoʼaeʼmo, Ala kava nene, huno, naganaʼnimoʼmo nataleʼnigeʼna nagaiʼnigeʼmo aliʼyaʼmo neʼaluva kavafeʼmo kagesamo noʼafipiye. Uka atokamoʼmo haʼmao, huka ha paiyo, huno ha paiʼnigenoʼaeʼmo, 41#Sam 27:4Matao, Matao, huno, muki kavafeʼmo kagesa alaʼamo afiʼnanageno kaipamoʼmo atete nehiyaʼmonanafa alagepa huka maisana yaʼmo alisana yaʼmo magoke yaʼmo haneʼniye. 42#Mt 6:33; Yo 10:27; Lu 8:12Maliyaʼa ani alagepa yafekeʼmo agesamo afiteno ago lekana paino aliʼniyaʼmofeʼmo mago vekamoʼmo ayapatiʼmo alino hafaleno oʼatalegaiye, huno ha paiʼniye.
Избрани в момента:
Luki 10: kyg2013
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2013, Wycliffe Bible Translators, Inc. All rights reserved.
Luki 10
10
Yesuʼa sevetiʼa vayaʼmo alino apateʼnigeʼa uʼnaya gemae
1 #
Mk 6:7
Ala kava neʼmoʼa sevetiʼa vayaʼmo lekana paino apateteno lole vekalaʼmo alino lokaeno anatete anatete hutenoʼaeʼmo, muki uʼneʼna hisuva taonifiʼe kotegaʼeʼmo uta hogotetegeʼna vino. 2#Mt 9:37-38; Yo 4:35Hoyafiʼmo neʼyaʼmo ago leʼniyana alisaya vayaʼmo aiseʼamo maiʼnayaʼmofeʼmo hoyamo afoʼamofeʼmo hutapaeʼmo, hoyakafatiʼmo neʼyaʼmo alisaya vayaʼmo alika apategeʼa viyo, huta nunumuʼmo hiyo. 3#Mt 10:16Viyo, huʼna huteʼna aliʼna lapatesugetapa visayategamo aikeli sipisipigana hutapa afela kalamo maiʼnayategamo ugae. 4#Mt 10:7-14; Mk 6:8-11; Lu 9:3-5; 2 Kin 4:29Lapakaemo hanipausitapigi kutapigi sutapigi hutapa oʼalita afaʼa viyo. Kategamo neʼutapaeʼmo ge apamamaesayafeʼmo oʼmaitapa viyo. 5Uta haisaya nopiʼmo maiʼnisaya vayaʼaifeʼmo hutapaeʼmo, lapaipamoʼmo falu hino, huta hapa paiyo. 6Aipamoʼmo falu nehisiya vekamo maiʼnisiyaʼmoʼmo aipamoʼmo afaʼa falu huʼnisigeno maigiye. Aipamoʼmo falu nosisiya vekamo maiʼnisiyaʼmoʼmo getapimoʼmo ha oʼmaesigeno afa yategamo asagauno aigiye. 7#1 Ko 9:6-14; 1 Ti 5:18Alu nopi alu nopiʼmo uteta osutapa uta haisaya nopikeʼmo maiyo. Aliʼyaʼmo neʼaliya vayaʼmogi miyaʼapimo alagi alisaya kavaʼmo huʼa maiʼnayaʼmofeʼmo lapamisaya neʼyaʼe aniʼeʼmo neyo. 8#1 Ko 10:27Visaya taonifiʼmo maiʼnisaya vayaʼmogimo aliʼa falu fala huʼa lapatesagetapaeʼmo maiʼnetapa neʼyaʼmo lapamisaya yaʼmo afaʼa neyo. 9Kaita hapauʼnisiya vayaʼmo alita hapageta apatetetapaeʼmo, Gotiʼa yagaino neʼapateya kavaʼmo lapaopaleʼmo ago eʼniye, huta hapa paiyo. 10Visaya taonifiʼmo maiʼnisaya vayaʼmogimo aliʼa falu fala huʼa olapatesagetapaeʼmo taoniʼapifi kateʼmo uta he tita maiʼnetapaeʼmo, 11#Ap 13:51; 18:6lapakaitapifiʼmo faigoko gemo hanesiyafeʼmo apakae taonifiʼmo lapaiyalegatiʼmo mumusopamo alita kalo paetaletapa ugae. Afiyo, huno, Gotiʼa yagaino neʼapateya kavaʼmo lapaopaleʼmo ago afole aiʼniyaʼmonanafa oʼageʼnae, huta hapa paiyo. 12#Aep 19:24-25; Mt 10:15; 11:24Lapa nepauve, huno, Gotiʼa agoti huno apatesiya afinaʼmo Sotomi taonifiʼmo maiʼnaya vayaʼmogimo mago hosu yaʼmo aligayaʼmonanafa mani taonifiʼmo maiʼnaya vayaʼmogi magoʼe huʼa hosu yaʼmo aligae.
Mago taonifiʼmo maiʼnaya vayaʼmogi apakesamo afiʼa fatago osuʼnagenoʼaeʼmo huʼniya gemae
(Mt 11:20-24)
13 #
Mt 11:21-23
Kolasini taonifi maiʼnaya vayanagi Metasaita taonifi maiʼnaya vayanagi, huʼna, vaehae. Mago vekamoʼmo uno Taiya taonifiʼe Saitoni taonifiʼeʼmo noʼagaya agufa aune kavaʼmo lapakaetegamo huʼnova agufa aune kavaʼmo huʼniyesinana apakaemo akeyaʼvilagamo ago apaipamo aliʼa afe leteʼapaeʼmo kogu aʼnemogi neʼvaiya agufa kukenamo vaiteʼa hapamo faleteʼa maiʼnaesine. 14Maiʼnaesinaʼmofeʼmo agoti huno apatesiya afinaʼmo Taiya taonifi maiʼnaya vayaʼe Saitoni taonifi maiʼnaya vayaʼeʼmo aise kayoʼmo apamigayaʼmonanafa lapakaemo alopa kayoʼmo apamigiye. 15Kapeneyamu taonifi vayaʼmogitapae, huʼna, lapavaleno alino anale lapateʼniyanageno alino afepi lapateteno ata kopiʼmo alino lapategaiye. 16#Mt 10:40; Lu 9:48; Yo 5:23Geʼamo neʼafiya vayaʼaifeʼmo hunoʼaeʼmo, getapimo neʼafiya kava huʼa geʼnimo neʼafiye. Apakameʼyamo nelapamiya kava huʼa apakameʼyamo neʼnamiye. Apakameʼyamo neʼnamiya kava huʼa alino nateʼnigeʼna emiʼneʼnova vekaʼeʼmo apakameʼyamo neʼamiye, huno hapa paiteno alino apateʼnigeʼa uʼnae.
Geʼamo neʼafiya vayaʼmo atagi neʼa eʼnaya gemae
17Sevetiʼa vayaʼmo atagi neʼa Yesutegamo eʼapaeʼmo apamogaga aiteʼapaeʼmo, Ala kava nene, huʼa, kagikaleʼmo neʼaetaeʼmo hosu apaune vayaʼaifeʼmo ina kava hiyo huta huʼnona gemo afiʼnae, huʼa ha paiʼnagenoʼaeʼmo, 18#Yo 12:31; Le 12:8-9agovana Sataniʼmo kokuʼnapatiʼmo alino alave nehiya yakana huno asagauno aiʼnigeʼna ageʼnove. 19#Sam 91:13; Mk 16:18Afiyo, huʼna, nagaloʼyaveʼe sokopiyoniʼeʼmo lapaiyaletiʼmo aeta latapaisayafeʼmo himamuʼnimo aliʼna lapamiʼnove. Kame vayatapimogi himamuʼapimo aeta apaka sesayafeʼmo himamuʼnimo aliʼna lapamiʼnovanageʼa muki vayaʼmogi afaʼa olahapaegae. 20#Mt 7:22; Hat 32:32; Fl 4:3; Le 3:5Himamuʼnimo ago aliʼnayaʼmofeʼmo hosu apaune vayaʼmogi getapimo afiʼnaya kavafekeʼmo lapamogaga oʼaita Gotiʼa kokuʼnapi haneʼniya mukufiʼmo lapakitapimo avoʼmo ago kae maleʼniya kavafekeʼmo ago lapamogaga aiyo, huno hapa paiʼniye.
Yesuʼa Gotifeʼmo amogaga aiʼniya kavafeʼmo huʼniya gemae
(Mt 11:25-27; 13:16-17)
21Ani afinaʼmo Yesuʼa Aote Aunemeʼaletiʼmo aipafiʼmo amogaga neʼainoʼaeʼmo, Afo, huno, kokuʼnateʼe ma mopaleʼeʼmo yagaika anateʼnana vekamae. Kagaemo afiteʼa ageʼnaya vayaʼmogimo oʼafisayafeʼmo mani kavaʼmo alika fala ki maleʼnanaʼmonanafa mafaʼnegana huʼa neʼmaiya vayaʼmo alika apave liʼnana kavatefeʼmo kahao ke nehove. He, Afo, huno, kahauʼnigekaeʼmo, afole aiyo, huka huʼnane, huno nunumuʼmo huʼniye. 22#Yo 3:35; 10:15Hutenoʼaeʼmo, Afoʼnimoʼmo muki yateʼe vayaʼaiteʼeʼmo yagaisuvafeʼmo alino nateʼniye. Muki vayaʼmogimo mafaʼneʼamo ageʼa alagepa huʼa oʼageʼnafa afoʼamokeʼmo ageno alagepa huno ageʼniye. Ani kavaʼmo huʼa vayaʼmogimo muki yaʼmo Afoʼamoʼmo ageʼa alagepa huʼa oʼageʼnafa mafaʼneʼamokeʼmo ageno alagepa huno ageʼniye. Ani kavaʼmo huno mafaʼneʼamoʼmo lekana paino apateʼnisiya vayaʼmo alino apave lisigeʼapaeʼmo muki yaʼmo Afoʼamoʼmo ageʼa alagepa huʼa agegae, huno hapa paiʼniye. 23#Mt 13:16-17Apakaiʼapigeʼmo maiʼneʼapaeʼmo Yesuʼa aino afe leno geʼamo neʼafiya vayaʼaifeʼmo hunoʼaeʼmo, lapakaemo ageʼnaya agufa kavaʼmo huʼa ageʼnisaya vayaʼmogi Goti aulena vayaʼamo maiʼnae. 24#1 Pi 1:10Lapa paiʼnaeʼmo, hogoteʼa muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼe muki vayaʼmo alaʼapimo maiʼneʼa yagaiʼa neʼapataya vayaʼmogiʼeʼmo lapakaemo neʼagaya agufa kavaʼmo agesayafeʼmo huʼnayana oʼageʼnae. Lapakaemo neʼafiya agufa gemo afisayafeʼmo huʼnayana oʼafiʼnae, huno hapa paiʼniye.
Sameliya vekamoʼmo kame vekaʼamo ha maeʼniya gemae
25 #
Mt 22:35-40; Lu 18:18 Mago keʼaepa gemo neʼafiya vekamoʼmo Yesuʼmo amalageka hisiyafeʼmo he tino hunoʼaeʼmo, Tisao, huno, alagepa huʼna maige maige huʼna maisuvafeʼmo na agufa kavaʼmo hisuve, huno ge huno afi geʼnigenoʼaeʼmo, 26avoʼmo ago kae maleʼniya keʼaepa gemoʼa na agufa gemo huʼniye. Lekana paiʼnana gemoʼmo na agufa gemo huʼniye, huno ge huno afi geʼnigenoʼaeʼmo,
27 #
Loa 6:5; Mon 19:18 Ala kava neʼmo Gotikamofekeʼmo muki kaipafatinagi muki kagupi mafaʼnefatinagi muki himamukafatinagi muki kagesamo neʼafina yapatinagi huka kahau kayamopafiʼmo kahaino. Kagaikaeʼmo kahau kayamopafiʼmo kahauʼniya kava huka kahaopaleʼmo maiʼnaya vayaʼaifeʼmo kahaino,
huno ha paiʼnigenoʼaeʼmo, 28#Mon 18:5; Lo 10:5; Ga 3:12he, lama gemo hane. Ani kavaʼmo huka maime maime uvo alagepa huka maige maige huka maisana yaʼmo aligananagi, huno ha paiʼnigeno 29agaemo avagage osisigeno agiʼamo alagepa huno hanesiyafeʼmo Yesufeʼmo hunoʼaeʼmo, nahaopaleʼmo maiʼniya vekamo ina laʼae, huno ge huno afi geʼniye.
30Yesuʼa hunoʼaeʼmo, mago vekamo Yulusalemu taonifatiʼmo eno Yeliko taonifiʼmo uno lamisiyafeʼmo eʼniye. Kategamo neʼvigeʼapaeʼmo kumaya alisayafeʼmo neʼapamagiya vayaʼmogi eʼa atafauʼa kukenaʼamo asagiʼa aliteʼa amagiʼa ateʼa uʼnageno faligefeʼmo huʼniye. 31Ani afinaʼmo mago vekamo mono huno neʼapateya vekamo ani kateʼmo uno ageteno ka agiʼnaletiʼmo aino kalaeno uʼniye. 32Ani kavaʼmo huno mago Livai nofi vekamo mono aliʼyaʼmo neʼaliya vekamo eno ageteno ka agiʼnaletiʼmo aino kalaeno uʼniye. 33Agegeʼana ataleʼana uʼnaʼaʼmonanafa mago Sameliya vekamoʼmo eno agetenoʼaeʼmo hau huno ateteno 34uno amagiʼnaya yateʼmo uveliʼe nofi alagafati anitetiʼeʼmo lakino faleno ateteno hayaeno ateteno noki afuʼamo agotofuleʼmo asagauno faino ateteno avalelineno nata vayaʼmo eʼa nehavaya nopiʼmo ateteno yagaino ateʼniye. 35Egaʼamo monimo ani eʼa nehavaya noteʼmo neʼyagaiya vekamo amitenoʼaeʼmo, alagepa huka yagaika ato. Henagaʼamo hukaeʼmo, magoʼe monimo aliguve, huka hisanaʼmoʼmo esuva afinaʼmo kamiguve, huno ha paiʼniye, huno huteno Yesuʼa ani vekaeʼmo hunoʼaeʼmo, 36loleʼe magoʼe vayapatiʼmo kumaya vayaʼmogi amagiʼnaya vekamo haopaleʼmo maiʼniya vekamo haiya vekae, huno ge huno afi geʼnigenoʼaeʼmo, 37hau huno ateʼniya vekae, huno ha paiʼnigenoʼaeʼmo, uka ani agufa kavaʼmo huvo, huno ha paiʼniye.
Yesuʼa Matagani Maliyagani nopiʼmo uno haino maiʼniya gemae
38Henagaʼamo Yesuʼe geʼamo neʼafiya vayaʼeʼmo Yulusalemu taonifiʼmo ugefeʼmo neʼuʼapaeʼmo mago taonifiʼmo uʼa avaʼyi huʼnagenoʼaeʼmo mago aʼmo agiʼamo Mataʼa alino falu fala huno ateteno noʼafiʼmo avalelino uno haiʼniye. 39#Yo 11:1; 12:2-3; Lo 10:17Yesuʼa uno haino maiʼnigenoʼaeʼmo Mata aganaʼamoʼmo Maliyaʼa Yesu aiyafiʼmo maiʼneno huʼniya gemo afiʼniye. 40Afiʼniyaʼmonanafa Mataʼa lusi neʼyaʼmo yagita hisiyafeʼmo agesamo afitenoʼaeʼmo hauʼe hauʼe huteno eno Yesufeʼmo hunoʼaeʼmo, Ala kava nene, huno, naganaʼnimoʼmo nataleʼnigeʼna nagaiʼnigeʼmo aliʼyaʼmo neʼaluva kavafeʼmo kagesamo noʼafipiye. Uka atokamoʼmo haʼmao, huka ha paiyo, huno ha paiʼnigenoʼaeʼmo, 41#Sam 27:4Matao, Matao, huno, muki kavafeʼmo kagesa alaʼamo afiʼnanageno kaipamoʼmo atete nehiyaʼmonanafa alagepa huka maisana yaʼmo alisana yaʼmo magoke yaʼmo haneʼniye. 42#Mt 6:33; Yo 10:27; Lu 8:12Maliyaʼa ani alagepa yafekeʼmo agesamo afiteno ago lekana paino aliʼniyaʼmofeʼmo mago vekamoʼmo ayapatiʼmo alino hafaleno oʼatalegaiye, huno ha paiʼniye.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2013, Wycliffe Bible Translators, Inc. All rights reserved.