یارادیلیش 2
2
1بله‌جه گؤیلر و یر، و اوراداکی هر شی تاماملاندی. 2تاری یدّئنجی گونه قدر گؤردویو ائشلری باشا چاتدیردی و یدّئنجی گون اتدئیی هر ائشدن ائستئراحت اتدی. 3تاری یدّئنجی گونه برکت ورئب، اونو تقدئس اتدی، چونکی او گونده او، یاراتدیغی و دوزَلتدئیی بوتون خئلقت ائشئندن ائستئراحت اتدی.
آدَم و حَوّا عدن باغیندا
4بودور گؤیلر و یرئن یارانماسینین روایتی، او گونده کی، رب تاری یِر و گؤیو یاراتدی. 5یر اوزونده حله بئر بئتکی یوخ ائدی، هچ بئر اوت دا حله بئتمه‌مئشدی، چونکی رب تاری یر اوزونه حله یاغیش یاغدیرمامیشدی و تورپاغی بِجَرَن آدام دا یوخ ائدی. 6آنجاق یردن سو بولاقلاری#2:6 و یا بوخار چیخیردی و بوتون تورپاغی سولاییردی. 7رب تاری آداما یِرئن تورپاغیندان شکئل وردی و اونون بورنونا حیات نَفَسی اوفوردو. بله‌جه آدام جانلی بئر وارلیق اولدو.
8رب تاری شرق سمتئنده، عدنده بئر باغ تئکدی و شکئل وردئیی آدامی اورایا قویدو. 9رب تاری یردن گؤزل گؤرونوشلو و یمک اوچون یاخشی میوه‌لی جوربه‌جور آغاجلار یتئشئردی. باغین اورتاسیندا حیات آغاجی و خیئرله شری بئلمه آغاجی دا وار ائدی.
10باغی سووارماق اوچون عدندن بئر چای آخیردی، و اورادا بؤلونوب دؤرد چای اولوردو. 11بئرئنجی چایین آدی پئشوندور. او قیزیل چیخان بوتون «خَوئلا» اؤلکه‌سئنه آخیر. 12بو اؤلکه‌نئن قیزیلی یاخشیدیر. عطئرلی قَطران و دامارلی عقئق داشی دا اله بورادادیر. 13ائکئنجی چایین آدی گئخوندور. بوتون کوش اؤلکه‌سئنه آخیر. 14اوچونجو چایین آدی دَجله‌دئر. آشور شرقئنه آخیر. دؤردونجو چای فَراتدیر.
15رب تاری آدامی گؤتوروب عدن باغینا قویدو کی، اورانی بِجَرئب ساخلاسین. 16رب تاری آداما امر ادئب ددی: «باغین هر آغاجیندان ائستیه‌سن، یئیه بئلرسن. 17آنجاق خیئرله شری بئلمه آغاجینین میوه‌سئندن یمیه‌جکسن، چونکی اوندان یئین واخت قطعن اؤله‌جکسن.»
18رب تاری گئنه ددی: «آدام اوچون یاخشی دیئل کی، تک قالسین، من اونا موناسئب بئر کؤمکچی یاراداجاغام.» 19رب تاری بوتون وحشی حیوانلارا و گؤیده‌کی بوتون قوشلارا تورپاقدان شکئل وردی و اونلاری آدامین یانینا گتئردی کی، اونلارا نه آد وره‌جیئنی گؤرسون. آدام هر جانلی مخلوقا هانسی آدی قویدو، او جور ده آدلاندی. 20آدام بوتون مال-حیوانا، گؤیده‌کی قوشلارا، چؤلون وحشی حیوانلارینا آد وردی، آمّا آدَمه موناسئب بئر کؤمکچی تاپیلمادی. 21او زامان رب تاری آداما آغیر بئر یوخو گؤندَ‌ردی و او، یوخویا گتدی. اوندا رب تاری اونون قابیرقا سومویوندن بئرئنی گؤتوردو و یرئنی اَتله اؤرتدو. 22رب تاری آدامدان گؤتوردویو قابیرقا سومویوندن آروادی یاراتدی و اونو آدامین یانینا گتئردی. 23آدام ددی:
نهایت، سومویومدن آلینمیش سوموک،
اَتئمدن آلینمیش اَت.
اونا «آرواد»#2:23 عئبرانی دئلئنده آرواد کلمه‌سی «ائشّا»، آدام کلمه‌سی ائشدن گلئر. دیئله‌جکدئر،
چونکی او کئشئدن گؤتورولوب.
24بونا گؤره ده کئشی اؤز آتا-آناسیندان آیریلاجاق، اؤز آروادینا یاپیشاجاق و اونلار بئر بدن اولاجاقلار. 25آدام و آروادی، ائکئسی ده لوت ائدئلر، آمّا بوندان اوتانمیردیلار.
Избрани в момента:
یارادیلیش 2: موقدس کتاب
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Elam Ministries 2013. All rights reserved.