Markus 7:6-7

Ma Yesus manyao bilang, “Bosong ni, memang orang yang omong laen bekin laen! Dari dolu baꞌi Yesaya su tulis Tuhan Allah pung pasán bilang, ‘Ini orang dong puji sang Beta, cuma deng mulu sa, ma sonde deng hati. Dong bekin bagitu, ju parcuma sa. Dong angka manusia pung atoran, sama ke itu atoran turun dari Beta. Padahal bukan Beta yang bekin itu atoran.’ Bosong ju sama deng itu.