San Mateo 21
21
Jesús‑ni uta'abie lhe'esi Jerusalén‑ni
(Mr. 11:1-11; Lc. 19:28-40; Jn. 12:12-19)
1Tti chi dabiga Jesús‑ni len ka benne rudhetinieha lhe'esi Jerusalén‑ni, nianna bisinke lhe'esi Betfagé ata do i'iya ata daa ka ya olivuha. Nianna tti udhelhe chupa ka benne rudhetinieha, 2nna ree ka benneha:
―Gwaltsia lhe'e yiesi to re arlori'i‑ni. Naa saxxakale ttu burru nalhana, na'aya xi'inni. Gwalidhasi na nna gwaltá lenkana. 3Ganna nuxa gana le bixa, gwaligasi na: “Jesús benne anke Xxanari'iha‑ba riyasanie ka nuní nna gweteka'an ttebe kana.”
4Aníha uka ki gwado tisa ge nu unne benne uke profeta ge Tata Do Yebáha, tti ree:
5Gwaligasi ka benne lhe'esi Sión‑ni:
“Gwaluyúruga. Ne benne innabie leha chi daa naa.
Labí ra xxeni lebie; dabie doe kwe'e ttu burru to,
ttu burru kwiti to ankana xi'in ttu burru chi ruja yua.”
6Ka benne rudhetinieha nna ugíake lhe'esiha nna benbake atti tteba ra Jesús‑ni ke. 7Gwaxxíbake burruha lenna xi'inniha, nianna tti uxxuake ka xokeha kwe'e ka nuha, nianna tti udoe. 8Ixe juisiru ka benne ribeake ka xokeha nna ritsilake lo nedaha kini ritebie, adíke nna lo ka yaga daa niha‑ba rigitsake nna ritsilake lo nedaha. 9Ka benne danalhaha lhe ka benne daneruha lhe ribesi'abake ráke:
―¡Xxeni ra lelu! ¡Lu ankalu Benne datia David! ¡Karubárulu! ¡Lu ankalu benne udhelha Tata Xisiha! ¡Xxeniba ra lelu xa Tata Do Yebaa!
10Tti chi uta'a Jesús‑ni lhe'esi Jerusalén‑ni nna bisatsa tteba iyába ka benne lhe'esiha nna rinnaba tisa luesike, ráke:
―¿Nú benne nuná daa naa?
11Ka benne danalhake bieha nna ráke:
―Jesús ge lhe'esi Nazaret nu rena daka Galilea‑niba benne‑ni. Benne‑ni anke profeta ge Tata Do Yebáha.
Jesús‑ni bochesue ka nu se'ekana gwetto'o lali'a yotuha
(Mr. 11:15-19; Lc. 19:45-48; Jn. 2:13-22)
12Atti uta'a Jesús‑ni lali'a yotu ge Tata Do Yebáha, bochesue ka nu se'e gwetto'o lali'a ge yotuha lhe ka nu yu'u ugo'oha lhe. Nianna berixxi loe ka mexa ge ka nu se'e gwetsea belhuha lhe ka xxila rise'e ka nu rutto'o ka bechaha lhe. 13Labie nna ree kana:
―Tata Do Yebáha lo ka yetsi geeha ree: “Yo'o kia‑ni ixúe kini ilhapi ka benne tisa len neti.” Ttaka lebi'i nna ttiba belea ata yu'u ka ubanala chi reyoinle yotu‑ni.
14Ro'o yotuha ubiga ka benne xua loke lhe ka benne ridá natsa lhe, ubigake ata do Jesús‑ni. Lee nna gwa beyoinbe ke. 15Ttaka ka nu loni ge ka bixxudiha lhe ka nu rule'ekinna ka benne nu ra lo bia bennabi bodha'an Moisés‑ni, yalhá bisa'akinna tti bilákinna ka nu rebaninri'i geni ruin Jesús‑ni lhe tti biyienkinna ge ka nuto yu'u ro'o yotuha ribesi'akana, rákana: “¡Xxeniba ra le Benne datie David‑ni!” 16Nianna tti rákane:
―¿Si gwa riyieninlu nu ra ka nuto‑na?
Lee nna bekabie ree:
―Gwa rien galáti. ¿Si lagwa chi belabale lo ka yetsi ge Tata Do Yebáha ata dia ra:
Ka nuto elha to‑na lhe ka nuto sa rasina lhe,
ka nuná chi benlu kini ulhakana le'a gelu?
17Niha‑ba bese'e Jesús‑ni kana nna bedábie lhe'esi Jerusalén‑ni nna die bisine lhe'esi Betania. Lhe'esi Betania‑ba beya'ane loolhaha.
Jesús‑ni benie kini ubisi ya higuha
(Mr. 11:12-14, 20-26)
18Ugwani dilaha tti beyeki Jesús‑ni deyu'e neda deyye lhe'esi Jerusalén‑ni, nianna tti ugwetti bitunie. 19Ro'o nedaha bilánie du ttu ya higu. Nianna ubige ata du nuha, ttaka labí gwaxxake higu loni, sunruba lhaga geni sia. Nianna tti belise ya higuha, ree na:
―¡Ni tsa labíru kwia nu xixxi gelu!
Looraha tteba nna ubisi tteba yagaha. 20Ka benne rudhetinieha nna tti bilákanie nu ukaha nna bebanabakanie. Nianna tti ráke:
―¿Gasina nna ttu nnelaba chi bibisi ya higu‑ni?
21Jesús‑ni nna bekabie ree:
―Netiru ria, ganna ruxxen tsitsi lele ge Tata Do Yebáha nna abittu rudú chupana lele deki gwakaba nu innabaleha, la'ania nna alaa suna luesi nu benia len ya higu‑niruga gwaka gele uinle, gwakagaba gele gale i'iya do naa: “Ubi'etta ata dolu‑na nna ugía gwaxxudi lhe'e indatooha.” La'ania nna gwakaba nu innáleha. 22Laxkala iyába nu innabale atti innele len Tata Do Yebáha, ganna gwalíga ruxxen tsitsi lele ge benneha deki gwadíbale nu rinnabaleha, la'ania nna gwadíbale nuha.
Jesús‑ni rinnaba tisakane nú begwene lo neda kini runie ka nu runieha
(Mr. 11:27-33; Lc. 20:1-8)
23Jesús‑ni bisine ro'o yotuha nna laka due rule'enie ka benne, nianna tti bisin ka nu loni ge ka bixxudiha lhe ka benneola ge ka nu Israel‑ni lhe, nianna rákane:
―¿Bí lo neda nuná rapalu ki ruinlu ka nu ruinlu‑na? ¿Núla betena lo neda gelu kini ruinlu aná?
24Jesús‑ni nna bekabie, ree kana:
―Anágaba neti innaba tisagabaa le ttu bixa. Ganna lebi'i ekabile ge nu innaba tisaa le, la'ania nna neti gwagixxi'agabania le nú betena lo neda len neti kini runia ka nu runia‑ni. 25Gwalinná sanga, ¿nú iki biria ki begadi Juan‑ni ka benne inda? ¿Si iki Tata Do Yebáha ak? ¿Iki ka benne se'e yiesi lo yu‑ni ak?
Nianna tti udulokana ra luesikani:
―Ganna gari'i na: Tata Do Yebáha‑ba betebie lo neda len benneha, la'ania nna innána: “¿Beakala nna a ugía lele ge benneha ganna?” 26Nna ganna innári'i: Ka benne se'e yiesi lo yu‑niba udhelhake benneha, ttaka rasibinri'i ka ebi'i noo ka benne ri'i, kumu iyábake ráke deki Juan‑ni uke ttu profeta ge Tata Do Yebáha.
27Nianna tti bekabikana ge Jesús‑ni, rákana:
―Labí yutu nuxa udhelhana benneha.
Jesús‑ni nna ree kana:
―Anágaba neti bittugaba kixxi'ania le nú rutena lo neda len neti ki runia aní.
Jesús‑ni rigixxi'abie ge chupa ka nu kwiti
28Rágaba Jesús‑ni ka nu loni ge ka bixxudiha lhe ka benneola ge ka nu Israel‑ni lhe:
―¿Bí rakinle ge nu kixxi'aya‑ni? Udo ttu nubiyú use'e chupa ka xi'in biyúni. Nianna rana xi'in biyú neru geniha: “Xi'ini to, ugía gwachen sina lhe'e ya uva kiaha nasá.” 29Nu kwitiha nna bekabina rana: “Labí tsia neti.” Ttaka delola nna beleninna nna gwa ugíabana. 30Nianna tti ubiga xxudiha nna nuha‑gaba redeana attu xi'in biyúniha. Nuha nna bekabina rana: “Gwaya'abaa xa tata.” Ttaka labí ugíana.
31Nianna tti redea Jesús‑ni ka bixxudiha lhe ka benneolaha lhe:
―¿Nú ka nuha rakinle gwa benkana nu ra xxudikaniha ganna?
Lakana nna rákana:
―Xi'in biyú neru geniha.
Jesús‑ni nna redeabie kana:
―Netiru ria, ka gwekixa‑na lhe ka nuila rutto'o latikinna, nnelarula dhielha ka nuná akakana ka nu innabia Tata Do Yebáha kana attichula lebi'i. 32Aná ria, kumu Juan benne begadi indaha gwa bitaba benneha bele'enie le ttu neda tse, ttaka lebi'i nna labí ugía lele gebie. Ka gwekixa‑na lhe ka nuila rutto'o latikinna nna gwa ugíaba lekani gebie. Lebi'i nna meskiba gwa bilenle iyá nu ben benneha nna labí bodúna le ge nu ruinle kini tsia lele gebie.
Jesús‑ni rigixxi'abie ge ka nu ruin satsa riben lo yuha
(Mr. 12:1-12; Lc. 20:9-19)
33’Gwaludoruga nagale kixxi'aya attu nu raka lasia unale ge ttu benne beyade ka ya uva lo yu geeha. Nianna bedheabie abi'iba ro'o yuha nna tti ulekie ttu xieru lagwi ge yuha ata idhie uvaha. Bedogabe ttu yo'o ttu nu yadha kini dho benne ulatsie ki anuttu nu salhidana uvaha. Nianna bete ganne yuha len ka nu kwenkana nuha, nna tti biriabie diabie idittu. 34Tti chi bisia sá exú uvaha nna udhelha ttebe ka benne riben lo sina geeha, udhelhe ke ata se'e ka nu riben lo yu geeha kini utekana nu ralhe dhie ge yuha. 35Ttaka ka nu riben lo yuha nna bedaxxulakana ka benne udhelheha: ttu ka benneha benkane gwe, attue nna tsa ttela bettikane nna benne beyonnaha nna besiakane íyya. 36Iki de nuha nna benne anka xxana yuha udhelharue adí ka benne riben lo sina geeha. Adírula ixeke udhelhe attichula ka benne udhelhe sisi'a tteha, ttaka ka nu riben lo yuha nna aníha‑gaba bododhakakana ka benneha.
37’Iki deliba nuha nna tti udhelhe kwinaga xi'in biyúeha, kumu rakanie: “Xi'inia‑niligaba nna gweyya lekanie.” 38Ttaka tti bilákin nu riben lo yuha xi'in biyúeha, nianna ra luesikani: “Lana nuná eya'anna lo yu‑ni. Uttiri'i na kini eya'anri'i len yu‑ni.” 39Nianna tti bedaxxukana benne kwitiha, uleakane ro'o yuha nna bettikane.
40Nianna tti ra Jesús‑ni ka nu loni ge ka bixxudiha lhe ka benneola ge ka nu Israel‑ni lhe:
―Ganna chi esia xxana yuha, ¿bí rakinle udhake ka nu urenkana lo yu geeha?
41Lakana nna rákana:
―Labí satua lebie ka nu runi satsaha, uttibe ka nuha. Nianna tti utebie yu geeha len ka nu subi ki kwenkana nuha, ki ugwekane nu ralhe dhie ganna chi isia sá exú nu xixxi ge ka yagaha.
42Jesús‑ni nna ree kana:
―¿Si niba tsa abittu chi belabale lo ka yetsi ge Tata Do Yebáha ata dia ra:
Íyya nu ulu'u ni'a ka nu rukuakana yo'oha,
íyyaha‑la nuha chi bisinna beyakana nu rixúru.
Tata Xisiha‑ba benie kini uka aní
nna rebanabinri'i rilenri'i nu benie?
43De nuha nna neti ria le, Tata Do Yebáha kuabe lo neda gele kini abitturu akale ka nu innabie. Ka benne uinke nu tsu'u lebie, ka benneha nuha gwa ralhake akake ka benne innabie. 44Laxkala nuxaba benne ganna ibixxie iki íyya nu ulu'u ni'akaniha, tuttíruba iyuya benneha lhe anágaba ganna ttixka íyyaha iginnina iki ttu benne, utsutsa tábana benneha.
45Tti biyienin ka nu loni ge ka bixxudiha lhe ka fariseo‑ni lhe nu ra Jesús‑ni, nianna tti ute dákinna deki labakana nuha rutanie nu reeha. 46Nianna benkana deki udaxxukane, ttaka usibakinna ge ka benne, kumu iyába ka benne rakakanie deki Jesús‑ni anke ttu profeta ge Tata Do Yebáha.
Избрани в момента:
San Mateo 21: zae
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2014, Wycliffe Bible Translators, Inc. All rights reserved.
San Mateo 21
21
Jesús‑ni uta'abie lhe'esi Jerusalén‑ni
(Mr. 11:1-11; Lc. 19:28-40; Jn. 12:12-19)
1Tti chi dabiga Jesús‑ni len ka benne rudhetinieha lhe'esi Jerusalén‑ni, nianna bisinke lhe'esi Betfagé ata do i'iya ata daa ka ya olivuha. Nianna tti udhelhe chupa ka benne rudhetinieha, 2nna ree ka benneha:
―Gwaltsia lhe'e yiesi to re arlori'i‑ni. Naa saxxakale ttu burru nalhana, na'aya xi'inni. Gwalidhasi na nna gwaltá lenkana. 3Ganna nuxa gana le bixa, gwaligasi na: “Jesús benne anke Xxanari'iha‑ba riyasanie ka nuní nna gweteka'an ttebe kana.”
4Aníha uka ki gwado tisa ge nu unne benne uke profeta ge Tata Do Yebáha, tti ree:
5Gwaligasi ka benne lhe'esi Sión‑ni:
“Gwaluyúruga. Ne benne innabie leha chi daa naa.
Labí ra xxeni lebie; dabie doe kwe'e ttu burru to,
ttu burru kwiti to ankana xi'in ttu burru chi ruja yua.”
6Ka benne rudhetinieha nna ugíake lhe'esiha nna benbake atti tteba ra Jesús‑ni ke. 7Gwaxxíbake burruha lenna xi'inniha, nianna tti uxxuake ka xokeha kwe'e ka nuha, nianna tti udoe. 8Ixe juisiru ka benne ribeake ka xokeha nna ritsilake lo nedaha kini ritebie, adíke nna lo ka yaga daa niha‑ba rigitsake nna ritsilake lo nedaha. 9Ka benne danalhaha lhe ka benne daneruha lhe ribesi'abake ráke:
―¡Xxeni ra lelu! ¡Lu ankalu Benne datia David! ¡Karubárulu! ¡Lu ankalu benne udhelha Tata Xisiha! ¡Xxeniba ra lelu xa Tata Do Yebaa!
10Tti chi uta'a Jesús‑ni lhe'esi Jerusalén‑ni nna bisatsa tteba iyába ka benne lhe'esiha nna rinnaba tisa luesike, ráke:
―¿Nú benne nuná daa naa?
11Ka benne danalhake bieha nna ráke:
―Jesús ge lhe'esi Nazaret nu rena daka Galilea‑niba benne‑ni. Benne‑ni anke profeta ge Tata Do Yebáha.
Jesús‑ni bochesue ka nu se'ekana gwetto'o lali'a yotuha
(Mr. 11:15-19; Lc. 19:45-48; Jn. 2:13-22)
12Atti uta'a Jesús‑ni lali'a yotu ge Tata Do Yebáha, bochesue ka nu se'e gwetto'o lali'a ge yotuha lhe ka nu yu'u ugo'oha lhe. Nianna berixxi loe ka mexa ge ka nu se'e gwetsea belhuha lhe ka xxila rise'e ka nu rutto'o ka bechaha lhe. 13Labie nna ree kana:
―Tata Do Yebáha lo ka yetsi geeha ree: “Yo'o kia‑ni ixúe kini ilhapi ka benne tisa len neti.” Ttaka lebi'i nna ttiba belea ata yu'u ka ubanala chi reyoinle yotu‑ni.
14Ro'o yotuha ubiga ka benne xua loke lhe ka benne ridá natsa lhe, ubigake ata do Jesús‑ni. Lee nna gwa beyoinbe ke. 15Ttaka ka nu loni ge ka bixxudiha lhe ka nu rule'ekinna ka benne nu ra lo bia bennabi bodha'an Moisés‑ni, yalhá bisa'akinna tti bilákinna ka nu rebaninri'i geni ruin Jesús‑ni lhe tti biyienkinna ge ka nuto yu'u ro'o yotuha ribesi'akana, rákana: “¡Xxeniba ra le Benne datie David‑ni!” 16Nianna tti rákane:
―¿Si gwa riyieninlu nu ra ka nuto‑na?
Lee nna bekabie ree:
―Gwa rien galáti. ¿Si lagwa chi belabale lo ka yetsi ge Tata Do Yebáha ata dia ra:
Ka nuto elha to‑na lhe ka nuto sa rasina lhe,
ka nuná chi benlu kini ulhakana le'a gelu?
17Niha‑ba bese'e Jesús‑ni kana nna bedábie lhe'esi Jerusalén‑ni nna die bisine lhe'esi Betania. Lhe'esi Betania‑ba beya'ane loolhaha.
Jesús‑ni benie kini ubisi ya higuha
(Mr. 11:12-14, 20-26)
18Ugwani dilaha tti beyeki Jesús‑ni deyu'e neda deyye lhe'esi Jerusalén‑ni, nianna tti ugwetti bitunie. 19Ro'o nedaha bilánie du ttu ya higu. Nianna ubige ata du nuha, ttaka labí gwaxxake higu loni, sunruba lhaga geni sia. Nianna tti belise ya higuha, ree na:
―¡Ni tsa labíru kwia nu xixxi gelu!
Looraha tteba nna ubisi tteba yagaha. 20Ka benne rudhetinieha nna tti bilákanie nu ukaha nna bebanabakanie. Nianna tti ráke:
―¿Gasina nna ttu nnelaba chi bibisi ya higu‑ni?
21Jesús‑ni nna bekabie ree:
―Netiru ria, ganna ruxxen tsitsi lele ge Tata Do Yebáha nna abittu rudú chupana lele deki gwakaba nu innabaleha, la'ania nna alaa suna luesi nu benia len ya higu‑niruga gwaka gele uinle, gwakagaba gele gale i'iya do naa: “Ubi'etta ata dolu‑na nna ugía gwaxxudi lhe'e indatooha.” La'ania nna gwakaba nu innáleha. 22Laxkala iyába nu innabale atti innele len Tata Do Yebáha, ganna gwalíga ruxxen tsitsi lele ge benneha deki gwadíbale nu rinnabaleha, la'ania nna gwadíbale nuha.
Jesús‑ni rinnaba tisakane nú begwene lo neda kini runie ka nu runieha
(Mr. 11:27-33; Lc. 20:1-8)
23Jesús‑ni bisine ro'o yotuha nna laka due rule'enie ka benne, nianna tti bisin ka nu loni ge ka bixxudiha lhe ka benneola ge ka nu Israel‑ni lhe, nianna rákane:
―¿Bí lo neda nuná rapalu ki ruinlu ka nu ruinlu‑na? ¿Núla betena lo neda gelu kini ruinlu aná?
24Jesús‑ni nna bekabie, ree kana:
―Anágaba neti innaba tisagabaa le ttu bixa. Ganna lebi'i ekabile ge nu innaba tisaa le, la'ania nna neti gwagixxi'agabania le nú betena lo neda len neti kini runia ka nu runia‑ni. 25Gwalinná sanga, ¿nú iki biria ki begadi Juan‑ni ka benne inda? ¿Si iki Tata Do Yebáha ak? ¿Iki ka benne se'e yiesi lo yu‑ni ak?
Nianna tti udulokana ra luesikani:
―Ganna gari'i na: Tata Do Yebáha‑ba betebie lo neda len benneha, la'ania nna innána: “¿Beakala nna a ugía lele ge benneha ganna?” 26Nna ganna innári'i: Ka benne se'e yiesi lo yu‑niba udhelhake benneha, ttaka rasibinri'i ka ebi'i noo ka benne ri'i, kumu iyábake ráke deki Juan‑ni uke ttu profeta ge Tata Do Yebáha.
27Nianna tti bekabikana ge Jesús‑ni, rákana:
―Labí yutu nuxa udhelhana benneha.
Jesús‑ni nna ree kana:
―Anágaba neti bittugaba kixxi'ania le nú rutena lo neda len neti ki runia aní.
Jesús‑ni rigixxi'abie ge chupa ka nu kwiti
28Rágaba Jesús‑ni ka nu loni ge ka bixxudiha lhe ka benneola ge ka nu Israel‑ni lhe:
―¿Bí rakinle ge nu kixxi'aya‑ni? Udo ttu nubiyú use'e chupa ka xi'in biyúni. Nianna rana xi'in biyú neru geniha: “Xi'ini to, ugía gwachen sina lhe'e ya uva kiaha nasá.” 29Nu kwitiha nna bekabina rana: “Labí tsia neti.” Ttaka delola nna beleninna nna gwa ugíabana. 30Nianna tti ubiga xxudiha nna nuha‑gaba redeana attu xi'in biyúniha. Nuha nna bekabina rana: “Gwaya'abaa xa tata.” Ttaka labí ugíana.
31Nianna tti redea Jesús‑ni ka bixxudiha lhe ka benneolaha lhe:
―¿Nú ka nuha rakinle gwa benkana nu ra xxudikaniha ganna?
Lakana nna rákana:
―Xi'in biyú neru geniha.
Jesús‑ni nna redeabie kana:
―Netiru ria, ka gwekixa‑na lhe ka nuila rutto'o latikinna, nnelarula dhielha ka nuná akakana ka nu innabia Tata Do Yebáha kana attichula lebi'i. 32Aná ria, kumu Juan benne begadi indaha gwa bitaba benneha bele'enie le ttu neda tse, ttaka lebi'i nna labí ugía lele gebie. Ka gwekixa‑na lhe ka nuila rutto'o latikinna nna gwa ugíaba lekani gebie. Lebi'i nna meskiba gwa bilenle iyá nu ben benneha nna labí bodúna le ge nu ruinle kini tsia lele gebie.
Jesús‑ni rigixxi'abie ge ka nu ruin satsa riben lo yuha
(Mr. 12:1-12; Lc. 20:9-19)
33’Gwaludoruga nagale kixxi'aya attu nu raka lasia unale ge ttu benne beyade ka ya uva lo yu geeha. Nianna bedheabie abi'iba ro'o yuha nna tti ulekie ttu xieru lagwi ge yuha ata idhie uvaha. Bedogabe ttu yo'o ttu nu yadha kini dho benne ulatsie ki anuttu nu salhidana uvaha. Nianna bete ganne yuha len ka nu kwenkana nuha, nna tti biriabie diabie idittu. 34Tti chi bisia sá exú uvaha nna udhelha ttebe ka benne riben lo sina geeha, udhelhe ke ata se'e ka nu riben lo yu geeha kini utekana nu ralhe dhie ge yuha. 35Ttaka ka nu riben lo yuha nna bedaxxulakana ka benne udhelheha: ttu ka benneha benkane gwe, attue nna tsa ttela bettikane nna benne beyonnaha nna besiakane íyya. 36Iki de nuha nna benne anka xxana yuha udhelharue adí ka benne riben lo sina geeha. Adírula ixeke udhelhe attichula ka benne udhelhe sisi'a tteha, ttaka ka nu riben lo yuha nna aníha‑gaba bododhakakana ka benneha.
37’Iki deliba nuha nna tti udhelhe kwinaga xi'in biyúeha, kumu rakanie: “Xi'inia‑niligaba nna gweyya lekanie.” 38Ttaka tti bilákin nu riben lo yuha xi'in biyúeha, nianna ra luesikani: “Lana nuná eya'anna lo yu‑ni. Uttiri'i na kini eya'anri'i len yu‑ni.” 39Nianna tti bedaxxukana benne kwitiha, uleakane ro'o yuha nna bettikane.
40Nianna tti ra Jesús‑ni ka nu loni ge ka bixxudiha lhe ka benneola ge ka nu Israel‑ni lhe:
―Ganna chi esia xxana yuha, ¿bí rakinle udhake ka nu urenkana lo yu geeha?
41Lakana nna rákana:
―Labí satua lebie ka nu runi satsaha, uttibe ka nuha. Nianna tti utebie yu geeha len ka nu subi ki kwenkana nuha, ki ugwekane nu ralhe dhie ganna chi isia sá exú nu xixxi ge ka yagaha.
42Jesús‑ni nna ree kana:
―¿Si niba tsa abittu chi belabale lo ka yetsi ge Tata Do Yebáha ata dia ra:
Íyya nu ulu'u ni'a ka nu rukuakana yo'oha,
íyyaha‑la nuha chi bisinna beyakana nu rixúru.
Tata Xisiha‑ba benie kini uka aní
nna rebanabinri'i rilenri'i nu benie?
43De nuha nna neti ria le, Tata Do Yebáha kuabe lo neda gele kini abitturu akale ka nu innabie. Ka benne uinke nu tsu'u lebie, ka benneha nuha gwa ralhake akake ka benne innabie. 44Laxkala nuxaba benne ganna ibixxie iki íyya nu ulu'u ni'akaniha, tuttíruba iyuya benneha lhe anágaba ganna ttixka íyyaha iginnina iki ttu benne, utsutsa tábana benneha.
45Tti biyienin ka nu loni ge ka bixxudiha lhe ka fariseo‑ni lhe nu ra Jesús‑ni, nianna tti ute dákinna deki labakana nuha rutanie nu reeha. 46Nianna benkana deki udaxxukane, ttaka usibakinna ge ka benne, kumu iyába ka benne rakakanie deki Jesús‑ni anke ttu profeta ge Tata Do Yebáha.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2014, Wycliffe Bible Translators, Inc. All rights reserved.